لقاء كا.رثي

ليله…..ايه هاتيلي حاجتي من جوه

ايه…..حاضر

دقايق بسيطه و ركبوا العربيات و اتحركوا وراء بعض وصلوا الاول سلمي و ايه و هنا و اطمنوا انهم طلعوا و بعدين مشيوا تاني علي التجمع.

نادين كانت راكبه مع ميدو

عسال……بقول ايه يا نودي ما تخليكي مع ليله و نعيمه احسن

نادين……انت خايف عليا ولا ايه

عسال….مش كده بس يعني اه بصراحه اتوترت مش ضامن مريم دي ممكن تعمل ايه و في مين خلينا نستني لحد ما نشوف الشباب هيتصرفوا ازاي و يخلصوا الموضوع

نادين….هو انا كده كده كنت ناويه افضل مع ليله لان هي مش كويسه خالص حرام يعني فرحها قرب و هي بالنفسيه دي مش عايزه نسيبها كده كتير و كمان واضح ان عشري زعلان منها فا هي مضايقه

عسال……طيب خليكي معاها احسن لحد ما نشوف هيحصل ايه و علي و عمر هيحلوها ازاي

نادين……ماشي يا حبيبي

عسال…..عايزه تروحي تجيبي هدوم و بعدين ارجعك تاني ليهم

نادين….لا لا انا ليا كام غيار فوق متقلقش

عسال….ماشي يا حبيبي اي وقت يحصل اي حاجه كلميني انتي عارفه في ثواني هكون عندكم

نادين…..حاضر متقلقش

وصلوا بعد وقت بسيط تحت البيت عندهم.

سلامه…..يلا يا بنات اطلعوا و طمنونا ان كله تمام عشان نمشي

نادين….انا هبات معاكم

ليله….ابتسمت بهدوء و هزت راسها و بعدين بصت لعسال و سلامه تعبناكم

سلامه….. بابتسامه بطلي هبل و بعدين فكي التكشيره دي شكلك وحش علي فكره كل حاجه هتظبط والله ياما دقت عالراس طبول يا ليله

ليله ….معاك حق بس يارب صاحبك يجيبها لبر

سلامه…..اخواته مش هيسمحوا ليه ولا احنا متقلقيش

عسال……اطمني يا ليله و انسي كل اللي حصل و اتبسطي مع البنات و افرحي ده خلاص بدأ العد التنازلي يا عروسه

ليله….بابتسامه بسيطه ان شاء الله يا ميدو

عسال….يلا اطلعوا

نعيمه……علي مهلكم انتوا كمان و انتوا راجعين

سلامه…..ربنا يستر

نادين….باي يا سلامه باي يا ميدو

نعيمه….باي

سلام…..باي يا بنات

عسال…..سلام يا قلبي

ليله وقفت وبصت علي سلامه

ليله….سلامه هي ريهام روحت؟

سلامه…..اه متقلقيش روحت و كلمتني علي عشره و ربع كده و وصلت كمان البيت

ليله…..طيب الحمد لله يلا باي

سلامه….باي يا لولي

طلعوا واطمنوا عليهم الشباب و بعدين اتحركوا

…………………..

فتحت نعيمه الباب و دخلوا