لقاء كارثي

تامر….بابتسامه ماشي يلا تصبحي علي خير يا ايه

ايه…..وانت من اهل الخير

فضلت ليله واقفه و راسمه ضحكه علي وشها بس قلبها بيدق جامد بمجرد ما خرج و قفل الباب غمضت عينها ثواني و بعدين لفت بصت لايه و ابتسمت

ليله…..ايه انتي كويسه ولا تعبانه اوي

ايه…..بهدوء لا لا تمام انتي ايه اللي طلعك

ليله…..مفيش كنت رايحه اشوف الشاحن بتاعي فا سمعتكم قولت اشوفك

ايه…..انتي مالك ايدك بتترعش كده ليه

ليله…..ااا الجو تحت تلج هجيب بالمره اي حاجه احطها عليا اتغطي كويس بقي

ايه…..ماشي يا قلبي

ليله…..تصبحي علي خير

ايه…..وانتي من اهل الخير

خرجت ليله و قفلت الباب و راها و حطت ايدها علي قلبها و بعدين بصت علي ايدها كفوفها كانت بتترعش اوي من كتر التوتر لدرجه انها معترضتش او قالت لسلامه اطلع ليه اظام نامت واخوها معاها الكلام وقف عندها زي ما وقف عند سلامه.

سلامه تحت عينه كانت علي نفس المكان اللي ليله راحت منه قربت تقي و مدت ايدها بالقهوه خدها و هو مش مركز و بمجرد ما لمح تامر حس ان في جبل نزل من علي صدره و اتحرك من مكانه راح وقف عند حمام السباحه لما شافوا بيقرب مكانش قادر يستني و هو بيقرب عليه كان بيجاهد بشكل مش طبيعي انه يحافظ علي ثباته الانفالي

نزلت ليله بهدوء بصت الاول علي تامر لمحتوا راح قعد و بصت علي سلامه كان واقف عند حمام السباحه

لف راسه و شافها و فضل باصصلها

ابتسمت ابتسامه هاديه و هزت راسها و محبتش انها تروح عنده خافت انه يتكلم او بقول اي حاجه هي مش مستعده تسمعها او ترد عليها بصت علي سلمي كانت قاعده مع حسان مشيت عليها بهدوء.

…………حسان…يارب نكون هدينا شويه

سلمي….يارب انت اللي تكون هديت

حسان…..انا هادي بس انتي اللي كنتي متعصبه

سلمي….خالص انت اللي فهمتني غلط

حسان…..طيب خلينا نتكلم شويه و نوضح سوء التفاهم ده

قربت ليله بهدوء و ابتسمت

ليله…..حسان ممكن اخد منك سلمي كام دقيقه

حسان…..بابتسامه طبعاً

سلمي……رجعالك تاني

حسان…..ماشي يا حبيبي

قامت سلمي و راحت مع ليله بعيد شويه

سلمي…..في ايه يا لولي؟

ليله…..سلمي لازم تتكلمي مع تامر مبقاش ينفع تستني او حتي تلاقي فرصه

سلمي…..بخوف و قلق في ايه حصل حاجه و بعدين انتي مالك

ليله…..سلمي انا اعصابي سابت ايه طلعت عشان تنام لان الجيوب الانفيه تعباها تامر عرف من تقي انها طلعت تنام فا قال يطلع يطمن عليها و فجأه و انا واقفه لاقيت سلامه جاي حالته مش طبيعيه يا سلمي طلب مني اطلع اشوف ايه استغربت لانها قالت قدامي انها طالعه فا قولتله هي كويسه قالي اه قولتلوا طيب يعني خلاص هي هتنام قالي تامر فوق طلع يشوفها واكيد صاحيه سلمي انا حسيت ان سلامه عايز يقولي حاجه طلبوا ليا كان غريب اصلا كان عايزني اطلع اكون معاهم طلعت و اتعاملت عادي اخوكي كان فوق قولتوا انزل انا معاها و نزل
انتي فهماني يا سلمي

سلمي بصدمه هزت راسها

ليله…..روحي لتامر وحاولي تتكلمي معاه و عشان ميعرفش اني عارفه حاجه او ان انا اللي قولتلك انه كان فوق اسألي عادي علي ايه قولي اي حاجه و هو اكيد هيطمنك عليها او يقولك انه كان معاها وقتها خدي اخوكي و اتكلمي معاه مبقاش ينفع يا سلمي لو كنتي شوفتي الحاله اللي سلامه كان عليها كنتي فهمتي قصدي اخوكي هيتقبل منك الكلام هيسمعك يا سلمي احنا مش عايزين الدنيا تبوظ او سلامه يتهور او يحصل اي مشكله احنا في غني عنها خلي الفتره دي تعدي علي خير

سلمي….اااا تمام تمام يا ليله طيب ممكن تاخدي حسان او تنادي عليه يقعد معاكم هو مستنيني

ليله….طيب روحي انتي لحسان عشر دقايق كده و بعدين روحي لتامر عشان حسان ميحسش بحاجه بعد ما ناديت ليكي

سلمي…..اوك اوك

ليله…..يلا و خليكي هاديه

سلمي….حاضر

……………..

وللحديث بقيه ………