لقاء كارثي

عدي…..بصي يا تقي حدوته صديق مقرب بتعتبريه و بيعتربك اخ و اخت شخص نضيف محترم كل ده علي عيني وراسي بس ده ميديكيش الحق انك تسمحي ان حد بحط ايده عليكي و بيتهيألي هو لو شخص بيفهم في الاصول بمجرد ما يعرف ان في حد في حياتك هيغير طريقته معاكي احتراما للشخص اللي في حياتك و احتراما لعلاقتك جايز مغيرش تاني من حدوته بس انا لو مغيرتش عليكي من لمسه راجل غريب ليكي مبقاش راجل يا تقي ولا هبقي بحبك فهمتي

تقي….فهمت

عدي…..يعني كلامي هيتعمل بيه

تقي….بابتسامه اكيد

عدي….وانا مش هراجع وراكي يا روحي لاني واثق فيكي و الكلام في النقطه دي بيني و بينك مش هيتفتح تاني انتي فهمتي دماغي و انا عارف انك هتنفذيه بالحرف

تقي….بابتسامه اكيد هنفذوا اااا عدي صحيح

عدي…..ايه يا قلب عدي

ضحكت باحراج

تقي….اااا يعني انا هروح ازاي بالحاجه دي

عدي…..بضحك وليد هيعلقك هااا

تقي….بضحك ااا مش حكايه يعلقني بس ابسط سؤال هيتسأل حتي لو من ماما او اخواتي مين اللي جابلك دول في العادي برد بس انا واثقه اني هتوتر و هيبان عليا حاجه غريبه

عدي…..طيب قوليلي انتي عايزه ايه و انا هعملوا يا حبيبي

ابتسمت بسعاده متتوصفش من الالقاب الجديده اللي عمال يفاجئها بيها قلبي و حبيبي وروحي مش متعوده لسه تسمع كل ده مره واحده

تقي….مش عارفه انا بسألك اكيد لما نوصل بابا هيكون رجع هدخل بكل ده ازاي يعني ممكن ادخل بالورد و الشوكلت بس الدبدوب كبير خالص و كمان السلسله دي هو انا مش حابه اكدب بس عشان اكون صريحه انا مش هقدر اقول الوقت الصراحه ولو قولت حد من صحابي هرتبك هيبان اني بكدب

عدي…..طيب انا عندي حل كويس

تقي…..حل ايه ؟

عدي….بصي هتاخدي الشوكلت و الورد و عادي قولي اي حد من صحابك و السلسله هتفضل معاكي بردوا مش هتقدري تلبسيها شيليها بمعرفتك في حاجتك الدبدوب بقي ده اللي ممكن يفضل معايا

تقي…..لا ده بتاعي علي فكره

عدي….. بابتسامه ما انا مش هاخده يا قلبي بتاعك خلاص انا هخليه معايا في العربيه لحد بكره و بعدين هغلفوا كويس عشان ميتبهدلش و هطلعوا علي البيت عندي في شقتك يا عروسه

ضحكت و بعدت عينها عنه بسرعه

تقي…..بطل رخامه قولت

عدي….الاه مش بتسأليني اديني بقولك اهو موافقه ولا ادبسك فيه و اهلي وليد يعلقك