لقاء كا.رثي

نادين…..ليه مش عجبوكي يعني

ليله…..بابتسامه نفخت الدخان لا مكنتش طيقاه وقتها و مرضتش البس حاجه من اللي جايبها

نادين…..بضحك طلعتي عينه انتي الفتره دي

ليله…..ما كان يستاهل

نادين…..طيب هو احنا هنجيب الفساتين امته مش ملاحظه ان الوقت خلاص بيجري

ليله…..والله يا نادين انا حاسه اني عندي لا مبالاه و معنديش طاقه خالص اعمل اي حاجه حاسه ان طاقتي زيرو و مش متحمسه لاي حاجه انا في العادي في اي مناسبه بتحمس اكتر من كده

نادين…..لولي بجد انا مضايقه عشانك بلاش كده ده فرحك يا قلبي يعني ليله العمر زي ما بيقولوا ليه الطاقه السلبيه دي

ليله…..اممم يمكن عشان مكنتش عابزه فرح كبير او يمكن متوتره من اجواء الفرح و الجواز مش عارفه

نادين…لا انتي بسبب الجزمه اللي نكدت عليكي دي بس مش هنديها فرصه و هتفرحي و تتبسطي و تنسي كل اللي حصل ده و هنروح نجيب الفساتين كمان

ليله…..عايزه بس بكره اروح لتوما و اظبط معاه

نادين….انتي هتروحي تشوفي الفستان مع عشري ولا معانا

ليله….مش عارفه هو اكيد هاجي معاكم وانتوا بتشتروا فساتينكم بس هشوف بقي عشري هيجي معايا و لا لا

نادين…….ماشي بس لازم نحدد معاد و ننزل هي ايمي هتعمل ايه صحيح هتجيب فستانها ازاي هتعرف تنزل و لا الحركه ممنوعه عنها خالص

ليله….لا مش ممنوعه خالص هي بس لازم ترتاح اطول وقت ممكن في الشهور الاولي دي بس متقلقيش ايمي بتحب تتعامل مع كام مكان هاخدها في العربيه و هوديها لحد هناك مش هتلف يعني

نادين……ماشي خير ان شاء الله

رفعت ليله الموبايل علي ودنها

نادين…..الساعه تسعه الا عشره اطلب الحساب و نمشي بقي

ليله….اه بلا هلينا نمشي الووو انتي فين

ايه….ايه با قلبي انا لسه واصله اهو عند ايمي

ليله….طيب تمام بس اتاخرتي كده ليه مش قولتي هتخلصي علي طول

ايه…..ما انا روحت البيت غيرت و بعدين خدت عربيتي و جيت متقلقيش انا هنا اهو

ليله….ماشي يا قلبي سلمي جات

ابه….اه حسان جابها هي و هنا و راح يبص علي البيت و هيجي تاني

ليله…..جابت هنا معاها بردوا

ايه….اه تقريباً معرفتش تسيبها بس بتقول ان علا ممكن تخرج بكره او بعده لو قصه يومين يعني بسيطه حتي لو انا هاخد اجازه و اقعد بيها

ليله….اه ياريت يا ايه والنبي لان عارفه ان سلمي مش هتقدر تاخد اجازات كتير من العياده كفايه الاجازات اللي خدتها