لقاء كارثي

ليله….تمام يلا

سحبت ليله اول سحبه و وقف عشري بتركيز مكنش فاهم اوي حرك الدراع و مشي شويه بالخطاف و طبعاً معرفش

عشري…..كده خلاص

ليله…..بضحك اه خلاص

عشري….طيب انا كده فهمت الدنيا ماشيه ازاي وسعي كده بقي اول مره لهنا

حاول و معرفش جرب تالت مره معرفش و بعدين الموضوع قلب معاه بتحدي اللعبه استفزته و ليله واقفه هتمو,ت من الضحك عليه

ليله…..حبيبي متحاولش صعبه والله
دي خامس مره ليك

عشري…..والله ابدا با انا يا اللعبه بنت الجزمه دي

ليله….بضحك خد بالك دي اخر سحبه الكارد هيخلص منه الرصيد

عشري…..روحي هاتي غيره

ليله….بضحك هو انت داخل تحدي

عشري…والله اتعصبت اسحبي و روحي هاتي مره كمان لحد ما اجرب

هنا…..خلاص يا انكل عشري حضرتك مش عارف

عشري…..و بتقوليها في وشي طب ايه رايك هعرف بقي

سحبت ليله اخر سحبه و راحت و هي بتضحك تشحن الكارد تاني و بعدين رجعتلهم كان واقف مستنيها

ليله…..معرفتش هااا

عشري…اسحبي اسحبي المرادي حظ هنا

فضلت ليله تسحب و هو يقول مره لخنا و مره لليله لعبها كتير و ليله فاصله من الضحك عليه و اخر مره قال بتاعت ليله مسك اخيراً الدبدوب و عرف يسحبه و رماه بالخطاف في الفتحه الموجوده

هنا بسعاده وقفت تتنطت ليله هتمو,ت من الضحك عليه كان عامل زي اللي بيحارب

نزلت هنا علي ركبها جابت اللعبه من الفتحه و هي فرحانه

عشري…..اي خدمه شوفتي بقي عرفت ازاي

هنا….براڤو يا انكل عشري بصت لليله بابتسامه و مدتلها ايدها باللعبه اتفضلي يا ليله دي بتاعتك

ليله…..لا يا عمري خديها انتي

هنا…..انكل عشري قال المرادي ليكي

ليله…..بابتسامه لا باعمري خديها انتي دي عشانك

هنا……بجد

ليله….بجد يا قلبي

عشري….اه يا ولاد الجزمه دي تمن اللعبه اقل بكتير من الفلوس اللي اتسحبت

ليله…..بضحك ما اكيد يعني قولتلك خلاص متلعبش و انا هجيبلها

عشري…..لا لعبه مستفزه اوي بجد دي و ترتني

ليله…..بابتسامه لا بس طلعت صايع اهو انا عمري ما عرفت العبها

عشري….وانا اي حد ولا ايه با لطجيه

ليله….بتريقه هتقولي بعد عشره خمستاشر مره فلحت

عشري….. بضحك المهم اني فلحت

ليله…..بصت علي هنا مبسوطه يا هنون

هنا…..ايوه مبسوطه اوي

عشري….لسه في لعب تاني

ليله…..اه لسه في رصيد شويه تعالي نخليها تلعب هناك