لقاء كا.رثي

عشري….ده بجد انتي شايفه اني انا السبب؟ يعني مش هي ؟ ده انتي لسه قايله اني اتخدعت فيها عشان توقعت انها اكتر واحده مش هتتكلم لان السر يخصها كنتي متوقعه ايه اللي ممكن اعملوا بعد ما تروح تقولك حاجه انا معملتهاش متوقعه اعنل ايه لما تبوظ حياتي عشان بس قررت استر عليها

ليله…..اي حاجه الا انك تتكلم في الموضوع ده او يمكن هي كانت معملتش اكتر من انها تيجي تقولي وبس لكن هي باعت القضيه خالص لما اتفضحت اللي كانت خايفه منه اتكشف هتخاف ليه تاني

نعيمه…..ليله بطلي هبل عشري عمل كده عشانك وهي تستاهل اللي حصل فيها اصلا هي هان عليها نفسها متوقعه ايه من عشري يعني

عشري…..هي معاها حق يا نعيمه كان لازم بعد ما مريم تروح تبوظ علاقتنا مع بعض انا افضل ساكت وافضل حافظ السر و اسيب ليله تشك فيا و تبعد عني و ابوظ حياتنا واخسرها هو ده اللي كنتي عيزاه

ليله…..لا يا عشري مش هو ده انا بس بحاول افهمك ان اللي مريم فيه ده كان ليه سبب انت بكل سهوله فكرت انك لما تتكلم هتطلعها غلطانه و هي استغلت ده شيلت منها الخوف و خلتها مش باقيه علي حاجه و انا الوقت بحافظ عليك منها و بحافظ علي الكل من شرها

عشري….من مريم

ليله….اه يا عشري من مريم متستهونش بشرها حتي لو شايفها تافهه عشان منرجعش نندم لما نلاقي اي حد يخصنا اتأذي منها

علي…..عشري انا عارف انك عايز تروح الوقت تاخد روح مريم بس مش حل الحل الوقت اننا نخلص من الموضوع ده و نهائي و انت عارف اننا لينا طرق كتير غير المشاكل و القرف.

رشيد…..عايزين نكمل فرحتكم علي خير يا عشري مش عايزين ان مشاكل او حاجه تنكد علينا الفتره دي.

عسال…..سيب اخواتك يتصرفوا يا عشري و ابوك مش هيسكت يتكلم مع ابوها او حد كبير عندها بهدوء و بكل احترام و من غير دخول في مشاكل و اذي و شر و فضايح ركز انت في فرحتك و فرحه ليله

عشري كان عمال يبص لكل واحد بيتكلم و يهز راسه كأنه بيسايسهم بس هو مش مقتنع بأي كلمه و كان علي اخره من التسجيل و التهيدد الصريح و ان ليله خبت عليه و في نفس الوقت كان عمال يتكلم مع نفسه لو كانت عملت حاجه في ليله كان عمل ايه فيها.

عمر…..انت مقتنع و بتسمع و لا بتاخدنا علي قد عقلنا

عشري….لو انتوا الاتنين مقتنعين انا مقتنع

عمر….اه مقتنع يا عشري و علي مقتنع و الموضوع هيتقفل بكره بالكتير عشان انهارده خلاص مينفعش بكره ابوك هيتصل علي ابوها و هنجيبوا ونتكلم