تعاهدنا

واي مبلغ انا سديته ميجيش حاجه في بحر الجمايل

اللي محمد ياما غرقني بيها محمد بعد ربنا كان سبب

في ان شركتي تقوملها قومه محمد كان مش بس

سبب في ان الشركه ترجع من تاني تقف علي رجليها

من تاني لا ده الشركه قامت ورجعت احسن من الاول

وبدل الفرع بقي اتنين و تلاته واربعه لحد ما بقي

عندي مجموعه شركات..

سهام كانت بتسمعه ودموعها نازله بوجع.

حسن….غلطتك يا سهام مش بس انك مقولتيش وخوفتي

وشكيتي لحظه اني ارفض نسب بنت اقرب صاحب

واخ ليا…لا غلطتك ان الخوف اتمكن منك وسبتي

ساره تتحكم فيكي زي ما عملت مع ادهم بالظبط

سبتينا كلنا نتوجع ونشوفم لصوره غير صورتك

مع اني من البدايه كنت شاكك ان في سبب اقوي من

انك مضايقه ان ادهم وعهد خلوا عليكي حبهم لبعض

سهام بدموع.. غصب عني يا حسن ساره كلامها معايا

مكانش مجرد تهديد انا خوفت علي بنتي يا حسن

خوفت عليها من الفضيحه خوفت عليها من الوجع

انت عارف ان عهد متستاهلش انها تعيش اي حاجه

وحشه ولا تستاهل انها تشهر بيها..خوفت انها تأذي

بنتي وتعمل فيها حاجه.ويمكن كمان مكنتش لسه واثقه

في حب ادهم ليها كنت خايفه ان ساره تنفذ تهديدها

وتركب صورها مع شخص تاني وادهم يكره عهد صدقني

يا حسن وقتها محستش بأي حاجه غير اني احمي

بنتي حتي لو كنت هاجي علي قلبها انا مش ضعيفه

يا حسن عارفه انكم ممكن تستغربوا موقفي لكن صدقني

لو الموقف ده حصل قدامي مع اب حد كنت اتصرفت

لو علي رقبتي بس مع بنتي يا حسن انا حسيت اني

متكتفه مقدرتش اعمل اي حاجه غير اني اسمع كلام

ساره وانفذلها اللي هي عيزاه..لقيت نفسي بتصل علي

عاصم و بقوله ان عهد وافقت واننا مستنينهم بليل

حتي من غير ما اعرف رايها اجبرت عهد انها توافقي

قولتلها اني هغضل عليها ليوم الدين لو رفضت او

صغرتني قدام الناس..كملت بدموع بس كان نفسي

ترفض يا حسن كان نفسي تقول لأ كل مره كنت

بجبرها علي اي حاجه وهي توافق كنت بتقطع من

جوايا اكتر كل مره كنت بشوفها بتحاول ترضيني

علي حساب نفسها كنت بكره نفسي اكتر.

عهد كانت بتم*وت كل يوم ميت مره لحد الوقت

ومع كل ده مش راضيه تغضبني متعرفش اني عمري

ماغضبت عليها ولا عمري اقدر اغضب عليها .

لما ادهم كلمني اخر مره وسمعت صوته في الرساله

اللي بعتهالي وقتها مقدرتش اسكت قولتله علي

السر اللي كان خانقني و تاعبني مقدرتش اسمع