لقاء كا.رثي

لقاء كارثي
أميره أسامه
صاحبة البطل الواحد

. البارت المئه 116.

قفلت ليله مع ايمي و خدت نفس من السيجاره و هي باصه بعيد

نادين….ايمي عايزه ايه ؟

ليله….بتسألني نقعد بره ولا جوه و بتعرفني ان رشيد كلم الشباب خلاص

نادين….غريبه ان ميدو متصلش بيا

ليله….تلاقيه مشغول ولا حاجه

نادين….اكيد طيب قوليلي هتعملي ايه مع عشري

ليله….بفكر لسه مش عارفه

نادين…..بصي هو انتي ممكن كمان عشان بتطمن انها قاعده بنات عرفيه اني هروح معاكي يعني هنعدي انا و انتي علي ايمي

ليله….انا مش مظبوطه خالص و لو كدبت هيبان عليا مش هعرف اعملها اصلا عشري بيهمني

نادين…..ماهو انتي مش هتكدبي عليه في حاجه يا ليله انتي هتقولي رايحين لايمي هنقعد معاها و فعلا احنا هنروح يعني مش قايله انك نايمه في بيتك مثلا و هيلاقيكي في مكان تاني و بعدين كمان هو انتي موتره نفسك ليه كده هو عشري بيراقبك ولا شاكك فيكي ما لما تقولي راحه في مكان هيقولك اوك عادي و اكيد يعني حتي لو خلص و فاضي مش هيجي لو عارف ان رشيد مش في البيت

ليله…..عارفه طبعاً بس انا قلبي مش مرتاح عموماً خايفه عشري يعرف اوي

نادين….هيعرف منين بس يا ليله احنا اكيد مش هنقول و الشباب مستحيل طبعاً واخواته عارفين انه مجنون و اكيد مش هيقولوا

ليله….عشري لما بيخلص لا بيروح لاي حد من الشباب يا اما بيرجع علي زايد و بيعدي علي اخواته فا لما يروح ميلاقيش علي و عمر و فضل اكيد هيتصل بيهم فا خايفه يحس ان في حاجه عشري ذكي اوي

نادين….ماهما بردوا مش اغبيه يا ليله هما عارفين ان عشري مينفعش يعرف يعني حتي لو كلمهم هيقولوا اي حاجه اكيد يعني مش هنبص نلاقي عشري قدامنا

ليله….خير ان شاء الله خلاص فكك و غيري الموضوع عشان بدأت اتوتر بجد و كله دخل في بعضه عندي

نادين…..بنظره شفقه علي وضعها طيب خلاص غيري الموضوع خالص قوليلي انتي كده مفيش اي حاجه نقصاكي او محتجاها

ليله…..لا ميتهيأليش انا جيبت كل حاجه خلاص

نادين…طيب هي نوني هتروح امته ترتبلك الحاجه دي عشان اروح معاها

ليله…..مش عارفه هقول لعشري عشان يعمل حسابه و يعرفني اللي بيعملوا في البيت خلص ولا لسه و خدي بالك في هدوم هناك كتير اوي

نادين…..اللي ايمي كانت وخداها قبل كده؟

ليله…..لا في حجات كتير اوي عشري
كان شاريها لما روحت معاه اول مره لاقيته مالي الدريسنج و انا مرضتش البس منهم