لقاء كارثي
لقاء كارثي 110
سلامه….. ايه مالك
ايه….بدموع زي الاطفال تعبانه يا سلامه مش قادره ضهري واجعني و ايدي مش حاسه بيها و مش قادره بجد واقفه علي رجلي من الساعه 11 الصبح و عندي برد مكسر جسمي و انا معترفه اني غلطت عشان قبلت الشغل ده كله و فاكره اني هقدر بس مش قادره و الكلب متعب اوي بجد
سلامه……بهدوء طيب خلاص اهدي بطلي عياط عشان خاطري هو انتي معاكي كلب تاني غيره؟
ايه….بدموع مفيش تاني هو بس
سلامه…..طيب صاحبه هيجي ياخده الساعه كام ؟
ايه….الساعه عشره ونص
سلامه….طيب ممكن تعملي اللي هقولوا ده و تسمعي الكلام
فضلت تعيط و كانت تعبانه بجد
سلامه….ااااايه بطلي عياط وردي عليا ممكن
ايه….بدموع اعمل ايه ؟
سلامه……هتسيبي اللي في ايدك حالاً و تخرجي تقعدي بره علي مكتبك اعملي اي حاجه دافيه تشربيها و متقوميش من مكانك انا تلت ساعه و هكون عندك
ايه….مش هينفع يا سلامه الكلب هيبرد انا يادوب حطيت عليه مايه انت اتصلت
سلامه…..لا معلش هينفع و هتسمعي الكلام انا مش هتأخر انا اصلا كنت بتحرك و خلصت شغل كنت جاي اصلا عشان اشوف ريهام هتخلص امته و اخدها معايا مش هيبرد ولا حاجه حاولي لو عرفتي تنشي بس المايه من عليه و انا هاجي تمام
ايه…..حاضر
سلامه….لو جيت لاقيتك ماسكه الكلب او عامله فيه اي حاجه هزعلك مفهوم
ايه…..حاضر
سلامه…..يا ماما بطلي عياط و اخرجي ارتاحي مش هتأخر عليكي
ايه…..اوك
سلامه….باي
ايه…..باي
قفلت ايه و مسحت دموعها و خرجت بره و سمعت كلامه لانها بجد كانت تعبانه و مصدقت انه قالها هيجي يساعدها اصلا.
قفل سلامه معاها واتحرك بالعربيه و اتصل علي ريهام
ريهام…..ايوه يا حبيبي
سلامه…..ايه الاخبار يا قلبي
ريهام….كله تمام الحمد لله
سلامه…..الشغل تمام و لا في حاجه واقفه معاكي
ريهام…..لا لحد الوقت الحمد لله كله تمام المطعم كان هادي لحد الساعه خمسه ونص كده بس بعد كده بقي في ناس كتير و كله تمام يعني
سلامه….طيب الحمد لله انتي المفروض كده تخلصي امته
ريهام…..يعني ممكن ساعه كمان هي ليله قالتلي اني مش هفضل قاعده لحد ما المكان يقفل
سلامه…..طيب بصي انا هروح الوقت اعدي علي ايه شويه كده في المحل و بعدين هبقي اجيلك يعني وقت ما تخلصي اتصلي عليا و عرفيني عشان اجيلك كده كده هكون قريب منك تمام
