لقاء كارثي
(لقاء كارثي) 30/31
لقاء كارثي
أميره أسامه
صاحبة البطل الواحد
~° البارت الثلاثين°~
……………
في صباح يوم جديد كله حماس و استعداد للخطوبه الساعه كانت 12
خرجت نعيمه من الاوضه وهي لابسه
نعيمه…..صباح الخير
نادين….صباح النور
ليله….صباح الخير انتي راحه فين؟
نعيمه….راحه عند ماما بس هطلع الاول علي البيت اجيب اللبس اللي هلبسه بليل
ليله…..ايه ده يعني مش هترجعي نجهز مع بعض
نعيمه….لا مش هلحق
ليله….بتهرجي يا نعيمه يعني حبكت تروحي انهارده
نعيمه….يابنتي بقولك ماما و بابا مسافرين و ماما قالتلي تعالي اقعدي معانا شويه قبل ما نسافر و بعدين انا مشوفتهمش من اخر مره روحت بعد ما رجعنا من السفر
نادين…..طيب لسه بدري روحي اقعدي شويه و تعالي
نعيمه….مش هلحق والله احنا هنتغدي مع بعض و بعدين هما ماشين علي الساعه سته فا هجهز من هناك واجي علي طول
ليله….طيب تمام
نعيمه….انتوا هتعملوا ايه هتروحوا لايمي بدري
ليله….انا لسه قافله معاها و كنت هروح بدري عشان لو محتاجه اي حاجه قالتلب لا تعالي براحتك انتي عارفه هي بتحب تعمل الميك اب لنفسها و كمان قالتلي محمود جهز كل حاجه من امبارح بليل يعني مش هتحتاجني و بيني وبينك مش عايزه الخمها و نبقي عدد علي الفاضي و تتوتر خليها تجهز براحتها
نعيمه…..طيب انتي مش هتروحي تجيبي لبسك ولا اجيبلك حاجه وارجعلك اديهالك قبل ما امشي
ليله….لا انا لازم اروح انا بنفسي اصلا لسه مستقرتش هلبس ايه فا خليني اروح انا اصلا انا بفكر اخد نادين كمان معايا و نجهز من هناك عشان الميك اب كله هناك
نادين….طيب روحي انتي اجهزي براحتك وانا هجهز و تبقي تعدي عليا
ليله….لا طبعاً مش هتعرفي تجهزي لوحدك
نادين….هعرف والله انا اتحسنت شويه
ليله…..لا احنا شويه بعد ما تجهزي لبسك و الحاجه اللي هتحتاجيها هاخدك و نروح علي هناك و كده كده هنروح بعربيتي
نادين….طيب اللي تشوفيه بس احنا مش هنروح نظبط شعرنا
ليله…..هنروح انا بفكر كمان نروح الاول و بعدين اطلع اشوف البس ايه مش هنفضل طالعين نازلين
نعيمه…..انا كمان هروح اجيب الحاجه من البيت و هروح اعمل شعري و بعدين اطلع علبهم لتن مش هيبقي في وقت يادوب البس واعمل ميك اب
ليله….طيب تمام روحي بقي انتي عشان متتأخريش
نادين….طيب تفطر الاول
نعيمه….لا لا انا مش جعانه
نادين…..طيب خدي بسكوت من جوه حتي
نعيمه…..طيب تمام
راحت نعيمه خدت البسكوت و راحت علي الباب
نعيمه…..يلا هنبقي مع بعض علي الموبايل
ليله…..طيب علي مهلك
نعيمه….حاضر يلا باي
ليله….باي
…………..
الوقت كان بيجري بسرعه نزلت ليله و نادين بعد نعيمه بشويه راحوا عشان يعملوا شعرهم و بعدين طلعوا علي البيت.
اما نعيمه فا وصلت البيت عند اهلها و كانت جايبه معاها اكل عشان يتغدوا سوا قضت معاهم وقت جميل و كانت اول مره تحس ان مامتها مبسوطه اوي كده و حتي اخواتها كمان كانوا مبسوطين و منسجمين معاهم علي غير العاده هزار وضحك و الجو غير .
علي الساعه سته مشيوا و فضلت نعيمه موجوده مع اخواتها و بدأت تجهز نفسها
طول اليوم الشباب و البنات كانوا بيتكلموا مع بعض و يقفلوا علي طول مجرد بس اطمئنان لكن الكل كان مشغول واولهم رشيد اللي نزل بدري و هو متحمس عشان يجيب شبكة ايمي والدته و والده كانوا مبسوطين اوي و متحمسين يشوفوا رشيد عريس لتاني مره
علي الساعه سبعه اتحرك عشري و فضل اول اتنين عشان مشوارهم ابعد و تقريباً الكل كان جاهز خلاص
اول ناس وصلوا كان احمد و سلمي و ايه و تامر اخوهم باعتبارهم قريبين من عيلة ايمي و والدهم صديق مقرب لوالد ايمي.
كانوا مع ايمي في الاوضه بيساعدوها كانت زي القمر و مفيهاش غلطه شويه و وصلت نعيمه و دقايق بسيطه بعدها وصلت ليله و نادين كمان دخلوا سلموا علي الكل.اهل ايمي و والد سلمي وايه و تامر اخوهم بعدين طلعوا فوق لايمي كانت مش علي بعضها بس البنات فضلوا يضحكوها و يفكوها من التوتر اللي هي فيه
ساعدوها بلمساتهم الاخيره ليها مكانش ناقصها اي حاجه كانت لابسه فستان أسود بكم بس قصير لامه شعرها كله الميك اب كان هادي جداً رسمة عينها كانت تطير العقل علي قد ما كان شكلها ملفت علي قد ماكانت هاديه جداً و بسيطه جمالها ظاهر من غير أي مجهود.
اما ليله فا كانت هي كمان لابسه فستان قصير لونه أبيض ساده هادي جداً و مفيهوش اي تفاصيل خالص بس شيك كان واصل لحد ركبتها ماسك علي جسمها كب و عليه چاكت قصير لحد صدرها قطعه زياده بتكمل جمال الفستان كانت سايبه شعرها و الميك اب بتاعها كمان هادي و بسيط
نادين كانت لابسه فستان لونه ازرق وفيه لمعه بسيطه جداً ضيق من الصدر و نازل علي منفوش شويه كان فوق الركبه كانت كأنها خارجه من عالم ديزني شبه الاميرات
و طبعاً اكتر حاجه كانت مضيقاها الربطات اللي علي كوعها من الناحيتين و رجلها اللي باين عليها الجروح من وراء و علي ضهرها كمان بس حاولت تتعامل عادي.
نعيمه….كانت لابسه چامب سوت لونها كافيه و فيها لمعه بسيطه كمان كب من علي الصدر و عليها قطعه من نفس القماش بكم شفاف شويه هي كمان كانت تاخد العقل
ايه كانت لابسه چيب قصيره لونها أسود و عليها توب سواريه بسيط كمان لونه اسود هي كمان كانت تشبه الاميرات اللي في عالم ديزني مع شعرها الاصفر الكيرلي
ايه كانت لابسه فستان بكم و رقمه مرفوعه قصير و ماسك علي جسمها لونه زيتي غامق كانت رافعه شعرها و نازل خصله بسيطه كان شكلها انيق وراقي و شيك جداً
الكل كان جاهز نزلوا وسابوا ايمي شويه مكانتش راضيه تنزل خالص و متوتره .
علي الساعه 8 ونص وصل رشيد مع اهله والدته و والده و اخته طبعاً مقدرتش تيجي لانها مسافره ومش هتقدر تكون معاه و وصل معاه كمان صحابه كلهم اللي كانوا مع بعض علي التليفون عشان يوصلوا مع بعض في نفس التوقيت.
التوتر اللي ايمي كانت حاسه بيه كان عاكس علي كل البنات بيعيشوا نفس مشاعرها سعاده علي خوف علي توتر حاسين بيها اوي و خاصتاً سلمي و أيه بسبب ان والدهم لاول مره هيتقابل مع حسان و سلامه
كانوا متوترين جداً و حتي سلامه و حسان كانوا متوترين شويه لكن داخلين بكل ثبات و هيبه و كانوا زي القمر بجد.
جنينه البيت كانت متجهزه و شكلها هادي و يجنن كلها ورد و الديكور اللي كان فيها بسيط و رقيق لايق علي شكل البيت اللي يحسس اي حد بالراحه بمجرد ما يدخلوا فيه
بمجرد ما البنات شافوا الشباب ابتسموا وكانوا مبسوطين اوي
دخل رشيد في المقدمه مع اهله
استقبلوهم محمد و ماريز أحسن استقبال ومان جنبهم محمود و امنيه و عمرو خطيب امنيه
رشيد….بابتسامه أبويا حاج خالد
محمد….اهلا بيك نورت الدنيا
خالد….ده نورك اتشرفت بمعرفتك
محمد….الشرف لينا والله اهلا يا هانم منوره الدنيا
وفاء….اهلا بحضرتك ده نوركم والله
قربت منهم ماريز ابتسم رشيد و عرفهم عليها
رشيد….هي دي بقي زوزو يا امي و دي امي وفاء يا زوز
ماريز….اهلا بيكي يا حبيبتي نورتي البيت والله
وفاء….ده نورك والله
رشيد….بأبتسامه دول بقي صحابي الشباب واخواتي سلموا كلهم علي بعض و محمود عرف رشيد علي خطيب امنيه و الكل سلم علي بعضه
قرب حسان من سلامه
حسان…..سلامه تعالي نسلم علي والد سلمي وايه
سلامه….يلا بينا
مسك حسان ايد هنا بنته كانت لابسه فستان قصير متفوش شكلها يجنن و بريئه
قربوا من البنات
حسان….بأبتسامه مساء الخير
سلمي….بابتسامه توتر واضحه و دقات قلب فظيعه مساء النور بابا ده حسان و ده سلامه
احمد….اذيك يا حسان مبسوط اني شوفتك
حسان…..اهلاً بحضرتك انا أكتر والله
سلمي…تامر اخويا
تامر…..اهلا ياحسان
حسان….اهلاً بيك يا تامر فرصه سعيده
تامر….انا اسعد والله
سلامه…..أهلا بحضرتك اتشرفت بمعرفتك
احمد….الشرف ليا يا سلامه
سلامه….اخبارك يا تامر
تامر…..بأبتسامه انت بقي سلامه
ابتسمت ايه و ضحكت بهدوء
سلامه….بأبتسامه ايوه انا سامع اني ولا ايه؟
تامر….بضحكه هاديه وجميله اه ايه حكيتلنا عنك و عن الكلب
سلمي وايه ضحكوا وبصلهم سلمي و بعدين ضحك و هو رافع حاجبه
سلامه….هو انا لو اعرف اني هتشهر بالكلب ده مكنتش جبته والله
سلموا البنات علي الشباب بهدوء
احمد……ايه القمر ده
حسان….بأبتسامه هاديه دي هنا بنتي سلمي يا هنا
سلمي….بابتسامه اخيراً خدت بالها منها من كتر التوتر مكانتش مركزه
ياروحي ازيك يا هنا
هنا…..الحمد لله
حسان….يلا سلمي مكسوفه ليه
مدلها احمد ايده.
احمد…..القمر ده عنده كام سنه
هنا….بابتسامه بريئه سڤن
احمد….باس كفها ماشاء الله ربنا يحفظك
سلمي….هاي هنااا
هنا….بابتسامه هااي
ضمتها سلمي
سلمي….انا اسمي سلمي
هنا….وانا هنا
سلمي….انتي اسمك حلو اوي
هنا….ميرسي
ايه….يالهوي عالسكر انا اسمي ايه
هنا….بابتسامه وانا هنا
ايه…..لحسان ايه القمر دي احلي منك علي فكره
حسان…..بضحكه جميله طبعاً احلي مني
فضلوا يتكلموا شويه و التوتر اللي بينهم اتفك شويه
باقي الشباب قربوا منهم سلامه عرفهم علي اهل سلمي و ايه و قعدوا كلهم مع بعض طلعوا البنات يشوفوا ايمي.
و اندمجوا الشباب مع بعض و معاهم تامر و محمود و عمرو خطيب امنيه
تامر في حوار جانبي مع عشري
عشري…..بتشتغل ايه يا تامر
تامر….انا مهندس ديكور عملت تصميم كافيه لاكتر من لاعب كوره و عملت تصميم مطعم اشرف عبد الباقي و تامر حسني بتاع ادم كده يعني حجات كتير
عشري…..حلو ماشاء الله ده علي كده ممكن نشتغل مع بعض انا بشتغل في مجال الكافيهات عندي ثلاث فروع و في فرع بتاعي انا والشباب اتشاركنا فيه في مصر الجديه بس لسه بنشتغل فيه و مدخلناش في مرحلة الديكور
تامر…..بابتسامه طبعاً انا جاهز وقت ما تحب وعلي فكره انا عارف ان انت عندك كافيهات وعارفك
عشري….بابتسامه استغراب تعرفني انا؟
تامر…..بابتسامه اه اعرفك و علي فكره انا قولت لسلمي وايه لما حكولنا عنكم وعن السفريه و لما قالوا اسمك و شغلك في البدايه شبهت عليك بس لما سألتهم اكتر عنك عرفتك بس تقريباً نسيوا يقولولك و يمكن استغربت الصدفه دي
عشري….طيب تعرفني منين
تامر….بضحكه هاديه هقولك انا يا سيدي ابقي صاحب سليم اخوك و عدي
عشري….بصدمه ابتسم بتهرج
تامر….بضحك والله العظيم انا وسليم صحاب عدي صاحبي بس سليم اقرب ليا يعني فا عارفك بس مشوفتكش قبل كده لان احنا ديماً بنتقابل بعيد عن الكافيه
عشري…..بجد والله انا اول مره اعرف يمكن عشان سليم و عدي ليهم صحاب كتير اوي
تامر…..بالظبط بس والله صدفه حلوه و اتشرفت بيك اوي
عشري…..الشرف ليا والله و اكيد هشوفك تاني و هيبقي بينا شغل اكيد
تامر…..وانا جاهز طبعاً في اي وقت
كملوا كلامهم و عشري بدأ يحس بقلق لما ركز اكتر في معرفة تامر بيه و خاف يكون عارف حاجه عن موضوع الخطوبه و ليله تعرف فضل شارد و باين عليه انه مش طبيعي و قرر انه لازم ياخد قرار حاسم في الموضوع ده.
ماريز اندمجت هي ووفاء ورغم ان ده كان اللقاء الاول بينهم الا ان وفاء كانت مبسوطه بالحديث معاها اوي و كانت منسجمه علي الاخر.
فضل محمد يتكلم مع خالد والد رشيد و معاهم احمد و رشيد و الشباب اتكلموا تقريباً في كل التفاصيل اللي اتكلم فيها رشيد و اتفقوا.
خالد….بابتسامه طيب فين عروستنا بقي مش هنشوفها ولا ايه.
وفاء….اه صحيح عايزين نشوف عروستنا
محمد….بابتسامه حالاً
قام محمد بهدوء و دخل علي البيت و طلع علي فوق الباب كان مفتوح دخل بهدوء باب اوضتها كان مفتوح والبنات معاها.
محمد…..ايه يا بنات ادخل
ليله….بابتسامه تعالي يا حماده
دخل محمد وابتسم اول ما شاف ايمي
محمد….بضحكه جميله ايه عامله فيها عروسه و مكسوفه
ايمي…..بقولك ايه يا حماده مش وقتك الله يباركلك عشان حاسه ان دي اول جوازه ليا
محمد….بضحك طيب قوليلي ايه القمر ده
ايمي….بجد شكلي حلو
محمد….طب ردوا انتوا يا بنات
نعيمه….ابقوا غيروا المرايات بتاعتكم يا حماده عشان بنتك مش شايفه نفسها
سلمي….والله زي القمر
ليله…..يابت مفكيش غلطه انتي مالك متوتره كده ليه
محمد….اهو سمعتي والله زي القمر
ويلا بقي تعالي عشان ام العريس وابوه عايزين يشوفوكي
ايمي….يا نهار اسود و منيل
ليله….بضحك يابت في ايه بتسودي اليوم ليه يا بومه
محمد….بضحك يلا تعالي هاتي ايدك وانتوا سمعونا زغروطه
ليله…..بضحك انا مبعرفش نعيمه بتعرف
نعيمه….بعرف ايه لا مش بعرف
ايمي….لا بتعرفي و زغرطيلي لا اخلي يومك اسود
ضحكوا كلهم عليها و زغرطت نعيمه
نزلت ايمي في ايد محمد و هي متوتره جداً و ايدها متلجه و علي قد ما هي شخصيتها قويه وجريئه إلا انها في الموقف ده كانت مش قادره تتحكم في اعصابها
ابتسمت بهدوء و خرج محمد و هو ماسك ايد ايمي و وراهم البنات
الكل وقف ابتسموا الشباب لما شافوا ايمي و نظره رشيد ليها كانت تجنن كانت حلوه بدرجه تبهر بجد
قرب محمد من والد رشيد وقربها منه.
محمد….وادي عروستنا اهي
خالد…..تبارك الله مبروك يا عروسه
ايمي….بتوتر رهيب ابتسمت ومدت ايدها الله يبارك في حضرتك
ابتسم خالد وضمها و بعدبن قربت من وفاء.
وفاء…..ده ايه الحلاوه دي مبروك يا عروسه
ايمي….اااه يبارك في حضرتك ضموا بعض و بعدين سلمت علي الشباب كلهم و هي مبتسمه بهدوء لحد ما وصلت لرشيد رفعت عينها بهدوء و مدت ايدها
رشيد….بابتسامه مبروك
ايمي…ابتسمت من غير ما تبصلوا الله يبارك فيك.
محمد…..تعالوا بقي اقعدوا هنا يلا
قعدت ايمي بتوتر كانت طول الوقت باصه في الارض عشان سلامه وعسال بيضحكوها
سلامه….بضحك مش راضيه تبص علينا
عسال….بضحكه هاديه بقولك ايه حرام خلاص سيبها باين عليها متوتره
رفعت ايمي عينها ناحيه صحابها اللي كانوا واقفين مبسوطين اوي و بعدين عبنها جات تاني علي سلامه و عسال
عسال ضحك وسلامه فضل يضحك و يبصلها ابتسمت ايمي غصب عنها و استحلفتلهم بأيدها من غير ما حد ياخد باله
عسال….بهمس و هو بيضحك انا مالي
رشيد….بهمس ايه القمر ده
ايمي….بقولك ايه خلي عسال و سلامه يبعدوا عني بدل ما اطلع عينهم بيضحكوني
رشيد….بضحكه جميله سيبك منهم متغاظين مننا
ايمي…..علي فكره شكلك زي القمر
رشيد….وانتي كمان شكلك حلو اوي مش كنا خليناها كتب كتاب
ايمي….مستعجل علي ايه
رشيد….علي وجودك معايا يا قلبي
ايمي….طب بقولك ايه اسكت بقي متوترنيش
رشبد…..انتي ايدك متلجه ليه صحيح مكسوفه ياعروسه
ايمي….بابتسامه رفعت حاجبها اسكت عشان هطين عيشتكم انتوا الثلاثه بص عمالين يبصولي و يضحكوا ازاي
رشيد….بضحك طيب خلاص هسكت.
خالد لمحمد طيب مش يلا نقرا الفاتحه
محمد…..اكيد محمود وطي الصوت ده يلا
هز محمود راسه وراح بسرعه قلل صوت الموسيقي
محمد….بابتسامه يلا جماعه هنقرأ الفاتحه
زادت ضربات قلب ايمي سكت الكل و رفعوا ايديهم و بدأوا يقراوا الفاتحه وواول ما خلصوا
طلعت وفاء علبة من شنطتها و قربت من رشيد وايمي
وفاء….مش هتلبس عروستك الشبكه يا عريس.
رشيد…بسعاده اكيد يا ست الكل خد منها العلبه البنات كانوا واقفين يزغرطوا بيحاولوا و خلاص يعبروا عن فرحتهم.
فتح رشيد العلبه و بمجرد ما فتحها نورت بنور بسيط وظهر فيها خاتم ألماظ يجنن انعكس علبه ضوء العلبه فا زادت لمعته بصلها بهدوء و غمزلها بحب ابتسمت ايمي بسعاده كبيره ضربات قلبها كانت واضحه
طلع الخاتم بهدوء و لبسها و بعدين خد العلبه التانيه من والدته و اداها لايمي طلعت منها الدبله بتاعته لبستهاله عينها كانت كلها دموع بس حاولت تمسك نفسها علي قد ما تقدر
باس ايدها
ليله….بسعاده لنعيمه زغرطي يا نوني
ابتسمت نعيمه و زغرطت هي و امنيه
ضحك فضل علي نعيمه و فضل باصصلها اول ما سكتت ابتسمت وبعدت عينها عنه بسرعه
الكل قام باركلهم و قربوا الشباب من رشيد حضنوه بحب و البنات قربوا من ايمي ضموها بسعاده.
سلمت ايمي علي والد رشيد و والدته تاني وحضنت امها وابوها واخواتها كانت طول الوقت بتهوي بأيدها قدام عنيها عشان متعيطش
شغل محمود الاغاني و هو طاير من السعاده عشان اخته خدها من ايدها هي و رشيد وقربت امنيه و خطيبها قعد محمود ينادي في البنات عشان يرقصوها و فضل ياخد الشباب كلهم
وقفوا حواليهم مبسوطين و وقف رشيد قدام ايمي يبص عليها وهي بتتحرك مع البنات علي الاغاني مكانتش بترقص كانت بتحرك ايدها بكسوف حضنها محمود و فضل يرقص بيها و الكل حواليهم مبسوط
و سلمي و ايه جنبهم ماسكين في ايد هنا بيرقصوا معاها كانت مبسوطه و اندمجت معاهم علي الاخر .
طول الوقت الشباب عينهم علي البنات مبتسمين.
ليله بترقص و تبصلوا خايفه يتعصب لكن عشري كان مبسوط عشان رشيد و ايمي و مبسوط عشان فرحة ليله بايمي و رقصها كان هادي وسط البنات فكان مبسوط لمحها وهي بتلف مع البنات و بعدين وقفت جنبه مسك ايدها بحب و فضل يرقصها و هو واقف
نادين كانت واقفه جنب زوزو بترقص معاها و حضناها و عسال عينه عليها من بعيد و مبتسم
بعد وقت طويل قضوا في رقص و سعاده الكل اتفرق بعد ما طلبت منهم زوزو يروحوا علي البوفيه كانوا عاملين علي جنب بوفيه يجنن و شيك تحت اشراف المطعم بتاع ايمي و البنات و كان في كام شاب هما اللي متولين الامر كل واحد راح خد اللي عايزه وفضلوا يتكلموا مع بعض .
ماريز…..علي فكره انا هزعل لو مكلتيش
وفاء…..باكل والله اهو
ماريز…..استاذ خالد مش محتاج اي حاجه
خالد…..تسلم ايدك يا ست الكل سلامتك
محمد…..علي فكره انا عندي بقي بن يجنن لما تاكل هنشرب منه و خد بالك ابنك اللي كان جايبه ليه
خالد….بضحكه جميله هتقولي علي البن بتاع محمد خلاص نشرب لما ناكل.
محمد…بالف هنا بص لاحمد كل يا احمد يلا وانت يا تامر كل
تامر…..باكل يا حماده
احمد…..مبروك يا حبيبي ربنا يسعدها و يفرحك بيها عقبال امنيه و محمود يارب
محمد….في حياتك يا غالي عقبال افرح بالولاد يارب ابتسم وقرب منه ما تخلص بقي الشباب تشرح القلب
احمد….بضحكه جميله ايه مستعجل تخلبني جدو زبك و تكبرني
محمد…..وانت تكره يعني اخلص منهم يلا و مش عشان تبقي جد يا اخويا انت لسه صغير بس عشان نشوفلك عروسه
احمد….بضحك يا راجل عيب عليك مش شايف الشعر الابيض
محمد….وماله الشعر الابيض المهم الصحه
تامر…..بضحك طب انا وضعي وسطكم ايه بقي الوقت
محمد…..اسكت انت
تامر….بضحك حاضر سكت بس اوعي تكون بتلمح لعروسه يا حماده دي زوزو ترتكب جريمه
محمد….بتقول فيها بس لا اطمن انا بخلص من العيال دي عشان افضي لزوزو الدور و الباقي علي ابوك
تامر…..بضحك ابويا كبر شكلوا يا حماده
محمد…..ايه كبرت يا ابو العيال
احمد….بضحك لسه شباب متقلقش
محمد….خلاص اتحرك يلا واخلص منهم
تامر….طيب لو خلص منهم انا هعمل ايه عندك عروسه
محمد….نشوفلك المهم تحلوا عن الراجل الغلبان ده
تامر…..اشتغلت خاطبه ولا ايه يا حماده
محمد….و ماله مش عيب و بعدين انت ايه اللب دخلك في الكلام بينا يارخم انت
تامر….بضحك انا قاعد في وسطكم وانتوا عاملني كوبري
ضحكوا الثلاثه و بعدين كملوا اكلهم.
رشيد….بابتسامه مبروك يا عمري
ايمي….الله يبارك فيك انا مبسوطه يا رشيد
رشيد…عارف وانا كمان مبسوط اوي المهم ذوقي عجبك
بصت ابمي علي الخاتم بتأثر
ايمي….يجنن يا رشيد بجد
رشيد….انتي اللي تجنني
ايمي…حبيبي انت
رشيد…امي و ابويا مبسوطين اوي و اندمجوا جداً مع زوزو و حماده و ابويا اندمج كمان مع والد سلمي
ايمي….بابتسامه شكلهم طيب اوي و علي فكره انت فيك كتير من مامتك
رشيد….انا واخد لون عينها
ايمي…..بصراحه يعني كنت متوتره جداً عشان اول مره هشوفهم في الخطوبه و مكنتش عارفه رد فعلهم بس بجد حبيتهم
رشيد….ولسه لما تعرفيهم هتحبيهم اوي و علي فكره هيام اختي مبسوطه و بتباركلك و بتعتذر عشان مقدرتش تيجي
ايمي….طيب هي مش هتيجي وقت الفرح
رشيد….للأسف مش هتلحق بردوا احنا محددين كل حاجه فجأه و بعدين في السويد الدنيا مس زي هنا عشان جوزها يقدر ياخد اجازه من شغلوا و كمام ولادها عندهم دراسه الوقت فا صعب بس انا وعدتها بعد الجواز احنا اللي هنروحلهم عشان تشوفوا بعض و يبقي شهر عسل ايه رأيك
ايمي….بأبتسامه جميله موافقه طبعاً
سرح في عينها و هي بصاله
رشيد….ايه العيون الحلوه دي
ايمي….بضحكه جميله اتلم بلاش توترني اكتر ما انا متوتره
رشيد….بضحك خلاص يا ستي مش هتكلم تاني
……….
سلمي….مش عايزه تاني ليه
هنا…..شبعت خلاص
ايه…..طيب اشربي العصير بتاعك
هنا….حاضر
رفع أحمد ايده مسك ودنها و بعدين بص قدامه
بصت هنا بسرعه سلمي وايه و حسان ابتسموا
سلمي….ايه مالك
هنا…..بابتسامه حاجه مسكت ودني
سلمي…لا مفيش
رجع عملها مره تانيه
بصت بسرعه علي احمد حضرتك
احمد….انا لا هطولك ازاي مش انا
ضحكت هنا وبصت تاني قدامها وفضلت تبص بطرف عينها علي وراء
استني شويه وبعدين رجع مسك ودنها تاني
بصت بسرعه و هي بتضحك ضحكه طفوليه تجنن خليتهم يضحكوا غصب عنهم
هنا……حضرتك انا شوفت ايدك
احمد….طيب اسأليهم كده هيقولولك مش انا
هنا…..هو يا بابي
حسان….بضحكه جميله انا مشوفتش
هنا…..شوفتي يا ايه
ايه…لا مش هو اصلا هو بعيد عنك
بصت هنا قدامها و فضلت كل شويه تبص جنبها بسرعه و هما يضحكوا استنت شويه و هو بيمسك ودنها لفت بسرعه و شافته فضلت تضحك ضحكه متقطعه تجنن و هما ضحكوا
هنا…..شوفتك
احمد…..بضحكه جميله كده تقفشيني
هنا….انا كنت عارفه ان حضرتك اللي بتمسكني
احمد….انا كنت بشيل الورده الصغيره من ودنك
هنا…..فين دي ؟ مفيش ورده
احمد….طيب تعالي كده
راحت هنا عليه و وقفت قدامها
احمد…..فتح ايده كان في ورده صغيره اهي شوفتي بقي
هنا…..هي وقعت عليا
احمد….اه شوفتي بقي انك ظلمتيني بس بقولك ايه تيجي نلعب لعبه
هنا….بابتسامه ايوه
احمد…. طيب انا هخبي الورده وقولب في انهي ايد ماشي
هنا…..اوك
ضم ايده الاثنين و بصلها و هما كمان كانوا باصين علبهم و بيضحكوا
احمد….ها في انهي ايد
هنا….في دي
فتح ايده كانت فاضيه
احمد….خسرتي
هنا….خلاص خلاص في دي
فتح ايده التانيه كانت فاضيه بردوا.بصتلزا هنا بصدمه و بعدين ضحكت و ضحكوا كلهم علي ضحكتها تاني
هنا…..هي راحت فين ؟
احمد…..في ودنك
هنا….حطت ايدها علي ودنها مفيش
احمد…اجيبهالك انا
هنا…..ايوه
حطت ايده علي ودنها و طلعها من ودنها
احمد…..اهي
هنا….هي راحت في ودني ازاي ؟
أحم…..ودنك كانت جعانه و كلتها
فضلت تضحك من قلبها بكل براءه
وهما يضحكوا علي ضحكتها و حسان عينه عليها بنظره كلها حنان و حب
ابتسم احمد و ضمها و بعدين باس كفها
هنا…..هو ده سحر
احمد…..اه ايه رأيك فيا بقي انفع ابقي ساحر
هنا….ايوه بس ينفع تعلمني
احمد….يا سلام طبعاً هبقي اعلمك حجات كتير اتفقنا
هنا….اتفقنا راحت بسرعه علي حسان وقربت من ودنه
حسان…..اااا طيب لحظه
سلمي…..هي عايزه ايه
حسان….بهدوء عايزه تروح التويلت
سلمي…..طيب تعالي يلا انا هروح معاكي
حسان….روحي مع سلمي يا هنا
مسكت ايد سلمي و راحت معاها
احمد….بابتسامه تجنن ربنا يحفظها ليك
حسان…..الاهم امين بس واضح ان حضرتك بتعرف تتعامل مع الاطفال
احمد…..جداً الاطفال بتدي للبني ادم طاقه ايجابيه حلوه بيسرقوك كده من هموم الدنيا و بياخدوك علي العالم بتاعهم
حسان….دي حقيقه مهما بكون مضغوط في الشغل و زحمة الحياه بمجرد ما بقعد معاها بنسي كل حاجه
احمد…..عشان طاقتهم جميله بجد بينسوك التعب والهم و كل حاجه بتفصل و بتحس انك مش بتفكر في اي حاجه و انت معاهم
حسان……دي حقيقه فعلاً و واضح ان هنا حبيتك علي فكره هنا مش بتاخد علي الناس بسرعه
احمد….وانا حبيتها اوي و خلاص احنا بقينا صحاب
حسان….لا ماهي مش هتسيبك خلاص بعد السحر ده
احمد….بضحكه هاديه يا سلام و انا اطول القمر ده يلعب معايا
حسان….ابتسم و اتنهد تنهيده طويله و بعدين بصلوا انا عارف ان الوقت مش مناسب بس يعني كنت طلبت من سلمي تقول تعرفك اني حابب اقعد مع حضرتك و نتكلم
ابتسم احمد و هز راسه
احمد….والله انا قولت اني مستنيك سلمي مقالتلكش ولا ايه؟
ابتسم حسان بتوتر
حسان…..قالتلي بس يعني قولت اشوف الوقت المناسب لحضرتك
احمد…..انا جاهز اي وقت
حسان….والله انا لولا المكان مش مناسب الوقت كنت اتكلمت مع حضرتك
احمد….بابتسامه هاديه شكلك مستعجل
ضحك حسان بإحراج بسيط
حسان…..مش بالظبط بس يعني في حجات لما بنبقي متمسكين بيها بجد بنستعجل عليها
احمد….ماشي يا سيدي لو بكره فاضي تعالي نورنا في البيت شويه و نقعد و نتكلم و نتعرف علي بعض اكتر
حسان…..بسعاده اكيد طبعاً خلاص بكره هوصل هنا لمامتها و بعدين هاجي
احمد….طب وليه كده بقي لا هنا تيجي معاك و ده شرط خد بالك
حسان….بضحكه جميله ماهي لو هنا جات معايا مش هتدينا فرصه نتعرف اصلا هي اصلا مش واخده راحتها عشان الزحمه يعني متفكرش انها هاديه
احمد….لا ملكش دعوه خليها تيجي معاك و لما نبقي نتكلم يا سيدي تبقي تاخدها سلمي و ايه و يلعبوا معاها في اوضتهم
حسان….خلاص اللي تشوفوا هجيبها معايا حاضر
كملوا كلامهم و فضلوا يتكلموا مع بعض في حجات عاديه كسرت شويه الجو بينهم و انضم ليهم سلامه و كان بيتكلم معاه بعقل علي غير العاده في الشغل و في مواضيع عامه.
……….
فضل…..عقبالك يا بطل
نعيمه….بابتسامه ادعيلي الاقي ابن الحلال
فضل….بطريقه مضحكه علي طريقه محمد هنيدي ايييييييه يا عمي سلامة الشوف مش عاجبك الجته اللي جنبك ولا ايه
نعيمه…..بضحك امممممم والله افكر
فضل…..طب وحيات امك هخليكي كده و شوفي مين هيتجوزك
نعيمه….بثقه حبيبييييييي انا لو شاورت بس هتلاقيهم طابور بس النفس
فضل…..طب جربي كده و شوفي هعمل ايه؟
نعيمه….هتعمل ايه يعني
فضل…..والله اوقف حالك و اطفش اي عريس يجيلك و اخليكي تعنسي عشان لا تبقي ليا ولا لغيري
نعيمه…..و اهون عليك
فضل…..اااااه تهوني ماهو لو مش انا يبقي تنسي الجواز خالص
نعيمه…..وانا قولت حاجه يا سي فضل
فضل….بضحكه جميله ياويلي انا
نعيمه….بضحك لا بقولك ايه اعدل لسانك انا سمعاك بالعافيه من الاغاني
فضل….مش هننفع كده مع بعض لازم تتعلمي اللهجه بقي
نعيمه…..يلا انا مستعده
فضل….وانا مستعد كمان بس بقولك ايه الوحش مش مستعد ولا ايه
نعيمه….لايه
فضل….تبقي عروسه
نعيمه….بأبتسامه والله لما العريس ياخد خطوه
فضل…..اكتر من كده ده انا خدت خطوه لحد ما خلاص هحضنك
نعيمه….بضحك اتلم وابعد شويه
فضل…..ماشي ياستي بس نتكلم جد بقي انا عايز اخد الخطوه دي
نعيمه….وايه اللي مانعك مستني عزومه
فضل…..لا يا ستي مستني اشوف انتي مستعده ولا لا
نعيمه….بضحك لا استني انت بتتكلم بجد ولا ايه
فضل…..رفع حاجبه بمزح وياك اني
نعيمه….بضحك لا مش قصدي بس بتأكد
فضل….اكيد بتكلم جد وخدي بالك عايزين نلحق نفسنا قبل الزحمه عشان انا حاسس بافراح كتير بعد فرح ايمي فا نجوز ايمي و رشيد كده و نخلص منهم عشان لازم نبقي معاهم و قتنا كله ليهم الاسبوعين دول و بعدها ندخل احنا في الدور
نعبمه….بابتسامه و انت مين اللي قالك بقي ان في افراح كتير
فضل….بابتسامه بص علي حسان وسلامه زي ما انتي شايفه كده حسان رمي السناره خلاص لوالد سلمي و هو كان عامل حسابه ياخد منه معاد و سلامه لازق للراجل و عامل فيها عاقل و كام يوم و مش بعيد ياخد حنون معاه و يخطبها
غير الاستاذ عسال اللي مصمم يكتب كتابه علي نادين و نروح بقي للبلطجي و المتشرده زي ما انتي شايفه كده مندمجين و العين عليهم بارده و عشري خلاص مقرر هيعمل زي رشيد بالظبط هيتجوز علي طول
يعني من الاخر كده لو ملحقناش نفسنا هنلاقي روحنا بنجوزهم و مشغولين معاهم وابقي شوفي مين هيتجوزك يا بايره
نعيمه….بضحك ما تحترم نفسك و بعدين حتي لو جوزناهم ايه مش هبنفع نتجوز في الاخر ولا انت بتتلكك
فضل…..بضحك لا مش بتتلكك بس مش هتلاقي صحه اسمعي مني علي ما اوصل لأيدك هبقي خلصان
فضلت نعيمه تضحك عليه
فضل….بتضحكي لا انا مش بهزر تجهيزات الجواز مش ساهله و اللي فيهم هيتجوز مش هيساعد بعني الحمل هيبقي علي العاذب الغلبان و روح يا فضل و هات يا فضل و اطلع يا فضل وانزل يا فضل اتجوزك بقي بعد الشقي ده كله وفي الاخر الاقيكي رافعه عليا خلع و واقفه قدام القاضي تقوليله اخاف ان لا اقيم حدود الله
نعيمه بصتلوا وفضلت تضحك ووشها احمر
ابتسم فضل وبصلها بحب.
فضل…..اول ما هنجوزهم هناخد دورنا
نعيمه….بضحكه جميله ماشي يا سيدي
………….
ليله…..قولي بقي حبيبي ماله؟
عشري…..بابتسامه مالي
ليله….مش عارفه حاسه انك فيك حاجه
عشري….بالعكس مبسوط عشان رشيد و ايمي اوب
ليله….عارفه انك مبسوط بس اقصد انك مش عشري اللي اعرفوا حاسه انك فيك حاجه ولا تكونش غيران و عايز تبقي عريس انت كمان
عشري….بابتسامه من ناحية غيران غيران و عايز ابقي عريس و مستني تكلمي اخواتك عشان اروح اقابلهم
ليله….بابتسامه ماشي اعتبروا حصل بس حاسه ان انت فيك حاجه بردوا
عشري…..امممم مش عارف بس يمكن وحشاني و يمكن عايز اتكلم معاكي في كذا حاجه
ليله….يا سلام و انا جاهزه يا سيدي بس مش عايزه اشوفك مش مبسوط
عشري…..لا متقلقيش انا مبسوط و جداً كمان ااااا صحيح انتي عرفتي ان تامر اخو سلمي صاحب اخواتي
ليله….بابتسامه اه صحيح انا كل ما اقولك انسي سلمي بتقول انه طلع عارفكم و صاحب اخواتك
عشري…امممم نسيتي و لا قولتي استغل معرفتهم ببعض و يجيبلك اخباري
ليله….بضحك لا متقلقش مليس انا في الجو ده و يكون في علمك يوم ما اكون عايزه اعرف عنك حاجه هعرفها بنفسي و من غير مجهود
عشري…..يا جااامد انت
ليله…بس يعني عموماً هو شكر فيكم جداً و قال يعني انكم عيله معروفه و كبيره و الكل بيحبكم و بيحترمكم
عشري….بابتسامه طيب كويس اطمنتي يعني
ليله…..بابتسامه حب مش محتاجه حد يطمني عشان انت الامان بالنسبالي يا عشري
عشري….بنظره حب و حزن في نفس الوقت و هفضل امانك طول العمر يا ليله و علي فكره اتكلمت انا وامي عنك و مستنيه تشوفك و تتعرف عليكي
ليله….بابتسامه و انا اكتر و عموماً من غير ما تقول يعني انا كنت ناويه بكره اروح لاخواتي و اتكلم معاهم
عشري…..ماشي و انا هستني معاد منك تحدديه معاهم و زي ما قولتلك انا عايز اتكلم معاكي كتير اوي
ليله….ماشي اكيد هنتكلم يا عمري في كل حاجه عايز تقولها
ابتسم عشري بهدوء و هز راسه و كان مقرر انه خلاص لازم يعترفلها بكل حاجه
………….
نعيمه….والله يا حماده باعتلك السلام هو وماما ليك انت وزوز و كان نفسهم يبقوا معانا انهارده
محمد….هو كلمني قبل ما توصلي انتي وقالي انه لو يعرف كان اجل السفر
نعيمه….هو بس عشان كل حاجه جات بسرعه معملش حسابه
محمد….يلا مش مهم خليهم يتبسطوا و ان شاء الله يبقوا معانا في كتب الكتاب
نعيمه….اكيد طبعاً هيبقوا معانا
محمد…..عقبالك يابت لما تلحقي صاحبتك بس قوليلي الواد الحليوه ده العريس
نعيمه….بضحكه جميله ايه رأيك
محمد….زي القمر اوعي تطفشيه مابقيش فقريه
نعيمه….بضحك لا متقلقش مش هطفشه
محمد….بابتسامه ربنا يفرحني بيكم كلكم و يسعدكم
نعيمه…..ويخليك لينا يا حماده انت و زوزو و يديكم الصحه.
………….
ايه بصت بصدمه علي سلامه اللي مسك كفها بهدوء من غير ما خد ياخد باله
ايه….بتعمل ايه يا مجنون
سلامه….بضحك ايه و حشتيني
ايه….بقولك ايه اتلم و خليك عاقل بابا و تامر عينهم راحه جايه زي الرادار والله لو شافونا هقولهم هو اللي مسك ايدي
سلامه….بضحك ايه يابت النداله دي
ايه…..اه امال اعمل ايه ما انت اللي بتمسك ايدي
سلامه….بقولك وحشتيني و بعدين انتي زي القمر انهارده
ايه….بابتسامه انت كمان شكلك حلو اوي
سلامه….بجد
ايه….بجد
سلامه…..علي فكره ابوكي شكله طيب
ايه….ايه ابوكي دي
سلامه….يابت متبقيش فصيله بقي هبوظ وشك القمر ده
ايه….بضحك جرب كده و شوف هيحصل فيك ايه
سلامه….لا وعلي ايه ما صدقت اتكلمت معاه و شكلوا حبني هو وتامر
ايه…..لا بس يعني اول مره اشوفك عاقل كده و بتتكلم جد عجبتني علي فكره
سلامه….بأبتسامه لا يا شيخه و حد قالك اني مجنون
ايه….لا مش كده بس يعني اول مره اشوف الجانب ده فيك و انت بتتكلم جد كده كان شكلك حلو اوي
سلامه…..بضحكه جميله لا هو في الجد انا ببقي جد اوي بس يمكن معاكي بفصل و بحاول ديماً اكون معاكي بطريقتك انتي بحس انك بنتي اللي بلعب و بضحك وبهزر معاها
ايه….عيله يعني قولها متتكسفش
سلامه….بحب لا مش عيله بس انا اللي بحب اكون عيل معاكي
ايه…..بابتسامه جميله وانا بحبك في اي وضع
سلامه…..بضحكه جميله طيب اسكتي بقي بدل ما اعمل حاجه مجنونه و الاقي ابوكي بيجري ورايا
ايه….بضحك لا خلاص اعقل يا مجنون
…………
الوقت بينهم كان يجنن الشباب و قفوا هما والبنات مع ماريز قعدوا يتكلموا ويهزروا حبوها اوي و هي كمان حبتهم فضلت تتكلم بعفويه و تهزر حسوا انهم يعرفوها من زمان
محمود كمان كان طول الوقت معاهم بيضحك و يهزر هو و تامر و خدوا علي بعض بسرعه كلهم
واخيراً خلص يومهم بكل سعاده كان يوم يشبه الحلم بالنسبه لايمي كانت مبسوطه و طايره من السعاده و كل شويه تبص علي الخاتك في ايدها عشان تتأكد انها مش بتحلم.
انتهي اليوم و الكل مشي و هما كل واحد فيهم متفق علي احداث يوم جديد و تفاصيل اجدد.
اتصل عسال علي نادين قبل الفجر بشويه يطمن عليها قبل ما ينام.
نادين….الوووو
عسال…..اوباااا هو حبيبي نام ولا ايه
نادبن….بضحكه جميله لا انا علي السرير لسه منمتش مستنيه ليله تيجي
عسال….اممم يعني مستنيه ليله تيجي و مش مستنيه تكلميني قبل ما تنامي
نادين….لا اكيد كنت هكلمك بس هو انت بتغير ولا ايه
عسال….اه بغير من اي حد ياخدك مني بس مش مهم بقي ليله بتاعتنا
نادين….ماشي هتنام خلاص
عسال….اه فصلت بس كنت عايز اعرف بكره يومك في ايه
نادين….ولا حاجه نوني و ليله هينزلوا شغلهم بقي و ليله قالتلي هتروح بكره شويه عند اخواتها يعني عشان تفاتحهم في موضوع عشري وتاخد معاد ليه وكده
عسال….اه مانا عرفت
نادين….بس هفضل بقي قاعده مش هروح في مكان و غالباً هنا اصلا هيرجعوا الشقه بتاعتهم بكره انا اتحسنت كتير بس هيبقوا بيجوا و يطمنوا عليا كده يعني متقلقش
عسال…..امممم طيب بعني انتي بكره فاضيه صح ؟
نادين…..اه في حاجه ولا ايه
عسال….امممم يعني ماما كانت عايزه تيجي تزورك هي و ريهام اختي و يطمنوا عليكي و تتعرفوا كده يعني ايه ينفع ولا لا
سكتت نادين شويه وهي مصدومه
نادين….اااا لا طبعاً ينفع بس
عسال….بابتسامه بس ايه؟
نادين….انت هتبقي معاهم صح
عسال….اكيد انا اللي هجيبهم واوصلهم بس هسيبهم معاكي شويه و هبقي ارجع أخدهم
نادين….ايه لا انت هتفضل
عسال….بضحكه جميله ايه مش هنكبر بقي شويه و لا هنفضل زي العيال الصغيره كده
نادين….مش عيال صغيره بس يعني دي اول مره يا ميدو و بصراحه هبقي مكسوفه بجد خليك معايا
عسال…..هقعد معاكم شويه لحد ما التوتر ده يفك و بعدين همشي
نادين….طيب ليه تمشي خليك
عسال….حبيبي انا عايزكم تقعدوا و تتعرفوا علي بعض براحتكم عايزك تسألي في اي حاجه تحبيها و عايزك زي ما وعدتك و احنا في دهب تتكلمي في كل حاجه و تشوفي رد الفعل بنفسك من الاخر كده يا تويتي عايز كل حاجه بكره تخلص في القاعده دي عشان بعدها هتاخدي معاد من خالك و تشوفي هتعملي ايه مهدع ماما و بابا اتفقنا يا عمري
نادين…..حاضر بس ممكن اطلب منك طلب
عسال….اكيد
نادين…..يعني متتأخرش
عسال….بحضكه جميله حاضر يا عمري مش هتأخر بس انا واثق ام انتي هتكونب مبسوطه و اوعدك اني مش همشي غير لما احس انك مش متوتىه او مكسوفه وخدي بالك ريهام هتفكك لوحدها دي نسخة سلتمه وايه
نادبن….بابتسامه ماشي يا سيدي طيب هما هيجوا امته
عسال…..الوقت اللي يريحك
نادين….لا عادي اي وقت بس تعرفني وانت ماشي من عندك
عسال….طيب علي خمسه سته كده تمام
نادين….اه تمام انت عارف انا بصحي بدري لو عايز بدري عن كده اوك
عسال….خلاص انا هظبط معاهم ولما اصحي بكره هقولك هنيجي امته
نادين….ماشي يا ميدو
عسال….توتيتي
نادين….بابتسامه نعم
عسال…..انا بحبك اوي
نادين….بتهنيده كلها راحه وانا بحبك اوي
عسال…..يلا يا حبيبي هسيبك بقي و اروح انام ممكن لما ليله تيجي تنامي علي طول و تريحي
نادين…..حاضر تصبح علي خير
عسال…..وانتي من اهل الخير يا عمري
…………….
في غرفة سلمي راحت قفلت النور و بعدين رتحت علي سريرها فضلت تقلب في الموبايل و تتفرج علي الصور و هي مبتسمه
شويه و اتصل عليها حسان.
سلمي…الووو
حسان…..ايه يا حبيبي اتأخرت عليكي
سلمي…لا خالص قولي هنا نامت
حسان….اه انا طالع بيها اصلا وهي نايمه
سلمي…..تعبت انهارده
حسان….هي مش بتسهر الوقت ده كلوا و بعدين طول الوقت رقص ولعب و تنطيط فصلت علي الاخر
سلمي…..بأبتسامه حسان انت عندك بنوته تجنن بجد
حسان….بابتسامه حبتيها
سلمي….اوي يا حسان تجنن بجد ربنا يحميها كنت خايفه يعني متاخدش عليا بسرعه بس طلعت اجتماعيه
حسان…علي فكره هنا مش أجتماعيه للدرجه يعني مش بتعرف تتعود علي الناس بسرعه الا لو حبتهم بجد و انا مبسوط اوي انها اتعودت عليكي و حبيتك انتي و ايه وتامر و كمان بابا ده اللي كان مفجأه بصراحه بالنسبالي
سلمي…..بابا بيحب الاطفال جداً و خصوصاً البنات نقطه ضعفه و هنا جميله تخلي اي حد يحبها كفايه ضحكتها اللي كل ما افتكرها اضحك
حسان…..انتي عرفتي من بابا اني جاي بكره صح
سلمي….اه قالي انكم اتفقتوا من ورايا يعني
حسان….بأبتسامه لا مش من وراكي ولا حاجه انتي بس لما خدتي هنا للتويلت اتكلمنا واتفقنا
سلمي….طيب هتيجي امته
حسان….يعني علي سبعه كده ثمانيه انتي عندك شغل ولا ايه
سلمي….لا انا انهارده و بكره اجازه
حسان…..طيب كويس اوي
سلمي….اوعي تخلي هنا تمشي
حسان…..لا هجيبها معاكي و ربنا يستر و تفضل هاديه خصوصا لما تشوف الكلاب
سلمي…..بابتسامه ايه بتحبهم و لا بتخاف منهم
حسان….لا بتخاف ايه دي بتلعب مع الكلب بتاع عسال علي طول و بتتصزر معاه
سلمي…طيب كويس اطلع منها انت بقي و انا و هي هنتعامل
حسان…..ماشي يا ستي هطلع منها علي فكره شكلك كان حلو اوي انهارده
سلمي…..انت كمان كنت حلو اوي و بجد انهارده اليوم كان جميل و اتبسطت عشان ايمي و رشيد
حسان…..انا كمان ربنا يسعدهم يارب ويكملهم علي خير
سلمي….بأبتسامه عقبال كده ما تفرح ببنوتك
حسان….بضحكه جميله افرح الاول ببنوتي الكبيره و بعدين افرح ببنوتي الصغيره
سلمي…..بضحكة كسوف اللي تشوفوا بقولك ايه هو انت مش هتنام بقي
حسان….انا علي السرير اصلا مش هتنامي انتي
سلمي….انا كمان علي السرير
حسان…..طيب يلا يا حبيبي ننام و انا لو صحبت قبلك هكلمك بس لو انتي صحيتي و لاقيتني لسه مصحتش كلميني
سلمي…..تمام يا حبيبي يلا تصبح علي خير
حسان…..وانتي من اهل الخير
……………..
في صباح يوم جديد مليان تفاؤول
و سعاده جزء من الشباب نزل علي شغلوا و جزء تاني كانوا بيستعدوا لخطوه جديده في حياتهم.
رشيد راح خد ايمي و ماريز و امنيه اختها يفرجهم علي البيت
سلمي كانت بتستعد لاستقبال حسان و بنته
ليله كانت في طريقها لاخواتها عشان تقضي معاهم اليوم و تفاتحهم في موضوع عشري.
و عشري قبل ما ينزل علي الكافيه فطر مع امه و ابوه و اخواته و اتكلم في موضوع ليله معاهم كلام نهائي عشان يستعدوا في اي وقت يروحوا يقابلوا اهلها.
اما نادين فا الوضع عندها كان مختلف مبسوطه متوتره خايفه من رد فعل حنان لما تعرف فرق السن بينهم و لما تعرف ظروفها بس كان من جواها في شعور حلو راحه و اطمئنان.
و نفس الوضع كان عند عسال متحمس جداً للمقابله دي و عايز يخلص عشان يبدأ خطوه جد
اما عند نعيمه وفضل كان وضعهم مختلف يمكن لسه مش بيجهزوا لاول خطوه لكن كانوا مستعدين جداً
و فضل قرر انه يعمل حاجه مختلفه و يفرح نعيمه من غير ما يقولها اول حاجه انكلم مع امه و اهلوا اللي كانوا مبسوطين و معندهمش اي مانع بالعكس كانوا مستنين يفرحوا بيه و ياخد الخطوه اخيراً
اما عند ايه و سلامه كالعاده علاقتهم بتطور لكن الجنان والضحك و الطاقه اللي في علاقتهم ديماً طاغيه عليهم.
علي الساعه ثلاثه اتفاجئت ايه بسلامه داخل عليها المحل.
سلامه…..سلام عليييييكم
ايه…..بضحك ايه ده هما بيطلعوا امته حد يخض حد كده.
سلامه…..اتنيلي وانتي تطولي خضه واحده مني
ايه….لا يا سيدي مطولش ايه اللي جابك مش هعرف اشتغل منك و كل شويه هتنطلي هنا
سلامه….رفع حاجبه امضي يعني
ضحكت ايه و بصت علي ايده لقت معاه كابتشينو و كرواسون
ايه….لا استني انت معاك حجات حلوه
سلامه….اه يا طفسه عشان اللي في ايدي يعني استني
ايه….امال عشان سواد عيونك فين بتاعي
سلامه….مين قال اني جايبلك اصلا
ايه…..امال جايب لمين دول اتنين
سلامه….اه اصل انا نسيت اقولك ساب الحاجه من ايده و مسك الشنطه اللي كانت متعلقه علي ايده و طلع منها اسكيت اصل انا بقي قولت انتي نستيني فا روحت انا اتصرفت وجيبت اسكيت مقاسي وعلي فكره سألت و عرفت ان ده احلي نوع
ايه…..بضحك يا مجنون انت جيبته بجد
سلامه….اه جيبته عشان في واحده كده قالتلب هجيبلك و طنشت
ايه…..تصدق بالله انا نسيت او بمعني اصح كنت فكراك بتهزر
سلامه….لعب عيال هو اكيد مش بهزر انا عايز اجرب والله
ايه….طيب ده ماله بقي و مال اللي في ايدك جايب واحده ليك و واحده للاسكيت
سلامه…..بنهزر احنا صح
أيه….بضحك طيب اقولك ايه
سلامه…..انا يعني قولت اشرب واحده الوقت واكل واحدة كرواسون و بعدين تعلميني شويه و لما اجوع او اعطش ابقي اكل واشرب التانين
ايه….بضحك هو انت رايح حضانه وجايب اكلك معاك ولا طالع رحله في ليلتك السوده دي
سلامه….بضحك ده انا كنت بفكر اجيب لانش بوكس و زمزميه
ايه…..مش بقولك طالع رحله
سلامه….بضحك لا ياستي بهزر ده ليا انا وانتي
ايه…..طيب هات يلا انا مكلتش والله
سلامه….شوفتي حسيت بيكي ازاي عشان تعرفي انك ملكيش غيري
ايه….اهو يذلني عشان عشان واحده كرواسون و كوبايه كابتشينو
سلامه….لا واذلك ليه بالف هنا بس اخلصي و علميني يلا
ايه…..انت جربته
سلامه…..لا انتي غبيه مش بعرف بقولك امال انا جايلك ليه
أيه….اقصد قيسته يعني اتأكدت انه مقاسك
سلامه…..لا هو الراجل قالي ان ده مقاسي اصلا انا لسه شايف شكله الوقت
ايه…..لسه شايف شكله الوقت طيب ربنا يستر
سلامه….طيب نوعه حلو
ايه…..اه حلو اوي
سلامه….بس مش زي بتاعك الاسم مختلف
ايه……هو اي تقليد وخلاص النوع ده كمان حلو اسكت بقي و بطل رغي خليني اكل
سلامه…..طيب كلي انا ماسكك
ايه….صحيح انت هتتعلم فين
سلامه….هنا
ايه….هنا فبن في المحل ؟
سلامه….اه لا ماهو انا مستحيل اخرج الشارع زي العبيط كده واقع
ايه….بضحك بس مش هتعرف تلعب بيه هنا
سلامه….ايش فهمك انتي المحل طويل وحلو
ايه….بضحك والله انت مجنون
سلامه….صحيح معندكيش زباين يعني ايه الكلاب و القطط بطلوا يتعاملوا معاكي
ايه….بضحك لا متقلقش بس انهارده بيبقي يوم مختلف
سلامه….مختلف ازاي
ايه…..يعني انهارده مفيش لا حلاقه ولا حموم انهارده استقبال بس
سلامه…..استقبال انتي دكتوره بيطريه ولا ايه
ايه….بضحك هو انت في مستشفي
سلامه….ما انتي اللي بتقولي استقبال
ايه…..وده مفهومك عن الاستقبال خلاص يا سيدي استضافه حلو كده يعني صحاب الكلاب بيجيبوهم يفضلوا عندي لوقت معين فهمت
سلامه…..اااااه يعني بيبي سيتر للكلاب
ايه….بضحك والله هفتح راسك
سلامه….بضحك لا خلاص خلاص
ايه…..يلا كل خليني اخلص منك قبل ما حد يجي
سلامه…..ماشي
……….
نادين…..اخبارك ايه يا خالو
جمال….الحمد لهه يا نودي انتي عامله ايه يا حبيبتي
نادين….بخير الحمد لله تيته عامله ايه و كلكم اخبارك ايه
جمال….زي الفل و حشاني يا نادبن بقالب كتير مسوفتكيش و كل مره بتيجي تشوفي امي مش ببقي موجود
نادين….والله انت كمان يا خالو واحشني و المشكله ان الوقت اللي باجي فيه ببقي سارقه وقت سريع من الشغل و بيبقي في نفس توقيت شغلك بس اكيد هجيلكم يوم متأخر شويه عشان اعرف اقعد معاك
جمال…..تيجي اي وقت تنوري بيتك يا حبيبتي
نادين….حبيبي يا خالو اااا بص هو انا كنت عيزاك في موضوع كده
جمال….خير قولي
نادين…..أبتسمت بتوتر وخدت نفس بصراحه في عريس متقدملي و عايز يقابلك
جمال….بسعاده الله اكبر ايه الاخبار الحلوه دي علي الصبح طيب قوليلي حصل أمته وازاي
نادين…..ااا يعني سافرت انا والبنات من فتره مش طويله في دهب و اتقبالنا هناك بالصدفه كان في نفس اليوم اللي حصل فيه قلبان الجو ده بس و اتعرفنا ولما رجعنا اتعرفنا اكتر و هو عايز يتقدملي و يقابلك عرف ظروفي كلها و انا كمان عرفت كل حاجه عنه
جمال….طيب قوليلي اسمه ايه
نادين….ميدو اااا اقصد عسال لا استني هو محمد
جمال…..بضحك لا استني انتي هو بيزور بطايق ولا ايه عنده ميت اسم
نادين….بضحك و توتر لا مش كده بص هو اسمه محمد عسال بس الكل بيناديلوا عسال و كمان بينادوا بميدو بس
جمال…طيب و بيشتغل ايه استاذ ميدو و منين و ايه ظروفه بالظبط وحالته الاجتماعيه عنده كام سنه يعني شوبه تفاصيل كده
نادين…..هو بيشتغل مع صحابه و ابن خالته عندهم معرض سيارات و ليهم فرع تاني بيجهز خلاص و افتتاحه هيبقي قريب و مشارك كمان في كافيه كبير و يعني هو بيشتغل حجات كتير
جمال…..كويس بتاع شغل زيك يعني
نادين….بابتسامه تقدر تقول كده
بالنسبه لحالته الاجتماعيه هو عاذب عادي يعني و ساكن في مدينه نصر و اااااا احمم هو عنده ثلاثين سنه ياخالو يعني انا اكبر منه باربع سنين و شهور
جمال….مش عيب المهم انه راجل
و محترم و واخد الموضوع جد مش بيتسلي
نادين….لما تشوفوا يا خالو هتتأكد بنفسك و هتعرفوا اكتر وانت اللي هتحكم عليه بنفسك
جمال…..طيب وانتي شايفاه ازاي
نادين….راجل ياخلو مسؤول قد كلمته محترم جداً و فوق ما تتخيل كمان كل حاجه فيه مميزه مش حابه اقول في اشعار بس انت هتشوف بنفسك يمكن الفتره اللي عرفتوا فيها مش كبيره بس قدرت اعرف كويس انه حد مفيش زيه
جمال….بأبتسامه ده واضح ان القلب دق بجد بقي
نادين….بإحراج اااا احمم يعني اللب انت شايفه
جمال….طيب بقولك ايه هي شكلها متسهله و اشاره من عند ربنا
نادين….مش فاهمه
جمال…..انا في طريقي لمكان قريب من مدينة نصر عرفيني اسمه بالظبط وعنوانه و هسأل عليه وانا في طريقي و لو رأي الناس فيه زي رأيك يبقي علي خيرة الله هقولك علي معاد اقابلوا فيه و نشوف هنعمل ايه
نادين…ايوه بس هتسأل عليه ازاي اقصد هتقول ايه يعني انا مش عايزه الموضوع يبقي في قلة ثقه
جمال….ليه قلة ثقه ده حقك و حق اهلك يطمنوا عليكي و بعدين لو هو واثق في نفسه هيزعل ليه و التهم من كده اكيد يعني انا ليا طريقه انتي مش بتقولي عنده اكتر من شغل هسأل في النقطه دي لو سمعته سبقاه في الشغل يبقي اكيد هو راجل محترم ما اصل الراجل لو ملتزم وناجح في شغلوا يبقي ملتزم في حياته
نادين….بأبتسامه طيب تمام طيب انا كنت عايزه اسألك سؤال كمان
جمال….اسألي
نادين….يعني لو الموضوع تمام و انت اطمنت و اتفقتوا هو عايز يتجوز علي طول يعني هو شايف انه جاهز وانا لوحدي فا مش حابب ان يبقي في خطوبه و فتره طويله
جمال….بابتسامه كويس يعني راجل اهو مش عابز خطوبه و تسليه و لا بيستغل وحدتك و دي بدايه حلوه
نادين….اكيد بس مش ده اللي اقصدوا
جمال….امال ايه؟
نادين….عايزه رأيك يا خالو ماما و بابا اعمل معاهم ايه تفتكر لو قولتلهم ممكن ينزلوا يعني ممكن يبقوا معايا في فرحي ولو مقولتش تفتكر هيزعلوا ولا مش هفرق معاهم
جمال…..بنبرة حزن قوليلهم يا نادين قوليلهم يا حبيبتي مهما كان دول امك وابوكي والله نزلوا و حبوا يبقوا معاكي في ليلة عمرك يبقي حلو اتحججوا يبقي متزعليش وافرحي و انتي من البدايه عارفه كويس ان حججهم كتير
نادين….طيب افرض قالوا ان الوقت مش مناسب و حبوا يأجلوا
جمال….بصي يا نادين انا هسأل علي الشاب ده ولو بجد محترم و هيصونك انا هوافق علي اي وقت يحدده و مش هأجل و هبقي مستعجل كمان اكتر منه والله بقي هما عجبهم المعاد و حابين يكونوا معاكي اهلا وسهلا مش حابين براحتهم
نادين…طيب افرض معندهمش مانع بس الوقت فعلا مش مناسب
جمال….بصي يا نادين انتي عارفه ان ابوكي و امك اتحولوا من اتنين بيحبوا بعض لاتنين يتمنوا الشر لبعض و بالذات امك و مش بعيد تحط شرط ان ابوكي ميبقاش معاكي عشان تيجي و مش بعيد هي و هو يتحججوا بالوقت عشان مش فاضيين كالعاده و تروحي انتي مأجله عشانهم يجي الوقت يقولوا بردوا مش مناسبهم وقتها هتبقي بتضيعي وقتك مع اتنين ميستاهلوش يابنتي
نادين….بتنهيده طيب افرض فعلاً ماما شرطت عليا شرط زي ده وقالتلي ان لو بابا موجود مش هتيجي اعمل ايه
جمال….دي بنت كلب و مستبعدش ابداً انها تعمل كده و تخيرك بينها و بين ابوكي و انتي عارفه كويس انها بتكره ابوكي و للاسف اللي عملوا ابوكي معاها خلي قلبها بقي قاسي وحجر مستعده ديماً انها تخيرك و عمرها ما قالت بنتي ملهاش ذنب و مهما يحصل انا امها وهو ابوها و بعدين اذا كان قلبها حجر عليا انا و امها و مش بتسأل خالص علي امها اللي تعبانه يعني توقعي منها اي حاجه ولو حصل يا نادين و حسيتي ان ابوكي مستعد يوصل و هي مستعده تخيرك اختاري ابوكي يا نادين وانا اللي بقولك هي مش اختي بس ابوكي وقفته جنبك في يوم زي ده احسن بكتير من وقفت امك و من الاخر يا بنتي لو الاتنين هيفضلوا يعاندوا في بعض يتللككوا و يأجلوا و يتشرطوا عليكي افرحي من غيرهم مش هتفرق انتي كده كده طول عمرك من غيرهم طول عمرك وانتي صغيره الناس كلها كانت مفكره ان انا ابوكي يعني فرحتك مش واقفه عليهم افرحي يا نادين اعملي حياه و اسره و بيت انتي كبرتي بطولك من غيرهم و بيتهيألي بعد ما وصلتي لسنك ده مش مستنيه يكونوا جنبك فهماني يا نادين انا جنبك و اللي بيحبوكي هيبقوا جنبك
نادين…بابتسامه حزن ربنا يخليك ليا خالو عموماً انا هعمل اللي عليا وهقولهم و لو حصل اللي انت وانا متوقعينوا يبقي حدد معاه علي طول يا خالو و كفايه ان انت معايا
جمال…..و انا مش هسيبك يا حبيبتي انتي بنتي يا نادين مش بنت اختي انتي خساره فيها وفي ابوكي افرحي يا حبيبتي و مبروك مقدماً
نادين….الله يبارك فيك
جمال….يلا ابعتي عنوانه واسمه و بليل هكلمك واقولك عملت ايه ولو خير يبقي اديلوا رقمي و نحدد معاد مع بعض
نادين….بابتسامه ماشي يا حبيبي يلا هبعتلك علي طول الوقت
جمال….يلا مستني مع السلامه
نادين….سلام.
قفلت معاه نادين و بعتت لخالها و سابت الموبايل و فضلت تفكر في كلامه.
وللحديث بقيه
……………..
