لقاء كارثي

نعيمه…..طيب انتي قدامك كتير عشان تقفي معاه

ليله….معرفش هاجي امته يا نعيمه اكيده مش هتفضلي قالعه لحد ما اجي ايه مش عارفه تتصرفي انتي

نعيمه…..وانا من امته بعرف اتصرف في حاجه الصيانه دي انتي اللي علي طول بتتصرفي

ليله….بهدوء لا ما هو اتعودي بقي بطلنا جدعنه او بطلنا نستجدع

نعيمه…. بابتسامه غيظ اااااه قولتيلي انتي بترديهالي بقي وشكلك زعلانه بجد

ليله…..بابتسامه انا لا خالص بس قولت اعمل بنصيحتك و ابطل افتح صدري و اعمل فيها جدعه كنت الاول بسيب اي حاجه في ايدي عشان الحق اي حد فيكم حتي لو السبب تافه بس خلاص بقي من هنا ورايح مش هعمل كده يلا يا حلوه اتصلب علي ابو امير و وريني شطارتك بقي باااااي

قفلت معاها و فضلت نعيمه مبتسمه بغيظ

نعيمه…..ماشي يا ليله و ربنا ما هسيبك اتصلت علي ايمي تشتكيلها.

……….

عشري…..في حاجه ولا ايه

ليله…..لا ابداً غالباً السخان في مشكله فا بتسألني تعمل ايه

عشري….بأبتسامه انتي زعلانه مع نعيمه ولا ايه

ليله…..لا خالص ليه

عشري….مش عارف بس كلامك باين عليه انك زعلانه منها في حاجه

ليله…..انت رامي ودنك بقي يا بلطجي

عشري….بابتسامه لا واقف جنبك عادي و سامعك زعلانه ليه بقي

ليله….اولا مش زعلانه مقدرش ازعل منها ثانياً وانت مالك يا حشري بتدخل بينك و بين صحابك انا

عشري…. بضحك بقي كده طيب يا اختي اشبعوا بعض انتي وهي

ليله…..بابتسامه رفعت حاجبها ايوه كده خليك في حالك بقي

عشري…..ماشي اتفلقوا يلا هنون

راحوا علي لعبه تانيه

………….

ايمي…..بضحك احسن تستاهلي و انتي فاكره ان ليله هتعديهالك

نعيمه…..طب انا اعمل ايه الوقت افضل عريانه كده

ايمي…..بضحك حله بقي علي النا,ر و اتعاملي

نعيمه…..حله تاني لا انا جالي فوبيا اخر مره ايدي اتح.رقت المرادي هتحر.ق كلي

ايمي….بضحك يابت بعد الشر

نعيمه……ايوه طيب اعمل ايه بردوا انا مش طايقه ليله البت ما صدقت احتجت ليها

ايمي….بضحك صراحه حقها دي شايله البيت كله و مدلعاكي اخر دلع و مبتخلكيش تحملي هم اي حاجه

نعيمه….ماهي اللي بتعرف تتعامل انا مش بعرف و خدي بالك بقي صاحبتك مش جدعه بس

ايمي……بضحك انتي تاني طب والله المرادي هي طلعت جدعه يا واطيه خليها بقي تسيبك كده تلفي حوالين نفسك اطلعي انتي جدعه بقي و اتصرفي