لقاء كا.رثي

سليمان…..تمام متقلقش المهم بس عشري الوقت

فضل….مش عارف بيكنسل ليه بس
انا مش مرتاحله الوقت اتأخر اكيد مش مع التيم بتاع الفرح كل ده

سليم…..هو ممكن يكون راح لابوها

علي…..مش عارف الموضوع ده لازم يخلص و بسرعه مريم زودتها كتير و الموضوع بدأ يدخل في حته مش حلوه و اخوكم مش هيسكت انا عارفه

عمر….ربنا يستر خير ان شاء الله

………………

عند ليله و البنات اتصلت ليله هلي عشري كذا مره كان بيكنسل او مش بيرد و ليله كانت هتتجنن و الوقت اتأخر مكسوفه تتصل علي حد من اخواته .

اما نعيمه فكانت بتكلم فضل في اوضتها.

نعيمه….والله ما عارفه يا فضل هي صاحيه ولا نايمه بس اكيد يعني لسه منامتش المهم الوقت لازم تعرفوا عشري فين كل ده هو مشي قبلكم

فضل…..ماهو قال عندي مشاوير يعني مكانش مروح احنا روحنا قبلوا عشان لما يرجع نبقي هناك انا قلقان بصراحه عليه عمال يكنسل خايف يكون في حاجه

نعيمه…..خير ان شاء الله طيب مش يمكن زعلان مثلا عشان محدش قالوا اي حاجه

فضل……حتي لو زعلان هيرد علي الاقل عشان نطمن المشكله ان الموضوع كبر في دماغي و بدأت اتوتر انا كمان بصراحه و عمال افكر في حجات زي الزفت خايف مريم تكون كانت ماشيه وراه و اتخانق معاها و لا عمل حاجه او تكون باعته وراه حد و الله ماعارف

نعيمه…..لا ان شاء الله مفيش اللي بتفكر فيه ده انت هتخوفني ليه طيب مردش علي اي حد من اخواته

فضل…..لا مردش انا عايز اطلع و خايف يجي و يروح لمريم يعمل مصيبه

نعيمه…..لا متطلعش والنبي الوقت خليك شويه معلش لس اتأكد طيب يمكن رجع البيت و انتوا مخدتوش بالكم

فضل….لا مرجعش سليم راح بص علي عربيته مفيش حاجه

نعيمه……ربنا يستر بص ابعتلوا رساله طيب قولوا يطمنك حتي انه كويس و ان شاء الله يرد

فضل……بعت بس مفتحش اي رساله هفضل وراه انا و ان شاء الله يرد

نعيمه…طيب لو في حاجه كلمني انا مش هنام الوقت

فضل….ماشي يا قلبي شويه كده و اتصل عليكي

نعيمه…..تمام يلا باي

فضل….باي

………………….

علي الساعه تلاته الفجر وصل عشري
زايد و مشي من شارع بعيد عن الكافيه الاقرب لبيت مريم ركن العربيه قدام البيت علي الصف التاني بص علي البلكونه و الشقه الاضاءه كلها كانت مقفوله عربيتها مش موجوده بص شمال و يمين و بعدين راح بهدوء علي البيت طلع الدور بتاعها فضل يرن الجرس مكانش في صوت ولا حركه خبط مكانش في اي رد نزل تاني و رجع بص علي فوق مفيش اي نور اشتغل