لقاء كـ،ـ،ـ،ـارثي

صاحبة البطل الواحد

. البارت الحادي و التسعين .

………………………
ليله……بنات هي فين تقي ؟

نعيمه….معرفش يمكن فوق

نسمه….لا انا لسه نازله من فوق مش موجوده كنت جايه أسال عليها اصلاً

ايمي….شوفوها وراء كده يمكن بتتكلم في الموبايل

نسمه….ماشي هشوفها

عشري…..أنا شوفتها من شويه يمكن بتعمل حاجه في اي اوضه مع البنات

ليله….كلنا تحت بنات مين ؟

راحت مطنسمه تشوفها مكانتش موجوده

نسمه……مش موجوده يا ليله طيب يمكن في الڤيلا التانيه

ليله…..هتعمل ايه هناك ؟

مسكت موبايلها و اتصلت عليها لقت موبايلها بيدي خارج التغطيه

ليله….بقلق موبايلها خارج التغطيه

امنيه….هي كانت معايا انا وعمرو قبل ما نروح نتمشي وخرجت معانا وقفنا علي الباب شويه بس جالها تليفون و احنا مشينا بس كانت قدام الباب لما سيبناها

عمرو…..اه مراحتش في اي مكان

ليله….طيب هي الوقت تليفونها بيديني خارج التغطيه يعني مش حتي مشغول

ايه….استني هبص عليها بره يمكن قاعده بتتكلم بره

امنيه…..احنا لما جينا مكانش حد بره اكيد دخلت و محدش شافها متأكده يا نسمه انها مش فوق

نسمه….مش فوق والله انا كنت في الازضه بغير هدومي

ليله….بنبرة قلق و انا لسه نازله و دورت عليها بقولكم مش فوق

حنان…..طيب اهدي يمكن بتتمشي بره نشوفها تاني

ليله….بقلق عشري فين تقي ؟

عشري….اهدييييي هنشوفها اكيد في اي مكان يمكن زي ما حنون بتقول انكلمت في الموبايل و سرحت و هي بتتكلم تعالوا معايا نشوفها يا شباب و انتوا دوروا هنا بردوا وشوفها هناك بردوا

خرج عدي قبل عشري هو وسليم و خرج معاهم كان واحد من الشباب كل واحد فيهم كان بيدور في مكان ربع ساعه بيدوروا و بيتصلوا عليها ملهاش اثر

و بدأت ليله تفقد اعصابها تماماً و مش هي بس الكل بدأ يتوتر فعلاً مكانش ليها اثر و عدي من وقت ما خرج هو كمان مع سليم مرجعوش

عشري كان معاهم علي الموبايل بس مكانوش لاقينها كل ده حصل في نص ساعه بالظبط و زياده عليهم التلت ساعه اللي امنيه و عمرو اتمشوا فيهم يعني بقالها ساعه الا عشر دقايق مش موجوده

ايمي…..ليله ممكن تهدي شويه هنلاقيها هي مش صغيره

ليله…..هنلاقيها فين وراحت فين اصلاً و ليه موبايلها خارج التغطيه تقي فيها حاجه يا ايمي

حنان….يابنتي متقوليش كده ان شاء الله خير والله

ليله……المشكله ان موبايلها خارج التغطيه يعني في مكان مش فيه شبكه

سلمي…..طيب هي تقي معاها خط تاني

ليله….لا

نسمه…..مش معاها غير ده

نادين….طيب ممكن تهدي انتي ايدك بتترعش يا ليله

ليله….تقي فين يا نادين تقي فين

ايمي…..استني يا ليله انتي رايحه فين

ليله…..انا مش هفضل قاعده كده مش قادره

ايمي…..طب استني جايه معاكي كملت بهمس بنات اتأكدوا تاني من كل ركن في الڤيلا هنا و عند الشباب احسن يكون مغم عليها او واقعه في مكان مش باين

ايه…..طيب طيب

نسمه….هطلع اشوفها تاني فوق

ريهام…..وانا جايه معاكي

حنان….استر يارب.

خرجت ايمي لقت ليله واقفه مع رشيد و حسان و عشري قربت منهم

ايمي…..ايه في حاجه

ليله….ملهاش اثر يا ايمي ملهاش اثر

عشري….ممكن تدخلي جوه طيب

ليله….ادخل فين انا عايزه تقي

عشري….بعصبيه بسيطه بقولك ادخلي متبوظيش اعصابنا هنلاقيها هي مش صغيره

ليله….هقول لابوها ايه يا عشري

حسان…..يا ليله اهدي هنلاقيها والله اكيد سرحت مع الموبايل و بتتمشي

ليله…..يا حسان الموبايل خارج التغطيه و الدنيا هاديه زي ما انتوا شايفين انا هايفه يكون حد خدها او عمل فيها حاجه

عشري…..مين هياخدها يا ليله الامن في كل مكان و في ناس علي فكره احنا مش لوحدنا ادخلي ابوس ايدك و هجيبهالك بقولك

رشيد….ليله تعالي انتي و ايمي كده جوه الشباب كلهم بيدوروا و كل واحد راح من مكان يعني هنلاقيها والله

ليله….طيب خليني معاكم و النبي والله ما قادره

رشيد…احنا داخلين معاكم اصلا يلا متقلقيش والله يلا ايمي

حسان…..تعالي يا عشري معاها يلا ادخل الوقت الشباب يطمنونا.

…………..

عدي كان عمال يجري و يبص و يدور و سليم معاه و طول ما هو بيجري الموبايل علي ودنه منزلهوش
بيحاول يوصلها بأي شكل الموبايل خارج التغطيه و كل ثانيه تعدي يحس بالخوف عليها

نادر و فضل كانوا بيدورا في مكان تاني و قدامهم عسال و سلامه عمالين يدوروا

و محمود و تامر و مصطفي كانوا مع بعض عمالين يجروا هما كمان و يدوروا و يبصوا في كل مكان و اثناء ماهما بيدوروا لمحها مصطفي من بعيد قاعده علي مقعد خشب كده و سط الزرع و بتتكلم في الموبايل.

مصطفي…..محمود تامر تقي هناك اهي

محمود…..فين

مصطفي……هناك هي دي صح

تامر….اه اه هي

محمود…..اه يا مصيبه يخربيت عقلك و قعتي قلبي

مصطفي….تقييييييي تقييييييي

بصت تقي عليهم و ابتسمت و شاورتلهم بايدها تقولهم باي

قريوا منها شويه قامت وقفت و قفلت الخط و ثربت هي كمان منهم و هي مبتسمه مش عارفه اي حاجه.

تقي….بتعملوا ااااايه

محمود…..انتي فين يا مصيبه وقعتي قلبنا

تقي…..يعني ايه

مصطفي….بضحك دي عايشه في ماية البطيخ دي الدنيا مقلوبه عليكي هناك

تقي….باستغراب عليا انا ليه

تامر…..هو ايه اللي ليه انتي عبيطه يا تقي خرجتي و مقولتيش و بندور عليكي و ليله هتموت هناك عشانك

تقي….ليه كل ده انا اتمشيت شويه و انا بتكلم محصلش حاجه

محمود…..طيب كنتي عرفي اي حد بدل القلق ده

تقي….قلق ايه يا حودا و بعدين متصلتوش ليه طيب

محمود…..متصلناش ايه ده الكل بيتصل بيكي خارج التغطيه

تقي….خارج التغطيه ايه انا كنت بتكلم في الموبايل و مجاليش اي اتصال منكم

تامر…..طيب المهم انك كويسه خلينا بس نطمنهم

مصطفي….بضحك ولا علي بالك انتي

تقي….يا ابني انا كنت مع امنيه و عمرو والله و هما راحوا يتمشوا و انا اتمشيت و كان معايا تليفون

مصطفي……موبايلك مققزل طول الوقت حتي مش بيدي مشغول

تقي…..هو اصلا لو حد اتصل بيا هيلاقيني ويتنج

محمود…يا بنتي كلنا بنجرب مش بيجمع

تامر ….الوووو ايوه يا حسان انت فين

حسان….بقلق في الڤيلا في ايه

تامر….اطمنوا تقي معايا انا و محمود و مصطفي

حسان….لاقيتوهاااا

تامر….اه اه كانت قاعده و معاها تليفون طمن ليله بقي احنا راجعين

حسان….طيب الحمد لله

ليله….بعصبيه اديهالي يا حسان

مد حسان كفه يوقفها

حسان……طيب يلا متتأخروش

تامر….عرف الشباب بقي عشان يرجعوا

حسان….تمام يلا سلام

عشري……فين هي؟

حسان…..بيثول كانت قاعده و معاها تليفون ممكن تهدي بقي

ليله….اهدي ايه انا هطلع عين اهلها

ايمي…..ليله اهدي المهم اننا اتطمنا عليها

ليله…..انا اعصابي سابت يا ايمي و هي بتتكلم في الموبايل

عشري….ليله اهدي معلش و براحه هي اكيد مخدتش بالها

حسان…..بالله عليكي ما تزعليها بقي علي الاقل قدامنا هي واضح فعلاً انها مش مركزه في الوقت تامر بيقول كويسه

سلمي…..خلاص يا ليله والنبي المهم انها بخير و اتطمنا عليها

عشري….نسمه معلش هاتلها مايه

حسان……كلم الشباب يرجعوا بقي هكلم انا سلامه

عشري….تمام مسك الموبايل اتصل علي عدي لقاه مشغول اتصل علي سليم

سليم……ها يا اخوي

عشري…..عدي معاك

سليم….معايا لسه بندور

عشري…..هات اخوك وارجع خلاص تامر لقاها

سليم…..طيب الحمد لله حالا راجعين

عشري….كل فضل يرجع

سليم….تمام

عدي…..ايه لقوها

سليم….اه تامر لقاها يلا خلينا نرجع

………..

خمس دقايق و رجع عسال و سلامه وفضل و نادر

عسال….ايه ؟ رجعت

حسان….جايه مع الشباب خلاص

عسال…..طيب الحمد لله هي بخير اهم حاجه

رشيد….اه بخير مفيش حاجه

بص عسال علي ليله كانت مولعه سيجاره و عناله تهز رجلها جامد و سانده كفها علي راسها

عسال….ليله روقي خلاص هي بخير

هزت ليله راسها بهدوء بس كانت مضايقه جداً من تقي .

…………

في الخارج رجعت تقي مع الشباب و رجع عدي و سليم من الاتجاه التاني و لمحهم راجعين قرب منهم هو وسليم و بصلها بغضب بسيط

عدي…..انتي كنتي فين ؟

تقي…..كنت قاعده في مكان هناك و معايا تليفون

عدي…..خرجتي ليه طيب من غير ما تقولي لحد

تقي…..بابتسامه هو انتوا فيكم ايه انا بخير علي فكره و متأخرتش كتير

عدي…..تقي انتي بقالك ساعه

تقي…..ساعه ايه يا عدي انا مكملتش ساعه و بعدين ما موبايلي معايا هتقول انت كمان انه مققول

عدي……موبايلك خارج التغطيه يا تقي انا مبطلتش اتصل عليكي من اول ما خرجت ادور معاهم

تقي…..طيب اكيد شبكه انا ايه ذنبي

عدي…..لا مش ذنبك صح ادخلي بقي شوفي هتعملي ايه مع ليله

محمود….خلاص المهم انها بخير يلا خلينا ندخل

قربوا من الباب فتح تامر و دخل و دخل بعده محمود و هي وراهم و بعدين عدي و سليم و مصطفي..

بصت تقي علي وشوشهم من بعيد اتوترت

اول ما ليله شافتها قامت وقفت

نادين…..عشري و النبي امسكها بسرعه

ايمي…..استني يا ليله

مسكها عشري بسرعه من ايديها و وقف قدامها

ليله….عشري ابعد

عشري…..اييييه هنتجنن هتعملي ايه

ليله…..مش هعمل يا عشري هشوفها كانت فين

عشري….ليله اوعي تحرجيها او تعملي حاجه مجنونه

ليله…..هعمل ايه يا عشري هضربها يعني ما توسع يا عشري

عشري…..طب براحه و غلاوتي عندك

تقي كانت ماشيه براحه و رايحه عليهم و هي مبتسمه ابتسامه ترقب

ليله….قربت منها و هي بتحاول تتمالك اعصابها و مفيش غير عشري اللي واقف جنبها هو و ايمي و الباقي قاعدين قريب منهم انتي كنتي فين

تقي….بابتسامه طب ايه مالك بس

ليله…..تقي انتي كنتي فين بقولك

تقي….بضحكه جميله ايه و حشتك

ليله….بغيظ غمضت عينها و بصتلها بلاش الطريقه دي انتي عارفه اني متعصبه

تقي…..في ايه يا لياه انا كنت بتكلم في الموبايل

ليله……بقالك ساعه بتتكلمي في الموبااااااايل

عشري…..ليله اهدي

ليله….بلا ليله بلا زفت ساعه اعصابي سابت فيها و كنت هموت و الهانك جايه بتهزر

تقي……بابتسامه في ايه ليله ليه مكبره الموضوع بقولك كنت بتكلم في الموبايل و كنت بمشي و انا بتكلم يعمي محستش بنفسي و قعدت شويه الدنيا مخربتش يعني

ليله…..لا خررررربت و بطلي نبرة البرود اللي بتجنني دي انا كنت هموت يا غبيه عليكي

تقي…..هو انا صغيره و لا طفله تاهت من مامتها

ليله……لا امانه لو حصلك حاجه ابوكي عمره ما هيسامحني افرضي كان جرالك حاجه كنت هقول لابوكي ايه

تقي…..بابتسامه لوكنتي اتصلتي عليه سألتيه عني كان قالك اني لسه قافله معاها هو و ماما و اخواتي

ليله……اتصل علي ابوكي اسالوا عليكي يا تقي انتي عبيطه يا بت كنتي عيزاه يقع من طوله لو عرف اني مش لقياكي

تقي…..بايتسامه لا كان هيقولك اني كنت بكلموا

ليله….وانا كنت اعرف يا غبيه انك بتكلميه موبايلك اصلا خارج التغطيه و محدش فينا عارف يوصلك و الكل قلق عليكي و خرجوا يدوروا علي العيله الصغيره اللي خرجت من غير ما تقول لاي حد

تقي…..انا اولا مخرجتش عشان عايزه اخرج انا كنت مع امنيه و عمرو بره و اسأليهم يا ليله

امنيه…..ليله اه والله كانت معانا

ليله…..كانت معاكم فين انتي كمان انتوا روحتوا تتمشوا و سيبوتها لو عايزه تتمشي كان لازم تعرف حد او تعرفكم

تقي…..انا جالي تليفون و انا معاهم رديت ووقولتلهم روحوا انتوا وقفت شويه اتكلمت وبعدين اتحركت وانا بتكلم و لاقيت نفسي بعدت فا كملت عادي لو اعرف انكم هتقلقوا كنت قولتلكم بس مركزتش في الوقت اصلا بابا اتصل هو و ماما و كلمتعم شويه و بعدين حدوته اتصل و فضلت اكلموا لحد ما لقيت مصطفي بينادي عليا

حنان…..خلاص يا بنتي اهدي المهم انها بخير

ليله…..هي ولا علي بالها اصلا اختفت مره واحده و مش شايفه انها قلقتنا عليها

عشري…..خلاص يا ليله حصل خير بص لتقي وابتسم عشان يخفف التوتر ايه حدوته ده

تقي…..بضحك هقولك بعدين

ليله……يحرق برود الاعصاب اللي عندك يا شيخه

البنات كلهم ابتسموا و كتموا ضحكتهم هما و الشباب

لمحت تقي عدي باصصلها بغضب فظيع

تقي….بابتسامه في ايه بس يا اوڤر انا مش عيله و قدامك اهو كويسه و بعدين يعني انا لو مش معاكي و مسافره لوحدي ولا خارجه هتبقي قلقانه كده اعتبري اني لوحدي

ليله…..معتبرش انتي هنا معايا و امانه لازم احافظ عليها

تقي…..طيب يا ستي وعد من هنا لحد ما نرجع احبسيني بس كفايه مسرح بقي شكلي بقي عره

كلهم ضحكوا عليهم و عشري واقف رينهم خايف ليله تتهور عشان تقي فعلا مستفزه

ليله……احبسك ايه يا غبيه هو انتي لو قولتي انك خارجه او هتنمشي هقولك لا ما تغوري بس ابقي عارفه و متطمنه عليكي مش مختفيه بقالك ساعه و انا هموت عليكي

تقي…..بابتسامه شقيه غمزتلها طب انا ساعه و عملت فيكي كده اعرف موزه قمر بهدلتنا معاها اسبوع لما اختفت و مكناش نعرف عنها حاجه

ابتسم عشري و هما كتموا ضحكتهم ايمي بصت لتقي وهي بتضحك و برقتلها

ليله……طب اختفي من وشي يا اوطي من الرصيف بدل ما امسح بيكي بلاط الڤيلا الوقت مشيها من قدامي البت دي بدل ما ارتكب فيكي جريمه

تقي…..بضحكه جميله لعشري خليك انا ماشيه هطلع اخد شاور هدي الموزه يا عشري اعملها ليمون ولا اي حاجه عشان اعصابها متبعتره علينا

بصتلها ليله بغيظ و ابتسامه بسيطه اوي

تقي…..براحه علي مشاعرنا يا بطل

بصتلهم تقي كانوا كلهم بيضحكوا
يا جماعه و الله العظيم و الله العظيم اسفه جداً ليكم كلكم
حقكم عليا والله ما قصدت اقلقكم ابداً.