لقاء كا.رثي

عمر…..خير ما عملتي هو اصلا مقالش حوار السلاح ده لحد فينا

ليله…..المهم خلصنا مشاويرنا و قضينا يومنا في المول بس لما خرجنا فضلت ابص كل شويه في المرايا ملمحتهاش خالص معرفتش كانت زهقت و مشيت و لا انا مشوفتهاش و كانت بعيده عننا اكتر

وصلنا هنا و بعدين عشري روحني من وقت للتاني كنت بكلمزا علي الطريق لان اللي جه في بالي انها تكون ماشيه ورانا و مستنيه عشري يكون لوحده خوفت تقرب منه علي الطريق و يتجنن و يعمل مصيبه لو شافها بس الحمد لله وصل وكل تمام و مفيش اي حاجه حصلت.

تاني يوم اللي هو امبارح كان عندي مشاوير كتير اوي نزلت علي الضهر اول ما نزلت و ركبت العربيه عشري كان بيكلمني لمحت عربيتها في المرايا طول اليوم كانت ورايا مبعدتش عني لحظه روحت الصيدليه جيت عند ايمي هنا و روحت المطعم و بعدين روحت اعمل مشاوير و كل ده هي ورايا لا بتقرب مني عشان تتكلم و لا بتسيبني و تمشي لحد ما خلصت كل مشاويري و رجعت بس وقفت قبل البيت بمسافه شويه في مكان هادي نزلت قدام محل اشتريت قهوه ورجعت بعدت شويه عن المحل ركنت العربيه في مكان هادي كنت واثقه انها عايزه تقول حاجه ماهي مش بتراقبني او ماشيه ورايا بتحرسني كده وخلاص اكيد في سبب وبما انها شافت ان عشري مش معايا و مصممه تفضل ورايا تبقي قصداني و انا بقي من بعد ما نزلت و لاقيتها ورايا بالمنظر ده كنت حاسه ان هيحصل بينا اي كلام و قررت اني اسجلها مش عارفه ليه عملت كده بس مكنتش متطمنه فتحت التسجيل و سيبته و فضلت باصه عليها في المرايا و فعلاً لاقيتها نزلت من العربيه بتاعتها و قربت عليا ركبت معايا و حصل بينا الحوار اللي هتسمعوا ده انا مسجلاه كله..

وفجأه سمعوا صوت جرس الباب سكتت ليله قام عسال قبل ما رشيد يقوم عشان يشوف مين و طبعاً الباب كان مفتوح وقف عسال ساكت و دخل عليهم عشري

عشري…..بابتسامه رفع كفه سلام عليكم جميعاً متجمعين عند النبي

بصت ليله بصدمه و حست ان قلبها اتقبض و اترعبت حرفياً البنات كلهم اتصدموا الشباب اتوتروا حاولوا يبتسموا يسلموا عشان يغطوا علي الموقف بس كان واضح علي الكل التوتر عمر و علي بصوا لبعض علي هز لعمر راسه بصدمه.

والكل عينه كانت بتروح و تيجي علي ليله اللي كانت في وضع لا تحسد عليه اتخشبت في مكانها و بلعت لسانها كأنها شافت عذرائيل