لقاء كارثي

سليم…..سن نضوج يعني تقصدي

نسمه….بالظبط فا لو علي الوقت اكيد مناسب

سليم….طيب الشخص

نسمه…..بتوتر ابتسمت اااا ماهو هيجي اكيد

سليم….يعني هو مش موجود

نسمه….بضحك مش عارفه يعني في حجات بيبقي لسه بدري عليها شويه او ممكن اكون محتاجه خطوه من الشخص اللي قدامي عشان اقدر احدد انا صح او لا

سليم….اممممم افهم من كده ان في شخص انتي معجبه بيه بس محتاجه انه ياخد خطوه او يلمح صح

نسمه….بضحك بصت بعيد عن عينه اااا مش ملاحظ انك سالت كتير و خدت دوري

سليم….بضحكه جميله هو انا ملاحظ اكتر انك بتحاولي تهربي بس تمام هعديها أسالي

نسمه…..بضحكه احراج اااا احممم طيب خليني انا أسال نفس سؤالك

سليم….بضحك ااااه مش سهله انتي بردوا

نسمه…..بضحك طب ليه بس انا بحاول اغش منك مش اكتر

سليم…..ماشي يا ستي هجاوبك اكيد انا فاتح قلبي مش قافله و اكيد انا كمان في سن يسمحلي بالارتباط و اكيد الوقت بالنسبالي مش مقياس للحب خالص لان لو حب او الاعجاب دقوا قلبك مهما كان وقتك شايفه انه ميسمحش في الوقت ده بيسمح عادي يعني ممكن اكون مثلا مقرر اني محتاج اعمل حجات كتير خاصه بمستقبلي شغلي عندي مشاكل مثلا و حابب اني اتفرغ ليها و احلها و اقول اني هحط الحب والارتباط علي جنب و تظهر بنت تخليني غصب عني انسي كل كلامي و امسحوا باستيكه فا ملهاش علاقه اما بقي بالنسبه للشخص المناسب فا تقدري تقولي انه تقريباً حصل

نسمه….بابتسامه اااا يعني احممم قصدك انك لاقيت الشخص اللي بتدور عليه

سليم….بنسبه كبيره اه

نسمه….اممم طيب حلو و ايه بقي اللي يخليك تكون مستني انك تقول ده او تقرر انك تدخل علاقه مع الشخص ده

سليم…. بابتسامه اكيد مفيش حاجه تمنع خالص بس في مرحله كده قبل الاعتراف حلوه اوي و هي بتبقي قبل التعارف كمان يعني مرحله كده القبول نرتاح اكتر لبعض نختبر بعض نشوف كده وجودنا مع بعض بيفرق او عادي لو لاقينا انه بيفرق و اننا مرتاحين بتبدأ مرحله جديده وهي التعارف و اكيد في المرحلتين دول الاعجاب بيزيد التعلق بيزيد الترابط بيكون قوي و بتلاقي نفسك بدون مقدمات واقعه في الحب

نسمه….بابتسامه اممم طيب و انت تقييمك لحالتك دي انت في انهي مرحله بالظبط

سليم….بضحكه جميله تقيمي لنفسي بس و لا تقييمي للشخص ده كمان