لقاء كا.رثي

ليله…سكتت ثواني اااااا اممم لا هو يعني كنت هتصل بيك اعرفك يعني ان انا و نودي احتمال نعدي علي ايمي شويه

عشري…..خير هي كويسه

ليله….اه اه كويسه بس يعني رشيد هيتأخر عليها تقريبا رايح لمامته فا يعني احنا خلصنا بدري هروح انا و نودي نقعد معاها شويه

عشري….اممممم طيب تمام روحوا اتبسطوا و اتسلوا معاها

ليله….اااا اوك ماشي

عشري….ليله انتي كويسه ؟

غمضت عينها بسرعه و خدت نفسها بهدوء

ليله……اه في ايه ؟

عشري…..مش عارف بس حاسس انك مش تمام من الصبح كمان مش الوقت مش في المود او مضايقه

ليله….تحممم ااا لا خالص انا كويسه بس مرهقه شويه تعبت من اللف كده يعني

عشري….اممم طيب لو مش قادره تروحي لايمي متروحيش

ليله….لا هو انا مش تعبانه يعني ارهاق عادي و بعدين هروح اعمل ايه الوقت خليني اروح اقعد معاها شويه و هرجع انا و نادين نوني كمان احتمال تعدي علينا

عشري…..طيب تمام يا روحي لما توصلي طمنيني عليكي

ليله….اوك و انت لما تروح زايد ابقي طمني

عشري….ماشي ان شاء الله يلا علي مهلك

ليله….حاضر باي يا حبيبي

عشري…..باي

قفلت ليله و غمضت عينها ورجعت راسها علي الكرسي

ليله…..مليون في الميه قفشني

نادين….اهدي لا قفشك ولا حاجه انتي صحيح كنتي متوتره بس مش هيفهم حاجه بعني الموضوع بعيد عن دماغه

ليله…..ربنا يستر بقي

نادين….اهدي بس انتي و يلا اطلعي عشان منتأخرش و يوصلوا قبلنا خلينا نخلص معاهم بسرعه عشان متفضليش متوتره كده

ليله…..طيب تمام يلا بينا

…………….

عدي….. بأبتسامه يعني ايه ليله عارفه ؟

تقي…..يعني ممكن تكون حاسه لان كلامها كان واضح ان هي فاهمه انا عيزاها في ايه بس السؤال بقي تفتكر عشري كمان عارف

عدي….بضحك لا هو متأكد

تقي….بصدمه ابتسمت هو ايه اللي متأكد انت بتهزر

عدي….والله العظيم مش بهزر

تقي…..ايوه انت اتكلمت معاه و لا تقصد ليله ممكن تكون اتكلمت قدامه بس لا لا ليله متروحش من نفسها تتكلم معاه في حاجه زي دي الا لو هو اللي اتكلم

عدي….ولا اتكلمت و لا حاجه انا مستنيكي تفتحي مع ليله الموضوع عشان انا كمان اتكلم معاه بس هو زي ليله كده بيهزر و بيلمح وانا عارف اخويا

تقي….بضحك يعني ايه كانوا عارفين و احنا مش واخدين بالنا؟

عدي…..والله مش هتفرق بقي احنا كدن كده هنقول مش هنخبي اكيد