لقاء كارثي

لقاء كارثي
أميره أسامه
صاحبة البطل الواحد

~° البارت الثاني و العشرين°~
……………

خلصوا البنات قعدتهم مع بعض و مشيوا علي الساعه 11 ونص و كل واحده فيهم روحت علي بيتها.

اول ما طلعت نادين اتصلت علي ميدو ودي كانت المره الاولي اللي تتصل هي عليه قبل ما هو يكلمها

كان لسه قاعد ميدو مع الشباب اول ما شاف رقمها ابتسم و قام بهدوء بعد ورد عليها.

عسال…..ده الاسم القمر ده اللي نور موبايلي اخيراً

ابتسمت نادين و سكتت

عسال…..لا بجد كان في الاتصال الحلو ده من زمان انا كده بقي اقدر اقول ان التوتر اللي عندك مشي صح

نادين….بأبتسامه جميله و باين عليها الاحراج مش اوي يعني

عسال…..لسه شويه يعني

نادين…..بضحكه جميله يعني شويه
بس هو انت كاتب اسمي ايه صحيح

عسال….بابتسامه جميله تويتي

نادين…..توقعت علي فكره

عسال…..طيب قوليلي الصوت عندك هادي روحتي ولا ايه

نادين…..ايوه لسه طالعه سيبت الحاجه من ايدي و كلمتك علي طول عشان مترجعش تزعل

عسال….اشطر كتكوت يا اخواتي بس بقولك ايه انا مش هزعل انتي عارفه بس يعني كده ببقي متطمن اكتر

نادين….عارفه بس حتي لو هتزعل انا مش عايزه ازعلك

عسال….ليه يعني بتحبيني مثلاً

ابتسمت نادين وغمض عينها اوي و سكتت

عسال…..لا بقولك ايه ردي عليا مش وقت توتر ده سؤال مصيري

نادين….بضحك اشمعني

عسال……هو ايه اللي اشمعني بقولك سؤال مصيري

نادين…..بابتسامه ايوه يعني ليه مصيري

عسال….بيحدد مستقبلي

ضحكت نادين و سكتت تاني

عسال……هاااا قولي يلا بسرعه

نادين….ليه بسرعه مستعجل

عسال…..صراحه اوي يعني.جداً خالص

نادين….بابتسامه طيب اولاً انت عارف الرد ثانياً هقولك السبب اللي مخليني مش عايزه ازعلك

عسال….ايوه ايه هو بقي ؟

نادين…لما كنا في دهب و اتكلمنا في موضوع الزعل انا وقتها سألتك ايه اقصي درجه للزعل عندك لو عملت حاجه تضايقك اوي قولت انك تسكت و قتها انا حسيت ان حتي العقاب ده مش حلو و تقريباً انت عملت حاجه شبهه لما كلمتني و كنت غير متاح كتير و نزلت و مش صحيتك

عسال….بس انا مسكتش و كلمتك عادي

نادين….عارفه بس تقدر تقول اني اكتشفت زعل تاني عندك و هو انك تتكلم و تسأل و تهتم و تعمل كل اللي عليك بس و انت مش مبتسم و باين عليك الزعل و انا اتعودت اشوفك ديما مبتسم

عسال….بابتسامه جميله طيب وانتي عرفتي ازاي اني مكنتش مبتسم اصلاً كنت بكلمك عادي في الموبايل

نادين…..عارفه بس مش لازم اشوفك عشان اعرف انت مبتسم ولا لا اصلاً بيبان علي صوتك زي ما انت مبتسم الوقت

عسال…امممممم عندك حاسه سادسه يعني

نادين…..لا مش كده بس صوتك لوحده يعرفني اذا كنت مبسوط مضايق متعصب متوتر مستعجل

عسال….بضحك مستعجل ازاي بقي

نادين….بضحك يعني بتتكلم بسرعه و بتسأل في حاجه محدده و مش بتفتح اي كلام خالص

عسال….الله ده طلع حاسه سادسه بجد

نادين…..بأبتسامه خالص والله مش كده هو انت ممكن تعرفني من صوتي ولا لا

عسال…..اكيد طبعاً

نادين….طيب يعني مش حاسه سادسه ولا حاجه

عسال…..تمام طيب انا الوقت ايه

نادين…..عادي مبسوط

عسال….عرفتي ازاي بقي ده انا لسه ضارب سلامه

ضحكت نادين علي كلامه

نادين…..لا بس مبسوط بردوا

عسال….انا مبسوط عشان بكلمك يا تويتي

نادين….طيب قولي انا بقي مضايقه ولا مبسوطه

عسال……انتي مينفعش تبقي مضايقه اصلاً لان لو حد فكر يضايقك هموته بس يعني في العموم اكيد مبسوطه لانك كنتي مع البنات و بعدين باين علي صوتك

نادين….بسعاده اممم صح

عسال…..قوليلي بقي القمر بتاعي هيعمل ايه الوقت

نادين….امممم ولا حاجه هشيل كل الحاجه اللي جبتها و كملت بسعاده و جبت سمك جميل خالص

عسال…..بابتسامه خلاص هاكل معاكي

نادين….بضحك لا ده مش اكل ده سمك بجد و حقيقي

عسال….بضحكه عاليه و نظره تجنن بجد وحقيقي ده ايه المعني ده

نادين….بضحك اقصد يعني سمك صاحي.

عسال…..سمك زينه يعني

نادين…..ايوه

عسال…..انتي عندك حوض سمك

نادين…..اممممم بص هو مش حوض سمك

عسال…..امال ايه ؟

نادين…..هو في التربيزه كده بص هو انت مش هتفهم غير لو شوفتها

عسال….طيب انا عايز اشوف

نادين…..اصورهالك يعني.

عسال….لا اشوف بجد اتصل عليكي فديو واشوفك وانتي بتحطيه ولا حطتيه خلاص

نادين….لا لسه مش حطيته بس انا كنت عابزه انضف المكان بتاعه الاول عشان قبل ما نسافر اصلا مش كان عندي غير اخر اتنين كلهم كانوا ماتوا وانا مش جيبت قولت لما ارجع من السفر و اديت الاثنين لزوزو مامت ايمي و الوقت وانا راجعه جيبت بس لسه المكان عايز يتنضف

عسال….طيب خلاص لما تنضفيه بقي بس علي فكره لازم تفضي الاكياس انهارده عشان ميموتوش

نادين…..ايوه انا هشيل بس الحاجه اللي جبتها في المطبخ و انضف التربيزه

عسال…..بابتسامه تمام يا قلبي

نادين….ايه رايك اروح اخلص و لما اجي احطهم اتصل عليك

عسال….موافق جداً خلاص خلصي كل اللي وراكي و اتصلي عليا انا كده كده خلاص همشي يعني علي ما تخلصي كده اكون مشيت

نادين….اوك

عسال…..يلا يا حبيبي روحي و انا مستنيكي

نادين….حاضر باي

عسال….باي يا عمري

قفل معاها عسال وهو مبتسم علي الطفله اللي بتكلموا راح عليهم ملقاش غير حسان و سلامه

عسال….هما فين

سلامه….فضل جوه في الكافيه و عشري و رشيد معاهم تليفون خليكم انتوا عايمين في ماية البطيخ كده و انا و حسان باصين في وش بعض

عسال….بضحك وايه اللي مخليكم تبصوا في وش بعض اتحركوا

حسان….ما خلاص يا عم عسال بقي كفايه تقطيم هتحرك

عسال…..حسان اسمعها مني سلمي مينفعش تضيع من ايدك البنت محترمه و مؤدبه و فيها مميزات كتير حلوه و شبهك جداً

حسان….عارف والله يا عسال و بيني و بينك انا فعلاً اتشديت ليها اوي و لما رجعنا جسيت ان ناقصني حاجه كبيره علي الرغم ان انا وهي محصلش بينا حجات كتير يعني علاقتي بيها كانت عكس علاقتكم كلكم بالبنات كانت اهدأ كتير

عسال…..بس كمان سلمي واضح عليها اوي و بجد يوم المكالمه بتاعت الشات كان باين انها بتضايقك لما انكلمت مع المل واتجاهلتك

حسان….بابتسامه جميله لاحظت و هطلعوا علي عينها اصبر عليا

عسال….بضحك حقك بس لو خدت الخطوه اعمل فيها اللي يعجبك

حسان…..هروحلها بكره والاه بس عشري يجيب العنوان بتاع العياده من ليله

عسال….ان شاء الله خير وانت يا ابو الهول

سلامه…..بغضب طفولي عايز ايه مني

عسال….بضحك اتحرك

سلامه….تصدق بالله و ربنا لو روحتلها لا هرتكب فيها جريمه

عسال….بضحك مش هتقدر

حسان….بضحك تخيل راح و مسكوا في خناق بعض

عسال….بضحك واتخيل ليه انا متوقع اصلا دول جوز مجانين

سلامه…..مش كنت غرقتها وارتاحت انا علي اخر الزمن اتبهدل من الاوزعه دي

عسال…..بضحك بقولك ايه يا حسان سلامه وقع

حسان….بضحك وقع علي بوزه و بيكابر الحمار

سلامه…..الله يحرقكم.يا جدع انت ليه حمار هاااا انا نفسي اعرف انتوا شايفيني بودان وديل

عسال….بضحك هتفضل حمار كده لحد ما تتحرك

سلامه….هتحرك و بكره بقي ابقوا افرحوا بالحمار و هو صورته علي صفحه الحوادث بعنوان سفاح التجمع رقم اتنين

فضلوا يضحكوا عليه.

عند رشيد..

رشيد…..حبيبتي يا زوزو والله ما اقدر استغني

زوزو…..خلاص هنشوف عموما يعني مش هدبسك في ايمي انا عزماك عادي

ايمي….بضحك هاتي كده انتي غلط تمسكي تليفون زي الخلق اصلا يا ساتر عليكي فضيحه.

رشيد….بضحك مالك و مالها يا رخمه

ايمي….اه ما هو علي هواك اللي بيحصل ده

رشيد….انا بس عندي فضول اعرف زوزو عايزه تخلص منك ليه يمكن في عيب كده ولا كده

ايمي….عيب في عينك انت تطول

رشيد….بضحك بس يا اوزعه

ايمي….بضحك بقولك ايه اتلم

رشيد….انت مالك انهارده مش علي بعضك.ليه و بتخانق دبان وشك

ايمي…..هو كده مش طايقه نفسي و لا طيقاكم

رشيد….طيب ليه بس مش كنتي مع البنات يعني اكيد اتبسطتي

ايمي…..اه اتبسطت بس مش طايقه البنات كمان هااا

رشيد….بضحك ايه هرمونات

ايمي…..بضحك احترم نفسك

رشيد….الله بسأل سؤال برئ

ايمي….بابتسامه جميله وبتسأل ليه يا رخم

رشيد…..عشان اعمل حسابي و متفاجئش بعد الجواز و ابعد عنك خالص و قت هرموناتك دي عشان متضربش

ايمي….بضحك طيب خاف علي نفسك بقي

رشيد…..بضحك خلاص كده عرفنا كل شهر اوديكي اسبوع عند زوزو تقعدي معاهم شويه

ايمي….بضحك ليه ان شاء الله انت مجبر تتحملني في كل احوالي و بعدين يا قليل الادب انا مقولتش انها هرمونات هو ايه اللي كده عرفنا

رشيد…..لا ما انا عارف ايمي الهاديه الرايقه اللي عندخا دماغ عاليه بس بصراحه اول مره اتعرف علي ايمي اللي بتتخانق مع دبان وشها دي فا طبيعي تكون هرمونات

ايمي….بضحك رشيد هقفل في وشك

رشيد….بحب ضحك لا لا خلاص بس بقولك ايه واحده مسكن بقي و حاجه دافيه تهدي الهرمونات ها

ايمي…..بضحك واحراج لا انت عايز يتقفل في وشك بجد

رشيد….والله بحبك

ايمي….بضحك وانا بكرهك

رشيد….بضحك وانا راضي لاجل الهرمونات دي

ايمي….بضحك طب امشي يا رشيييييد

رشيد….عليكي واحده رشيد بتجيب اجل امي

ايمي….بضحك انت روحت و لا هتفضل صايع مع صحابك كده

رشيد….هفضل صايع مع صحابي كده اصل بصراحه في حتت موزه في التربيزه اللي قدامنا مقولكيش بقي

ايمي…..حبيبييييي اشبع بيها

رشيد….بضحك ياريت اصلها قمر

ايمي….بضحك رشيد بلاش تجرب هرموناتي و لساني الطويل في نفس اليوم خلي كل يوم حاجه عشان ميبقاش في روتين

رشيد….بضحك لا وعلي ايه انا مرزح والله و مفيس موزز ولو فيه خلاص بقي جم متأخر القمر بتاعي سبق

ايمي…..بردوا مش هسأل فيك ويلا امشي

رشيد….طب بقولك ايه

ايمي….افندم

رشيد….وحشتيني

ايمي….انت مش وحشتني

رشيد…بضحك خدي بالك هرموناتك مقسيه قلبك عليا

ايمي….بضحك رشييييييد

رشيد….قلب رشيد والله

ايمي…..بحبك يا رخم

رشيد…ولنا بموت فيكي بقولك ايه انا هخلع من العيال دي و لما ارزح هكلمك

ايمي….اوك متتأخرش

رشيد….حاضر يا حبيبي يلا سلتم

ايمي….باي

…………….

عند عشري وليله

ليله….لا مش هقزلك غير لما تقول ليه و لا فاكرني زي الهبله نودي

عشري….بضحك يا هبله يعني هروحلها انا مثلاً

ليله….عادي.حبيبي ولو هترزحلها انا واثقه في صاحبتي

عشري…..وحيات امك واثقه في صاحبتك ومش واثقه فيا

ليله…..اتلم يا بلطجي

عشري….بابتسامه اتلمينا و اخلصي يلا ابعتي اللوكيشن او قولي العنوان

ليله….طيب قول ليه الاول

عشري…..ده انتي فضوليه عموما يا ستي عشان حسان عايز يروحلها بس والله يا ليله لو عرفتيها هي او اي حد هزعلك.

ليله….بضحكه عبيطه ايوه هيروحلها ليه بقي قول قول

عشري….بضحك هو ايه اللي قول قول مالك يا هبله

ليله….بضحك متبقاش رخم بقي وقول

عشري…..طيب هقولك و متفتنيش

ليله…..لا والله مش هفتن

عشري….ولا اقولك لا هترجعي تقولي ما انا قولت عشان مش بحب الكدب و دي صاحبتي

ليله….لا ده سر في فرق و بعدين شكلها يعني حاجه حلوه لو حاجه وحشه اكيد هقولها عشان دي صاحبتي

عشري….لا يا ستي حاجه حلوه وبصراحه كده حسان معجب بسلمي ارتاحتي يا فضوليه

لياه….بضحكه جمياه طيب ما انا عارفه

عشري…..عارف انك عارفه بس ادام عارفه بترخمي ليه يا رخمه

ليله….هو كده

عشري…..طيب يا ستي اديكي عرفتي اهو متعرفيهاش بقي عشان هو عايز يفاجئها يعني متبقيش رخمه و تبوظي المفجأه

ليله….بابتسامه لا والله مس هقول خلاص

عشري…..طيب هتبعتيلي لوكيشن و لا عارفه العنوان

ليله….براحتك انا عارفه العنوان هو في الزمالك و معايا كمان لوكيشن

عشري….طيب ابعتي لوكيشن افضل

ليله….طيب تمام

عشري….قوليلي بقي انتي طلعتي

ليله…..خير هي الدماغ عاليه ولا ايه ما انا قولتلك اني طلعت

عشري….بضحك اقصد هتعملي ايه يا متشرده و بعدين يا بت انتي بتكلميني انا كده

ليله….بضحك ما انا اول نا كلمتك قولتلك اني طلعت

عشري….براحتك بس بترجعي تزعلي لما اقفشك

ليله…..لا مش بزعل واللي عندك اعملوا

عشري….بضحكه جميله ماااااشي سجلي عندك بقي عشان مترجعيش تعملي فيها قطه اخلصي هتعملي ايه الوقت

ليله…..ولا حاجه هظبط الحاجه اللي جبناها و هروح احضر لبس لبكره و بعدين ادخل اخد شاور و بعدين اعمل كبايه قهوه كبيرررررره عشان دماغي هتنفجر و بس

عشري….انتي كلتي الاول

ليله….اه كلت مع البنات

عشري….بالف هنا يا عمري خلاص روحي ظبطي كده و شويه لما الشباب يمشوا هكلمك عشان مسيبهمش لوحدهم

ليله….ماشي يا حبيبي تمام

عشري….سلام يا حبيبي

ليله….باي

…………….

خرجت ليله من الاوضه بتاعتها لقت نعيمه بتكلم نفسها وقفت تسمعها من بعيد وهي بتضحك براحه

نعيمه……انا كان ايه اللي عمل فيا كده مالي انا ومال الحب و الارتباط مالها السنجله يعني مش فاهمه ما كنت قاعده بعقلي باكل وبشرب و بتفرج علي المسلسلات و بنام ده انا كان زماني نايمه من ساعه يجي عليا اليوم اللي ميبقاش عندي فيه نوم عشانك يا مغرور ده انت يومك اسود معايا بصت بهدوء لمحت ليله واقفه تضحك عليها من بعيد

نعيمه….خيررررر

ليله….بضحك انتي بتكلمي نفسك يا مجنونه عملك ايه فضل

نعيمه…..فاكر نفسه مهم و كل ما اكلمه لا يكنسل لا يرد و يقولي دقيقه و هكلمك

ليله….بضحك طب يمكن مشغول يا مصيبه

نعيمه….مع نفسه بقي و بيرجع يزعل لما انام و اطنشوا يبقي يشوف مين اللي هيرد عليه بقي

ليله….بصحك يابت الشباب معاهم في الكافيه و اكيد في شغل

نعيمه…..لا يا شيخه ما انتي عماله تكلمي عشري اهو اشمعني هو مش مشغول و لا فارق معاه صحابه

ليله…..يا متخلفه ما عشان كده اكيد معرفش يكلمك يعني هو وعشري هيسيبوهم لوحدهم وبعدين عشري قفل معايا قالي هروح للشباب شويه عشان مسيبهمش و شويه و هكلمك

نعيمه…..بردوا مش هعبروا تاني خليه بقي

ليله….بضحك والله يطلع العرق العرباوي عليكي و يجي ياخد زورك من رقبتك

نعيمه…..مين ده و الله ولا يعرف يعمل حاجه المغرور ده

ليله…..بضحك لا انتي مش بخير انهارده انا رايحه اشيل الحاجه في الثلاجه احسن تبوظ

بصت نعيمه علي الموبايل بغضب

نعيمه…..انا هوريك يا مغرور

مر حوالي خمس دقايق اتصل فضل عليها بصت ليله من بعيد و هي بتضحك و لمحت نعيمه بتقوم عشان ترد

ليله….من بعيد وهي بتضحك بردوا مش هعبروا صح

مسطت نعيمه مخده حدفتها بيها من بعيد و جريت علي اوضتها

فضلت ليله تضحك عليها.

دخلت نعيمه و قفلت الباب عليها

نعيمه…..ايوه

فضل….ايه يا وحش كنتي بتقولي بقي رجعتي

نعيمه….لا ملكش فيه بقي رجعت ولا مرجعتش ميخصكش

فضل…..نعم يا اختي

نعيمه….زي ما سمعت كده مش عامل فيها مهم و كل شوبه تكنسل او ترد وتقولي دقيقه واكلمك خليك بقي مع نفسك

فضل…..يا بنتي كنت مع خالي و كنت بشوف الشغل

نعيمه….والله طيب خليك في شغلك بقي عموما انا غلطانه اني اتصلت بيك اصلا

فضل…..لا بقولك ايه نهدأ كده و نرزمن خمسه

نعيمه…..بقولك ايه انت عايز ايه الوقت مني

فضل….بضحك اللهم طولك يا روح انتي عايزه تتخانقي و فاضيه شكلك

نعيمه…..اه فاضيه معلش هاخد من وقتك سوبه يا مغرور

فضل….بابتسامه جميله معلش والله معنديش وقت خالص

نعيمه…..طيب يلا اتكل علي الله انا كمان مش فضايلك تصدق بالله يا فضل انا غلطامه اني كلمتك و بعد كده مش هسأل فيك و اما ابقي انام بقي من غير ما اكلمك متبقاش تزعل

فضل…..بت بت وطي صوتك الاول

نعيمه….انت بتزعق هااا بتزعق يعني غلطان وبتزعق كمان

فضل…..غلطان في ايه يا غبيه يعني اكنسل تزعلي ارد واقولك هكلمك تاني تزعلي اعمل ايه طيب

نعيمه….عرفني مواعيد جنابك عسان معطلكش

فضل…..هو انا شغال في شركه مواعيد ايه يا هبله انتي

نعيمه…..ماشي يا فضل يلا روح شوف شغلك

فضل….طيب بقول ايه نهدأ كده خمسه عشان هقلب عليكي بجد

نعيمه…..هتعمل ايه ان شاء الله

فضل….نعيييييييمه نهدأ عشان مقلبش

نعبمه…..ايوه انا هاديه اهو هتعمل ايه بقي

فضل….يا بنتي متبقيش مستفزه انتي مالك انهارده بتجري شكلي ليه

نعيمه….لا اجر شكلك و لا تجر شكلي

فضل….امال ايه طيب مالك بتقولي شكل للبيع ليه

نعيمه……عشان مش معقول يعني كل ما اكلمك تبقي مش فاضي طول الزقت ليله بتكلم عشري عادي و عشري معاك في نفس المكان اشمعني انت اللي مشغول

فضل….طيب بصي عشان بجد مقلبش عليكي و انا قلبتي رخمه لما اتكلم.معاكي مره تانيه متقارننيش بحد تمام

نعيمه….اقارنك بأيه انا مش بقارنك اصلا انا بعرفك ان هو بيشتغل معاك في نفس المكان و بيكلمها عادي لا بيكنسل و لا بيرد ثواني و يقفل

فضل….حتي اولا انتي متعرفيش ظروف الشغل هنا يبقي متتكلميش ليله لو بتتكلم قدامك ده مش معناه ان طول اليوم عشري فاضي وعارف يرد عليها الموضوع صدفه مش اكتر

وظروف شغلي هنا غير ظروف شغل عشري هو طول اليوم بيلف علي الكافيهات الكافيه اللي انا فيه الوقت هو اللي انا ديماً موجود فيه و عشان كده لازم ابقي طول الوقت عيني في وسط راسي فهمتي فا متجيش تقوليلي عشري و ليله عشان صدقيني هتزعلي

نعيمه…..تمام يا فضل

فضل…..تمام كنتي بتقولي ايه بقي

نعيمه….ولا حاجه

فضل….امممممم قلبتي يعني صح تمام اللي انتي شيفاه

نعيمه….سلام يا فضل

فضل….سلام

قفلت نعيمه وهي مضايقه و مخنوقه و مفهمتش ايه اللي حصلها راحت معيطه.

دخلت ليله عليها عشان صوتها كان عالي شويه.

ليله…..في ايه صوتك كان عالي ليه

نعيمه….مفيش

ليله…ايه ده انتي بتعيطي ؟ حصل ايه؟

نعيمه…مفيش يا ليله والله انا بس مخنوقه شويه

ليله….لا انا سمعاكي بتتخانقي مع فضل قولي حصل ايه بجد و عملك ايه البلطجي التاني ده

نعيمه…..بضحك من بين دموعها لل والله معملش انا اصلا اللي مخنوقه و بتلكك

ليله…..طب ليه تنكدي عليه و علي نفسك

نعيمه…..هو اصلا مضايقني بسبب حوار الكنسله و انه يرد ويقفل بسرعه و علي طول عامل فيها رجل اعمال و كمان حاسه اني مضغوطه من خناقات ماما و بابا

ليله….طيب سيبك من ابوكي وامك للوقت اصلا انا نسيت اسألك عملتي ايه لما كنتي هناك المهم بصي هقولك حاجه و مش بدافع عن فضل والله بس انا قولتلك قبل ما تتكلمي معاه ان اعلب الوقت عشري كمان بيبقي مشغول و بعدين ما انتي عارفه يا نعيمه ان الكافيهات مش بتقعد والشغل فيها ضغط و مسؤوليه كبيره

نعيمه….يبقي ميزعلش بقي لما متصلش بيه او اعرفوا اي حاجه عندي و هو وقت ما يبقي يفضي يتكلم

ليله…..طيب هقولك ابعتي مسدچ او ڤويس وريحي دماغك.

نعيمه…..لو عملت كده بردوا هيضايق و يقولي مكلمتنيش ليه انا بقي لا هبعت ولا هتصل و يضرب دماغه في الحيطه

ليله……لا عشان مابقيش انتي اللي غلطانه اعملي اللي عليكي و لما يقولك متصلتيش ليه قوليله عشان يا بتكنسل يا بترد تقولي هكلمك تاني و مش بتلحق حتي تعرف انا عايزه ايه لو بقي معحبهوش النظام يبقي يرد عليكي عجبه خلاص اعملي كده و هو لما يفضي من شغلوا يكلمك

نعيمه……لا انا مش تحت امره هو اصلا لو اتكلم و انا في شغل او سايقه برد عليه يبقي زي ما بعامله يعاملني او يتحمل بقي

ليله….طيب سيبك من فضل شويه ايه حوار امك و ابوكي ده متخانقين بردوا و بعدين مش كنتي بتكلمي نوجا في نفس اليوم اللي روحتي فيه بليل و كانت مبسوطه و بتضحك معاكي

نعيمه….ايوه انا يوم ما روحت كانوا متخانقين و اتكلمت مع بابا و هديت الجو ووعدني يخرجها بليل و يغيروا جو و فعلا خرجها و كانت مبسوطه

ليله…..طيب و فين المشكله

نعيمه…..بدموع المشكله اني تعبت يا ليله من الحوارت دي و لما روحت البيت حسيت بخنقه فظيعه رغم اني كنت من جوايا مبسوطه و البيت بجد واحشني بس مبقاش في روح يا ليله اول ما وصلت سلمت علي نسمه من علي الباب عشان كانت نازله مع صحابها و نادر كان جوه بيلبس و نازل هو كمان

ليله….طيب ليه مقعدوش معاكي شويه

نعيمه……عشان الكل بيهرب يا ليله بأي طريقه من جو البيت محدش فيهم بقي طايق يقعد كان نفسي بجد اقعد معاهم لانهم كانوا واحشني و بجد اضايقت اوي انهم نزلوا وسابوني بس كمان عذرتهم لان سبق وانا عملتها و سيبت البيت خالص

ليله…..بتأثر طيب ايه سبب الخناقه المرادي ؟

نعيمه…..بعصبيه و هي بتعيط عشان بابا نسي يجيب ليمون

ليله….بضحك انتي بتتكلمي جد

بصتلها نعيمه و ضحكت و بعدين عيطت

نعيمه…..شوفتي بقي اللي وصلوا ليه بجد تعبت منهم اوي

ليله…..طيب و نوجا بتتخانق بجد.عشان ليمون مأڤوره هي المرادي

نعيمه……عارفه بس كمان يا ليله والله هي صعبانه عليا تخليلي كده تتخانقي مع اللي قدامك علي اتفه الاسباب و تحسي انك بقيتي فاضيه و بتدور علي اي مشكله بجد رخمه اوي هي جواها غضب مش عارفه تطلعوا غير علي اسباب تافهه

ليله…..طيب المهم انه رضاها و خرجها

ليله……طيب هتصدقيني لو قولتلك اني بجد اضايقت جداً لما خرجوا و كلمتني بليل و كانت مبسوطه انا مضايقتش عشان هر مبسوطه يا ليله انا اضايقت عشان امي كانت فرحانه فرحة بنت عندها عشرين سنه خارجه في معاد مع حبيبها كانت مبسوطه بجد و حسيت ان هي مفيش حاجه مضايقها خالص و كلامها عن بابا بجد كان جميل و حبها ليه اجمل قالتلي كمان انه وعدها اسبوع كده و هيسافر هو وهي اقصر و اسوان و انه كلم حد و هما قاعدين عشان يحجزوا و قالها انه هيتغير وواضح ان كلامي معاه حركوا شويه بصي يا ليله هو بيحبها والله انا عارفه بس كمان لما بفكر في الموضوع بتخنق طيب انت فوقت امته بدأت تعيش حياتك و تعيشها امته كنت هتخسر ايه لو كنت عملت كده من زمان فرحتها يا ليله والله تخليها تصعب عليكي اكتر ما تفرحي عشانها و بعدين يا ليله ربنا يديهم الصحه و يطول في عمرهم بس اللي راح من عمرهم يا ليله مش هيعيشوا قده تاني

ليله…..بصي يا نوني انا فهماكي و عارفه اللي جواكي و اللي تقصديه بس كمان مفيش حاجه بترجع الاهم الوقت انه بدأ يتغير و يارب يفضل مكمل علي كده

نعيمه…..مفيش حاجه بترجع و المشكله ان برغم اني ديماً واخده صفه و مقدره انه ده طبعه بس كمان بقيت اضايق منه اوي

ليله…..معلش بس قوليلي بقي طلعتي في فضل كده عشان كل ده بقي

نعيمه….معرفش بس للحظه كده حسيت ان كل الرجاله شبه بعض طول الوقت شغل شغل شغل حسيت بأمي اوي و اللي معرفتس اطلعه علي بابا طلعته عليه

ليله….بضحك يلا اهو ابن حلال و يستاهل هو كمان بس بطلي عياط بقي خلاص والنبي قومي اغسلي وشك انتي كده طلعتي كل اللي جواكي اهدي بقي بقولك ايه قومؤ يلا اغسلي وشك و انا هعمل كوبايتين نسكافيه و نجيب حاجه حلوه ناكلها و نتفرج علي مسلسل علب نيتفليكس

نعيمه…..بابتسامه ماشي انا كده كده مش عندي نوم

ليله….بركاتك يا سي فضل اخيراً ست نوني مش هتنام و النوم راح من عنيها

رن موبايلها في الوقت تاني اول ما لمحت اسم فضل كنسلت

نعيمه…..والله ما هعبرك

ليله….بضحك متتقليش اوي ابوس ايدك ده كلهم باين عليهم انهم عيله بلطجيه هيجي يجيبك من قفاكي و انا هتاخد في الرجلين اسأليني انا معايا نسخه مسجله خطر

نعيمه….بضحك علي نفسهم خليه بقي مش راده عليه.

خرجت نعيمه من الاوضه راحت علي الحمام اتصل تاني ضحكت ليله

ليله….بصوت عالي نوني ارد عليه انا احسن ينفخنا

نعيمه……براحتك بس والله ما هرد عليه.

ابتسمت لياه و ردت وهي بتضحك

فضل…..الوووو

ليله….بضحك ايوه يا فضل

فضل….بابتسامه انتي ليله

ليله….اه يا سيدي ايه الاخبار

فضل…..كله تمام انتي عامله ايه

ليله….زي الفل

فضل…..هي فين نوني

ليله….بضحك مليش دعوه معرفش

فضل….بضحك هو في ايه

ليله….اقولك و متعرفهاش

فضل….خير مقموصه

ليله….بضحك و مش طيقاك كمان

فضل…..طيب بما انك قولتي مش طيقاني يبقي اكيد هي حكيتلك السبب

ليله…..بص عشان مظلمهاش هي مضايقه و انا سمعت صوتها وهي بتكلمك فا انا اللي سألتها

فضل….لا عادي وانا معنديش مشكله انها تحكيلك انا بس عايزك بما انك سمعتي منها بذمتك انا غلطت في اي حاجه

ليله….لا وانا قولتلها والله بس معلش هي نوني مضايقه وانت عارف اكيد حوارات باباها و مامتها اللي مش بتخلص و هي مضغوطه و جات فيك انت

فضل…..وانا والله ماعندي مشكله و علي فكره انا مقولتلهاش اي حاجه و لا كلمتها بطريقه تزعلها كل الحكايه يا ليله ان الكافيه اللي انا فيه ده مسؤول عنه و عيني في وسط راسي و بعد الاحداث اللي حصلت الدنيا باظت و لازم نرجع نوقف الشغل علي رجليه من تاني

ليله….عارفه والله يا فضل وانا فهمتها ان مش كل الاوقات بعرف اتكلم انا وعشري و اغلب الوقت بيكون مشغول

فضل….بصي يا ليله انا هفهمك حاجه زي ما قولتلك الكافيه اللي انا فيه ده مسؤوليتي انا و الكافيه التاني علي اخو عشري الكبير هو اللي ماسكه و في كافيه تالت عمر اخو عشري و راشد اخويا الكبير ماسكينه مع بعض و طبعاً باقي اخواتي و اخوات عشري متوزعين علب الكافبهات معانا و عشري مسؤول اكتر عن تجهيز الكافيه الكبثر اللي لسه هنفتحه اللي هو شراكه بيننا وبين الشباب و شايل الدنيا فوق دماغه لان الكافيه ده مساحته هتكون كبيره اوي يعني انا غصب عني ان ما كنتش اركز كويس خصوصا بعد اللي حصل مش هعرف اوقف الدنيا علي رجلها تاني و الدنيا بجد هتخرب خصوصا ان الشباب اللي بيشتغلوا في الكافيه لازم يكون وراهم رقيب يعني مقدرش اعتمد.عليهم اعتماد كلي فا اوقات نعيمه بتتصل بيا بكون مشغول جداً بكنسل واوقات تانيه اقول عشان متزعلش ارد واقولها شويه وهكلمك وفعلا بخلص اللي بعملوا واتصل و المشكله بقي ان الوقت اللي بكون فاضي فيه بيمون بليل من بعد واحده اينعم ببقي في الكافيه بردوا بس الجو بيكون اهدأ لما باجي بقي اتصل بيها بتبقي هي نايمه فهمتي

ليله…..فهماك والله و بص يا فضل انتوا اللي بيحصل بينكم ده طبيعي لان انتوا لسه بتفهموا بعض و طبيعي علاقتنا ببعض في دهب مختلفه عن طبيعة حياتنا هنا و انتوا لسه بتتأقلموا بعد ما كل واحد فيكم رجع حياته

فضل….والله انا فاهم كل ده يا ليله بس صاحبتك هي اللي مش عايزه تفهم

ليله….لا بقولك ايه متسوقش فيا و تعمل نفسك برئ دي صاحبتي بردوا

فضل…..بضحك يا ساتر علي القلبه اخلص من عشري تطلعيلي انتي

ليله…..بضحك ماهي صعبانه عليا مضايقه و بعدين عيطت و وجعت قلبي فا خف عليها شويه قولتلك هي مضغوطه و جات فيك

فضل……انتي بتتكلمي جد عيطت بجد

ليله…..اه والله و بعدين يا سيدي مش يمكن وحشتها و حاسه انها مفتقداك كانت كل يوم شيفاك في وشها و فجأه مبقتش موجود و بعدين يعني هي من حقها تحس انك موجود.

فضل…..يا ستي و انا موجود هي بس تقولي انها محتجاني هتلاقيني في وشها و بعدين مش هي بس اللي حاسه بكده يا ليله يعني مش سهله بعد ما كنت بقوم و انام و اكل واشرب وهي معايا فجأه كل واحد فينا يرجع لحياته بالعكس وحشاني جداً ومفتقدها و مش هي بس والله انتي و البنات كلكم احنا اتعودنا علي بعض و بيتهيألي ده شعور الشباب كمان

ليله……و شعورنا احنا كمان والله يا فضل

فضل…..بالظبط فا غصب عني و عارف انه غصب عنها بس هي حتي مقالتش كده هي طلعت فيها علي سبب مش بأيدي و من غير ما اعرف هي فيها ايه

ليله….ماهي بتتصل و مش عارفه تقفشك هتعمل ايه هي بقولك ايه انت هتعصبني عليك بعد ما قولت في حقك كلمتين حلوين

فضل…..بضحك لا خلاص اهدي بقولك ايه هي فين

ليله….خرجت والله كنسلت عليك اول مره و بعدين سابت التليفون و خرجت بره الاوضه و اعمل حسابك مش هتكلمك الوقت

فضل…..بضحك طب اعملي حاجه عايز اصالحها

ليله…..والله لو عايز تصالحها بجد فاجئها بكره و فضي نفسك شويه وشوفها

فضل…..بابتسامه بس كده انا موافق جداً بس ازاي وفين

ليله….لا دي سيبها عليا انا بقي هعرف خط سيرها بكره و هقولك و انت تروح تفاجئها

فضل…..طيب خلاص تمام بس بردوا عايز اكلمها احسن دي مجنونه و تفكر اني طنشتها

ليله…..طيب شويه كده انا هخرجلها و هقعد معاها حبه و انت شويه و كلكها اكون انا قولتلها كلمتين حلوين في حقك و متقلقش هترد عليك

فضل…..اختي اختي و الله ما في منك

ليله….بابتسامه عد الجمايل بقي

فضل…..ماشي يا ستي هعدها

ليله…..يلا روح شوف االي وراك

فضل…..ماشي يا لولي يلا سلام

ليله….بابتسامه سلام يا فضل

………..

بعد مرور حوالي ساعه الشباب روحوا و عشري و فضل كملوا شغلهم في الكافيه.

عسال….يلا اطلع و انا شويه و جاي وراك

سلامه…..انت مش طالع ولا ايه ؟

عسال….هعمل تليفون كده و هبقي اطلع

سلامه….ماشي يلا سلام

عسال…..سلام

نزل سلامه و طلع و فضل عسال في العربيه مسك موبايله و اتصل علي نادين ڤديو كنسلت و بعتتله بسرعه ڤويس

نادين…..ميدو ممكن ثواني عشان كنت باخد شاور هكمل لبس واكلمك

عسال….ماشي يا حبيبي مستنيكي

فصل عسال يقلب في الموبايل و هو بيشرب سيجارته مر حوالي دقيقه بالظبط اتصل عليه نادين ڤديو

كانت لابسه كاش قصير عليه دبايب و ماسك علي جسمها و رافعه شعرها

ابتسم عسال اول ما شافها

عسال…..ايه القمر ده

نادين….بابتسامه إحراج شكراً

عسال…شكلك كده حطيتي السمك من غيري

نادين….لا والله انا مستنياك

عسال….طيب مش كنتي أجلتي الشاور شويه عشان متتبهدليش تاني

نادين….لا ما انا بعد ما قفلت معاك شيلت الحاجه كلها و بعدين نضفت التربيزه كويس و سيبتها تتملي مايه عشان بتاخد وقت لان التربيزه كبيره و بعدين حطيت فيها الدواء اللي بيتحط في المايه عشان السمك يعيش كتير و بس مستنياك بقي عشان نفضي الاكياس

عسال….وانا جاهز يا ستي و متحمس كمان

نادين…..امممم طيب ممكن أسألك سرال الاول

عسال…..اكيد يا عمري

نادين…..انت ليه في العربيه؟

عسال…..مفيش بكلمك

نادين….انت روحت صح

عسال…..اه انا تحت البيت سلامه لسه طالع وانا قولت اتكلم معاكي شويه و ابقي اطلع

نادين….ااااااا طيب يعني هو انت لو كلمتني فوق هيبقي فيها مشكله يعني اقصد انت مش حابب تكلمني من البيت

عسال…..انا لا لا خالص علي فكره لما بكلمك كل يوم بليل بكون فوق

نادين…..تمام انا فكرت يعني انت مش حابب او في عندك مشكله

عسال……حبيبي علي فكره بالمناسبه يعني انا اتكلمت مع ماما و اخواتي عنك و هما حابين يشوفوكي جداً يعني لو فاكره اني مش عايز اتكلم احسن يكون فيها مشكله لا طبعاً اولاً يعني انا مش صغير ثانياً دي حياتي ثالثا و دي الاهم انا حالاً ممكن اطلع اكلمك من فوق و انتي معايا علي الخط بس انا اللي حابب اكلمك من العربيه علي فكره انا كنت هطلع بس افتكرت اني هتصل بيكي ڤديو و مكنتش عارف انتي غيرتي و لا لابسه لبس بيت و اكيد مش هينفع اتصل بيكي و سلامه او مصطفي جنبي و يشوفوكي بلبس البيت فهمتي

بصتلوا نادين بصدمه و سابت كل الكلام اللي هو قاله ده و ركزت في حاجه واحده بس.

نادين…..ميدو

عسال…..عيون ميدو

نادين…..هو انت بجد قولت لمامتك و اخواتك عني ؟

عسال….بأبتسامه اه يا عمري و حابين يتعرفوا عليكي جداً

نادين…..عليا انا لا طبعاً مش هعرف

عسال….ليه يا حبيبي مش حابه تتعرفي عليهم

نادين….لا طبعاً مش كده بس انا مس هقدر يا ميدو هتحرج جداً وهتوتر اوي اصلا انا بتوتر منك انت هعمل معاهم ايه

ميدو….بابتسامه جميله طيب علي سيرة التوتر بقي هو القمر بتاعي هيفضل بيتوتر كده كتير مني

نادين…..ااااا مش عارفه بس انت اصلا اللي بتوترني

ميدو….ليه بس يا حبيبي انا عملت ايه؟

نادين….بابتسامه هاديه مش عملت حاجه بس انت اصلا الوقت موترني بنظراتك دي

عسال….بضحكه جميله طيب ايه رأيك انا بفكر البس نضاره طول ما انا بكلمك ايه رأيك

نادين….بضحكه جميله لا يعني مش للدرجادي بس انا بجد بتلغبط منك اوي و مش عارفه ايه اللي بيحصلي و مش بقدر اركز في عينك ثانيه يعني مستحيل اقدر اشوف مامتك واخواتك الوقت خالص يا ميدو مش هعرف اتكلم ولا هبقي علي طبيعتي و بالذات في وجودك

عسال….بابتسامه طيب خلاص قابليهم وانا مش موجود

نادبن….بابتسامه حطت ايدها علي وشها ميدو انا ااااااا يعني بجد انا مش فهماني انا في العادي مش كده خالص و نفسي افهم ايه الي ببحصل معايا لما بكلمك او بشوفك و بيتهيألي هيبقي صعب عليا خالص اني اقابلهم الوقت

عسال….بنظره جميله طيب بصي يا حبيبي سيبك من مقابلتهم و انك تتعرفي عليهم الوقت خالص انا اكيد مش هعمل ده غير لما انتي بنفسك تكوني مستعده بس انا بقي عايز افهم هتفضلي تتوتري مني لحد امته

اينعم انا بحب اشوفك وانتي متلغبطه و مش علي بعضك بس كمان عايز احس انك مرتاحه لاني اغلب الوقت بخاف اكون ضاغط عليكي فهمتي

نادين….اااااا يعني هو انت مش ضاغط عليا بس يعني

عسال….بابتسامه براحه

نادين…..يعني مش عارفه يا ميدو انا ليه بتوتر بس اكيد يعني محتاجه وقت بسيط

عسال…..خدي كل الوقت بس لازم تعرفي ان انا وانتي بقينا واحد لو هتتوتر و تتحرجي من الدنيا كلها انا لا فهماني يا تويتي

نادين….بأبتسامه جميله فهماك

عسال…..طب ايه يلا بقي فرجيني علي السمك

نادين……طيب بص انا هحطك هنا و اروح اجيب مقص عشان اقص الاكياس

عسال….بضحك استني تعالي هنا يعني ايه تحطيني هنا دي

نادين….بضحكه جميله يعني الموبايل

عسال…..بضحك طيب يلا حطيني

سندت نادين الموبايل علي جنب و جريت بسرعه علي المطبخ ابتسم عسال بحب و هو شايفها بتجري بحماس و سعاده زي الاطفال.

جات نادين بسرعه و حريت تاني تجيب الشبكه بتاعت السمك

عسال……حبيبي براحه متجريش انا مش مستعجل

نادين….من بعيد حاضر

رجعت تاني و خدت الموبايل وراحت علي التربيزه قعدت علي ركبها و رفعت كيس من الاكياس

نادين….بابتسامه بص شكلهم حلو ازاي

عسال….حلوين اوي يلا نزليهم بقي في المايه

نادين….حاضر شايف كده كويس

عسال…..اه كده كويس اوي

وجهت الكاميرا علي التربيزه و مسكت اول كيس قصيته نزل السمك يجري في المايه بألوانه الجميله ضحكت بسعاده زي الاطفال

نادين……شايف

عسال….بابتسامه شايف با قلبي ماشاء الله شكلهم حلو اوي بس انتي معاكي اكياس كتير مش كتير دول علي التربيزه

نادين….لا خالص ده انا ممكن ابقي احيب تاني انت بس ليه مش شايف من تحت حجم التربيزه استني اخلص واقوم اقف عشان تشوفها

عسال…..طيب تمام يلا كملي

فضلت تمسك كيس وراء التاني و تنزلي السمك

خد عسال نفس من السيجاره و هو باصص عليها بنظره حب شايفها و هي مبسوطه و عماله كل ما تفضي كيس تحط صوابعها في المايه

نادين…..انا خلصت لحظه بقي اقفل الغطاء و انور النور بتاع التريزه عشان افرجك

عسال….استني بس نور ايه ده ميكرهبش؟

نادين….بحماس لا لا متخافش دي مش فيها كهرباء هي اضاءه خاصه بالمايه و كمان في اضاءه الوان مختلفه هتعجبك اوي

عسال….بأبتسامه طيب اقفلي الغطاء براحه هتعرفي؟

نادين….ايوه متقلقش

قامت نادين و راجت بهدوء تقفل الغطاء شويه شويه عشان ميتكسرش لان التربيزه كانت كلها زجاج .

نادين…..لحظه هجيب حاجه المع بيها عشان ايدي طبعت

عسال….ماشي يلا

راحت بسرعه جابت فوطه و جابت السائل الخاص بالزجاج لمعته و جريت بسرعه قفلت النور بتاع المكان كله رفع عسال حاجبه.

شغلت اضاءه بسيطه و بعدين فتحت الاضاءه بتاعت التربيزه

نادين….بسعاده مستعد تشوف

عسال…..بابتسامه انا قولت قفلتي النور هتنامي

نادين……بضحكه جميله لا ده عشان تشوف السمك كويس

عسال…..طيب يلا فرجيني انا مستعد جداً

نادين…..ااااا طيب ممكن لحظه تاني

عسال…..بضحكه جميله ممكن طبعاً انا معاكي

جريت نادين فتحت فتحت الساوند سيستم علي موسيقي هاديه و داخل فيها صوت موج البحر

ابتسم عسال و هز راسه سمال ويمين

نادين…..بابتسامه ايه مستعد

عسال….مستعد يا عمري

نادين…..سامع الصوت ولا مش واضح ؟

عسال…..سامع يا قلبي

جابت نادين الكاميرا براحه علي التربيزه ابتسم عسال بحماس و ظهر قدامه حجم التربيزه كانت مربعه و كبيره مش صغيره و السمك فيها كتير الوانه تجنن والاضاءه اللي فيها بجد حلوه اوي

عسال……اوباااااااا دي تجنن

نادين….ايه رأيك

عسال…..ماشاء الله بجد حلوه اوي و ليكي حق تكوني متحمسه كده يعني كفايه تقعدي و تقفلي كل الاضاءه حواليكي و تبصي علي المنظر ده

نادين….بابتسامه انا اما بكون زهقانه بعمل كده فعلاً

عسال…..طيب قوليلي بقي التربيزه الجامده دي فكرتك و لا فكرة مين

نادين…..بابتسامه لا فكرتي انا

عسال……طيب قوليلي بقي انتي ايه حكايتك مع البحر و ايه حكايتك مع السمك انا اول مره اعرف انك بتحبي السمك

نادين….بأبتسامه البحر بحبه عادي زي ناس كتير اوي يمكن مش بعرف اعوم كويس بس بيتهيألي ملهاش علاقه بحب شكله وصوته و ريحته بحب المود بتاعه اوي بس

عسال…..طيب والسمك

نادين…..بأبتسامه اه لما كنت عايشه مع جدتي كان عندها حوض سمك صغير و انا كنت بحبه اوي و كنت متعوده علي السمك اللي فيه جداً لدرجه اني كنت بحس انهم صحابي بجد كنت لما اجي عشان احطلهم الاكل اخبط براحه بأيدي علي الحوض يجوا بسرعه علي مكان الصوت كلهم و يقفواا يستنوا الاكل

عسال….بابتسامه مدربه سمك يعني

نادين….بضحكه عبيطه يعني حاجه زي كده اديني بس يومين و هدرب دول و ابقي افرجك شكلهم و هما متجمعين المهم يعني ان موضوع البحر و السمك ملهمش حكايه ولا حاجه انا بس بحبهم و بعدين السمك بحس انه بيسليني روح معايا و مش بحس اني لوحدي اوي

عسال…..مفكرتيش تربي طيب قطه او كلب و بعدين معاكي ايه يعني تقدر تساعدك في حاجه زي دي

نادين….قالتلي علي فكره بس انا مقدرش بصراحه

عسال….هما متعبين شويه فعلا

نادين…لا لا مش حكايه تعب بس انا طول الوقت مش في البيت مين هيأكلهم ويهتم بيهم يعني مسؤوليه حرام ودي روح كمان انا بسافر احياناً هسيبهم عند مين

عسال….هديهم معاكي زي ما ايه خدت ميلو

نادين….ايوه بس دي سفريه فسحه و كلنا مع بعض انا اقصد سفريه شغل

عسال…..حبيبي صحيح بخصوص سفر الشغل ده انتي بتسافري كتير ؟

نادين….بابتسامه ايه مش عايزني اسافر

عسال…..لا طبعاً مقدرش اقول كده خصوصاً لو سفريه لشعلك يعني حاجه مغيهاش تهريج بس يعني عايز اعرف بتسافري كام مره في السنه

نادين…..لا مش كتير زي ما انت متخيل ممكن مره في السنه او اتنين لان اغلب الوقت اللي بحتاجه بيجيبلي شحن

عسال….طيب ليه بتسافري بقي لما بتقدري توفري اللي انتي عيزاه شحن

نادين…..لان كل فتره بحتاج اني اشوف بنفسي الجديد فاهمني بحتاج اشوف خامه مقاسات بحتاج لو في الميك اب اشوف الماتريل و بعدين الميك اب بالذات كل وقت بسيط بينزل منه حجات كتير جديده في اللالوان و الماتريل و حجات كتير و بصراحه يعني اوقات ببقي انا اللي حابه اغير جو و اروح افضي دماغي شويه

عسال…..بنظره حب طيب بصي يا احلي بنوته في الدنيا احنا هنتفق اتفاق بسيط ممكن

نادين….بأبتسامه ممكن

عسال….انا زي ما قزلتلك عمري ما هقولك سافري و متسافريش في اي حاجه تخص شغلك مش هقرب بس يعني اتمني قبل اي سفريه بوقت كويس يعني علي الاقل عشر ايام اسبوعين اكون عارف

نادين….بابتسامه ليه هتيجي معايا

عسال….بحب عندك مانع

نادين….لا بس هتزهق

عسال….عمري ما هزهق وانا معاكي و بعدين يعني انتي هتعرفيني لو مش عندي شغل اكيد هاجي معاكي لو عندي و مستحيل اقدر اسيبه يبقي هتروحي انتي عادي بس في حاجه بسيطه بقي.

نادين…..ايه هي؟

عسال….الوقت اللي هتحبي تسافري ليكي انتي عشان تفصلي زي ما قولتي و تبقي سفريه ملهاش علاقه بالشغل مش هتروحي غير وانا معاكي يعني هتعرفيني انك حابه تسافري لو ظروفي تمام هقولك يلا بينا عندي ظروف و مش هقدر في الفتره دي هقولك نستني شويه

نادين….بابتسامه طيب افرض يعني انت مش حابب تروح البلد دي

عسال….بابتسامه لا ملكيش انتي دعوه انا معاكي مش هيفرق معايا المكان

نادين….بابتسامه طيب افرض يعني انا عايزه اسافر و مش عايزه أستني

عسال…..هسيب كل اللي في ايدي و هظبط مع الشباب و هاجي معاكي

نادين….بأبتسامه اممممم طيب افرض يعني انا هقعد كتير

عسال….اقعدي الوقت اللي يريحك المهم تكوني مبسوطه

نادين بضحك حطت ايدها علي وشها

عسال…..يلا يلا اوصلي لاخر فرض عارف انك هتموتي و توصليلوا

نادين….بضحك ايه هو ؟

عسال…..طب افرض مش عيزاك معايا وعايزه اسافر لوحدي

ضحكت نادين و فضلت تحط ايدها علي وشها

نادين…..هو انت عرفت ازاي

عسال….مش محتاجه سؤال ده انتي عماله تفحري علي فرض جديد وعارف يعني انك عايزه توصلي للنقطه دي

نادين….بابتسامه طيب رد بقي

عسال….علي ايه قوليها يلا عشان تبقي حققتي رغبتك

نادين…..بضحك افرض اني عايزه اسافر لوحدي و مضايقه و عايزه ابقي مع نفسي

عسال……مش هيحصل طبعاً وده مش عشان همانع يعني..

بس اكيد انا عمري ما هسيبك توصلي للمرحله دي خالص ولا هسمح لاي حد انه يوصلك ليها بس لو يعني لو حصل و انتي حابه تسافري لوحدي هسيبك تروحي طبعاً بس هكون معاكي

نادين….بضحك معايا ازاي وانا عايزه اكون لوحدي

عسال…..ماهو انا مش هكلمك خالص يعني هقعد جنبك في الطياره و مش هتكلم خالص لما نوصل المطار هركب معاكي التاكسي وانا ساكت و لما نوصل الفندق هاخد الغرفه اللي جنبك واي وقت بقي هتنزلي من الغرفه لاي مكان هكون زي ضلك

نادين…..بضحك ده بجد؟

عسال….اه والله ايه انتي عمرك ما شوفتي ضلك ماشي جنبك و بعدين انا مش هتكلم خالص يعني همثل دور الظل بالظبط.

نادين…..وده ليه بقي يعني ليه تأجل شغلك او تضغط نفسك و تسافر من بلد لبلد و تعمل فيها ضل ليه كل ده

عسال…عشان بحبك

نادين….بأبتسامه يعني دي مش ليها علاقه بالثقه

عسال…..لا طبعاً مستحيل ده حب خوف احساس بالراحه و انا حاسس انك بخير و تحت عيني ملهاش علاقه بالثقه اولاً انتي مش طفله ثانياً انتي من قبل ما ابقي في حياتك كنتي قد ثقتك في نفسك
فا ازاي انا اجي اهز الثقه دي ملهاش علاقه بالثقه يا عمري لاني بثق فيكي اكيد

نادين…..بأبتسامه ماشي بقولك ايه هو انت مش هتطلع بقي

عسال….زهقتي مني

نادين….لا والله بس عشان متتعبش من قاعدة العربيه

عسال….لا يا قلبي انا مرتاح بس لو حابه تقفلي او تعملي حاجه او حتي تنامي يلا قومي

نادين….لا انا مش عندي نوم

عسال….طيب مش جعانه؟

نادين….بابتسامه حطت ايدها الاتنين علي خدها مش عارفه

عسال….مش عارفه ازاي يعني انتي كلتب امته يا قلبي

نادين….انا بصراحه كلت مع البنات و حاسه اني جعانه شويه بس كمان مش عايزخ اكل بليل كده

عسال…..طيب قومي كلي حاجه خفيفه

نادين…..بتفكير اممممم ماشي بس انت هتقفل يعني

عسال….بحب انتي شايله همي ليه انا معاكي لحد ما تقوليلي روح نام يلا قومي و خديني معاكي المطبخ

نادين….بضحكه جميله اخد معايا

عسال….بأبتسامه الله مش انتي حطاني جوه الموبايل يلا قومي

نادين…..طيب ما انت مش هتاكل

عسال…..لا يلا قومي انا هنزل اجيب حاجه اشربها تعالي يلا كده انتي كمان معايا بس ابعدي الكاميرا عنك

نادين….بسعاده ماشي يلا

دخلت هي علي المطبخ و نزلت ميدو راح علي السوبر الماركت خد واحدة ريد بول و حاسب وراح علي العربيه تاني

عسال…..هاتي الكاميرا يلا

نادين…تمام جيبت ايه

عسال…..ريد بول

نادين….هو انت ليه بتحب الريد بول كده

عسال…..يعني عادي

نادين…..بس هو غلط علي فكره و انت بتشرب منه كتير

عسال…بابتسامه ايه خايفه عليا

نادين….بابتسامه اكيد

عسال….خلاص هخففه حاضر بتعملي ايه بقي

نادين….انا هاكل تفاح بس مش عايزه اكل

عسال…ماشي

قطعت نادين التفاح و خرجت قعدت تاني علي التربيزه

عسال……وراكي ايه بكره بقي

نادين….انا بكره ورايا مشوار شغل واحد و بعدين هروح كده اشوف مكتب شحن تاني لان شركة الشحن اللي بتعامل معاها مش مريحه

عسال…..مش نريحه ازاي يعني؟

نادين…..مواعيدهم مش حلوه كمان في بنات كتير اشتكت منهم بسبب تأخير الاوردرات فا هغيرهم

عسال……تمام و بعدين عندك ايه تاني

نادين….والله لسه مش عارفه بس احتمال يعني اروح للدكتور

عسال…..دكتور ايه انتي تعبانه

نادين…..لا لا مش تعبانه بس بشرتي باظت خالص من وقت ما رجعنا وممكن اعمل تنضيف لسه مش عارفه عموما يومي بكره فاضي شويه

عسال….ماشي يا عمري

نادين….طيب وانت

عسال…..في الشغل اكيد

نادين….ااااا هو يعني هتفضل طول اليوم مشغول

عسال….بابتسامه اشمعني

نادين….اااااا لا مفيش

عسال…..لا قولي

نادين…..بضحكه جميله و توتر بجد مفيش بسأل عادي

عسال…..طب عيني في عينك كده

ابتسمت نادين و بصتلوا و هي ساكته

عسال…..خد نفس طويل و هو باصصاها و مبتسم هااااا عايزه ايه

نادين….امممم يعني كنت بسألك لو فاضي يعني اااا اشوفك

عسال……بحب ايه و حشتك ؟

نادين….اممممم علي فكره انا هبطل اتكلم معاك

عسال…..بضحك والله ما قصدي اوترك سؤال عادي عموما يا ستي بكره احتمال يبقي صعب عشان عندي شغل كتير اينعم انا هتجنن و اشوفك عشان من وقت ما رجعنا متقابلناش بس بكره مش هينفع

نادين….بهدوء طيب تمام

عسال كان ناوي يروحلها اصلا من غير ما تقول و زي ما اتفقوا هما و الشباب انهم يروحوا يفاجئوهم كل واحد لوحده عشان كده محبش يقولها عشان يفاجئها.

فضلوا يتكلموا كتير لحد ما الوقت اتأخر و بدأت نادين يبان عليها النوم

عسال……تويتي حبيبي يلا انا هقفل واطلع وانتي قومي يلا عشان تنامي

نادين……هتطلع بجد

عسال…..اه والله انا اصلا قاعد عشان اكلمك

نادين…..تمام

عسال….يلا حبيبي قومي نامي و انا هطلع أخد شاور وانام علي طول

نادين……اوك

عسال….تصبحي علي خير يا عمري

نادين…..وانت من اهل الخير باي

عسال….باي يا حبيبي.

…………..

اتصل عشري علي ليله بعد ما طلع من الكافيه كانت الساعه 3 ونص

عشري…..ايوه يا حبيبي

ليله…..طلعت

عشري…..اه طلعت انتي كنتي نايمه ولا ايه ؟

ليله….امممم

عشري….طب يلا روحي نامي معلش يا قلبي صحيتك

ليله….لا لا عادي انت فين

عشري….بابتسامه طلعت والله مش مصدقاني

ليله….ااااه طيب انت كلت

عشري…..سلامتك من الاه يا قلبي كلت ايوه انتي كلتي

ليله……ايوه كلت الحمد لله هو انت ليه اتأخرت كده

عشري…..متأخرتش و لا حاجه دي الساعه 3 ونص

ليله…..بردوا اتأخرت

عشري…..كان في ناس في الكافيه لسه يا قلبي اعمل ايه طيب عموما انا طلعت خلاص

ليله……اوك هتعمل ايه

عشري…..خاخد شاور و اغير و انام عشان فاصل خالص

ليله……ماشي يا حبيبي

عشري…..يلا روحي كملي نوم لما تصحي كلميني

ليله….حاضر

عشري…..تصبح علي خير يا حبيبي

ليله…..بصوت نايم عشرررري

عشري…..عيون عشري

ليله…..بحبك اوي

عشري….بابتسامه و انا بحبك اكتر

ليله….اممم باي

عشري…..بضحكه جميله علي صوتها النايم باي يا روحي

………….

عند نعيمه في الاوضه بتاعتها كانت صاحيه علي غير العاده و مشغله فيلم علي الموبايل و هي نايمه

اتصل عليها فضل في الوقت ده ابتمت بهدوء و رجعت كشرت تاني مسكت الموبايل وردت بهدوء.

نعيمه….الوو

فضل….بابتسامه تتحسدي انا توقعت الاقيكي نايمه

نعيمه….عشان كده اتصلت صح كنت عارف اني مش هرد

فضل…..ما بلاش ظلم بقي و ميبقاش قلبك قاسي كده

نعيمه…..اه انا قلبي قاسي

فضل…..لا انتي قمر ايه اللي مصحيكي لحد الوقت

نعيمه…..مش عندي نوم

فضل…..ليه طيب ؟

نعيمه….عادي هنام الوقت

فضل…..نوني

نعيمه…..نعم

فضل…..متزعليش

نعيمه…..مش زعلانه

فضل….علي اساس يعني ان ده صوتك عادي

نعيمه…..صدقني مش زعلانه

فضل…..لا مش مصدقك بس علي العموم حقك عليا بس غصب عني والله

نعيمه…..ماشي يا فضل انت فين ؟

فضل…..انا لسه طالع يا قلبي البيت

نعيمه…..اوك

فضل…..لو لسه صاحيه هغير و اظبط نفسي واكلمك تاني ايه رايك

نعيمه…..تمام

فضل…..يلا يا قلبي باي

نعيمه….باي

……………..

طلع عسال البيت و لاول مره يلاقي البيت هادي خالص اخواته مش موجودين و مفيش غير حنان اللي قاعده بره قدام التلفزيون و مغمضه عينها

فتح الباب و دخل اول ما لمحها قفل بهدوء و قرب قعد جنبها باس ايدها

فتحت عينها بسرعه

حنان…..جيت يا حبيبي

عسال…..جيت يا ست الكل ايه اللي منيمك هنا كده؟

حنان…..مستنياك انت عارف مقدرش انام و انت بره يا حبيبي و بعدين سلامه قالي انه مصدع و عايز ينام و قالي انك تحت و خوفت تكون ناسي المفتاح

عسال….حقك عليا والله لو اعرف انك صاحيه بسببي كنت طلعت

حنان…..بابتسامه المهم انك طالع و مبسوط كمان

ابتسم عسال وباس راسها بحب

عسال…..باين عليا

حنان….طبعاً باين عليك اوي ايه مش ناوي تعرفني باللي خلت ابني ابتسامته مش بتفارق وشه

عسال….بحب ناوي طبعاً بس يعني مستني عليها شويه بصراحه يعني هي لسه مش واخده علي ااجو وبعدين بتتوتر جدا مني انا شخصيا فا اكيد مش هتقدر تشوفك الوقت بس هي حابه جداً طبعاً

حنان…..وتتوتر ليه بس هي فكراني حما وكده قولها اني بتوتر زيها بالظبط

عسال…..بضحكه جميله تعرفي يا ماما انها بجد تشبهك في حجات كتير و اولهم التوتر ده انتي كمان لما بتتعرفي علي اي حد جديد بتفضلي ساكته و بيبان عليكي انك متوتره و بتفضلي كده لحد ما تتعودي

حنان…..شوقتني اشوفها

عسال….هتحبيها اوي يا امي انا واثق نادين تتحب اوي

حنان…..انا حبيتها خلاص عينك بتقول كلام كتير اول مره اشوفه بس انت محكتليش عنها اي حاجه

عسال…..هتعرفي كل حاجه عنها بس منها هي يعني انا افضل انكم تقعدوا و تتكلموا براحتكم و تسأليها اي سؤال علي الاقل تلاقي كلام لان واثق ان انتي هتبقي متوتره و هي كمان

حنان….لا متقلقش مش هبقي متوتره معاها احسن تفكر اني مش حابه اتكلم معاها بس كمان يعني مش حابه اول مقابله بينا تبقي كلها أسئله و تفكر اني بحقق معاها

عسال…..بالعكس انا هعرفها اصلا اني مقولتش اي حاجه عنها و سيبتلها مساحتها الخاصه دي تعرفك بيها بطريقتها

حنان…..بابتسامه طيب قولي عندها كام سنه

عسال….بأبتسامه جميله اهو السؤال ده بقي بالذات كان اول سؤال و عدتها اني مش هقولك عليه و لو سألتيني مش هجاوبك وهسيبها هي ترد بنفسها عشان تشوف رد فعلك

حنان….باتسامه استغراب اشمعني يعني

عسال….اممممم يعني تقدري تقولي كده اني لما حسيت ان نادين هي البنت اللي حابب تكون في حياتي هي مكانتش موافقه و مش عشان هي مش بتبادلني نفس الشعور بالعكس بس عشان موضوع السن ده و اكيد هحكيلك بالتفصيل بعد كده ليه خدت قرار اني مقولكيش لما تقعدي معاها بس يعني انا كنت حابب اثبتلها انه موضوع بسيط جداً و حبيت كمان تشوف رد فعلك بنفسها عشان تتأكد انه بسيط بالنسبالك انتي كمان.

حنان…..بضحكه جميله وصافيه اممممم ده كلام كبير بقي ايه اكبر منك ؟

عسال….بابتسامه جميله رفع حاجبه اشمعني يعني قولتي اكبر ليه مش اصغر

حنان…..لان البنات عموما بتحب الراجل يكون اكبر منها و سلامه قالي عن ايه انها اصغر واحد فيهم و عندها باين 27

عسال…..بضحكه جميله بتشغلب دماغك يا حنون

حنان…..عيب يا ولا امك ذكيه بردوا و فهمت اصلا من الاول انها اكبر منك

عسال….طيب بأمانه و انتي عارفه اني بفهمك من عنيكي مقولتيش بينك و بين نفسك ليه او حتي اعترضتي او فكرتي تنصحيني

حنان…..انصحك بأيه يا ميدو هو السن يا حبيبي يعيب صاحبه و يخليني اقدم نصيحه بالعكس و بعدين يعني انا كل اللي فرق معايا فرحتك و صدق الحب اللي في عينك يمكن انت عرفت بنات قبل كده و فضلت معاهم وقت اطول من كده بس دي اول مره اشوفك مبسوط بتحب بجد مهتم واخد الموضوع بجد و ده معناه ان نادين بالنسبالك حد استثنائي

عسال…..اوي يا امي اوي بجد بصي اولاً لما تتعرفي عليها مش عايزك تعرفيها انك عرفتي سنها و لا عايزك تبيني انك كنتي عارفه لان بصراحه انا وعدتها مقولش لان وقت ما رفضت كان موضوع السن ده بالنسبه ليها مشكله كبيره و يمكن لما تسمعي منها حكايتها هتفهمي ليه عقدة السن دي عندها

حنان…..اكيد مش هقول و لا هسأل هسيبها هي تقول اللي هي عيزاه

عسال…..ياريت انا عرفتها ان الموضوع مش فارق معايا و هي قالتلي بلاش تستعجل علي الاقل شوف راي مامتك عرفتها كمان ان انتي تفكيرك زي تفكيري مختلف و السن مش حاجه كبيره

حنان….ده اكيد

عسال…..المهم يعني اني وعدتها مقولكيش عشان هي تشوف بنفسها رد فعلك و تتأكد من كلامي ده

حنان…..هي اكبر بكام سنه يا ميدو

عسال….بأبتسامه انا فرجتك صورتها واحنا هناك خمني

حنان….انت عارف اني مش بعرف بالشكل و بعدين هي ربنا يحميها زي القمر و شكلها صغير و مش باينه جنبك اصلا ماشاء عليك يعني

عسال….طيب قولي اي حاجه ؟

حنان….بأبتسامه و الله مش عارفه صراحه سلامه فرجني كل الصور و كل البنات زي القمر بجد و باين انهم صغيرين في السن يعني حتي الكبيره اللي رشيد معجب بيها باين انها لسه صغيره في الثلاثينات مثلا

عسال….بابتسامه ايمي لا هي ايمي اكبر بس هي فعلا زي القمر و شكلها ميديش سنها ايمي تقريبا قالت 42

حنان…..ما شاااااء الله دي قمر بجد ما انا بقولك السن ده رقم مش اكتر بس مستحيل نادين تكون اكبر بكتير هي بجد شكلها صغير

عسال…..طيب ادي رقم قولي اكبر بقد ايه

حنان…..هو لو عالشكل مش هقول انها اكبر منك هي كمان اتخميت فيها زي ما اتخميت في قولت اسمها ايه

عسال…..ايمي

حنان…..اه مستحيل اديها السن ده بالكتير اقول في اول الثلاثينات ااااا يعني مثلا اكبر منك بأربعه خمسه وده كتير اوعي تقول اكتر من كده

عسال…..بضحك طيب لو اكبر من كده هتعترضي

حنان…..بحب لا يا حبيبي عمري بص يا عسال انت راجل يا حبيبي مش صغير حتي النصيحه كبرت عليها بس بما اني امك هفضل اديك نصايح انت واخواتك لحد ما اقابل و جه كريم

عسال….بعظ الشر عنك يا حبيبتي

حنان….يعني مثلاً اقولك فكر يا ميدو دي مش شبهك دي ممكن تتعبك دي اسلوبها مش اوي دي طباعها صعبه يعني لكن دي اصغر دي اكبر مقدرش لان موضزع السن ده اهم حاجه فيه التفاهم لو قدرتوا تتفاهموا هتقدروا تعدوا حجات كتير اوي مت بعض و دي اهم حاجه

عسال…..ماشي يا ستي عموما نقدر نقول انك جبتي الرقم الصح نادين 34 سنه

حنان…..يعني اربع سنين

عسال….امممم يعني هي داخله علي ال35 و انا خلاص يعتبر ثلاثين

حنان…..بس جميله بجد و سنها مش باين عليها خالص و اصلا ده مش فرق خالص

عسال…..يعني بذمتك يا حنون مش حاسه انك نفسك تعترضي

حنان…..اكيد لا بس المهم انت يا ميدو

عسال…..انا من اول ما شوفتها مفركتش في السن و لا فكرت في اي حاجه و من قبل حتي ما اعرف اسمها قلبي قالي هي دي

حنان…..بنظره حب يبقي هي دي يا حبيبي وامشي وراء قلبك ادام اختار بس شطارتك بقي وانا عارفه انك هتعمل كده انك تنسيها موضوع السن ده خالص بما انك قولت ان هي عندها مشكله معاه

عسال….انا بعمل كده فعلاً زي ما قولتلك لما اتكلمت معاها قالتلي انا عمري ما فكؤت ارتبط بشخص اصغر مني و لما اتكلمنا اكتر عرفت ان رفضها بسبب عقده بسيطه اهلها كانوا سبب فيها و انا خدت عهد علي نفسي انسيها خالص موضوع السن ده

حنان…..وانا واثقه فيك و عارفه انك هتقدر و علي فكره بقي البت زي القمر و لايقه عليك و هي واقفه جنبك

عسال…..بسعاده طب انا لايق عليها

حنان….بضحك طبعاً زي القمر

عسال…ايوه اظهري الحماه الي جواكي

حنان….بضحك لا متقلقش مش هعمل كده انت عارفني كويس ربنا يسعدكم يا حبيبي و يفرحني بيكم

عسال…..يارب و إن شاء الله قريب هخليكي تشوفيها

حنان…..وانا جاهزه اي وقت يا حبيبي

عسال……ربنا يخليكي ليا يا ست الكل

حنان….ويخليك ليا انت و اخواتك

عسال….هما فين صحيح

حنان….نايمين مصطفي و ريهام ناموا قبل ما سلامه يطلع و سلامه دخل نام قال مصدع

عسال…..ماشي يا حبيبتي يلا قومي نامي انتي كمان

حنان…..طيب مش هتاكل الاول

عسال…..لا انا مش قادر كلت مع الشباب عند عشري هدخل بس اخد دش كده و انام

حنان….ماشي يا حبيبي يلا تصبح علي خير

عسال….وانتب من اهل الخير يا حبيبتي .

…………….

في صباح يوم جديد كان اليوم مختلف تماماً كل واحد فيهم نزل علي شغله الشباب كانوا متحمسين جداً كل واحد عامل مفجأه معينه في دماغه و طريقه مختلفه يفاجئ بيها البنات

بدأوا يخلصوا مشاويرهم و تقريباً ليله الوحيده اللي كانت علي الخط مع الشباب قالت لفضل نعيمه هتكون فين و اتصل ميدو بيها كمان يعرف منها نادين هتكون فين

و قالت لعشري قبلها بيوم مكان العياده بتاعت سلمي عشان حسان يروحلها و عرفت كمان ان حتي سلامه هيروح لايه و بقت عارفه خط سير الكل و الساعه بقت سبعه مساءاً

عشري……ايه يا حبيبي ايه الاخبار؟

ليله…..كله تمام انت عامل ايه

عشري….زي الفل

ليله…..مالك صوتك تعبان

عشري…..مصدع شويه من امبارح و قيست الضغط كان عالي شويه

ليله…..طيب من ايه

عشري…. مش عارف والله بس يمكن عشان نومي لسه مش مظبوط و في شغل كتير و رايح جاي طول الوقت يعني مرهق شكلي كده خدت علي الراحه في دهب

ليله….طيب في حاجه بتاخدها للضغط

عشري…..خدت خلاص

ليله……طيب كلت المهم

عشري…..انا فطرت الصبح شويه كده وابقي اتغدي المهم لسه وراكي شغل

ليله….بابتسامه ايه بتفكر تفاجئني زي الشباب انت كمان ولا ايه

عشري….بضحكه جمياه علي اساس يعني اني مستني افاجئك ما انا كل شويه بنط و بتلاقيني في وشك بس صراحه انهارده مش قادر و لا شايف قدامي اصلا

ليله….طيب بقولك ايه ما تطلع يا حبيبي كده ارتاح و نام ساعتين ولا حاجه

عشري…..انا واقف انهارده بدل فضل بس ممكن شويه كده اطلع لاني مش قادر

ليله…..سيب الكافيه لاي حد معاك و ارتاح شوبه وابقي انزل مش هيحصل حاجه يعني

عشري…..ماشي المهم انتي فين كده

ليله……انا خلصت اللي ورايا و لسه مش عارفه اروح ولا اروح لايمي

عشري…..هي ايمي مش هتقابل رشيد هي كمان

ليله….والله ما عارفه تصدق نسيت اسألها عموما هشوفها كده لو هتاقبلوا بقي خلاص هروح

عشري…..ماشي عرفيني بردوا هتعملي ايه و انا لو طلعت انام شويه هعرفك بردوا

ليله….اوك يا حبيبي هتصل بيها الوقت علي طول و هرد عليك و انت ياريت تطلع الساعه الوقت سبعه يعني حتي اصحي علي تسعه ولا عشره عشان تقدر تكمل يومك

عشري…..ماشي يا حبيبي المهم سوفي هتعملب ايه و عرفيني يلا سلام

ليله….باي يا حبيبي

قفلت ليله معاه واتصلت بايمي

ايمي…..ايوه يا ليله

ليله…..وحشتيني

ايمي…و انتي كمان فينك كده

ليله…..كنت بخلص مشوار كده و قولت اشوفك انتي فين

ايمي….انا في المطعم مستنيه رشيد قالي هيعدي عليا و هنخرج شويه

ليله…..طيب كويس بقي اني عرفت قبل ما اجيلك

ايمي….انتي كنتي جايه؟

ليله….اه لاقيت نفسي خلصت بدري و زهقانه قولت اعدي عليكي ما انتي عارفه الشباب كلهم هيعملوا مفجأه للبنات زي ما قولتلك

ايمي…..اه رشيد كمان قالي طيب بقولك ايه تعالي وانا هقول لرشيد يخليها بكره انا اصلا مليش مزاج اخرج

ليله…..لا طبعاً مينفعش اخرجي معاه و انا اعدي عليكي اي وقت تاني

ايمي….عادي والله بقولك مليش مزاج اوي

ليله….انتوا زعلانين ولا ايه

ايمي….لا خالص بس انا مش في المود شويه و متقوليش في ايه عشان والله ما في اي حاجه

ليله….بضحك ايه هرمونات

ايمي….بضحك انتي هتعملي زي رشيد

ليله….بضحك ما ليه حق لو مفيش سبب تبقي هرمونات

ايمي….لا والله مش هرمونات زهق عادي

ليله….طيب يا قلبي روحي غيري جو معاه و هتبقي احسن يا اختي

ايمي….طيب وانتي

ليله….هروح البيت اتفرج علي فيلم او مسلسل علي نيتفليكس مش هغاب يعني

ايمي….والبلطجي بتاعك فين

ليله…..لا حرام تعبان انهارده و ضغطه شكلوا عالي

ايمي….ليه سلامته

ليله….بيقول لسه مش مظبط نومه و بصراحه من وقت ما رجعنا وهو مش بيقعد

ايمي…..رشيد بيقولي والله ان موضوع الكافيه الجديد واخد وقته و اكيد كمان المعرض يعني هما مضغوطين بصراحه

ليله….اه يلا ربنا معاهم ان شاء الله و يفتحوا علي خير

ايمي….يارب يا قلبي طيب خلاص روحي بس بكره تجيلي

ليله….حاضر لو مش عندي اي مشاوير هطب عليكي

ايمي…..ماشي يا قلبي يلا خدي بالك من نفسك

ليله…..ماشي يا قلبي يلا باي

ايمي…..باي.

قفلت لياه و رجعت اتصلت بعشري تاني

ليله….الووو

عشري…..ايه يا حبيبي

ليله…..بقولك ايه انا هروح خلاص

عشري…..ايه خارجه هي كمان؟

ليله….اه رشيد هيعدي عليها

عشري…..ماشي يا قلبي بقولك ابه انا كمان لسه طالع اهو علي البيت عشلن مش قادر

ليله….طيب احسن نام بقي شويه

عشري…..لا انا مش هنام غير لما تروحي و اطمن عليكي

ليله……لا تستني ايه انا لسه قدامي ساعه او ساعه الا ربع و اوصل الطريق زحمه اصلا

عشري…..هاخد دش لسه عشان افوق تكوني قربتي

ليله…..طيب تمام يا حبيبي و انا مش هتأخر عليك ان شاء الله

عشري…..علي مهلك يا قلبي

ليله….يلا يا حبيبي سلام

عشري….سلام.

قفل معاها عشري و نزل شبابيك العربيه و ابتسم بهدوء و دور العربيه و طلع علي بيتها.

و للحديث بقيه…..

……………….