لقاء كا.رثي
لقاء كارثي
عشري….تمام و انا مستني اشوف هتعملوا ايه بس متنسوش ان كبير مريم كان عادل الله يرحمه عمها وابوها بعد اللي عملتوا بايع القضيه و مش عايز يعرفها
عمر….بره عنك انا هتصرف ولو متصرفتش ابقي اتصرف انت تمام
قام عشري وقف و هز راسه لعمر
عشري…..انا همشي في حاجه تاني المفروض اعرفها
مرفعتش ليله عينها و لا بصتلوا
علي……استني يا عشري احنا ماشيين معاك
عشري….طريقي غير طريقكم يا علي عندي مشاوير سلام عليكم
غمضت ليله عينها و فضلت باصه للارض
ايمي…..هو ممكن يروح او يعمل حاجه
علي….خلينا نمشي و نروح علي زايد يا عمر ده مجنون والكلام مدخلش دماغه
قامت ليله و خرجت بسرعه راحت وراه
ليله…عشري عشري اقف لو سمحت
فتح العربيه و بعدين وقف و بصلها قربت منه و هي مرعوبه من بصته ليها.
عشري….خير افتكرتي حاجه تقوليها
ليله….انت رايح فين؟
عشري…..ليله انا عفاريت الدنيا قدام عيني الوقت سيبني امشي عشان انا مسكت نفسي عنك بالعافيه و محبتش اخلي منظرك زي الزفت قدام الكل
ليله……عشري انا معملتش حاجه انا خوفت عليك
عشري…..وانا مطلبتش منك تخافي عليا المفروض انا اللي اخاف علي مراتي واحميها عشان انا الراجل مش انتي بدلتي الادورا يا ليله و غلطتي غلطه كبيره
ليله…..ادوار ايه اللي بدلتها يا عشري ؟؟
عشري انا من حقي اخاف عليك زي ما انت من حقك تخاف عليا الموضوع ملهوش علاقه براجل وست انا لو ضامنه انك عاقل و مش هتعمل اي تصرف مجنون يخليني اخسرك كنت هقولك انت اول حد بس عارفه ان ده مش هيحصل عشان كده خوفت عليكي
عشري…..وخوفتي و الموضوع انتهي بخوفك طب اديني عرفت
اهو خوفك ده ممكن يمنعني الوقت
ليله…..لا يا عشري مش هيمنعك بس لو انت بتفكر فيا بجد و مش عايز تخسرني مش هتعمل اي تصرف غلط عشري متخلنيش اخسرك انا مليش غيرك و انت عارف عايز تروح تعمل معاها ايه تتخانق تضربها تفضحها اكتر تق,تلها او تعمل فيها مصيبه طيب وبعدين هتكسب ايه مش هتكسب انت هتخسر نفسك و هتخليني اخسرك و هتوصلها للي هي عيزاه
عشري……ملعون ابوها علي ابو اللي جابها مش دي اللي تخليكي تخافي او تقلقي لا عليا ولا علي نفسك ولا علي اللي يخصنا اوعي تكوني فاكره يا ليله ان كلامها ده يفرق معايا او هز فيا حاجه انا لو واصل للحاله دي فا ده بسببك عشان لما شوفتيها معرفتنيش و لما شوفتبها اميارح طول اليوم و هي بتلف وراكي بردوا معرفتنيش لما اتكلمت معاكي و هددتك معرفتنيش لما سالتك انتي مالك قولتي مفيش و مرهقه و خبيتي مع اني كنت سامع علي وعمر و هما بيتفقوا انهم يجوا يقابلوكي كان نفسي تحكي انتي بس معملتيش كده لما سالتك ابه اللي اخرك قولتي كنت بشتري حاجتي معرفتنيش انك كنتي معاها و انهارده قولتي رشيد سايب ايمي و هيتأخر و في الاخر اجي الاقي الكل قاعد معاكي لييييييييه عشان مراتي في حد بيهددها ملهوش اي تلاتين لازمه و هي واصله للحاله دي من خوف لقلق لتوتر و مستنيه حد فيهم يطمنها طمنوكي يا ليله هااااا بدل ما تطمني بيا انا لجأتي لغيري و مش بس كده انا سمعت صوت قلبك اللي وقع منك لما شوفتيني خوفتي مني بدل ما تطمني
