لقاء كا.رثي

……………….

وصل الشباب علي زايد و علي و عمر و فضل وقفوا مع سليمان و سليم و عدي في الاول سألوا علي عشري عرفوا انه مجاش كانوا بيتصلوا عليه بيكنسل عرفوهم اللي حاصل و نبه علي و عمر عليهم كويس يخلوا بالهم.

علي……اسمعوا كلكم و افهموا اللي هقولوا من بكره عينكم تكون مفتحه

انتوا عارفين زباينا كويس اي حد جديد عينكم عليه اي حد تصرفاته نظراته غريبه باين عليه انه مرتبك تركزوا معاه مش عايز اي حد فيكم عينه تبعد عن الزباين و اي حركه ليهم عينكم تكون في وسط راسكم

اي حد يدخل الحمام تبلغوا الشباب المسؤولين عن النضافه يدخلوا بعدهم و يفتشوا في الحمام و تفتشوا بعد كل زبون في الترابيزات والكراسي تاخدوا بالكم من عربياتكم كويس حتي لو واحد فيكم داخل ثواني جوه الكافيه او في البيت تقفل العربيه متتسابش مفتوحه لاي سبب و انا بكره هنبه علي كل الشباب اللي بتشتغل معانا عايزكم بس تتابعوهم من وقت للتاني تراجعوا الكاميرات

سليمان….كل اللي قولتوا هيتنفذ بس مش شايف ان الكلام مع الشباب اللي بتشتغل هيعمل قلق خصوصا انهم مش فاهمين

علي….معلش فتره هنتحملها لازم يكونوا معانا علي الخط و يفتحوا عيونهم

سليم…..طيب ما نبلغ يا علي

عمر…..هتبلغ علي ايه يا سليم هو في حاجه حصلت تباغ عليها

عدي….التسجيل اللي مع ليله

عمر…..مش قانوني يا عدي لو مفيش اذن بالتسجيل مش هيتاخد بيه خصوصا ان كل ده مجرد كلام متنفذش منه حرف

عدي…..عارف انه مش قانوني بس بما ان ليله بتقول انها كانت ماشيه وراها طول الوقت في حاجه ممكن نعملها يعني نسأل ليله هي وقفت فين و راحت محلات ايه و اكيد كل محل من دول عنده كاميرات هنجيب عربيه مريم و هي وراها طول الوقت في اكتر من مكان و نرفق كل ده بالتسجيل اكيد ده هيعمل حاجه ولا ايه

عمر…….مش عارف بصراحه هي لو تنفع هيبقي حل كويس خليني بكره اسأل المحامي

فضل…..ميتهيأليش ينفع يا عمر معني ان ليله سجلت يعني كانت متوقعه و جاهزه لمقابلتها يعني مش قلقانه منها يعني ممكن ينفع بس لو موضوع الكاميرات ده انها بتراقبها بتتحرك وراها بتهددها بس التسجيل مش هيبقي في صالح ليله وقتها لا هيتاخد بالكاميرات ولا التسجيل

عمر…..طيب خلينا الوقت في كلامنا و انا هشوف قصه الكاميرات ظي مع المحامي المهم الوقت اللي علي قالوا يتعمل و عينكم كمان تبقي علي مريم هي بتعدي طول الوقت من قدامنا تشوفها لوحدها مع حد بتكلم مين بتقابل مين من الاخر عايزين نقطع عليها اي حاجه بتفكر فيها