لقاء كارثي

عشري….يلا بينا اللعبه بنت الجزمه خلتني عرقت والله

ليله…..بحب استني خد منديل

…………….

عند نعيمه دخلت عشان تاخد شاور المايه كانت ساقعه خالص و مفيش مايه سخنه فضلت تحاول و تبص علي السخان مفيهوش حاجه بس مش راضي ينزل مايه سخنه خالص سمعت صوت موبايلها لفت الفوطه عليها وخرجت لاقت فضل

نعيمه…. ايوه يا فضل

فضل……ايه يا حبيبي عامله ايه

نعيمه….تمام فضل السخان مش راضي يشتغل

فضل….سخان ايه

نعيمه….السخان يا فضل بتاع المايه السخنه

فضل….يعني ايه مش راضي يشتغل باظ

نعيمه….لا هو قدامي شغال بس مفيش مايه سخنه خالص

فضل…..طيب افصليه و شغليه تاني

نعيمه….افصلوا ازاي هو بيشتغل تلقائي انا دخلت عشان اخد شاور مش راضي خالص واول مره يعمل كده

فضل…..مش عارف طيب هو غاز و لا كهرباء

نعيمه….لا غاز

فضل….طيب شوفي المحبس بتاع الغاز يمكن مقفول

نعيمه….لا مفتوح عادي

فضل…..مش عارف يا نوني يمكن باظ طيب اسألي لياه هي لسه مجاتش

نعيمه…..لا لسه

فضل….طيب اتصلي اسأليها يمكن هي تعرف

نعيمه…..طيب هسألها

فضل…..خلاص روحي و هبقي اتصل بيكي تاني

نعيمه…..تمام باي

فضل….باي

قفلت نعيمه معاه و اتصلت علي ليله كانت واقفه هي و عشري باصين علي هنا و هي بتلعب سمعت موبايلها طلعتوا من الشنطه و ردت

ليله…..الووو

نعيمه….ايه يا لولي انتي فين

ليله….لسه في المول في حاجه

نعيمه…..السخان مش راضي يشتغل يا ليله

ليله….يعني ايه مش راضي يشتغل

نعيمه….يعني دخلت عشان اخد شاور بفتح المايه مفيش غير مايه ساقعه بس و هو قدامي شغال عادي مش فاصل

ليله….شوفي محبش الغاز انا بقفلوا ديما قبل ما انزل

نعيمه…..اول ما دخلت فتحتوا بس بردوا مش شغال

ليله……يبقي باظ او في حاجه باظت

عشري…..بهمس في حاجه

هزت راسها بلأ

نعيمه…..طيب انا هعمل ايه الوقت انا قلعت و مش عارفه اتصرف

ليله…..لازم حد يجي يشوفوا

نعيمه……طيب مش انتي معاكي رقم حد بتاع صيانه

ليله…..اه بس محدش هيجي الوقت اكيد ده تبع شركه و شغلوا كله الصبح

نعيمه…..طيب مفيش حد غيره

ليله…..شوفي ابو امير الحارس كلميه يمكن يقدر يساعدك

نعيمه……طيب ما تكلميه انتي يا ليله والنبي بيقعد يرغي كتير و انا مليش خلق ليه

ليله…..انا مش هعرف الوقت يا نعيمه انتي اتصلي عليه و هو هيتصرف