لقاء كارثي

ايمي….والله العظيم عارفه من غير ما تقولي امسحيها فيا انا المرادي و خليكي جدعه

ليله….لا انا مش جدعه خليها تكلم ابو امير و تتصرف

ايمي…..بضحك الاه يخربيت دماغك يا نعيمه جبتيه لنفسك طيب اسمعي ابعتيلي الرقم وانا اكلم الراجل يطلعلها

ليله……لا اتصلي خديه منها انا مش فضايلكم انتوا الاتنين

ايمي……بضحك اه يا اوطي من الرصيف علي رأيك طب وانا مالي بتقلبي عليا

ليله….بابتسامه لا مقدرش اقلب عليكي بس خديه منها معلش

ايمي…..ماشي يا ستي

ليله…يلا باي

ايمي…..بايي

قفلت ليله و بصت علي عشري لاقيته باصصلها و مبتسم و رافع حاجبه

عشري…..مش هسأل انا مالي

ليله…..بضحك بقيت حشري اوي خد بالك

عشري…..انا نطفت انا ببص بس

ليله…..طيب بص و خليك في حالك بقي

عشري……بابتسامه ماشي يا ستي

…………..

وصل سلامه عند ايه

ركن العربيه ولمحها حاطه راسها علي المكتب و مغمضه عينها فتح الباب و نزل قفل عربيته و راح بهدوء علي جوه فتح الباب

سلامه…..ايه ايه حبيبي

فتحت عينها ورفعت راسها بصتلوا بهدوء

ايه……سلامه

سلامه…..ايه يا ماما نايمه علي نفسك كده ليه

قرب ايده من راسها يشوفها لو سخنه

سلامه…..انتي حرارتك كويسه امال مالك بس

ايه…..مرهقه بس يا سلامه

سلامه…..طيب انتي كلتي

ايه…..اه كلت

سلامه….كلتي ايه و امته ؟

ايه….فطرت قبل ما انزل كلت ساندوتش

سلامه…..و انتي من الصبح علي الفطار يا ايه طيب انا لا هتعصب ولا هزعلك عشان انتي اصلا تعبانه بس هنتكلم بعدين خليكي بقي قاعده لحد ما انا اخلص

ايه……طيب خليني اساعدك مش هتعرف

سلامه…..لا قوليلي بس انتي اعمل ايه وانا هتصرف ملكيش انتي دعوه

قالتلوا ايه علي اللي هيعملوا قلع الچاكت بتاعه و دخل علي جوه شويه و قامت بهدوء تساعده الكلب كان كبير وهو اكيد مش هيعرف يظبطوا زيها حاولت تساعده علي قد ما قدرت و فضل سلامه يظبط هو الكلب

…………..

وصل عدي تحت بيت تقي

عدي…..بابتسامه حمد الله علي السلامه

تقي…..الله يسلمك اااا انت هتروح علي طول

عدي…..اه متنسيش الورق بتاعك

تقي…..حاضر

عدي…..هتوحشيتي

تقي….بضحكه جميله ااا وانت كمان

عدي……ياريت مننساش اللي قولنا عليه و نذاكر ماشي

تقي….حاضر متقلقش

عدي….طيب يلا اطلعي بقي عشان وليد ميكلمكيش