لقاء كارثي
لقاء كارثي 94
لقاء كارثي
أميره أسامه
صاحبة البطل الواحد
. البارت الرابع و التسعين .
………………………
مصطفي……طيب كل واحد فيكم يقول ايه اكتر حاجه بيخاف منها.
ريهام…..بيخاف منها ازاي يعني ؟
مصطفي…..يعني بيخاف منها حاجه بتخوف كل واحد فيكم
ريهام….ايوه يعني ايه نوع الحاجه تقصد حيوانات مثلا و لا عفاريت
مصطفي…..اي حاجه في الدنيا بيخاف منها سواء حاجه تتحس تتشاف مشاعر معينه اي حاجه هنشوف مواهب و فضايح الوقت نبدأ من عند رشيد
رشيد….اااا لا معرفش اصل خوف خوف يعني مفيش يعني انا مش بخاف من قصه الجن و العفاريت والجو ده بس اكيد لو حصل معايا موقف في وقتها هحس بالخوف بس مش هيبقي فوبيا يعني
مصطفي…..طيب بعيداً عن العفاريت والجو ده اكيد عندك فوبيا او خوف من حاجه معينه
رشيد….ايوه زي ايه انا مش فاهمك
تقي….بيتهيألي مصطفي يقصد الخوف بشكل عام يعني ممكن خوف واقعي
مصطفي…..ايوه اي حاجه يا رشيد من الصوت عالي من الضلمه من المرتفعات من الموت من الفشل حجات كده ممكن حاجه تضحك و مش اي حد بيخاف منها
رشيد….طيب تمام فهمت انا بصراحه بخاف من التغيير
مصطفي…..بضحك بتخاف تغير لبسك
ضحك رشيد و حدفوا بالمناديل
رشيد…..يا اخي بقي
مصطفي…..بضحك مفهمتش طيب
رشيد……التغيير في الثوابت او الحاجه اللي انت متعود عليها تغيير الدنيا ده مرعب يعني بخاف لما الدنيا تتغير حواليا بسرعه
مصطفي…..طيب انا فهمتك بش وضح اكتر ماهو الطبيعي ان الدنيا تتغير
رشيد….الطبيعي ده التغيير المنطقي عادي كل يوم مش زي اللي قبلوا و كل جيل و مرحله مش زي اللي قبلها و بنتطور فا كل ده عادي بس مثلا في تطور ممكن في لحظه يغير الدنيا علي سبيل المثال ال شات چي بي تي تكنولوچيا رهيبه و تطور فظيع بينفع مش هننكر بس للاسف من وقت ما نزل و هو ضرره اكبر من فايدته او الناس استخدمته غلط سابوا اهميته في حياتنا و ابتكروا فيه سلبيات غيرت ناس كتير
حسان…..ده مرعب بصراحه وانا من وجهه نظري ملهوش اي اهميه و لا فايده
رشيد….لا ليه يا حسان بس الناس بتستخدمه غلط ويمكن اغلب الشباب فهموا ال concept او المفهوم و الفكره بتاعته غلط
نسمه….بضحك احنا بنستخدمه عشان نعمل صور
رشيد…..ياريتها تيجي علي كده يا نسمه هي دي كارثه في حد ذاتها بس خلينا نقول اقل ضرر في ناس بيستخدموا علي ان ده شخص او صاحب بيتكلموا معاه في ناس بتدخل تحكي اسرار بيتها و مشاكلها علي ان شات چي بي تي ده دكتور نفسي و بيسمعها و في كتير لا هو مرعب فا باختصار يعني انا بخاف من الحاجه اللي تخلي الدنيا تتغير حوالينا.
مصطفي……تمام فهمتك طيب و انتي يا ايمي
ايمي….انا بخاف من الفقد بصراحه يعني فكره اني افقد حد بحبه دي مرعبه بالنسبالي سواء بالموت او ان حاجه تحصل تخليني اخسر الشخص ده للابد
مصطفي….جميل حسان
حسان……امممم زي ايمي فكره الفقد دي مرعبه يعني اوقات كده كل واحد بيجي عليه الوقت ده اكيد انه يفكر في شخص معين انه ممكن يفقده لا مبقدرش اتحملها حتي لو خيال فا لو واقع مرعبه.
مصطفي…..طيب سلمي
سلمي….بابتسامه بص يعني التغيير اللي قاله رشيد و الفقد اكيد حجات تخوف بس انا عندي فوبيا من حاجه ممكن تبان عاديه انا عندي فوبيا من الدوشه
مصطفي….بايتسامه الصوت العالي يعني و لا الزحمه
سلمي….بضحك بص هو الاتنين بس ممكن اتقبل حاجه لوحدها يعني انا عايشه مع بني ادمه صوتها عالي علي طول سواء بجد او بهزار هي طبيعتها كده
ايه…..بابتسامه انااا
سلمي….اه ايه فا بتقبلها و كمان ممكن اكون في مكان في زحمه و دوشه بسيطه بس لو جمعت الاتنين مع بعض بحس اني بتخنق و بتوتر مقدرش اسوف ناس كتير و صوت عالي و زحمه لا معرفش بتوتر اوي
مصطفي…..تمام فضل
فضل….انا بخاف من الفشل يعني اخاف اني ادخل علي شغل او اخد قرار مصيري و افشل ديما عندي الفكره دي
مصطفي…..انت شخص متسرع
فضل……خالص انا بفكر في الحاجه كتير قبل ما اخد قرار التنفيذ يعني بحب ادرس اوي الحاجه عشان الفشل بالنسبالي ممكن يعطلني كتير و ادخل في اكتئاب و اشوف الدنيا سوده مش استسلام بس فكره الفشل مرعبه بالبنسبالي
مصطفي….حلو و انتي يا نعيمه
نعيمه….بضحك انا بيتهيالي الكل عارف
ليله….بابتسامه شالت السيجاره من بوئها مسكتخا ونفخت الدخان لا معلش الطلعه دي عندي انا
نعيمه…..بضحك استري عليا
مصطفي….بضحك لا بيتهيألي اتغرفت خلاص الحشرات صح
ليله….هي اه بس خليني ازود عليهم مصطلح اقرب للواقع من الفوبيا بتاعت نعيمه و ده بجد مش بهرج نعيمه بتخاااااف من اي حاجه في الدنيا بتمشي او بتتحرك غير البني ادمين و العربيات و ده بجد
ضحكوا كلهم و فضلت نعيمه تضحك
مصطفي……اي حاجه اي حاجه؟
سلمي….يالهوي دي فظيعه
ليله….ورحمه امي يا مصطفي انا مش ببالغ حرفياً نعيمه بتترعب من اي حاجه بتتحرك و بتفضحنا و يمكن من الاسباب اللي مفرحاني اني هتجوز والله اني هبطل اتروش بسببها
نعيمه…..بضحك اخس عليكي
مصطفي…..طيب بتخاف بسبب حاجه حصلت ماهو فوبيا الحشرات دي موجوده عند الكل وفي ناس بسبب الكلاب تكون مثلا اتعضت
نادر….لا نعيمه كده من زمان
نسمه…..هو انا بخاف من الحشرات علي فكره بس مش الخوف بتاع نعيمه هي ممكن يغم عليها
ليله….بضحك بص يا مصطفي عايز تشوف مراحل الخوف اللي بتوصل للموت شوفهم في نعيمه هي بتبدأ بصوات و الصوات يتحول لهيستريا و الجدع اللي يوقفها بتبقي بتطلع في الروح بجد
نعيمه….بضحك بص هو انا المشكله في الاول خالص هي بسبب علي فكره يعني زمان ماما كانت جيبالي لعبه كده بتتحرك بزمبلك علي شكل الكلاون اااا اللي هو البلياتشو ده ولا المهرج هو شكلوا عادي بس انا كنت بخال منه اوي و لما يتحرك افضل اجري و اصوت فا بقي عندي عقده
مشكلتي بقي ان لو فرضنا ان حاجه طارت او مشيت عليا انا بفضل حاسه باحساس مشيتها علي جسمي لدرجه والله والله يا مصطفي ممكن الشعور ده يلازمني كذا ساعه طول الوقت حاسه بنفس الحركه علي المكان اللي الحشره دي لمستني فيه حتي لو دبانه
مصطفي…..بضحك انتي الدبان كمان داخل معاكي
نعيمه…..اه مقدرش
ليله…..نعيمه عندها كده اسبراي بترشوا علي جسمها لو رايحه اماكن ممكن تلاقي فيها دبان ناموس
ايه…..ميلو الوحيد اللي بتحبه
نعيمه….محصلش
ليله…..بضحك مجبره حبيبتي المهم ميلمسهاش او يجي جنبها طب انا هقولك موقف سريع كده مره جالي هديه علي البيت فا هي استلمتها كان بوكس ده شكلوا حلو و متغلف بطريقه كده حلوه خدت الاوردر من الدليڤري ومشي اتصلت عليا قالتلي ليله جالك اوردر قولتلها اورد ايه انا مطلبتش حاجه قالتلي لا ده جيفت فا قولتلها طيب ازاي تستلمي حاجه من حد قبل ما تعرفي من مين و ايه الجيفت ده افتحي و قوليلي البوكس في ايه و شوفي لو في كارت عشان اعرف من مين قالتلي اوك خليكي معايا
ضحكت هي ونعيمه
ليله…انا فجأه سمعت صريخ هيستيري ده صريخ واحده حد ماتلها شافت جن اتكهربت في مصيبه بتحصل و انا سايقه و معرفش في ايه و طبعاً هي سابت الموبايل و جريت بره الشقه و سابت المفتاح و كنا في صيف و طبعاً هي قاعده براحتها في البيت انادي عليها مفيش قفلت واتصلت مفيش اتصلت بالحارس اسالوا او يطلع يشوفها لحد ما اجي رد عليا و قالي انها معاه و منهاره رجعت جريت اول ما شافتتي انهارت عياط عياط وانا مش فاهمه في ايه لحد ما عرفت ان البوكس في قطه
مصطفي…..بضحك قطه
كلهم ضحكوا وهي كانت مخبيه وشها وراء فضل و عماله تضحك
ليله…..والله العظيم قطه و بعدين كانت قطه كيوت و جميله خد بالك انا مليش في تربيه الحيوانات و مبعرفش اتعامل معاهم بس دي قطه صغيره قد كف الايد يادوب اربعين يوم و بعدين هي في البوكس يعني شافتها بس لا لمستها ولا خرجت فضحتني و فضحت الدنيا و كانت هوموت والله من الخوف
مصطفي……عملتي ايه في القطه
ليله….بهدومي و رحمه امي وانا واقفه عشان توافق تدخل كانت واقفه اصلا علي الباب تعيط دخلت خدت البوكس و روحت لايه ادتهالها
ايه…..بابتسامه كانت جميله قعدت يومين و ماتت تقريبا من صريخ نعيمه كرهها في الحياه
ليله….بضحك ده كرهني انا في الحياه وانا رجعالها بسرعه اشوف حصلها ايه انا كل فتره اجيب حد من شركه كده يرش البيت عشان ميجيش اي حشرات هو البيت نضيف ديما الحمد لله و بحاول علي قد ما اقدر يكون كده لان انا واثقه لو لقت حاجه وانا مش معاها هاجي الاقي عندها ساكته قلبيه يعني انت يا فضل يومك مهبب
فضل…..بضحك لا ما انا عارف متقلقيش
مصطفي…..طلع قلبك ضعيف
نعيمه….لا مقدرش اموت والله اي حاجه تتحرك اخاف عايزه اقولك اني كنت مرعوبه من الكتكوت اللي ايه مسكتوا لما كنا بنلعب بس مرضتش اقول
مصطفي…..بضحك بس ده بزمبلك لعبه يعني
نعيمه….بخاف والله يا مصطفي معرفش بيحصلي ايه بس مقدرش
مصطفي…..بضحك ربنا يكون في عونك يا فضل يلا وانت يا ميدو
عسال…..كان عندي فوبيا بس قريبه كلكم عارفين وهي الضلمه و الحمد لله اتغلبت عليها بس اكيد زي ما قال حسان الفقد شعوره مرعب
مصطفي…..طيب وانتي يا نودي
نادين…..بضحك انا بتوتر من اجواء الشتاء يعني مطر برق رعد مع بعض بيرعبوني
مصطفي….اه عرفت انا الفوبيا دي
نادين….بابتسامه انا اتفضحت اصلا كله عارف
مصطفي….طيب وانتي يا امنيه
امنيه….انا بخاف بس مش فوبيا يعني بخاف من المستقبل اي حاجه لسه مش معروفه بخاف منها يعني فكره بكره ممكن يحصل ايه دي بتخوفني بس مش لدرجه الفوبيا
مصطفي….وانت يا عمرو
عمرو…..الفشل زي فضل هو انا بطبيعتي شخص مغامر و بحب اجرب و مش بيأس بس لما اعمل اللي عليا اوي و اتقن اللي بعملوا وافشل دي مرعبه هي الحمد لله محصلتش بس اخاف تحصل
مصطفي……اممم نادر
نادر…اااا يعني هو التغير بس مش زي ما قال رشيد يعني فكره تغيير او تقلب النفوس ده مرعب اوي اني اعاشر بني ادم و اخلص ليه و اقابل ده بالخيانه مرعب و يمكن انا عشان الموقف اللي حكيته فا حصلي زي عقده مش عارف بس يعني متمناش اجربه تاني
ايمي…..بس لازم تعبتروا درس اكتر ما تكون عقده يا نادر يعني حرص متديش ثقه زياده عن اللزوم بس في نفس الوقت تكون واخد الموضوع علي انه درس
نادر…..ده اكيد طبعاً
مصطفي…..طيب سليم
سليم…..انا مش بحب الاماكن الضيقه يعني في اماكن انا روحتها شعبيه البيوت قصاد بعض بشك بشع ممكن اموت فيها مقدرش اي حاجه ضيقه بتعملي ضيق تنفس و ابقي عايز اخرج منها بأي شكل وعندي فوبيا كمان اني اظلم حد لاني جربت شعوره فا محبش اجربه تاني و زي ما بيقولوا يعني يا بخت من بات مظلوم و مابتش ظالم
مصطفي…..حلو اوي و انت يا عدي
عدي…..اااا معرفش بس معنديش فوبيا من حاجه
مصطفي…..بضحك ايه مفيش مشاعر
ضحكوا كلهم علي مصطفي
عدي…..بضحك لا مش كده يعني مش بخاف من حشرات او اي حاجه بتتحرك زي ما نعيمه قالت مش بخاف من التغيير زي ما رشيد قال مع انه ليه وجهه نظر مش بخاف من كل اللي اتذكر يمكن الفقد شويه شعوره مش حلو و يوجع بس لو فقد موت فا كلنا هنموت لو فقد شخص عايش اكيد في حكمه هي حجات تضايق بس مش لدرجه فوبيا فاهمني
مصطفي….ماشي طيب نسمه
نسمه….بابتسامه بص انا بخاف اقعد في مكان لوحدي
مصطفي…..الوحده يعني
نسمه…..مش بالمعني الحرفي اقصد اني اخاف اقعد في مكان لوحدي
مصطفي…..اه عفاريت وكده
نسمه…..جدا بقي مع ان انا والله مش خوافه بس ممكن وانا قاعده لوحدي افتكر كل حاجه مرعبه شوفتها سواء كابوس او فيلم رعب او حكايه حد قالها قدامي و احس ان في حد جنبي
مصطفي…..طيب تقي
عدي….بهمس دم دم يا عدي
تقي…..ضحكت و حطت ايدها علي وشها اااا خيررررر
ليله….بابتسامه ااااه خير
عدي….بضحك مفيش والله
تقي…اااا بص هي مش فوبيا اوي بس انا ديما اللي بيسألني عن العربيه ليه مش بتسوقي ليه مش عندك عربيه ليله قالتلي كذا مره هجيبلك عربيه فا بقول مش عايزه مش طموحي و كده بس الحقيقه اني اخاف اجرب
مصطفي……طب ما انتي عشان مجربتيش اكيد
تقي…..لا مش كده بس فكره اني احرك حاجه و امشيها وسط العربيات والناس يالهووووي مرعبه حاسه اني مقدرش
مصطفي……علي فكره السواقه سهله جدا و انتي تقدري تتحكمي في السرعه
تقي….مشكلتي مش في السرعه انا بقعد مع ليله وهي بتسوق مجنونه و صحابي مجانين مش بخاف بس انا الفكره نفسها اني ماشيه في الشارع و متحكمه في شئ مرعب
مصطفي…..بضحك لا ده مرض نفسي لازم تتعالجي منه
تقي…..بضحك فعلا والله
سلمي…..علي فكره الفوبيا انواع و في ناس بتخاف من حجات ممكن تضحكوا عليها بس هي الفكره ايه هي الحاجه دي و شعورها علي البني ادم كل واحد فينا ليه رد فعل من حجات معينه
مصطفي….اكيد طبعاً بس ده ميمنعش انها مريضه نفسياً
اقي…..بضحك شكراً يا مصطفي
مصطفي…..بص لنعيمه انتي مش بتاخي من البني ادمين و العربيات جاتلك واحده تخاف من العربيات اهي يا عاقله تخيلي كده شافت عربيات كتير بتجري قدامها و دي واقفه تصوت
نعيمه….بصحك يا مجنوننننه
تقي…..يا ابني مش بخاف من العربيات انا بخاف من فكره ان انا اللي احرك.عربيه و امشي بيها بقولك ايه انت مش فاهم
مصطفي…..بضحك لا فهمتك والله بس انا بهزر اكيد يلا محمود
محمود…..بص هو انا معنديش بس زمان كان عندي فوبيا من حاجه معينه كده و مضحكه
بصتلوا امنيه و ايمي و فضلوا يضحكوا
محمود…..بضحك انا كنت بخاف من الكاميرا اوي و من المرايا يعني امي كان عندها كاميرا بتصورنا في اعياد ميلادنا اي مناسبه كنت اول ما اشوف الكاميرا طالعه اعيط و اصوت واقلبها نكد لدرجه انهم كانوا بيصوروني من ورايا
مصطفي…..بضحك طب معلش لحظه ضحك تاني يعني ايه من الكاميرا
محمود…..بضحك فكره اني فجأه اللقي نفس الواقفه و نفس اللي كنت بعملوا ومين كان جنبي ومين ورايا و مين بيضحك و بين ماسك مناخيره من ثانيه و الاقيها علي صوره يا نهار اسود مرعبه فكره اني اشوف نفسي اصلا كان يوم اسود
مصطفي……بضحك با عالم يا دجالين يا بتوت السحر و الشعوذه يا ولاد الكلب
ضحكوا كلهم و فطسوا من الضحك
محمود…..بضحك والله يا مصطفي ده اللي كنت عايز اقوله وانا صغير بس معرفتش ازاي بجد
ايمي….بضحك علي فكره ده بجد ماما كانت بتحب اوي توثق اي لحظه او مناسبه زي كلنا يعني زمان والوقت كانت بتصوروا من وراه و المرايات كانت بترعبه
سلامه…..بضحك هو طبق المثل اللي بيقول بيخاف من خياله
محمود…..ده حرفياً والله يا سلامه بس كان زمان بقي لما كبرت و عرفت خلاص مبقتش فوبيا و علي فكره بحب الصور و التصوير و بقف اظبط شعري في المرايا وقت طويل بس معرفش ليه زمان كنت بخاف
حنان…..بضحك طي بمحدش كان بيفهمك
محمود…..ما انا طفل مهما يقولوا مش هستوعب و الله يا حنون كنت بكرن الصور و بخاف اصلا من الالبوم بتاع زمان ده في عفاريت هنا شبهنا بس خلاص بقي ايام الطفوله
حسان…..بصحك والله كان فينا براءه يا جدع
مصطفي……بضحك طيب و انتي يا امي
حنان…..مش بخاف من حاجه والله بس يعني مش الموت بس وجع الفراق وحش و اخاف اجربوا تاني بس
مصطفي….حلو طيب سلامه
سلامه…..فقد السيطره
مصطفي…..يعني ايه
سلامه……يعني انا شخص متحكم في غضبي نوعاً ما لا اوڤر اوي و لا بكبت غضبي بس في العموم لو شخص غالي عندي محبش وقت غضبي ابين غضبي ده قدامه
بس من الحجات اللي بتخوفني اوي اني اكبت غضبي كتير فا يجي عليا وقت افقد فيها السيطره لان انا نفسي مش بعرف اوقف فا اني افقد سيطرتي علي غضبي ده تحتخا احتمالات كتير ممكن تبوظ علاقتي بالشخص اللي قدامي
نعيمه….سريع الغضب يعني
سلامه…..لا مش سريت الغضب يعني انا ممكن ازعل منك او اضايق من موقف فا لو انتي غاليه هنسحب لحد ما اهدا ممكن تضغطي عليا فا انفجر فيكي بس اللي انا اقصده هنا
لو فقدت السيطره من نفسي فجأه بسبب موقف حصل منك وقتها الدنيا هتبوظ
نعيمه …امممم فهمت حلو ده مع انك طيب يا سلامه
سلامه…..ملهاش علاقه يا نعيمه بالطيبه هي فكره ان في مرحله البني ادم ممكن يجي علي نفسه كتير بس يفيض بيه فا رد الفعل بيبقي غير متوقع
حسان…..اتقي شر الحليم اذا غضب
سلامه….بالظبط حسان اختصرها
مصطفي…..تمام و انت يا عشري
عشري…..بص هو فوبيا بالمعني الحرفي مفيش بس اكيد زي اي بني ادم عندي تخوفات من حجات كتير اوي يعني خوف من اني مبقاش قد الوعود يعني ادي شخص وعد اوفي عشان كده مش بحب اوعد لان بحس ان الوعد ده تقيل مسؤوليه يعني مقدرش اخيب ظن اللي قدامي و لا اقدر اوعد بحاجه ممكن انا الوقت شايف اني اقدر عليها بس وقت اني اوفي بالوعد مبقاش قده فهمت
مصطفي……حلو ده اوي طيب وايه تاني
عشري….. الندم يعني زي اني اخد قرار و ارجع بعد فتره اكتشف ان القرار ده غلط فا اندم و شعور الندم علي فكره شعور رخم و بيطول اوي
واكتر خوف ممكن يكون عندي ان صحتي تخوني دي بالنسبالي مميته
حنان….ربنا يديك الصحه يا حبيبي
مصطفي….بعد الشر عنك طيب و انتي يا ليله
ليله….ااا يعني موت الفجأه بالنسبالي مرعب يعني اه كلنا هنموت ووالموت علينا حق بس موت الفجاه ده مرعب اوي انك تبقي لسه مع شخص او مكلم شخص مرعبه علي فكره حتي لو شخص معرفهوش او في بينس و بينه معرفه سطحيه جداً و فجأه عرفت انه مات بتخطف و بكتئب و خد بالك حتي لو شخصين عامن مشهور مثلا لا بضايق و بحس ان نفسياً زي الزفت و انا يمكن عشان جربت الشعور ده امي ماتت و انا في حضنها وقاعدين نضحك و نتفرج علي فيلم فا حصلي فوبيا هو شتور بشع محبش اجربه.
مصطفي….ربنا يرحمها يارب وانتي يا ايه
ايه…..انا البحر يعني مش فوبيا بالمعني الحرفي اللي هو ملمسهوش وكده لا عادي بقعد قدامه و ممكن اقرب انزل فيه بس علي الشاطئ يعني يدوب وانا قاعدن المايه توصلي بس اني ادخل جوه لا مقدرض و بعدين انا عشان مريضه جيوب انفيه فا لما بنزل بحس غصب عني بخنقه مع ضغط المايه بحس نفسي بيروح و ممكن يحصلي بانيك اتاك فا بخاف وحاجه كمان بخاف منها في اكتر حاجه بجبها اللي هي الكلاب
مصطفي…..ايه انك تتعضي
ايه…..لا اتعضيت كتير صوت العواء بتاعم مش بحبه
حنان….يا ساتر ده وحش اوي
تامر…..انتي اين حكايتك مع الصوت انهارده في ايه
ايه….بابتسامه محدش فيكم مصدقني اني سامعه الصوت و مضايقني بجد
ايمي….صوت ايه مش فاهمه
ايه…..سامعه من شويه كلاب كتير بتعوي تامر قالي مفيش و سلامه قالي مفيش
عدي…..لا لا في علي فكره لما خرجت بره اولع الالعاب الناريه دي كان في صوت
ايه….شوفتوا بقي
رشيد….طيب ليه بتخافي منه زمان امي كانت تقول ان لما يحصل كده يبقي في موت
ايه……لا مش فكره موت بس هما الكلاب و الحيوانات عموما كل واحد بيعبر بطريقته و بعدين هما بيحسوا جداً بأي حاجه هتحصل يعني يوم السفربه الاولي والجو اللي اتقلب ده اسالهم ميلو مكانش ساكت وبقيت اقولهم في حاجه هتحصل و مصدقونيش قالولي لا هو عشان العربيه والطريق
ليله….يعني ياه يا بومه هنغرق المرادي
سلامه….بضحك شوفتي بومه بقت اسم علي مسمي
ايه…..بضحك شكلها كده.
حنان…..لا ان شاء الله خير
ليله….طب انت بقي بتخاف من ايه يا مصطفي
مصطفي…..بضحك بصي هي فوبيا عبيطه بس طلاقت تلاته لو ما طلعت عند نصكم ابقي كداب
عشري….بضحك ايه هي
مصطفي…..ان حد يبعتلي رساله و يقولي مصطفي عايزك يا نهااااار اسود عايزك دي وراها مصايب كتير انا عملتها
ضحكوا كلهم علي مصطفي.
حسان…..وعندك كمان لما حد يقولك مش عايز تقول حاجه
مصطفي…..بضحك صح صح والله اللي هو اعترف بمصايبك عشان انا قاطع عليك
ليله….بضحك انا زمان وانا صغيره كنت هبله اوي امي كان عندها طريقه كده لما تبقي حابه تعرف انت مخبي عنها حاجه ولا لا و انت متبقاش عملت وهي مش ماسكه حاجه عليك بس حابه تطمن كانت الله يرحمها تقعد تحط ايدها علي خدها و تبصلي و ترفع حاجبها تقولي هتقولي عملتي ايه انهارده من نفسك و لا اقوم اجيب الخرزانه
لو عامله مصيبه اعترف وقتي لو مش عامله اعيط وافضل اقولها والله ما عملت
ايمي……بضحك زوزو كانت تقولنا العصفوره قالتلنا
ريهام….ببضحك وماما والله
مصطفي….بضحك بيتهيألي اسطوره العصفوره دي كانت عند كل الامهات
حنان…..ما احنا هنخرج منكم الحقيقه ازاي غير كده
مصطفي….بضحك سلامه زمان كان يدخل عليا الاوضه يقولي كلت اقوله لا لسه يقولي تامل و تحصلني في اللحظه دي احس اني هيقام عليا الحد
سلامه….بضحك مصطفي غلبان اوي و بيبان عليه جداً فا ياعيني كان يخاف و بعدين كان بيعترف بأي مصيبه من قبل اي قلم بس والله عمري ما عملتها
مصطفي….لا معملهاش بصراحه حتي امي والله مفتكرش في يوم ضربتني او ضربت حد فينا
ايمي….زوزو كمان و حماده عمرهم ما ضربوا حد فينا
امنيه…..لا بصراحه عمرهم ما مدوا ايدهم علي حد فينا
مصطفي…..طيب محمود مطرقعش لحد فيكم بصراحه
امنيه…..لا والله محمود طيب اوي ممكن يرخم عليا لكن يمد ايده لا
مصطفي…..ولا ايمي
محمود….بصدمه ابتسم نهااار اسود لا يا جدع دي الكبيره دي تتقطع ايدي
ايمي….بابتسامه بعد الشر لا محمود محترم و بيحترم نفسه و عارف حدوده حتي مع امنيه مش معايا عشان كبيره عمره ما مد ايده عليها او حتي زعقلها
ليله…..محمود ده سكر و طيب وحنين وجدع و انا احسن الناس اللي ممكن تقابلهم علي المستوي الشخصي بجد
محمود…..قلبيييي يا لولي
مصطفي…..طب سلمي وايه و تامر اضربتوا
سلمي….لا بابا مش بيضرب خالص ولما بنعمل حاجه غلط كان يخاصمنا و يقطع كلام و دي بالنسبالي انا شخصياً كان عقاب بشع
مصطفي…..بس ايه بيتهيألي متعبه
ايه…..لا عمره ما مد ايده بصراحه هو زي ما قالت سلمي الصمت العقابي و بس نبقي هنتجنن و يصالحنا بس والله مكنتش بعمل مصايب انا شقاوتي في البيت بس
مصطفي…..طيب تامر
تامر….لا برضوا مضربتش
مصطفي….ولا ضربت
تامر…..بابتسامه يا جدددع لا طبعاً اللي هو هزار مقالب كده لكن جد مستحيل بس بنتخانق بنزعق بنتخاصم كده يعني
مصطفي…..والباقي
