لقاء كا.رثي

انتوا سمعتوا كويس كلام مريم و البني ادمه دي ناويه علي الشر يمكن يبان من كلامها انها بتهدد و بتقول اي كلام وخلاص بس اللي زي دي هي قاصده كل كلمه و انا لما طلبت ان الكل يسمع التسجيل ده كان عشان نحاول نلاقي حل بكل هدوء ده اولاً ثانياً عشان الكل ياخد حذره

زي ما سمعتوا كده هي واضح انها مراقبه كل تحركاتنا و تحركاتك انت و ليله بالاخص عارفه مين قريب منكم مين يوجعكم مين يفرق معاكم

مين من الاخر مننا لو اتاذي هيوجعكم و هي شايفه ان اذيتها ليكم في وجعكم و مستحيل فرد واحد يقدر يراقب و يعرف كل المعلومات دي لوحده يعني سهل اوي تدفع فلوس لاي حد عشان باذيكم سهل تهكر تليفون اي حد منكم وتعرف اللي هي عيزاه سهل تدفع لشخص يراقب كل تحركاتكم و تحركات اقرب حد ليكم و اظن مكانش عادي يا عشري انها في اول مشكله بينك و بين ليله لما تروحلها البيت انها تكون عارفه تاريخ حياه ليله و ظروفها اللي عاشتها مع ابوها وامها كده بسهوله الا لو دفعت لاي حد عشان تجيب اللي هي عيزاه..

انا طلبت ان الشباب يسمعوا التسجيل ده يا عشري عشان مريم عارفه بيوتكم و عارفه مكان الكافيهات واكيد عارفه شغلك انت و الشباب يعني مش بعيد تخلي اي حد يرمي اي حاجه توديكم في داهيه في اماكن الشغل بتاعكم مخدرات سلاح مش مترخص عمله اي حاجه المهم انها تأذيكم مش بعيد ترمي اي حاجه في عربيه واحد فيكم و دي سهله حتي عليها هي ممكن تعملها ماهي ساكنه جنبكم

اصل ايه اللي يخلي واحده زي مريم بعد ما اتفضحت تصمم ترجع نفس المكان ده انت حتي لو مقولتش انها تمشي هي المفروض بعد فضيحتها هي اللي تمشي انما هي رجعت و انا ابصم بالعشره انها رجعت عشان تبقوا تحت عينها..

كمان هي مراقبه ليله و عارفه صحابها اهلها يعني ممكن تأذينا في شغلنا المطعم الشقق تأذي اي بنت مننا في شغلها.

ولو شرها هيكون اعمق من كده مش بعيد تراقب حد منكم او مننا و تخبطه بعربيه او تدفع لاي حد عشان هي تبقي بعيد …

و في حاجه اهم يا عشري اتقالت في التسجيل مش عارفه انت واخواتك خدتوا بالكم منها ولا لا هي قالت لليله انها هتبدأ او بدأت بالفعل

مش جايز اللي حاصل مع اخوكم محمود يكون لها يد فيه واحد فجأه اتحول من شخص محترم ملتزم هادي لشخص كارهه حياته ساب خطيبته عايز يستفى و يسيب شغله و اهله مع انه عارف ان ده مرفوض في عادتكم لا عايز يصلي ولا عايز يروح العمره ده كله مش عادي اللي زي مريم دي اتوقع منها اي حاجه حتي السحر والاعمال يا عشري