تعاهدنا

حاجه عشانه تبعده عنه وتنتقم منه ومننا كلنا وصدقني

ياريتها تيجي علب كده بس.

سهام…..حسن معاه حق وقال كل اللي انا عايزه اقوله

يا ادهم صدقني ساره ممكن تعمل اب حاجه عشان

تنتقم منك ولو علي ادم هو مش فارق معاها زي ما قالت

ادهم…..ايوه وبعدين هنعمل ايه.

حسن…..مفيش قدامنا غير حل واحد بس

رقيه….ايه هو.

حسن….اني اتكلم مع ساره انا وانتي يا رقيه ونحاول

نتكلم معاها بهدوء ونعرفها اننا عرفنا كل حاجه وان اللي

بتعمله ده غلط ونعرفها كمان اننا مش هنقول حاجه لأدم

يمكن لو اتكلمنا معاها بالعقل تتحرج مننا او تفكر بطريقه

صح صدقيني العنف مع حاله ساره دي مش كويس

لازم ناخدها بالسياسه. وانا عندي امل انها تتحرج مننا

وتسمعلنا.

ادهم….مع ساره ميتهيأليش احنا بنضيع وقت معاها.

حسن….مجرد محاوله يا ادهم يمكن ننجح فيها ولو

منجحناش هنضطر نفكر في حلين ملهمش تالت

يا اما نعمل اللي انت قولت عليه ونحطها قدام امر واقع

او نعرف ادم .

رقيه….ربنا يستر .

ادهم….طيب هتكلمها امته

حسن….ادم انهارده هيتأخر في الشركه عشان في شغل

كتير وبكره اجازه ومفيش فرصه قدامنا غير انهارده.

ادهم….تمام بس انا لازم اكون موجود.

حسن….لا انت لا ولا انت ولا سهام هتكونوا موجودين

خليكم بعيد

سهام….انا كمان رأيي بلاش خصوصا انت يا ادهم

عشان ممكن تفقد اعصابك.

رقيه….خليك انتي يا حبيبي وان شاء الله هنطمنك.

سكت ادهم بقله حيله.

حسن….انا بقول نمشي انا ورقيه بسرعه عشان نلحق نتكلم

معاها براحتنا.

ادهم….تمام ابقي عرفوني عملتوا ايه

حسن….هنبلغك يلا يا سهام عشان نوصلك

سهام….لا انا معايا العربيه وبلاش احسن تشوفنا

راجعين مع بعض.

رقيه…تمام هكلمك يا سهام

سهام….بأبتسامه بسيطه هستناكي يا رقيه.

سلموا علي بعض و ودعوا ادهم ومشيوا.

بعد وقت بسيط وصلوا كان العصر أذن ويادوب ساره

لسه صاحيه.

كانت بتفطر علي السفره وقاعده بكل جبروت

كانها مش عامله اي حاجه.

اول ما شافتهم ابتسمت وبصتلهم .

ساره صباح الخير كنتوا فين انا دورت عليكي يا ماما

حسن…..بحزم ونظره تقلق اقعدي يا ساره عشان

عايزينك.

بصتله ساره بصدمه من غير ما تتكلم وكأن

قلبها حس باللي عايزينها فيه😳