چاسمين

رواية
چاسمين
أميرهاسامه
صاحبةالبطلالواحد
فتجدهم حيارى مضطربين ليسوا على يقين من أمرهم
البارت الخامس و العشرين
……………..
داخل منزل فريد وقفت بيري قدام المطبخ و هي شارده ومبتسمه و بتفكر في كلام أمجد عن غيرة فريد عليها.
حاولت تكدب أمجد و تنكر اللي قاله و حاولت تعمل نفسها مش فاهمه و ان كلامه كان مفجأه بالنسبالها لكن مقدرتش تنكر بيها وبين نفسها الشعور اللي هي حاسه بيه من ناحيته لانها كانت بتكدب نفسها اصلا اه حاسه انها مشدوده ليه و في حاجه جواها بتفرح لما بتكون قريبه منه مكانتش فاهمه ده أعجاب و لا أحساس بالامان و لا حب لكن الاكيد ان في شعور حلو جواها لفريد.
بيري….بهمس داخلي معقول يكون كلام امجد صح و فريد بيحبني بجد دي حتي سهر لمحتلي معقول احساسها هي و امجد مش حقيقي طب لو فعلا هما بيتهيألهم ليه تصرفات فريد في وجود امجد بتبقي غريبه ليه بيبقي عصبي و نظراته تخوف ليه بحس انه ملامحه غضبانه و كأنه عايز يتخانق معايا او يقولي حاجه معقول يكون بيحبني !
ابتسمت بيري لمجرد انها تخيلت الشعور ده.
طيب اتأكد ازاي و أعرف ازاي
بس هو اصلا معقول يحبني بعد ما عرف ان مش ليا اهل او يحبني وهو عارف ان اللي كنت فكراكم اهلي هما جزء من مشاكله بس انا مالي انا مظلومه زيه بالظبط وبعدين لو هو شايف اني ليه ذنب في كل ده مكانش ساعدني او وقف جنبي مكانش حماني من خالد وعرض نفسه للخطړ مكانش قالي ان في حجات حكاها ليا انا بس مكانش ظهر قدامي في عز ضعفه .طيب اعرف ازاي اذا كان جواه حاجه من ناحيتي ولا لأ ما هو يمكن عصبيته في وجود امجد دي مجرد عصبيه عاديه بسبب المواقف والضغوط اللي بنمر بيها مش غيره ولا حاجه سكت صوت بيري الداخلي و ابتسمت بخبث و رجع الصوت مره تانيه بس انا هعرف بطريقتي و هشوف بنفسي اذا كان مشاعره دي غيره ولا مجرد ضغط عادي
مسكت موبايلها وراحت بسرعه تبص عليه من الشباك لمحته واقف لوحده و كأنه بيفكر
…………
في الخارج وقف فريد يعد ما بلال مشي و كرر انه يدخل يطلع عين بيري بسبب وقوفها وكلامها وقربها من امجد خد خطوه ورجع وقف تاني.
فريد….بهمس داخلي انت بتعمل ايه يا مچنون ايه هتروح تتخانق معاها
اه وليه لأ
طيب وانت زعلان ليه انت مالك اصلا ايه غيران عليها
و هو انا مينفعش اغير
تغير عليها بصفتك ايه وبعدين لو فرضنا انك حبيتها و غيرتك عليها شعور طبيعي تقدر تقولي هتبرر غيرتك دي ليها ازاي هتقولها ايه
اقول اللي اقوله المهم اتكلم واطلع ڠضبي فيها
وتفتكر هي ممكن تسمح ليك بكده
وهي تقدر تعترض اصلا ما هي اللي غلطانه.
من ناحية تقدر تعترض اه ممكن اوي ابه اللي هيمنعها انها تعترض علي تصرف ليك مش عاجبها و بعدين قولي هي غلطت في ايه امجد قريب منها
وليه اصلا يبقي قريب منها يطلع مين امجد في حياتها عشان يقرب منها كل شويه بالشكل ده ويحضنها و يقعدوا يتكلموا مع بعض بعيد عننا
من ناحية يطلع مين يطلع صديق عشرة عمر سميها زي ما تسميها و بعدين طب ما انت كمان حضنتها مره لما جاتلك لتاني مره و مره تانيه لما شافت الکابوس و اتكلمت معاها كتير لوحدكم
ايوه بس حضڼي ليها هي كانت محتجاه لما رجعت لتاني مره كانت مڼهاره و كان واضح انها محتاجه تطمن و لما شافت الکابوس كانت مړعوبه وبردوا كانت محتاجه تحس بالامان وتطمن وبعدين هي اللي حضنتني
بس انت كمان حضنتها !
عشان هي كانت محتجاني
كداب انتي اللي كنت محتاجها
انت بتقول ايه !
بقول اللي انت مش قادر تواجه بيه نفسك و اللي حاسس بيه ومش عارف تعترف بيه يمكن بيري محجتالك يا فريد بس انت محتاجها اكتر بكتير بيري كملت فيك الجزء الناقص عوضتك عن حجات كتير خسرتها نورت فيك الضلمه اللي عايش فيها من سنين بسبب امك و ملأت الفراغ اللي عايش فيه من ثلاث سنين لما فقدت ابوك و مراتك واختك مره واحده انت محتاج بيري يا فريد وقلبك دق و اوعي تنكر ده
قلبي دق ! انت بتقول يمكن انا محتاجها فعلا ويمكن كمان بيري كانت ليها الفضل في ان حياتي يبقي ليها طعم ولون تاني بس حب !! انت اكيد مش واعي للي بتقوله
طيب تفسر ايه غضبك منها كل ما تشوفها بتتكلم مع امجد او بتبتسم ليه ليه اضايقت لما شوفته حاضنها بلاش كل ده ليه مركز معاها
عشان عشان
ايه بتدور علي كدبه تكدب بيها علي نفسك
لا بس مش قادر اقنعك ان كل اللي بتفكر فيه مش صح
لو فعلا كل اللي بفكر فيه مش صح كان زمانك قدرت تقنعني بسهوله بس المشكله انك بتحاول تلاقي كدبه مقنعه تبرر بيها مشاعرك الواضحه تجاه بيري و مش لاقي لان انت نفسك مش قادر تقنع نفسك ان قلبك محبهاش عارف المشكله فين يا فريد
فين !
المشكله اننا لما بنحس بشعور معين تجاه شخص بنحبه بناخد وقت لحد ما نقدر نواجه نفسنا بالشعور ده بنخاف و بنفكر كتير بنفتكر مشاكل حياتنا كلها بنفتكر الضغوط اللي بنمر بيها حاليا بنحاول نأجل الشعور ده شويه بنحاول نوقفه و نقول لسه مش وقته بس لو فكرنا لثواني هنتأكد ان الشعور اللي حسينا بيه ده اكيد مجاش كده من فراغ واكيد كان في حكمه من ربنا عشان بتولد جوانا الشعور ده في التوقيت ده ألحق قلبك يا فريد و اوعي تحاول تأجل او توقف الشعور ده احيانا ربنا بينور جوانا شعاع بسيط من الامل وسط مشاكل وضغوط الحياه عشان نقدر نعدي بسلام
يمكن معاك حق بس كمان في مشاعر لازم ڠصب عنك تأجلها لان مبيبقاش توقيتها مناسب
لو توقيتها مكانش مناسب مكانش ربنا خلق الشعوى ده جواك في الوقت ده بالذات
بس انا فعلا مش قادر اركز في اي حاجه غير اللي بمر بيه
بيتهيألك لو مكنتش قادر تركز غير في اللي انت بتمر بيه مكانش قلبك دق مكنتش حبيت مكنتش غيرت عليها من امجد مكنتش هتبقي حابب تدخل تفرغ فيها غضبك عشان شوفتها فب حضنه انت بتكابر يا فريد و بتكدب علي نفسك و بتحاول تتجاهل صوت قلبك
عشان خاېف
خاېف من ايه انها ترفض شعورك ده يعني !
لا خاېف اتعلق بيها و تختفي من حياتي زي اللي اختفوا
اللي اختفوا من حياتك يا فريد مختفوش بإرادتهم ابوك و مراتك اتغدر بيهم اختك اتغدر بيها
معاك حق بس بسببي خاېف اقرب منها و بسببي هي كمان تروح من ايدي
بس هي كمان معاك في نفس المركب امسك في ايدها يا فريد عشان تعدوا لبر الامان مع بعض عيشوا كل لحظه سواء كانت حلوه او وحشه وانتوا جنب بعض مش بعيد عن بعض خلي في بينكم
—
ذكريات حلوه المصاعب اللي هتعظوا بيها سوا هتقوي علاقتكم هتبقي روحين في روح واحده امسك فيها يا فريد اوعي تسيبها
فاق فريد علي اخر جمله سمعها لصوته الداخلي.
فريد….امسك فيها انا فعلا همسك فيها ومش هسيبها وهطلع عينها هي وامجد بتاعها ده .
دخل فريد علي جوه وهو بيحاول يداري غضبه و مستحلف ليها.
اول ما دخل سمع صوتها بتتكلم في الموبايل مع امجد رفع حاجبه وقرب بهدوء من المطبخ طلع كوبايه عشان يشرب و حطها علي الرخامه بصوت عالي بصت بيري عليه و كملت كلامها مع امجد ولا كأنه عمل حاجه
بيري….انت فين طمني عليك روحت
بصلها فريد پغضب جاهد عشان يخفيه
أمجد….لا روحت ايه انا في العياده
بيري….انا قولت هتروح و حبيت اطمن عليك
امجد….لا انا قولت عندي شغل المهم طمنيني كل حاجه تمام
بيري….اه الحمد لله
امجد….سهر و طنط امل عندك صح
بيري…لا روحوا طنط اما رفضا انها تفضل انت عارفها هي مستحيل تسيب البيت بسهوله
أمجد….طيب قوليلي عرفت
بيري…اه عرفت
أمجد….اټصدمت طبعا و اكيد مش طيقاني
بيري….ليه بتقول كده يا امجد و انت ايه ذنبك
امجد….ذنبي انه ابويا يا بيري
بيري….حتي لو انت ملكش ذنب في اي حاجه بالعكس هي زعلانه عشانك انت وملك و مش مضايقه منكم حتي سهر قالتلها ان انتوا ملكوش ذنب وانها زعلانه عشان اتعصبت عليك طنط امل قالقـ,ـتلها وهو ايه ذنبه يعني اطمن مفيش اي حد فيهم مضايق منك
امجد….الحمد لله المهم خدي بالك من نفسك و اكدي علي سهر انها متجيش عندكم خالص الفتره دي
بيري….حاضر اطمن بقولك ايه مكلمتش مازن تعرف منه ملك كانت عايزه تقول ايه لسهر و هو منعها
امجد….لسه والله يا بيري انا كنت عايز ارجع بسرعه عشان اتأخرت علي العياده قولت اخلص و اكلموا
بيري….طيب خلص شغلك و كلمه وياريت تبقي تطمني
امجد….حاضر هعمل كده اكيد
بيري….ماشي طيب ممكن تفك بقي عشان مبحبش اشوفك كده
هنا فريد غضبه زاد وحس انه هيفقد سيطرته علي غضبه و محبش يفضح نفسه قدامها خرج بسرعه من المطبخ بكل ڠضب و راح علي الباب اللي بينزل علي الچيم الخاص بيه.
بصت بيري عليه بطرف عينها وهي مبتسمه و سعيده بالتغيرات اللي بتحصل علي ملامحه وعصبيته
امجد…..انا تمام يا بيري اطمني متقلقيش
بيري….هتعدي يا امجد كل حاجه هتعدي
امجد….ان شاء الله يا حبيبتي يلا انا هروح انا بقي و اي وقت تحتاجي اي حاجه كلميني
بيري….حاضر يا امجد سلم علي ملوكه و متنساش تكلمني لو عرفت حاجه من مازن
امجد….حاضر يا حبيبتي يلا باي
بيري….باي
قفات بيري مع امجد و سابت الموبايل وبصت علي الباب و هي بتسأل نفسها تروح عنده ولا بلاش لكن قررت تروح تضايقه اكتر و تأكد لنفسها شعور فريد اللي واضح عليه.
مسكت قدر من الارض وشالته وكأنها بتتحامي فيه
فتحت الباب بهدوء ونزلت علي تحت بصت عليه من علي حرف السلم كان باين عليه الڠضب قالع التيشرت و بيشيل حديد
لمحها واقفه لكن تجاهلها اول ما شافت انه بصلها نزلت علي تحت
بيري…احممم انت بتلعب
فريد…..بنبرة ڠضب من غير ما يبصلها انتي شايفه ايه
بيري…..ايوه شايفه انك بتلعب
سكت فريد ومردش عليها
بيري….هو مش المفروض التمرين ده بيكون ليه وقت يعني اوقات بتلعب الصبح بعد ما تفطر و اوقات بتلعب في وسط اليوم و اوقات بتقضي الليل وانت هنا
فريد…..عادي يعني هتفرق معاكي
ابتسمت بيري بهدوء وهي مبسوطه من جواها
بيري…احمممم لا عادي مجرد سؤال بما انك يعني رياضي وكده فا أكيد عندك معلومه صح للتمرين
فريد….ليه ناويه تلعبي رياضه و لا حابه تقدي في چيم
بيري….ضحكت ڠصب عنها
بصلها فريد پغضب
فريد….ايه بتضحكي علي ايه
بيري….سوري مش قصدي بس انت بتتريق
فريد….و هتريق ليه مجرد سؤال من وسط اسئلتك اللي مبتخلصش
بيري….ماشي وانا هرد عليك انا عمري ما روحت چيم ولا عمري عملت رياضه انا بيتيهألي يعني اني جسمي رفيع
فريد پغضب ساب الحديد وراح علي كيس الرمل فضل يضر….ب فيه بكل ڠضـ,ـ,ـب
فريد…..و من امته الرياضه و الچيم كان للي جسمهم مليان بس او اللي حابين ينزلوا وزنهم الرياضه مهمه لصحة اي بني ادم و بتعمل لياقه للجسم
بيري….انا عارفه طبعا ان الرياضه مهمه و ملهاش علاقه اوي بتنزيل الوزن بس يعني بصراحه انا مليش في الفرهده دي بحس اني مش بقدر اعمل مجهود يعني لا ليا في رياضه ولا ليا في شغل و لا اي حاجه وبعدين لو فكرت اتمرن معلوماتي زيرو عن التمارين اللي ممكن احتاجها معرفش استخدم الاجهزه و معرفش ايه اشيل وزن قد ايه و العب كام عده يعني انا بصراحه جاهله في امور الرياضه والتمارين دي و الحمد لله اني باكل من غير ما وزني يزيد
فريد….امال جايه هنا ليه عايزه ترغي
ابتسمت بيري و اخفت ابتسامتها بسرعه ورفعت حاجبها
بيري….ايه قصدك يعني انك مش عايزني هنا
فريد….و الله انتي حره بس كان مجرد سؤال نازله ليه لما انتي ملكيش في التمارين و الجو ده
بيري….ليه هو ممنوع النزول هنا الا لو هلعب
فريد….و هو بيضـ,ـرب كيس الرمل پعنـ,ـف و الله المفروض يعني ده مش مكان للقاعده والكلام
بيري….امممم طيب لو فرضنا اني هلعب تنصحني ابدا بأيه يا كوتش
ساب فريد كيس الرمل وهو بينهج و العرق بينزل من كل حته في جسمه
فريد….انتي عايزه ايه يا بيري
بيري….مالك مش عايزه بسألك تنصحني بأيه هو انت مش بتمرن ناس كتير والمفروض ان ده شغلك جاوب بقي
فريد….اه شغلي بس انتي متنفعيش
ييري….منفعش ! يعني ايه منفعش هو التمرين ينفع لناس وناس لأ
فريد….لا ينفع للكل بس انتي متنفعيش معايا من الاخر مش هتقدري علي التمرين بتاعي من اول دقيقه هتقعي مني
بيري….رفعت حاجبها يا سلام هو انت مستقل بيا اوي كده ليه
فريد…مش مستقل بيكي ولا حاجه بس دي الحقيقه
بيري….خلاص نشوف
فريد…..اطلعي يا بيري الله يهديكي و متعصبنيش
بيري…امممم واضح انك لا بتعرف تمرن و لا بتعرف تعمل حاجه و الدليل انك بتهرب مني
فريد….اهرب منك انتي ليه
بيري….و الله معرفش أسأل نفسك
فريد….انا خاېف عليكي هتتكسري في ايدي وبعدين اللبس اللي انتي لبساه ده مش لبس تمرين اصلا
بيري….هي دي. الحجه يعني طيب تمام اوي
طلعت بيري وهي شايله قدر و سابته واقف يبص عليها غابت شويه و نزلت تاني و هي لابسه ترننج رياضي بنطلون وتيشرت كت و رابطه الچاكت بتاع الترنج علي وسطها و رافعه شعرها لفوق و راحت وقفت قدامه بكل حماس
بيري …بيتهيألي كده كويس صح
فريد …رفع حاجبه انا نش فاهم ايه الحماس اللي عندك ده انتي عايزه ايه
بيري…الله مش قولت اللبس مش هينفع و اتحججت بيه اديني غيرت خالص ينفع اللبس ده ولا مينفعش
فريد…..بنظره شړ ابتسم بهدوء ينفع ينفع اوي بس فكي الچاكت وحطيه علي جنب وتعالي
بصتله بيري بقلق من نظرته وحست انه هينتقم منها
فكت الچاكت وراحت عليه مره تانيه
فريد….ايه جاهزه
بيري….اه جدا يلا بينا اعمل ايه بقي اشيل ده ولا اشيل ده
فريد….لا مش هتشيلي اي حاجه الوقت لازم تسخني الاول مينفعش تشيلي حديد عشان ميحصلش معاكي شد عضل بس الاول متأكده انك عايزه تتمرني
بيري….اه عادي متأكده
فريد…..بنظره شړ متأكده يعني
بيري….الله ما
—
قولنا متأكده محسسني ليه انك ھټموټني دي تمارين عاديه يعني
فريد….طيب تمام اوي انتي حره بس ادام انتي جامده اوي كده لو بدأت معاكي تمرين مش هتوقفي غير لما اقولك اني خلصت تمام
بيري….بثقه تمام جدا معنديش مشكله ان شالله تقعد لحد الصبح
فريد….بابتسامه عدم تصديق والله طيب كويس اوي يلا اطلعي بقي علي التريد ميل عشر دقايق تخلصي و تطلعي علي العجله اللي هناك دي عشره زيهم و بعدين علي الجهاز اللي هناك ده تعمل عشره في تلاته دراع و بعدين علي الجهاز اللي هناك ده عشره في تلاته شيست
بيري…..لا لا لحظه بس ايه عشره في تلاته دي وضح انا قولتلك مليش في الرياضه
فريد…..يعني 3 مجموعات و كل مجموعه عشر عدات و تريحي بينهم خمس ثواني فهمتي
بيري….طيب ما الرياضه طلعت سهله ايه
فريد….اه سهله اوي بس كل ده تسخين خدي بالك
بيري….عادي هسخن واقولك اني خلصت
فريد…..بنظره شيطانيه وانا مستنيكي يلا
بيري….تمام
……………..
وصل ياسر المكتب و اول ما وصل اتصل علي سهر يطمن عليها.
ردت سهر علي طول.
سهر….الووو ايوه يا ياسر
ياسر….ايوه يا سهر طمنيني ايه الاخبار وصلتي
سهر….اه وصلت
ياسر….مش قولتلك طمنيني اول ما توصلي
سهر….انا يادوب داخله من نص ساعه و دخلت اخد شاور ولسه طالعه حالا
ياسر….طيب ايه الاخبار في حد واقف بره
سهر…..اول ما وصلت كان في عربيه واقفه بس يادوب احنا دخلنا روحت ابص عليهم من الشباك لقيتهم اتحركوا بالعربيه ومشيوا و مفيش اي حد بره خالص
ياسر….ولا في عربيه تانيه جات
سهر….لا خالص والله مفيش ولا عربيه الحمد لله
ياسر….طيب الحمد لله بس مش عايزك تطمني اوي بردوا يعني تاخدي بالك وتعملي كل احتياطاتك و تأمني البيت
سهر….متقلقش والله الباب مقفول كويس و زي ما قولتلكم الشبابيك عندي كلها حديد
ياسر…..بس لازم جهاز الانذار والكاميرات مش عايزين ننساهم
سهر…..بلال قالي انه هيساعدني في الموضوع ده بس معرفش امته
ياسر…سيبي بلال عليا انا هأكد عليه تاني
سهر….طيب تمام
ياسر….طمنيني مامتك اخبارها ايه احسن ولا تعبانه
سهر….هي اكيد تعبانه وجسمها بدأ يتعبها من الوقعه و الخبطه بس تاخد شاور و تاكل وبعدين هديها العلاج و احطلها من الكريم
ياسر….ان شاء الله يومين بالكتير وتبقي احسن
سهر…..ان شاء الله انا اهم حاجه عندي ان الاشعه طلعت كويسه ومفيش ڼزيف او اي حاجه خطړ
ياسر…..الحمد لله اننا روحنا واطمنا عليها مش مهم اي حاجه تانيه مع الوقت هتتحسن
سهر….ان شاء الله انت روحت المكتب
ياسر….اه انا هناك لسه داخل من عشر دقايق بس قولت اطمن عليكي قبل ما ابدأ شغل
سهر….اطمن انا بخير يلا شوف شغلك بقي كفايه اتعطلت كتير بسببي انهارده
ياسر….متقوليش كده انا ولا اتعطلت ولا حاجه و كمان عايزك تفضلي معليا ديما علي الموبايل يعني اي حاجه تحصل او اي حاجه تحسي انها غريبه تعرفيني
سهر….حاضر
ياسر….سهررر مش عايز اي تهور خلينا علي اتفاقنا بلاش اي حركات مجنونه
سهر….ايه مش واثق فيا لسه
ياسر…مش مسألة ثقه بس تقدري تقولي اني فهمت دماغك يعني تقعدي مع نفسك و تفتكري اللي حصل مع والدتك فا تضايقي و تتعصبي و أبص بعد شويه الاقيكي طالعه لايڤ بټشتمي في كل البلد
سهر….بضحكه هاديه ده انت حافظ بقي
ياسر….بأبتسامه ما انا قولتلك بقي اني فهمتك عشان خاطري يا سهر بلاش اي تهور
سهر….بضحك صدقني والله مش هعمل حاجه و لو حسيت يا سيدي اني قعدت مع نفسي و اضايقت وبدأت افكر افكار مش حلوه هتصل اټخانق معاك انت موافق
ياسر….يا ستي انا موافق جدا و ليكي عليا هسمع و مش هرد
سهر ….طيب بعيدا عن الهزار بقي اطمن والله مش هعمل اي حاجه انا اهم حاجه عندي ان ماما بخير و دي عندي بالدنيا
ياسر….ربنا طمنك عليها يا سهر بلاش بقي لحظه تهور تخلينا نرجع لنفس النقطه من تاني و تقلقينا عليكي و عليها
سهر….اطمن لا في تهور ولا في جنان
ياسر….ربنا يكملك بعقلك
سهر…..ااااه ده انت مش بس مش واثق فيا ده انت كمان شايف اني مجنونه
ياسر…هو من ناحية الثقه اطمني واثق فيكي بس من ناحيه الجنان اه مجنونه هكدب عليكي يعني
سهر….بضحك بقي كده طب يا سيدي شكرا
ياسر….بابتسامه لل خلاص متزعليش انتي ست العاقلين و مش هتتجنني ولا هتقلقيني عليك
سهر….بابتسامه ليه هو انت بتقلق عليا
ياسر….بابتسامه امممم مش اوي يعني
سهر…..بقي كده طب كويس انك عرفتني لما اټجنن بقي متبقاش تزعل
ياسر….لا خلاص قلبك ابيض واكيد طبعا بقلق عليكي مش محتاجه سؤال يعني
سهر….ماشي يا سيدي شكرا عموما متقلقش و يلا بقي روح شوف شغلك
ياسر….ماشي لو في اي حاجه كلميني وانا شويه واتصل اطمن عليكم
سهر….تمام شكرا يا ياسر علي اهتمامك و تعبك معايا انا وماما
ياسر…..بطلي هبل ولا روحي لا في تعب ولا في شكر بينا انا معملتش اي حاجه المهم تخلي بالك من نفسك ومن طنط و انا هبقي اشوف بلال هيعمل ايه في حوار جهاز الانذار والكاميرات
سهر….طيب تمام
ياسر….يلا روحي بقي شوفي هتعملي ايه
سهر….اوك سلام
ياسر….سلام
……………..
في مكتب رأفت الباشا و صل مهيب عنده عشان يتكلموا في حجات تخص الاجتماع اللي هيحصل قريب و بعد ما اتكلموا في نقط كتير بص رأفت لمهيب
رأفت…..صحيح خالد عامل ايه في الموقع
مهيب…..كل حاجه ماشيه تمام وبسرعه اطمن
رافت….مجاش معاك ليه انهارده في الموقع ولا ايه
مهيب…اه تقريبا الفتره دي بيقضي اكتر من نص يومه هناك عشان يفضل غلي ايد الموظفين ويخلصوا في اسرع وقت
رأفت….ربنا معاه ان شاء الله بس قولي مالك حاسس انك مش تمام في حاجه ولا ايه
مهيب….والله مش عارف اقولك ايه بس الاكيد اني مش بخير اوي
رأفت….ليه قولي في ايه
مهيب….خاېف علي خالد حاله مش تمام و نفسيته تعبانه اوي
رأفت…..من ايه اوعي تقول بيري تاني
مهيب….اه هي
رأفت….حصل ايه تاني لسه بتصده
مهيب…..ياريت
رأفت….بأستفهام ياريت !
مهيب….بيري سابت البيت يا رأفت
رافت….سابت البيت راحت فين يعني
مهيب….محدش عارف روحتلهم من حوالي اسبوع وقولت اخلص انا بطريقتي من الموضوع ده عشان اتفادي اي مشكله تاني تحصل من خالد خصوصا يعني ان الفتره اللي جايه صعبه ومش متحمله اي غلط او تهور من خالد اجتماع مهم والانتخابات اللي انا داخل عليها و شركة الانتاج اللي نسابق الزمن عشان نخلصها ده غير شغل العقارات و المشاريع اللي فوق دماغنا المهم قولت هتكلم معاها بهدوء واحاول اقنعها و لو حسيت منها انها رافضه الجأ لطريقه تانيه
رأفت…..طريقه ايه
مهيب….انت عارف ان بيري وعيلتها انا شايل عنهم كل حاجه ومن زمان و من غيري انت عارف انهم هيضيعوا اصلا و لولا وقفتي مع سعيد الصاوي كان زمانهم في الشارع اتكلمت معاها بصراحه وقولتلها ان راحة ابني و سعادته في كفه و مستقبلها هي واخوتها وابوها وامها في كفه تانيه و ادتها مهله كام يوم تفكر فيهم يا توافق و تعيش ملكه مع ابني يا مترجعش ټعيط لما كفة خالد تطب و ادمرهم بطريقتي بالشيكات اللي معايا
رافت…..ورفضت
مهيب…..لا رفضت ولا وافقت سيبتها و مشيت علي اساس هرجع اخد موافقتها او رفضها و روحت امبارح علي الاساس ده واتفاجئت انها سايبه البيت في نفس اليوم اللي
—
كنت فيه هناك و مازن اخوها وقف قصادي و قاللي انه مش هيجوزها لخالد مهما حصل و انه هيعمل كل حاجه بيري عيزاها و قالي كمان انه هيرجعلي كل حاجه الڤلل اللي فاتن خدتها لبه هو ومريم والعربيات و اي دين ليهم هو هيسده انت عارف يا رأفت ان الفلوس اصلا مش فارقه معايا وان كل ده مجرد ضغط عشان البنت تخاف وتوافق مش اكتر بس اټصدمت من موقف مازن
طبعا انا كنت متعصب و قولت لسعيد ميجيش الشغل لحد ما بنته تظهر ما لما ميبقاش عنده شغل مش هيلاقي ياكل و ده في حد ذاته ضغط تاني عليهم عشان بيري لما تعرف تظهر و قولت كمان لمازن ان هو كمان ميروحش الشغل بس وقف قصادي و قالي انه بيشتغل باسم امجد و شغله مبقاش معايا في المجموعه و قالي كمان ان هو اللي مخبي بيري و نفيش حد هيقدر يوصلها
رأفت…..طيب ما سهله ما تراقبه واعرف بيروح فين اكيد هيروحلها
مهيب….من غير ما تقول رجالتي و راه بس هو قالي بردوا انه عامل حسابه لحاجه زي دي و انه مش هيروح لبيري اصلا
رأفت….الواد ده اټجنن ولا ايه
مهيب…..ما انا بقولك اټصدمت من طريقته بس مش دي المشكله المشكله الوقت في خالد
رأفت….خد بالك يا مهيب لازم الموضوع ده يخلص ابنك مچنون ومتهور وانت عارفه كويس
و الغلط الفتره دي مش مسموح اديك شايف اول مره لما اټجنن يوم عيد ميلاد بيري الموضوع وصل للكبار و سعد الدين راحله الخبر و ياعالم مين تاني عرف بس عدت علي خير وقتها لكن لو الموضوع اتكرر تاني هتبقي مشكله المرادي
مهيب….انا فاهم اللي تقصده بس اصلا اللي قالقني و مخوفني مش كده خالص اللي قالقني بجد علي خالد انه ساكت مبيتكلمش مصډوم و نفسيته زي الزفت مركز في الشغل و دع بالنسبالي غريب خالد لما بيحصل اي حاجه بينه وبين بيري كان بيهمل كل حاجه ويفضل وراها المرادي الموضوع جاي معاه بشغل و صډمه مع اكتئاب شويه يبقي بيتكلم عادي و شويه و يسرح و شويه والمح دموعه من امبارح و هو مش طبيعي خالص
رأفت…..طيب ما تتكلم معاه بهدوء كده يا مهيب وقوله يصرف نظر عن موضوع بيري ده خالص و لو انت مش عارف تقنعه انا ممكن اتكلم معاه
مهيب….وانت فاكر انه هيسمع منك او مني يا رأفت خالد بيحب بيري بجد اوقات احس انه بيحبها بجد واوقات تانيه احس ان حبه ليها ده مرض مش هيخف منه الا لو بقت بتاعته
رأفت….بس عشان تبقي بتاعته يا مهيب لازم توافق عليه اصل سهل انك تغصبها بس الخۏف بعد كده انها لو اتغصبت عليه تعمل مشاكل احنا في غنا عنها
مهيب….من ناحية انها تعمل مشاكل فا دي اطمن منها مش هتقدر يمكن سهل الوقت و هي مش معاه تعمل مشاكل لكن لو بقت مع خالد و اتجوزته انا عارف انها مش هتقدر لانها مهما عملت خالد مستحيل يسيبها او يطلقها ابني وانا عارفه ده مش بعيد يحبسها العمر كله ويبعدها عن الناس عشان تبقي معاه وليه هو وبس المشكله كمان اللي مخليناني اتاكد ان خالد مريض بحب بيري انه معندهوش مشكله انه يتجوزها حتي لو هي مش بتحبه
رأفت…..يمكن عشان فاكر انه بعد جوازه منها يقدر يخليها تحبه بس المشكله انه لو مقدرش هل هيقدر مكمل معاها و هو عارف انها عايشه معاه ڠصب عنها
مهيب…لو علي خالد اه مش هيفر معاه انا عارفه كويس
رأفت…..طيب ايه رايك خليني اعمل محاوله و اقعد اتكلم معاه
مهيب….صدقني هتبقي محاوله ملهاش لازمه انا حاولت قبلك كتير اوي و عشان كده لما تعبت معاه قررت اني اضغط علي بيري و أهددها عشان اخلص من الموضوع ده خالص
رأفت….طيب والحل ايه يا مهيب الموضوع ده لازم يخلص خالد لو هادي الوقت ومش بيتهور ومقضي وقته في الشغل لو فضلت بيري مختفيه كتير هيبدأ يتجنن
مهيب….ده اللي مخوفني وعشان كده انا ليا عندك طلب
رأفت….طلب ايه قول
مهيب….أمجد وملك صحاب بيري ومازن ومريم واكيد اكيد عارفين مكان بيري انت عارف انهم مش بيسيبوا بعض و طبيعي يكونوا عرفوا ان بيري سابت البيت او عارفين مكانها و مش بعيد يكونوا متفقين مع مازن يخبيها فين حاول تعرف منهم اي معلومه حتي من غير ما يحسوا انك بتستجوبهم او عايز تعرف مكان بيري اي معلومه منهم اكيد هتخلص الموضوع ده خالص
رأفت….طيب ما يمكن سهر تعرف حاجه انت عارف ان هي كمان صاحبتهم و بيري قريبه منها اوي و اكيد تعرف مكانها
مهيب…..لما كنت عندهم فاتن كانت خاېفه علي ابنها مني وقالتلي اكيد سهر اللي وراها ومازن ملهوش ذنب بس هو حلف ان سهر متعرفش ولا حتي عرفها مكان بيري عشان عارف ان اول حد ممكن نفكر فيه هي سهر فا ميتهيأليش تكون سهر وراء الموضوع
رافت….وانت صدقت ليه لا حتي لو حلف مش شرط يعني تبقي متعرفش لان سهر مستحيل تعر كل اللي حصل ده و تسيب بيري كده من غير ما تعر مكانها او تطمن عليها
مهيب…ماشي هدور وراء سهر احنا كده كده بنراقبها يمكن تكون عارفه مكانها بس بردوا انا عايزك تحاول تعرف من الولاد اي معلومه جايز يبقوا عارفين هما كمان
رأفت….تمام هشوف كده واقولك بس انا لسه عند رأيي محتاج اتكلم مع خالد او لو انت شايف انه مش هينفع اتكلم انت معاه عايزك بس تحاول تخليه يكون هادي اكتر عايزك تقنعه ان كل حاجه هو عايزها هتحصل بس علي الاقل لما الاجتماع ده يعدي علي خير يعني قوله انكم هتستنوا و تصبروا بس الايام دي تعدي و بعدها انا كمان هساعدكم في انكم تعرفوا مكانها من الاخر يا مهيب حاول تثبته بكلمتين حاول تقنعه وتخليه ميتهورش او حتي يفضل هادي و مركز في شغله لحد ما الاجتماع يخلص
مهيب….اطمن انا كنت بفكر في كده اصلا لازم خالد يصبر و يهدأ و نعدي الكام يوم دول علي خير
رافت…اطمن انا هعرف اي حاجه من الولاد ولو عرفت اي معلومه اكيد هقولك بس انا من رأيي حتي لو عرفنا مكانها نستني بعد الاجتماع و بعدها اعمل اللي انت عايزه تروح تجيبها بالقوه تجوزها لخالد بالڠصب انت حر
مهيب…..المهم نعرف اي معلومه و الباقي اكيد هتصرف فيه بالعقل
رأفت….خلاص تمام
مهيب….سيبك بقي من موضوع بيري خلينا في سهر انا قولت للرجاله تتحرك من قدام بيتها زي ما قولتلي بس انا كان رأيي يفضلوا قدام البيت محدش عارف ممكن تعمل ايه بعد ما رجعت بأمها
رأفت….لو كانت عايزه تعمل كانت عملت يعني لا بلغت ولا قدمت محضر و لا عملت اي حاجه رجعت بأمها في هدوء
مهيب…ماهو ده في حد ذاته يقلق يعني سكوتها ده ميطمنش
رأفت….بالعكس يمكن خاڤت
مهيب….ويمكن مفهمتش اصلا ان الحاډ…ثه دي مدبره واعتبرت انها حاډ.ثه عاديه يعني لو فعلا مفهمتش انها مدبره يبقي
—
احنا كده معملناش حاجه و سهر ولا هتخاف ولا هتبطل تنكش فينا
رأفت….لا اطمن من الناحيه دي خالص هيوصلها انهارده الخبر و هتعرف ان اللي حصل مع امها ده كان قرصة ودن ليها
مهيب…..ماشي لما نشوف اخرتها معاها
رأفت….والله مصيرها ومصير امها في ايدها يا تمشي جنب الحيط او هنجيب اخرها بطريقتنا
مهيب….هنشوف
…………….
في منزل فريد
نامت بيري علي الارض وهي بتاخد نفسها بسرعه و جايبه اخرها
فريد….ايه جبتي اخرك واستسلمتي خلاص
بيري….بمكابره انا لا خالص بس برتاح
فريد….بترتاحي من ايه انتي كنتي بتسخني مع نفسك لسه يعني لسه مبدأتيش تمرين معايا
بيري…..ايوه بس انا مش واخده علي الفرهده دي اصلا التسخين مش بعيد اكون خسيت فيه كيلو
فريد….مفيش الكلام ده يلا قومي بلاش دلع
بيري….دلع فين الدلع ده اديني قومت يلا قولي اشيل كام كيلو
فريد…بابتسامه كام كيلو لا واضح ان في نشاط وحماس
بيري….طبعا مش بقولك انت مستقل بيا
فريد….ماشي عموما هنشوف تعالي ورايا
بيري….بهمس انا ايه اللي عملته في نفسي ده كان لازم اعمل نفسي جامده يعني
فريد….بتقولي حاجه
بيري…لا بقولك اني جايه وراك
فريد….ماشي اتفضلي يلا امسكي الدمبل ده اسمهي هتنامي علي ظهرك و تتني ركبتك هتفردي ايدك علي الارض لوراء خالص والدمبل في ايدك تقومي و هي رجلك متنيه و ترجعي تاني
بيري….العب بطن يعني طب ماهي سهله اهي
فريد…اه سهله اوي يلا وريني شطارتك
بيري….كام عده
فريد….4 في 25
بيري…..پصدمه يعني 100 بطن
فريد…ايه كتير !
بيري….لا خالص ايه العدات البسيطه دي بس قولي ليه الدمبل طيب ما كفايه العب بطن وخلاص
فريد…..الوزن هيساعد ان عضلات بطنك تشتغل
بيري….بابتسامه ندم واضح انك ما صدقت قولتلك اني حابه اتمرن
فريد….بصراحه فكره حلوه ومش عارف ليه كانت تايهه علي بالي يعني الفتره اللي احنا فيها دي صعبه و لازم تتمرني و تعرفي تدافعي عن نفسك انتي محتاجه شغل كتير و دي فرصه قبل ما ندخل في الجد يعني محدش عارف ايه اللي ممكن يحصل قدام شويه جايز تتحطي في وضع تحتاجي فيه انك تقدري تجري تعرفي تدافعي عن نفسك كده يعني
بيري….بنبرة خوف بانت علي صوتها و حس بيها فريد ليه هو انت ممكن تسيبني لوحدي
فريد….انتي مالك خۏفتي ليه انا مقصدش كده و بعدين انا قولتلك اني مش هسيبك ابدا بس كل الحكايه اني اتعلمت في شغلي اعمل حساب كل حاجه ممكن تحصل وممكن متحصلش عشان لو حصلت ابقي جاهز وعارف اتصرف تفتكري كل اللي بيدخل الجيش وبيتمرن تمارين قاسيه بيعنلوا معاه كده عشان في حرب مثلا اكيد لا مش بالضروره بس لازم يكونوا جاهزين
بيري….تقصد اننا داخلين حرب
فريد…ولو اني يعني كنت بضړب مثل مش اكتر بس اه يا بيري احنا داخلين علي حرب ولازم الكل يكون جاهز واول حاجه لازم تتعلميها انك تدافعي عن نفسك
بيري….اممم ماشي و انا جاهزه
فريد…..وانا مستني اشوف يلا ابدأي العد
نامت بيري زي ما قالها بالظبط وبدأت تعمل تمارين البطن وهي شايله الدامبل اللي وزنه 5 كيلو
ومن اول ما وصلت 15 عده كانت عضلات بطنها شدت ومش قادره
فريد…يلاااااا
بيري….طيب ممكن ارتاح شويه مش قادره بطني وجعتني
فريد….الراحه كل 25 عده مش 15 و بعدين هما خمس ثواني تظبطي فيها نفسك وتكملي عشان جسمك ميبردش يلاااااا
بيري….حاضر
بعد محاولات و وقفات كتير لبيري وهي بتضيع وقت وصلت لحد 50 وهي خلاص مش قادره
فريد….كملي
بيري…مش قادره حلوين 50
فريد….لا مش بمزاجك كملي مش عملتي فيها جامده يلاااا
بيري…..مش قادره والله بطني شدت جامد وبعدين انا لسه اول يوم حلوين دول
فريد….قولتلك كملي اين بتستلمي
بيري….انت علي فكره بتفتري عليا عشان نزلت وعطلتك فا قولت تطلعه علي عيني صح واه بستسلم حلو كده مش انت عايزني اقولك استسلمت انا خلاص استسلمت و اقولك كنت عامله فيها جامده وانا ولا جامده ولا نيله
فريد….وانا قولتلك لو بدأتي معايا تمرين مش هتقدري تستسلمي و خيرت كذا مره من انك تطلعي وتسبيني او تفضلي بس انا هسيبك بمزاجي
بيري….فريد حرام عليك بجد انا تعبت و بعدين انا غلطانه يا سيدي حلو كده
فريد…لا مش حلو كملي
بيري….طيب 10 كمان وحلو كده
فريد….50 كمان مش 10 يلاااا
قعد فريد علي ركبه قدام ركبها ثبتهم في الارض وقبض علي رجلها بكل قوته و نظراته ليها كانت مرعبه وجاده
فريد….يلااااا
نامت بيري علي الارض مكانتش قادره تتحرك من كتر ما هو مقيد حركه رجلها فا التمرين بقي اصعب وشد العضل اللي في بطنها بقي اقوي وصلت 70 بالعافيه وخلاص كانت هتعيط
بصتله وهي مش قادره
بيري…..فريد مش قادره والله كفايه كده عشان خاطري
فريد….لا مش كفايه كملي
بيري…هعيط والله بطني وجعتني ودراعي من الدامبل ده وجعني
فريد…..دمبل ايه اللي تعبك ده خمسه كيلو
بيري…..وهو انا المفروض اشيل اكتر من كده مستهون ليه بالخمسه كيلو
فريد…..امال لو قولتلك العبي علي وزن 180 هتعملي ايه
بيري…..180 ده انت واثق فيا زياده عن اللزوم انا وزني كله علي بعضه 53 كيلو شيل منهم عشره كيلو بعد المرمطه اللي حصلت فيا دي يعني بقيت 43 كيلو بزمتك انا اقدر علي خمسه كيلو دامبل
ابتسم فريد ڠصب عنه وبصلها
فريد….بطلي دلع وكملي
بيري….ما صدقت انه ضحك فا ابتسمت بطريقه صعبت عليه طيب ادام اخيرا ضحكت اعتقني لوجه الله والله بتكلم جد يا فريد مش قادره ھمو…ت منك
فريد….لا مش ھتمو؟تي وهتكملي ويلا عشان جسمك ميبردش كل اللي فاضل 30 عده
بيري……ودول قليلين بالنسبالك
فريد….ال دول بالنسبالي تسخين في تمرينة البطن
بيري…..حضرتك بص علي جسمك وعضلاتك و بص علي جسمي ده انا قد دراعك كله يا فريد متبقي مفتري والله ما قادره
فريد….بتحكيم رأي كملي يا بيري يلا لسه قدامنا تمارين كتير هنفضل سنه في تمرينة بطن
بيري…طيب موافقه بس بشرط
فريد….متشرطيش عليا عشان هتكملي
بيري…طيب حتي اسمع الشرط
فريد…اتفضلي ارغي
بيري…اسيب الدمبل و اكمل من غيره ال عده هتبقي اسهل
فريد….ومين قال اني عايزها اسهل يلااااا اخلصي
نزلت بيري بقلة حيله و كملت وهي بټمو….ت في ايده و من ۏ….جع بطنها.
…………
في عيادة امجد
امجد…..رنا في حد تاني بره
رنا….كان في كشف اخير بس هي استأذنت تنزل تجيب حاجه بسرعه لحد ما دورها يجي و لسه مطلعتش
أمجد….طيب انا هعمل مكالمه لحد ما تطلع كده
رنا….تمام يا دكتور بعد اذنك
امجد…اتفضلي
مسك امجد موبايله واتصل علي مازن كانت الساعه سته ونص مساءا
مازن…..الو
امجد…ايوه يا مازن ايه الاخبار
مازن….اخباري ولا اخبار الشغل
امجد…شغل ايه بس اخبارك انت طبعا طمني عليك انت و مريم
مازن…..يعني بخير الحمد لله
امجد….بس صوتك مش بيقول كده
مازن….في حوارات كتير حصلت و الدنيا مش احسن حاجه معانا
امجد….طيب طمني في ايه ولا خالد قدامك مش هتعرف تتكلم
مازن…..لا خالد مش قدامي كان هنا ومعرفش راح فين
امجد…..طيب قول سامعك في حاجه حصلت.
بدأ مازن يحيكله كل اللي حصل معاهم من مهيب ومعرفته بعدم وجود بيري و اللي حصل من امه مع مريم و وجود مريم معاه في الشغل وطبعا امجد كان عارف كل ده لانه سمعه وهو بيحكي لسهر وبيري
مازن….بس هو ده كل اللي حصل
امجد….طيب ومقولتليش ليه يا مازن يعني كل ده يحصل معاك ومعرفش
مازن…..يعني هتعمل ايه يا امجد وبعدين مش كفايه اللي وراك وشغلك محبتش اشغلك
امجد….تشغلني في ايه بس علي الاقل اطمن عليكم
مازن….متقلقش احنا
—
بخير لحد الوقت
امجد…طيب قولي انتوا هتفضلوا في البيت زي ما سهر طلبت منكم ولا ناويين تمشوا تاني
مازن…..والله انهارده انا قعدت مريم بالعافيه كانت محضره شنطة هدومها و عايزه تمشي بأي طريقه بعد اللي سمعته من ماما وبابا الصبح
هنا مازن حس انه وقع بلسانه
امجد….سمعت ايه
مازن….مش مهم خلاص مفيش حاجه
امجد…في ايه هتخبي عليا ما تتكلم يا عم انا كمان عندي مصايب وعرفت حجات تخليني اكتىب طول العمر وكنت بكلمك عشان احكيلك
مازن….مش هخبي عليك بس يعني بقولك ايه قول اللي حاصل معاك سيبك مننا احنا تمام
امجد….لا مش تمام ومش هحكي غير لما تقول كل اللي عندك من امته واحنا بنخبي عن بعض حاجه
مازن….مش بخبي والله يا امجد بس كل الحكايه ان الموضوع ده لو وصل لسهر محدش فينا ممكن تعمل ايه صدقني هتبقي مصېبه انت عارف سهر كويس
امجد….مش هقول لسهر اكيد خصوصا بعد اللي حصل لطنط امل هي علي اخرها صحيح انت عرت اللي حصل
مازن….اه عرفت منها لاني سمعت خالد وهو بيكلم ابوه كانت متصل بيه عشان يبلغه ان رجالته خبـ,ـطوها بالعربيه بس الحمد لله هي بخير
امجد….طيب يلا عرفني في ايه و اطمن مش هقول لسهر
مازن….بحزن مريم سمعت ماما الصبح بتتكلم مع بابا عن اللي حصل واللي مهيب هيعمله لو بيري مرجعتش و في وسط الكلام جابوا سيرة سهر و قالتله انه قريب هيعمل فيها اللي عمله في سالي هو والجماعه و انهم زي ما خبـ,ـطوها بالعربيه و قتـ,ـلوها هيعملوا كده في سهر
امجد….پصدمه انت بتقول ايه يعني سالي اټقتـ,ـلت !
مازن….اه يا امجد و طبعا لما مريم سمعت كانت مڼهاره وخاېفه يعني طبيعي جدا شايفه انها عايشه وسط قتالين قټله و اټصدمت امي ابويا عارفين حاجه زي دي و عادي جدا لا دول مستنين ده يحصل في سهر كمان عشان كده لما سمعنا خالد خوظو..فنا علي سهر و طنط امل خوفنا يكون حد فيهم جراله حاجه مريم كانت عايزه تقول لسهر بس انا منعتها لان سهر لو عرفت هتـ,ـقلب الدنيا و وقتها هما فعلا مش هيسيبوها
امجد…..طيب مين اللي عمل كده ويقصدوا مين بالجماعه !
مازن….والله يا امجد مش عارف كل اللي مفهوم من الكلام ان مهيب و في حد تاني اتخلص من سالي و مش فاهم ليه عملوا كده اصلا بحاول افكر سهر عملت ايه في الوقت ده ضايقهم منها كده مش عارف
امجد….وقتها سهر كانت بتطلع بردوا تتكلم وتجيب اسامي و تهاجم اكيد قرروا يعملوا معاها كده عشان لما تتلخم في موضوع سالي تبعد بس واضح انها لما بقت اقوي قرروا يخلصوا من طنط امل او يخوفوها تاني
مازن…..ممكن بس سهر مش لازم تعرف حاجه خالص يا امجد علي الاقل الوقت اينعم سهر متهـ,ـوره بس اي حد في مكانها لو عرف حاجه زي دي مش هيسكت انا عن نفسي لو حصل كده في حد من اخواتي هقلب الدنيا
امجد…..اكيد مش هعرفها طبعا متقلقش
مازن….طيب قولي بقي انت ايه اللي حاصل معاك
امجد….يحزن شكلنا كده يا مازن جينا الدنيا دي غلط و ابويا شكله متروط في كل اللي مهيب متورط فيه
و بدأ يحكيله كل حاجه حصلت من اول شك رافت فيه هو وملك و سماعهم ليه هو و هناء بس مجابش سيرة فريد
……………..
في منزل رافت الباشا وقفت ملك تدور علي تابلوه في ركن خاص في اوضتها عملاه لكل حاجتها الخاصه دخلت هناء عليها الاوضه لقتها بتدور علي حاجه وباين انها مضايقه
هناء…..في ايه يا ملك بتدوري علي ايه
ملك….كان في تابلوه هنا مش لقياه
هناء….تابلوه ايه ده
ملك…تابلوه يا مامي قديم بتاعي كنت سيباه هنا انا بقالي كتير اصلا مجتش جنبه ولا حتي خد بالي انه مش موجوده
هناء….طيب وايه اللي فكرك بيه الوقت
ملك…..بحاول اجمع كل حاجه تخصني هحطها في الجاليري عايزه لحد ما المكان يجهز كل حاجه هحطها فيه ابقي مجمعاها عشان لو في حاجه محتاجه تتظبط
هناء….طيب دوري كويس و سط التابلوهات اللي هناك دي يمكن تلاقيه
ملك…..انا بقولك قلبت المكان كله اكتر من مره ومش ليه اي اثر هتجنن بجد ده يمكن اهم تابلوه في كل التابلوهات دي
هناء….طيب اسمعي ما تنزلي تشوفيه في الاوضه اللي تحت بتاعت المخزن يمكن تلاقيه هناك
ملك…..مخزن طب وهو ايه اللي يوديه المخزن
هناء….معرفش يا ملك انا بقول يمكن انتي عارفه الشغالين كل فتره بخليهم يدخلوا يشوفوا ايه اللي في الاوض من كركبه لزحمه
ملك….يا مامي انا قولت لحضرتك الف مره مش عايزه اي حد يلعب في اي حاجه تخصني و كل اللي يعملوا تنضيف مش اكتر من غير ما يحركوا حاجه من مكانها
هناء…..يا حبيتي انا بقول يمكن وبعدين انتي عندك في الاوضه دي كركبه كتير يا ملك بخليهم ينضفوها عشانك مش اكتر
ملك …ياريتك ما قولتلهم ينضفوها ادعي الاقيه ويارب الاقيه سليم بس اهم حاجه
هناء….مټخافيش هما بيحطوا الحاجه تحت في مكانها يعني ان شاء الله هتلاقيه سليم
نزلت ملك علي تحت في غرفه متطرفه من البيت كله و تقريبا محدش بيدخلها غير نادرا عشان يحطوا فيها اي حاجه قديمه
دخلت ملك بهدوء علي الاوضه كانت مليانه حجات كتير اوي فتحت النور ودخلت بهدوء و بدأت تدور بعينها عن التابلوه في كل ركن في الاوضه
الاوضه كانت كبيره اوي و واسعه و مليانه تحف وانتيكات و حجات قديمه كانت فعلا مخزن لكن كل الحاجه اللي فيها حتي لو قديمه فاهي مش متبدهله و تصلح للاستخدام حتي لبس هناء كان موجود علي استندات بالشماعات واكياس حجات هي بتحبها وليها ذكري عندها فا قررت تسيبها و متفرطش فيها لكن مش هتقدر تلبسها لان الاستايل بتاعهم بقي قديم
لمحت ملك و هي بتدور بعينها التابلوه في ركن في الغرفه راحت بسرعه عليه لقته سليم ومش فيه اي حاجه اطمنت و بدأت تتحرك في الاوضه و تتفرج علي كل حاجه و هي بتفتكر ذكريات كتير و تبتسم
بصت في الاستاند بتاع الهدوم لمحت فستان لهناء الفستان ده كانت لبساه في صوره من عيد ميلاد ملك وهي عندها خمس سنين و فستان تاني كانت لبساه في حفلة تخرجها من ابتدائي
فضلت ملك تتفرج وتبتسم وهي بتفتكر كل ذكري و لمحت شنطه سفر صغيره فتحتها لقت فيها لبس كتير اطفالي ليها ولأمجد
طلعت فستان صغير لونه ابيض وعليه ورود صغيره باللون البينك وده كان فستانها اول سنه في عيد ميلادها ابتسمت لما افتكرت الصور و لما حست قد ايه هي كبرت الفستان في ايدها صغير
الموضوع عجبها بدأت تفتح وتتفرج و تفتكر و تضحك و علي قد نا كانت مبسوطه علي قد ما كانت حزينه ان كل الذكريات دي بتروح من ايدها بسبب اللي عرفته عن والدها
لمحت ملك في وسط الكركبه دي كلها صندوق خشب قد كف الايد يشبه الشكماجيه القديمه
فتحته بهدوء لقت فيه زرار شكله بتاع چاكت قديم و لمحت صوره ركزت فيها كان فيها ست و بنت صغيره و قدرت تفهم من
—
الصوره دي ان دي جدتها و البنت الصغيره دي هناء والدتها ابتسمت بهدوء وفضلت تطلع اللي في الصندوق لمحت حاجه بتلمح طلعتها لقته انسيال دهب يتلبس في الايد كان شكله حلو الجزء اللي في النص قطعه مستطيله طولها حوالي 3 سم مكتوب عليها هناء و من الجانبين سلسله عاديه و القفل بتاعهم
لبسته في ايدها و عجبها اوي
ملك…..يا تري الانسيال ده مامي مش عيزاه ولا هي حطته هنا ومتعرفش انه موجود ده جميل اوي ازاي سيباه وسط الكراكيب دي
قامت ملك من مكانها بعد ما دورت كتير و اتفرجت علي حجات اكتر و خرجت من الاوضه وهي شايله التابلوه و في ايدها الانسيال
طلعت علي اوضتها سابت التابلوه و خرجت راحت تدور علي والدتها لقتها في الاوضه كانت بتتكلم في الموبايل
خبطت بهدوء وفتحت
هناء…..ماشي يا حبيبي متتأخرش بقي يلا سلام تعالي يا ملك ادخلي
ملك….ده بابي
هناء…اه كنت بطمن عليه قوليلي لاقيتي التابلوه
ملك….اه لاقيته الحمد لله
هناء….حصل في اي حاجه
ملك …لا سليم
هناء….طيب الحمد لله
قربت ملك منها وقعدت قدامها علي السرير
ملك…..فضلت اتفرج علي الفساتين بتاعت حضرتك وهدومي و هدوم امجد و احنا صغيرين افتكرت ذكريات جميله في عيد ميلادي و لما خلصت ابتدائي
هناء….بابتسامه مقدرتش افرط فيهم وزعت حجات كتير اوي بس في حجات ليكم وليا كانت ذكراتها حلوه مقدرتش اديها لحد و احتفظت بيهم
ملك…..حلوين اوي بجد واتبسط لما شوفتهم بس صحيح انا لاقيت الانسيال ده تحت وسط الكركبه دي كلها انا قولت اكيد حضرتك مخدتيش بالك منه فا جبته
بصت هناء علي الانسيال بشرود وبعدين بصت لملك
هناء…..اااه انا اللي حطيته تحت
ملك….هو ده دهب
هناء…اه دهب
ملك….طب ليه سيباه تحت ليه مش وسط دهبك وبعدين انا اول مره اشوفه ده بابي اللي كان جايبه لحضرتك
هناء….لا دي امي الله يرحمها بخاف يضيع مني فا نزلته تحت كده كده محدش اصلا بيدخل تحت كتير
ملك….بس هو جميل اوي بجد و شكله حلو
هناء….لو عاجبك خديه
ملك….بجد ينفع
هناء….اه ينفع طبعا خديه
ملك…يعني مش هتضايقي اقصد يعني انه ذكري
هناء….اكيد مش هضايق انا وانتي واحد خديه لو عاجبك
ملك….ماشي ميرسي يا مامي يلا انا هدخل اكمل اللي كنت بعمله بقي
هناء….ماشي خلصي بسرعه بقي قبل ما بابي وامجد يرجعوا عشان نتعشي سوا
ملك….حاضر يلا باي
خرجت ملك من اوضه هناء وفضلت هناء قاعده سرحانه و ساكته.
…………..
في مكتب ياسر ساب الورق اللي في ايده و فضل يمشي ايده علي عينه و وشه بتعب و ارهاق وبعدين مسك الموبايل و اتصل علي سهر يطمن عليها
فضل يرن اكتر من مره لكن لا كانت بتكنسل ولا حتي بترد فا بدأ يقلق و فضل يتصل موقفش اتصال لكن من غير فايده.
………….
في منزل فريد
وقف فريد وراء كيس الرمل وهو مثبته بأيده
فريد…..يلا اضر.بيييييي
ضړبت بيري بكل قوتها اللي كانت تقريبا مش موجوده
فريد….ده ايه الضر.به دي بقي
بيري….ايه مالها
فريد….مالها ايه هي دي كل قوتك ده الكيس متحركش من مكانه
بيري…..ما انت ماسكه هيتحرك ازاي يعني
فريد…..انا مثبته عشان ميخبطش فيكي بس لو علي ضر.بتك دي اسيبه
بيري…..طيب اعمل ايه الكيس تقيل اوي
فريد…..طب يلا اضـ,ـربي
ضړبت بيري مره تانيه لكن مقدرتش تعمل اكتر من كده
بيري….فريد انا تعبت بجد و مش قادره
فريد….يلا يا بيري اخلصي
بيري….طيب اعمل ايه هي دي اقصي قوه عندي
فريد….عشان واقفه غلط
بيري…طيب اقف ازاي
ساب فريد كيس الرمل وراح وقف وراها وقرب من ودنها
في اللحظه دي حست بيري ان جسمها كله قشعر نفسه اللي بيخبط في رقبتها وقربه منها و صوته غمـ,ـضت عينها وهي بتاخد نفس طويل وبتحاول تسيطر علي قوتها
فريد…..عشان ضر….بتك تبقي قويه لازم تركزي اوعي تخلي تركيزك يتشتت مهما كنتي تعب,,انه لازم تفضلي محافظه علي ثباتك مينفعش التعب يسيطر عليكي لان مجرد تفكيرك في تعبك بيشتت انتباهك اعتبري كيس الرمل ده هدف قدامك شخص بيحاول يأذيكي و انتي بتحاولي تدافعي عن نفسك و عشان تصيبي الهدف اول حاجه تركزي و تنسي التعب حتي لو بټمو,,,,,تي
قاومي لاخر نفس فيكي
تاني حاجه وقفتك لازم تكون كلها ثقه للخصم اللي انتي واقفه قصاده لو حس انك ضعيفه تعبانه مش قادره بحركه بسيطه منه هيوقعك حط ايده الاتنين كف في اخر ضهرها وكف علي بطنها مره واحده فتحت بيري عينها بسرعه پصد.مه و هي متخشبه
فريد…..ضهرك لازم يكون مفرود بالشكل ده تكوني واخده نفس قوي وتكتمي في بطنك ده هيزيدك قوه و تقدري تقاومي
كتفك يكون في مستوي ضهرك بالشكل ده
رجع بايده كتفها لوراء
فريد…..صدرك
برقت بيري من غير ما تتكلم بعد كلمته
فريد….صدرك لازم يكون مرفوع بكل قوه و ثبات لا ينفع تحني ضهرك ولا ينفع تضغطي بصد.رك ٩ك لقدام لان ده لو حصل خصمك بيشوف بوضوح التعب اللي انتي فيه و ده مينفعش
كده انتي واقفه صح نيجي بقي للوضع اللي المفروض تاخديه
مينفعش تكوني قريبه من الخصم بالشكل ده لازم يكون في بينكم علي الاقل متر لو متمكنه اوي اقل حاجه نص متر اوعي تخليه يطولك بسهوله خصوصا لو جسمه اكبر من جسمك
دراعك يكون مفرود علي مستوي كتفك والدراع التاني يكون علي صدرك و تحمي بيه وشك
رجلك دي تبقي قدام و دي رجعيها وراء
رجعت بيري رجلها بهدوء وهي مصدومه و متخشبه
فريد…..لا مش كده رجعيها بالشكل ده
مسك رجليها يعدلها وهي خلاص هيغم عليها
فريد…..وبعدين مش لازم تكوني متخشبه كده افردي جسمك لكن متخشبيهوش خلي حركتك اخف واسرع لو نشفتي جسمك عضالتك ممكن يحصلها تصلب و ساعتها مش هتقدري تتحركي و بدر ا خصمك هيسيطر عليكي فاهمه
هزت بؤري راسها من غير ولا كلمه رجع تاني فريد وقف وراها بهدوء فضلت عين بيري تتحرك من غير ما تحرك راسها وبصت بجنب عينها علي وشه القريب منها ضر….بات قلبها كانت بتدق بطريقه سريعه
فريد….والوقت يلا اضـ,ـربي
ضړبت بيري من غير تركيز الكيس اتحركك شويه بسيطه بصت لفريد بهدوء هز راسه بلأ وقرب منها تاني
فريد….عقلك مشتت مش معاكي مركزه في حاجه تانيه لازم تعرفي معلومه مهمه اوي مش شرط ابدا ان اللي يقف قدامك و يواجهك تبقي عرفاه او يبقي عدو ليكيواضح وصريح جايز تواجهي ناس غريبه لو دافعتي عن نفسك لمجرد انك بتدافعي وخلاص جايز تخسري قدامه بس عشان تنتصري عليه لازم تعتبريه اكبر عدو ليكي حتي لو متعرفيهوش تخيلي انه اكتر شخص اذاكي في حياتك اكتر شخص بتكرهيه اكتر شخص دمر حياتك
هنا بيري بدأت تركز اكتر من كلامه افتكرت خالد و مهيب و افتكرت كل حاجه حصلت من فاتن افتكرت صډمتها في انهم مطلعوش اهلها و بدأ الڠضب يترسم علي ملامحها
فريد…..قدامك اكتر شخص انتي عاره انه بيأذيكي بيدمرك بيلغي فرحتك وجعك وچرحك قدامك شخص بتكر….هيه يا تمو…تيه يا يمو…..تك و مفيش غير اختيار واحد حياتك قصاد حياته اضر……..بييييييي
خدت بيري نفس طويل وكتمته و بكل قوتها ضړبت الكيس
ورغم جسمها الصغير قصاد وزن الكيس اللي معدي الميه وخمسين كيلو اتحرك الكيس مسكه فريد بسرعه قبل ما يخبط فيها وبصلها بابتسامه
فريد….عاش يا بيري عااااش
بصتله بيري وابتسمت بسعاده
بيري….انا ضړبته
فريد…اه ضر….بتيه
بيري….يعني انا كده اقدر ادافع
—
عن نفسي
فريد….لا مش للدرجادي لسه بدري عليكي اوي انتي محتاجه تمرينات كتير بس نقدر نقول انك بدأتي تتعلمي و البدايه كانت حلوه
بيري….يعني يجي مني
فريد….اه يجي منك
بيري….بأبتسامه طيب الحمد لله يلا انا طالعه
مسكها فريد من ايدها بسرعه
فريد…طالعه فين
بيري….اخد شاور و ارتاح شويه و بعدين انا جعانه اوي انت مجوعتش
فريد….لا يا حلوه تعالي هنا هو انتي فاكره اننا خلصنا
بيري….هو انت فاكر اني ممكن اقدر اعمل اي حاجه تاني تبقي بتحلم
فريد…..و انا بحب احقق احلامي بنفسي
بيري…..لا بقولك ايه ابعد عني كده و وسع
فريد….مفيش طلوع بقولك
بيري….بأبتسامه باين عليها الارهاق والتعب لا يا فريد بالله عليك والله سلمت خلاص
فريد…مفيييش طلوع
بيري….عشان خاطري
فريد….تعبتي بجد
بيري…..ببراءه اه والله مش قادره خلاص
فريد….بابتسامه جميله طيب خلاص كفايه كده انهارده
بيري….بجد
فريد….اه بجد يلا اطلعي خدي شاور لحد ما اطلبللك اكله حلوه
بيري…..بحماس هتطلب ايه
فريد….انتي نفسك في ايه
بيري…..هو انا بصراحه جعانه فا اي حاجه هتجيبها هاكل منها
فريد…..طيب ايه اكتر حاجه نفسك فيها الوقت
بيري…..امممم بيتزا او فرايد تشيكن او بروستد
فريد…..نعممممم
بيري…..ايه في ايه
فريد…..انتي عايزه بجد تاكلي الامل ده بعد التمرينه دي
بيري…..امال اكل ايه لا بقولك ايه انا ممكن اعمل تمارين و انا عمري ما جربت اعملها قبل كده لكن اوعي عقلك يصورلك اني ممكن اكل سلطه و مشوي و مسلوق واكل الرياضين ده
فريد….بضحك لا مش كده بس انتي مختاره حجات فيها زيوت و ده غلط بس خلاص لو نفسك تاكلي كده موافق المرادي بس
بيري…..بابتسامه ماشي وانا موافقه
فريد….طب يلا روحي خدي شاور لحد ما اطلب الاكل
بيري….اوك
طلعت بيري وفضل فريد واقف مبتسم و بيبص عليها بحب
…………
عند ياسر..
نزل ياسر من مكتبه كان لسه وراه شغل بس حس انه فصل و مش مركز بسبب عدم رد سهر و بدأ يقلق عليها اتصل بيها اكتر عشرين مره و مفيش اي رد خالص كان هيتصل بفريد و يسأله لو اتصلت علي بيري بس رجع في كلامه و محبش يقلقهم غير لما يعرف هي فيها ايه
ركب عربيته و طلع بيها و هو بيحاول يتصل علي سهر و بدأ يتعصب و يتوتر و كان باين ده حتي علي سواقته و كرر انه يروح عندها البيت يحاول بطمن عليها بنفسه ويشوف لو في اي حاجه حصلت او حاجه غريبه عند البيت ولا لا
في الوقت ده الساعه كانت 8 ونص و هو من 6 ونص وهو بيحاول يكلمها و مش بترد
ياسر…..ردي يا سهر بقي رديييي
……………
في منزل سهر خرجت امل من اوضتها كانت نايمه من التعب بس قلقت و خرجت من اوضتها سمعت صوت موبايل سهر
دخلت عليها الاوضه كانت سهر في سابع نومه
امل….سهر سهر سهر
سهر….امممم
امل…..قومي يا سهر
سهر….بخضه ماما ايه في ايه انتي كويسه في حاجه
امل….لا يا حبيتي مفيش مټخافيش
سهر….طب مالك تعبانه
امل….يا بنتي انا زي الفل قومي شوفي موبايلك مش مبطل رن
سهر….بارهاق موبايلي هو فين
امل….جنبك عالكومدينو شوفي مين يا حبيبتي بيكلمك
سهر….حاضر حاضر انتي كويسه طيب
امل….اه والله انا نمت محستش بنفسي انتي هوفضلي نايمه
سهر….هي الساعه كام
امل…..الساعه قربت علي تسعه
سهر…..طيب انا هقوم اهو
امل….طيب اغسلي وشك وشوفي مين بيكلمك وانزلي علي ما احضر العشاء
سهر….لا متحضريش حاجه خليكي مرتاحه انا هنزل احضر
امل ….انا كويسه وبعدين انتي عاره مش بحب القاعده
سهر….ماشي يا حبيبتي بس عشان دراعك وبعدين فين الحامل ليه شلتيه
امل…..الوقت احطه تاني بس بريح ايدي شويه وجعتني من الرفعه و بعدين انا مش هعمل حاجه صعبه يعني ده عشان خفيف
رن موبايل سهر تاني
سهر….طيب روحي وانا هاجي وراكي اساعدك
امل….ماشي يا حبيبتي
خرجت امل وقفلت الباب وراها قامت سهر عدلت نفسها ومسكت الموبايل ترد كانت مصدومه من عدد الاتصالات اللي ياسر اتصلها عليها
سهر….احممم الوو
ياسر…..الوووو ايوه يا سهر انتي كويسه
سهر….بصوت واضح عليه النوم اه الحمد لله يا ياسر في ايه
ياسر….پغضب باين علي صوته هو ايه اللي في ايه انتي مش شايفه انا متصل عليكي كام مره
سهر….انا لسه شايفه الموبايل الوقت ايوه بس كنت نايمه
ياسر…..نايمه يا سهر اكتر من عشرين مره متصل بيكي و محستيش اني بتصل
سهر…..انا اسفه والله مسمعتش كنت مرهقه جدا و انهارده اليوم كان صعب اوي نمت من غير ما احس قولي بس مالك متعصب ليه كده
ياسر….هو ايه اللي متعصب ليه انا بتصل بيكي من الساعه سته ونص و اخر مره كلمتك لما وصلت المكتب قولت اطمن عليكي تاني نفيش اي رد فكرت في حاجه حصلت لا عارف اوصلك ولا قادر اتصل بزيد وبيري اطمن عليكي منهم عشان مقلقش حد و في الاخر تقولي كنت نايمه
سهر…..طيب ممكن تهدأ شويه بس تنا بقولك كنت نايمه و مسمعتش والله انا في العادي نومي خفيف بس انهارده كنت تعبانه
ياسر…..المفروض في ظرف زي الظرف اللي بنمر بيه ده علي الاقل لو حبيتي تنامي تعرفيني عشان متصلش اصلا بيكي و ابقي عارف انك نايمه مش افضل افكر ودماغي تجيب وتودي و اتخيل الف سيناريو زي الزفت هلتيني بسببك من لا عرفت اشتغل ولا اركز و اخر ما فاض بيا نزلت من المكتب و كنت جايلك في الطريق عشان اشوف فيكي ايه
سهر….يا ياسر افهم انا نمت من غير ما حس يعني مكنتش عارفه اني هنام اصلا ڠصب عني والله
ياسر….ماشي يا سهر يلا روحي الوقت
سهر….لا استني متقفلش من فضلك
ياسر…..في ايه يا سهر
سهر…..انت فين الوقت
ياسر…..هروح يا سهر علي البيت هكون فين يعني
سهر….طيب ممكن تهدأ شويه
ياسر….سهر بالله عليكي اقفلي عشان انا متعصب الوقت
سهر……لا مش هقفل غير لما تهدأ شويه
ياسر….يا ستي انا هادي اقفلي بقي عشان بجد لو فضلت اتكلم معاكي وانا كده ممكن تزعلي مني
سهر…..يا سيدي انا موافقه ادام انا اللي عصبتك كده موافقه تتعصب
ياسر…..سهر خلاص روحي انا كويس والله خلاص
سهر…..ماشي عرفنا انك كويس بس مش هقفل
نفخ ياسر پغضب ودور العربيه تاني و لف عشان يروح
سهر…..ايه ساكت ليه
ياسر……معاكي يا سهر
سهر…..بأبتسامه لا بقولك ايه انا بعر اتعصب بردوا
ياسر…..ليكي نفس تضحكي بعد ما حړقتي دمي
سهر….يعني انا كنت اقصد خلاص بقي ميبقاش قلبك اسود ليه العصبيه دي كلها
ياسر….عشان قولت اكيد حصلك حاجه و بعدين انا عار ان في ناس بتراقبك والصبح مامتك حصل معاها الحا.ډثه المفروض لما اتصل بيكي اكتر من عشرين مره ومترديش او تكنسلي ابقي هادي
سهر…..وافرض يعني سيناريو من السيناريوهات البشعه اللي جات في بالك كانت حصلت معايا كنت هتعمل ايه يعني هتزعل
ياسر….بعصبيه انتي طالبه معاكي هزار وحړقة ډم و انا بجد هزعلك مني
سهر….بضحك طب خلاص خلاص فك بقي انا بحاول اضحكك والله
ياسر…..تضحكيني ايه يا شيخه حرام عليكي انتي نشفتي دمي و خوفتيني عليكي
سهر…..بابتسامه و استغراب خوفتك عليا !! بجد
ياسر….ايه غريبه يعني اني اخاڤ عليكي اه خۏفت عليكي و علي مامتك عادي يعني
سهر….طيب خلاص براحه شويه متزقش قولي بقي كنت بتتصل ليه اصلا
ياسر….هكون بتصل ليه يعني كنت عايز اطمن عليكي و اشوف في اي حاجه حصلت ولا لا
سهر…..ماشي يا سيدي اطمن مفيش حاجه خالص وكله تمام اطمن
—
فك بقي متبقاش عصبي كده
ياسر…..ماشي يا ستي المهم انك بخير و الدنيا تمام بس والله يا سهر لو حصلت مره تانيه لا هتزعلي مني بجد
سهر…..والله انا نومي خفيف اصلا
ياسر …اه ماهو واضح
سهر…..بتتريق و الله عشان كنت مرهقه بس
ياسر…..ماشي بس يارب تبقي اخر مره
سهر…..لا خلاص اخر مره انت فين
ياسر…..هروح
سهر….مش هترجع المكتب
ياسر….لا خلاص فصلت
سهر……انا اسفه والله يا ياسر شغلتك و خليتك تسيب الشغل
ياسر….مفيش حاجه و بطلي هبل اسفه عليه ايه انا بجد كنت قلقان عليكي
سهر…..بابتسامه مع ان يعني مايبنش عليكي
ياسر….مايبنش عليا ايه
سهر….يعني انك تقلق وتخاف عليا و كده من يوم ما عرفتك وانا بحس انك عايز تخلص مني
ياسر….ما هو انا هخلص منك فعلا لو اتكررت تاني
سهر…..ايوه بس يعني انا لو فيا حاجه اكيد هتصل بيك هتصل غلي بيري علي فريد لكن لو اتصلت ومردتش وارد اكون مشغوله مش شايه الموبايل نمت زي ما نمت كده يعني متقلقش
ياسر….لا طول ما احنا ي الظروف دي اقلق و زي ما قولتلك اياك تتكرر تاني
سهر…..عايزني يعني استأذن حضرتك يا متر قبل ما انام او اعمل اي حاجه
ياسر…..مع انك بتتريقي بس اه استأذني يا سهر و لا معترضه
سهر….بابتسامه لا مش معترضه خلاص و عصبيتك دي هتديها عشان انا السبب فيها بس يكون في علمك انا مفيش حد بيتعصب عليا كده
ياسر…..ده واضح بقي انه مش عاجبك
سهر….بضحك لا ده واضح انك عايز تتخانق معايا بجد بقولك ايه اهدأ كده وسوق براحه و روح و لما تروح ابقي اكلمك تكون هديت
ياسر….علي الله بس متناميش تاني و افضل اتصل بيكي
سهر….لا يا سيدي مش هنام انا نمت شويه
ياسر…..ماشي لما نشوف
سهر…..لما تروح ابقي طمني عليك احسن تعمل حاډ؟؟؟ثه وانت متعصب كده واشيل ذنبك
ياسر….بابتسامه خاېفه بس تشيلي ذنبي ماشي يا ستي شكرا
سهر….بضحك لا خلاص بعد الشړ يلا بجد سوق براحه و اهدأ كده و ابقي كلمني لما توصل
ياسر…ماشي خلي بالك من نفسك
سهر….وانت كمان يلا باي
ياسر….بابتسامه باي
……………
وصل امجد علي البيت كان مصډوم من كلام مازن عن سلمي و مش قادر يصدق كل اللي بيحصل و نفسيا مكانش احسن حاجه بسبب اللي حصل مع امل لكن حاول انه يكون طبيعي عشان محدش يلاحظ اي حاجه.
امجد…..مساء الخير يا مامي
هناء…..مساء النور يا حبيبي مالك شكلك مرهق
امجد….اه شويه كان في شغل كتير انهارده و كمان الجو بره مش حلو
هناء….طيب يلا اطلع خد شاور لحد كا الاكل يجهز
امجد….امال فين الباشا لسه موصلش
هناء….لا وصل قبلك بشويه بياخد شاور هو كمان فوق يلا اطلع احد ما الشغالين يجهزوا الاكل
امجد….تمام
طلع امجد علي الاوضه بتاعته لمح ملك خارجه من اوضتها
ملك….حمد الله علي السلامه
امجد…الله يسلمك يا ملوكه
ملك…مالك شكلك مش مظبوط
امجد….فتح باب اوضته ودخل عادي انا تمام
دخلت ملك وراه وقفلت الباب
ملك….لا مش تمام قولي ايه اللي حصل
قعد امجد علي السرير و قلع الچاكيت
امجد….بحزن مخڼوق يا ملك اوي اول مره في حياتي اهرب من المواجهه اطمنت علي طنط امل بس لما جم عشان يحكولها مقدرتش استني كنت عايز امشي بأي طريقه مكنتش هقدر احط عيني في عينها وهي بتعرف الحقيقه مشيت بسرعه بس مشيت وانا في جوايا ۏجع غريب متعودتش اني اهرب يا ملك الموضوع كان صعب عليا
ملك ….انا حاسه بيك و يمكن انا لو مكانك كنت هعمل زيك بس طنط امل هتقدر تتفهم وضعنا واكيد مش هتاخدنا بذنب بابي يا امجد
امجد…عارف يا ملك بس مش ده اللي اقصده انا اقصد شعوري من الموقف نفسه كان وحش اوي
ملك….يظهر كده ان الفتره الجايه يا امجد لازم نعمل حساب شكلنا قدام كل اللي نعرفهم لاننا هنواجهه ناس كتير اوي ولازم نبقي عارفين ان في منهم هيكون متفهم اننا ملناش ذنب و في منهم مهنا حاولت تبرر موقفك مش هيشوفوا غير اننا ولاد رافت الباشا
امجد….انا عمري ما فرق معايا الناس بس المرادي بالذات الوضع مختلف انا شايل هم الناس و المجتمع اللي احنا في بطريقه مش معقوله
ملك…..ان شاء الله ربنا هيقف معانا با امجد عشان احنا من جوانا في خير و اكيد ربنا مش هيخذلنا
امجد….يارب يا ملك
ملك….طيب قولي في ايه تاني انا حاسه انك عايز تقول حاجه
امجد…..في حاجه تانيه عرفتها بس الاول عايزك تكوني هاديه و توعديني ان سهر متعرفش اي حاجه .
ملك….قلقتني يا امجد قول واكيد مش هعرفها
امجد…سالي !!
ملك…..سالي ! مالها سالي
امجد….واضح ان الحاډ.ثه بتاعتها مكانتش قضاء وقدر و كانت حا…ډثه مدبره
ملك…..بشهقه و صډمه حطت ايدها علي بوقها ايه
امجد….اهدي ومش عايز صوت عالي
ملك….بدموع عرفت ازاي و مين اللي قالك حاجه زي دي
امجد….مازن قالي مريم سمعت طنط فاتن بتتكلم مع انكل سعيد و بتقوله ان منيب علي اخره من سهر وواضح كده انه هيعمل فيها زي ما عمل في اختها هو والجماعه و يخبطها بعربيه
ملك…..انكل مهيب طب ليه عملت ايه سالي عشان ېمو….تها ومين اصلا الجماعه دول
امجد…صدقيني انا مش فاهم ولا عارف حاجه ومړعوپ من فكرة ان بابي يكون ليه يد في الموضوع ده كمان
ملك…لا لا لا مستحيل اوعي تقول كده ده شاف قد ايه انها كنت مڼهاره عشانها سالي كانت اقرب ليا من بيري وسهر وقتها مستحيل بابي يعمل فيا كده و في اعز صحابي
امجد….انا بقول مړ……عوپ يكون ليه يد بس محدش فينا لسه متأكد بطلي عياط مش عايز اي حد ياخد باله
ملك…..سالي اټقـ,ـتلت بجد يا امجد
بصلها امجد بحزن وضمھا و طبطب علي ضهرها
امجد….كل حد غلط يا ملك اتأكدي انه هياخد عقابه المهم الوقت مش عايز سهر تعرف مريم كانت مڼها….ره وعايزه تعرفها مازن وقفها لان سهر لو عرت انتي عارفه هتعمل ايه و عارفه هيحصل فيها ايه .
ملك …اطمن مش هقول حاجه
امجد…..طيب يلا روحي اوضتك اغسلي وشك وخليكي طبيعيه وانا هاخد شاور واغير وانزل واه مازن قالي ان مهيب وخالد عرفوا ان بيري مشيت وخدي بالك بابي ممكن يكون عرف معلومه زي دي احنا منعرفش حاجه عن بيري لو سألنا تمام
ملك….تمام يا امجد اطمن
امجد…يلا هاجي وراكي
ملك …اوك
خرجت ملك وسابت امجد في الاوضه و بعد وقت بسيط نزلوا علي تحت يتعشوا سوا
………..
في منزل فريد.
خرجت بيري من الحمام بعد ما خدت شاور لبست و فجأه النور قطع في البيت بصت حواليها بسرعه وهي خاېفه و راحت بهدوء علي موبايلها عشان تنور الكشاف .
بيري….فريد فريد
فتحت الكشاف و قربت من الباب و هي خاېفه و بتنادي علي فريد
بيري…..فرررريد وقفت بيري علي اول الدرج من فوق تبص علي تحت و فجأه لمحت انوار كشافات كتير جاي من تحت و فريد ملهوش لا صوت ولا اثر حطت ايدها علي بوقها وجريت بسرعه علي الاوضه من غير ما تعمل صوت و قفلت بسرعه الباب و وقفت وراه وهي دموعها نازله.
وفجأه……
وللحديث بقيه…