لقاء كارثي

ضحكت و ضر,بتوا تاني

عدي….ااااه اااه خلاص والله فضل يضحك عليها

تقي…..رخم

عدي…..بس بحبك و حبي يشفع رخامتي

تقي…..بابتسامه ااااه انت مصمم تفضل رخم يعني

عدي….طب خلاص نغير السؤال لما اتكلمنا في الجونه يا تقي و اتعاتبنا عشان اختفيتي و انا قولتلك اني كنت بسرح بيكي طبعاً كنت همو,ت واقول السبب بس انتي منعتيني و حسيت انك متوتره و لسه مش مستعده تسمعي السبب وانا سيبتك براحتك لاني للحظه توقعت ان انتي لسه مش واثقه في مشاعرك و خايفه تسمعي حاجه مني تلغبطك اكتر فا سكت بس كمان انا قولتلك اني هتكلم معاكي بعدين في نفس الموضوع عشان محتاج افهم اكتر و انا بصراحه عايز افهم انتي ليه اختفيتي يا تقي ليه كنتي ناويه تبعدي اصلا ما هو انا بصراحه مقتنعتش بكلامك يعني فكره انك بتحترمي البنت اللي في حياتي و ان مينفعش يكون ليا صاحبه قريبه مني مدخلتش عليا لان انتي علاقتك كويسه بصحابك وهما مرتبطين لو ده تفكيرك اصلا كنتي بعدتي عن الشباب عشان صحابك البنات بس انتي معملتيش كده غير معايا و ده معناه واحد ان انا بالنسبالك مكنتش مجرد صاحب صح يا تقي لو كنتي شيفاني زي ادهم حدوته كنتي فضلتي عادي ولا ايه ؟

بصت تقي قدامها و ابتسمت بهدوء

عدي…..ردي عليا

تقي…..مش هرد

عدي…بضحك لا هتردي بعدتي ليا عني كام يوم يا تقي وكنتي قالبه عليا و مش طيقاني و امبارح ليه صوتك في لحظه اتغير ونازله الصبح مش طايقه نفسك ايه غيره صحاب

تقي….. بابتسامه اه غيره صحاب هو انت مش قولت ان الصحاب بيغيروا علي بعض

عدي….اه قولت بس كمان كنت بستعبط و كنت باخدك علي قد عقلك انتي بقي غيرتك دي متأكده انها غيره صحاب

تقي…..بابتسامه اااا انت عارف

عدي…..بضحك عارف ايه؟ ماهو انا مش هسيبك غير لما تقولي اي حاجه مع ان يعني واضح اوي عليكي بس يعني

تقي…..بس يعني انت رخم و عجبك الحاله اللي انا فيها من الصبح

عدي….بضحك صراحه شكلك حلو اوي و انتي كيوت و مكسوفه و متوتره و عامله زي العيال الصغيره

تقي…..بابتسامه طيب وليه الرخامه هتستفاد ايه طيب

عدي…..عايز اسمع منك اي حاجه
انا مش مستني اسمع حاجه معينه ولا مستعجل عليها والله لانها واضحه اوي يعني كاريزما انا بردوا

تقي……بضحك مغرور اوي علي فكره

عدي…..مش غرور يمكن واثق فيكي
ولا ايه