لقاء كا.رثي
لقاء كارثي
ايمي….لا واحنا مش عايزين كده طبعاً و ليله نفسها قالت عشري ميعرفش هي مكانتش هتقول اصلا انا اللي قولتلها لازم الشباب يعرفوا واخواته وهما يتصرفوا
حسان…..وانتي عملتي الصح يا ايمي اخرجوا انتوا منها بقي خالص و نمشيها كلام رجاله و هتخلص
رشيد….اصلا علي وعمر لما هيعرفوا انا واثق انهم هيخلصوها خالص يعني اعتبروا الموضوع خلصان هما هيتصرفوا هيقولوا لابوهم و يعملوا قاعده رجاله المهم انهم ينهوا الحوار ده من اساسه
ايمي…..يارب يا رشيد
خرجت سلمي بالقهوه و وراها ليله
راحت قعدت و ولعت سيجاره
سلمي ادتهم القهوه و بعدين قعدت هي كمان
عسال…..لولي مصطفي كلمك عشان يعزمك
ليله….بابتسامه اه ده ضحكني والله يا ميدو اول ما رديت عليه لاقيته بيقولي من غير سلام ولا كلام مصر الجديده هتولع بعد بكره و مستنيكي في الافتتاح
عسال…..بضحك هو كان ناوي يبعت رساله موحده للكل قولتلوا لا اتصل بنفسك احسن و كان محضر نفس الجملتين دول
ليله…..ربنا يوفقه يارب
عسال….اللهم امين
سلامه….ايوه يعني حضرتك هتشرفينا ولا لا
ليله…..بابتسامه اكيد هروحلوا طبعاًونبقي نتفق بقي مع بعض
سلامه….ان شاء الله
فضلوا يتكلموا في كذا حاجه مع بعض و ليله ساكته وكل شويه تبص علي الموبايل قلقانه عشري يتصل عليها و فجأه سمعوا صوت كوبر بيهوهو جامد رشيد قام وقف
رشيد…..شكلهم وصلوا
خرج بره و استقبلهم هما و فضل و بعدين دخلوا علي جوه قام الشباب وقفوا حضنوا بعض و سلموا علي بعض و بعدين البنات كمان سلموا
علي…..بأبتسامه جميله ازيك يا ايمي
ايمي…الحمد لله يا علي ازيك يا عمر
عمر……الحمد لله يا ايمي
علي……اهلا اهلا بالعروسه بتاعتنا
ايمي…..بابتسامه جميله يا لولي عامل ايه
علي…..بخير الحمد لله وحشاني و مش بتسألي و زعلان
ليله…..حقك متزعلش مني
علي….لا مقدرش يا غاليه
عمر…….اخبارك ايه يا ليله
ليله……بخير يا عمر انت عامل ايه
عمر…..انا زي الفل يا غاليه
رشيد……اتفضلوا يا شباب
قعد علي و عمر جنب بعض علي كنبه صغيره جنب كرسي ليله قاعده عليه
رشيد….بأبتسامه منورين والله
علي…..نورك يا غالي ديما متجمعين يارب يا حبيبي و يجعله عامر
رشيد….حبيبي يا علوه واحشني والله انت و عمر واخدين جنب انتوا و مش بنشوفكم غير من السنه للسنه
