لقاء كارثي
لقاء كارثي 110
لقاء كارثي
أميره أسامه
صاحبة البطل الواحد
. البارت المئه 110.
………………………
عند تقي و عدي خدها عدي علي مطعم هادي و شيك طلب الاكل و كلوا كانت اول مره تحس انها مكسوفه منه و مش علي طبيعتها قدامه توترها بكل المفاجات اللي حصلت خلاها مش علي بعضها كان بيحاول يفكها باكتر من طريقه اولهم انه يبعد خالص بالكلام عن اي حاجه تخص اللي حصل في يومهم بس فشل كانت مكسوفه و بتتلاشي انها تبص في عينه و مرتبكه جداً
عدي…..بأبتسامه تجنن طيب و بعدين معاكي
تقي….في ايه؟
عدي…..انا عايز تقي الطفسه اللي بتحب الاكل انتي مكلتيش علي فكره
تقي… بابتسامه لا كلت والله
عدي….فين ده اكلك زي ماهو مش عاجبك الاكل تحبي تطلبي انتي علي ذوقك
تقي…ااااا لا خالص والله الاكل حلو بس يمكن انا مش جعانه اوي
عدي….بس انتي مكلتيش انا معاكي من الساعه واحده
تقي…..صدقني شبعانه خالص
عدي…..اممم شبعانه ولا مكسوفه اصلها تفرق
تقي…..بضحك الاتنين
عدي…..بضحك طيب هتفضلي كده كتير
تقي…اااا لا بس يعني تقدر تقول اني لسه مش عارفه اتعود متفجأه و مصدومه و متوتره شويه
عدي….بضحك لا هو انتي متوتره كتير انا خايف وشك ينفجر من كتر ما بقي لونه احمر
ابتسمت وفضلت تحرك ايدها علي وشها
عدي…..بضحك طيب خلاص زي القمر
تقي…..بابتسامه هو انت حالف توترني انهارده
عدي…..خالص والله انا مكنتش متوقع اصلا انك هتتوتري بالشكل ده بقولك ايه تحبي نقوم نتمشي
تقي…..زي ما تحب
عدي….طيب مش هتكملي اكل
تقي….والله شبعانه خالص خلينا نقوم
عدي…..تمام
شاور عدي للويتر جابله الشيك حاسبه وبعدين قاموا خرجوا بره و وقف بصلها
عدي….نتحرك بالعربيه و لا نمشي
تقي….عادي براحتك
عدي…اه انتي هتمشيها عادي براحتك زي ما تحب انا لو اعرف ان البلطجيه اللي جواكي هتقلب قطه كده كنت اعترفت من زمان
تقي….بضحك هي موجوده علي فكره بس مختفيه شويه
عدي….طيب معلش تعالي علي نفسك شويه و قوليلي نتنشي و لا نركب العربيه
تقي….اااا طيب خلاص نتمشي
عدي….تمام يلا بينا
مدلها كفه بصتلوا و ابتسمت بتوتر اكبر
عدي….بضحك يلاااااا
ابتسمت ومدت ايدها بتوتر فظيع مسك كفه قبض علي كفها و بعدين بصلها
عدي…..طيب ايدك ساقهه من التوتر ولا بردانه
تقي….لا انا تمام مش بردانه
