تعاهدنا

الفصل السادس عشر…

خلصت سهام كلامها و حكتلهم كل حاجه وأ كدت علي

كلام أدهم.

رقيه….بصدمه وعدم تصديق انا مش قادره اصدق

اللي بسمعه ساره تعمل كل ده طب ازاي انا حاسه

اني في حلم او كابوس.

سهام….هو ده كل اللي حصل يا رقيه هو ده اللي حصل

يا حسن عمري ما فكرت في الفلوس زي ما شاكيتي فيا

يا رقيه انا مش زعلانه منك ولا مضايقه من اي أتهام

وجهتهولي وقتها وعذراكي يمكن كنت أتمني انك تفضلي

مصدقاني وعارفه ان مش انا اللي اكسر قلب بنتي

ولا اقدر أكسر قلب أدهم يا رقيه وان فرحتهم وسعادتهم

عندي بالدنيا وان فلوس الدنيا قصاد راحتهم تغور

كان نفسي انتي بالذات اللي تدافعي عني وتفضلي واثقه

فيا وتفتكري ان الفلوس دي بالنسبالي عمرها ما كانت

حاجه مهمه في حياتي عشان انتي من زمان عارفه

عني كل حاجه عارفه اني عمري ما فكرت فيها ولا

في املاك عارفه ان وجودكم في حياتي هو اهم من كل

حاجه في الدنيا…بس صدقيني انا مش زعلانه منك

ومقدره كويس جدا اللي كنتي بتمري بيه وقتها انتي

وحسن حتي ادهم وعهد مقدره موقفهم من ناحيتي

بس صدقيني اللي مريتوا بيه ميجيش حاجه جمب

اللي انا مريت بيه وكنت حساه ربنا يكفيكي شر

سر انتي شيلاه جوه قلبك لا انتي قادره تخرجيه

ولا انتي قادره تشيليه لوحدك.

حسن ….. وهو حاطت ايده علي راسه بس انتي

غلطتي يا سهام غلطتي لما سكتي غلطتي لما خوفتي

غلطتي لما شكيتي لحظه اني ممكن ارفض عهد عشان

ديون ابوها مع انك انتي عارفه محمد عندي كان ايه

عارفه العلاقه بينا كانت عامله ازاي عارفه ان اي ديون

انا سدتها عنه هو عمل ضعفها زمان معايا لما اتعرضت

لخساره مره و اتنين و تلاته ولما قدرت اقف علي رجلي

بسبب. قفته جمبي وبدأت الشركه تستعيد قوتها من تاني

رفض انه ياخد مني اي مبلغ ووقتها قالي بالنص فلوس

الدنيا تتحط تحت رجلك يا صاحبي قاللي انا وانت

عمرنا ما هنكون منافسين لبعض نجاح شركتك هو

نجاح شركتي ونجاح شركتي هو نجاح شركتك

مش عارف انتي كان عندك فكره عن الكلام ده ولا لا

بس متأكد ان لأ لان محمد كان اللي بيني وبينه خصوصا

في موضوع الشغل كلن ديما سر بينا لكن كان لازم تعرفيه

من الاول.

اي فلوس انا سدتها عن محمد يا سهام هو مش جميل

بالعكس ده رد جميل ودين في رقبتي ليكم الفلوس

اللي اتسدت دي يا سهام مكانتش مني دي كانت من

محمد كلها من خيره ومن جميله اللي كان مغرقني بيه