لقاء كارثي

تقي….انا مش عارفه يا عدي متلغبطه انا كمان معنديش مشكله اني اقول بس حاسه انه مش وقته و خايفه لو قولت يبقي في تركيز عليا اكتر و قلق و انا مش بحب الجو ده يعني بابا هيركز اوي خصوصا اني داخله علي امتحانات ممكن بخاف ان ده يعطلني او يشغلني و كمان لسه قدامي سنه مش عارفه يا عدي

كمان مش حابه اخبي لان حتي لو عملت كده هيبان عليا مش عارفه انت قولي

عدي…..طيب بصي هنتفق كام اتفاق كده مع بعض اولهم توعديني ان اللي حصل بينا ده ميأثرش علي دراستك عشان متخلنيش اندم اني اتكلمت معاكي في حاجه زي دي الوقت انا عايزك تركزي و تذاكري انتي المفروض خلاص فهمتي و قلبك اطمن و انا كمان ارتحت يعني المفروض طاقتك تكون احسن و ده يبقي دافع ليكي انك تذاكري و تنجحي بتقدير كويس ده اولاً ثانياً انتي عندك امتحانات بعد كام يوم يعني من هنا لحد ما تخلصي انتي بتذاكري و بس هكلمك هطمن عليكي انتي كمان هتكلميني وقت ما تحتاجي بس هنحاول نهدأ عشان متبقيش متشتشه مش هشوفك خالص

تقي…..طب ليه

عدي…..عشان تركزي يا تقي ممكن اجيلك في اي وقت بعد الامتحان او قبل الامتحان اشوفك و اطمن عليكي بس خروج هيتأجل خالص لحد ما تخلصي خلصنا علي خير وكله تمام هنرجع زي ما كنا

دي اول حاجه تاني حاجه عشان انا اكون مرتاح و في نظر نفسي راجل بجد و استاهلك و اكون قد ثقت وليد و اخويا و ليله بعد ما عشري و ليله يتجوزوا هتكلم مع وليد

تقي بصتلوا بصدمه و ابتسمت

تقي…..تتكلم في ايه؟

عدي…..هتكلم في اللي احنا فيه هطلب ايدك منه نقرا فاتحه اخطبك اللي هيوافق عليه هنفذه و تدخلي الترم اللي جاي و انتي لابسه دبلتي

تقي…. بابتسامه عدي انت بتتكلم جد

عدي…..وانتي شايفه ان مش ده الطبيعي

تقي…..لا بس انا حاسه انك بتعمل خكوات سريعه

عدي…..لاني عارف انا عايز ايه يا تقي و دي خطوه عاديه لعلاقتنا علي الاقل لما اشوفك او نخرج او اكلمك مبقاش بعمل حاجه غلط و لا ابقي حاسس اني زي الحرامي و لا كمان احطك في موقف مش حلو انا مش عايزك تكدبي يا تقي و عايزك تحافظي علي ثقه وليد فيكي لو هنساني شويه لحد ما تخلصي امتحانات وعشري و ليله يتجوزوا فا ده عشان احنا مضطرين لكن بعد كده انا مش مضطر افضل مستمر في كدبه و ساحلك فيها معايا انا مش عايز اكون سبب في اي مشكله ليكي .