لقاء كارثي
لقاء كارثي 42/43/44
لقاء كارثي
أميره أسامه
صاحبة البطل الواحد
~° البارت الثاني و الاربعون°~
……………….
قبل كام ساعه علي الساعه تسعه
اتصل سلامه علي أيه يطمن عليها.
سلامه…..الو
ايه….وهي بتنهج الو
سلامه….ابده في ايه انتي حد بيجري وراكي ولا ايه
ايه……يعني ايه بيجري ورايا
سلامه…..مالك بتنهجي كده ليه؟
ايه…..كنت بنضف المكان
سلامه…..بنفسك ده قولي كنت قالبه المكان
ايه….هنهزر و بعدين بقولك ايه الاسكيت بتاعك ده عاملي زحمه في المكان هتفضل سايبه كده
سلامه…..بقي الاسكيت بتاعي انا اللي زاحم المكان يا جزمه
ايه….اه خايلني راحه جايه لقياه في وشي
سلامه….يابت سايبلك حاجه من ريحتي وعلي فكره بقي انتي اللي قولتيلي خليه
ايه….يبقي تدفع
سلامه……ادفع ايه
ايه….تدفع ارضيه حق انتفاع في المحل
سلامه….بضحك ليه وانا مأجر المكان ده مرمي في ركن في المحل
ايه….سلامه
سلامه….بضحك خير
ايه…قول حاضر
سلامه…بس كده حاضر عايزه كام ايجار للاسكيت اللي واخد ثلاثه سم في المحل
ايه….ااااا مش كتير ثلاث الاف جنيه كل شهر
سلامه…..ده هو بثلاث الاف بقولك ايه ارميه مش عايزه
ايه….بس هو ده اللي انا عيزاه بما انك مستغني عنه هروح ابيعه
سلامه…..ماديه حقيره
ايه….بضحك الله اي مصلحه
سلامه…..هي الحاله بقت كرب ولا ايه طب تعالي دوغري و عرفيني و انا أسلفك
ايه…..تسلفني بدل ما تقولي كلي ملكك
سلامه….انتي صح انا كلي ملكك يا ستي وفلوسي كلها تحت امرك
ايه…..ليه ان شاء الله هتصرف عليا
سلامه….بضحك انا كنت عارف والله قولت كده مش هيعجب قولت كده مش هيعجب
ايه….قصدك اني مجنونه
سلامه….لا العفو انتي ست العاقلين بس هما شوية هرمونات كده مقصره عليكي
ايه…..بضحك ايه هرمونات دي خليك مؤدب
سلامه….بضحك طب والله ما اقصد انتي اللي مخك متركب شمال قوليلي بقي انتي ايه اللي مقعدك لحد الوقت
ايه…..مش بقولك كنت بنضف المكان
سلامه….طب اخلصي الساعه داخله علي تسعه ونص
ايه…..فين مشكلتك انت
سلامه….مشكلتي ان أحنا في شتاء و الجو هادي يلا اخلصي
ايه….مش هخلص و هقعد لحد الفجر
سلامه….وماله ما دي غلطتي سايبلك السايب في السايب
ايه….بضحك مش عاجبك طلقني
سلامه….مش لما اتجوزك الاول
ايه….نهارك اسود يعني عندك نيه للطلاق اهي ظهرت حقيقتك ما انا بردوا قولت مستحيل الاقي راجل عدل علي طول
سلامه….بضحك انا قولت دي هرمونات والله بقولك ايه اخلصي يلا و روحي بدل ما اجي اجيبك من شعري
ايه……تجيب مين من شعرها
سلامه….انتي يا اوزعه
ايه….طل جرب عشان اديك رجل تحت الحزام اجيب اجلك
سلامه….بضحك و تضيعي مستقبلي
ايه….اه مش عايز تجيبني من شعري
سلامه…..بس كده انتي اللي هتضري
ايه….واتضر ليه ان شاء الله الضربه هتوجعني ولا هتوجعك
سلامه…..ياريتها تيجي علي الوجع بس هبقي اختك معاكي في البيت
ايه….بضحك عشان تتربي و يبقي درس ليك
سلامه….ماهو هيبقي درس ليا بس لا هتجيبي عيال و لا اي حاجه
ايه….بضحكه شر ساعتها بقي انا اللي هخلعك واروح اتجوز واحد قمر
سلامه….بضحك اه يا واطيه اخلصي يابت يلا وروحي
ايه….مش مروحه تعالي جرجرني من شعري وروحني علي البيت لو مش عاجبك و بعدين نفسي اشوفلك طالعه كده حمشه بدل جو الادب الانت فيه ده
سلامه…..بضحك نهارك اسود انتي طلعتي منهم
ايه….هما مين؟
سلامه…..اللي بيحبوا العنف
ايه…..بضحك انا مازوخيه في حاجه بقي
سلامه….بردوا بحبك
ايه…..وانا كمان يا رخم انت فين
سلامه……كنت في المعرض و راجع
هجيب بس حجات لحنون و هروح
ايه…..هتجيب ايه
سلامه…..انتي يا بت بقيتي حشريه كده ليه
ايه….لا بقولك ايه احترمني انا بقيت خطيبتك رسمي اعترف هتجيب ايه
سلامه…..والله شويه طلبات للبيت
ايه……هتروح تتسوق يا قمر
سلامه…..بت احترمي نفسك
ايه….بضحك الله مش بتقول هتجيب طلبات و اخلص بطل رغي هتجيب ايه
سلامه….والله حجات ناقصه لبن و جبن و دقيق و زبادي و سكر بودر و بيض و شويه فاكه خضار كده يعني
ايه….بضحك هتعملوا كيك ولا ايه
سلامه….بضحك ظررررريفه
ايه….الله ما هي دي مقادير الكيك بقولك ايه تصدق اني هروح اعمل كيك فتحت نفسي
سلامه….اتوكسي انتي بتعرفي تعملي حاجه
ايه….طب والله بعرف و عليا صنيه كيك
سلامه….بضحك متتاكلش
ايه….بضحك احياناً
سلامه….انا قولت بردوا
ايه….لا والله بهزر بعرف اعمل كيك حلو سلمي علمتني حجات كتير
سلامه….يعني هتأكليني بعد الجواز و لا هتجوعيني
ايه….سمعت عن عود الخيزوران الناشف اهو ده انت بعد الجواز
سلامه….بضحك لا وعلي ايه اروح اكل عند امي
ايه….طيب يا ابني ابقي خدني معاك الهي يسترك
سلامه….بضحك ماشي يا حاجه انجزي وبطلي تضيعي في الوقت و قومي روحي
ايه…..انت عليك عفريت اسمه قومي روحي ما خلااااااص مروحه
سلامه…..نهارك اسود انتي بتزعقي؟
ايه…..مالك متفاجئ ليه اه بزعق في حاجه ؟
سلامه….الله يسامحك
ايه……بضحك اللي يسمعك و انت فاتح صدرك الوقت ميصدقش الله يسامحك دي
سلامه….طب اقولك ايه كلك علي بعضك قد العروسه اللعبه لو مسكتك هكسرك
ايه….متقدرررررش
سلامه…..بضحك يا بت متبقيش مستفزه
ايه…..بابتسامه خلاص والله قايمه اهو
سلامه…..طيب اسمعي غيرتي و لا لا
ايه….هدخل اغير
سلامه….طيب روحي و انا معاكي كده اقفلي عليكي من جوه و خليني معاكي لحد ما تغيري
ايه…..واخليك معايا ليه ان شاء الله
سلامه…احسن تدوخي ولا تقعي و لا يجيلك سكته نرتاح من لسانك
ايه…..بضحك خزان رومانسيه
سلامه….بضحك اخلصي يلا
طيب استني
راحت قفلت و بعدين دخلت علي جوه
ايه…..بقولك ايه انا هرزعك علي التربيزه هنا لحد ما اغير
سلامه….ترزعيني اشوفك بس و هرزعك انا علقه علي طولة لسانك دي
ايه….ماشي هفتح الاسبيكر لو عايز تتكلم اتكلم بس متحلمش اني افتح الكاميرا
سلامه……بضحك اتنيلي هشوف ايه ده انتي شبه عود الكبريت
ايه…..بضحك شهقت حبيبييييييي انا مانيكان
سلامه….اه ماهو اللي بيتزنق فيكم لا بيطلع مانيكان لا بيطلع عود فرنساوي
ايه….عاجبك ولا لا
سلامه….عاجبني يا ستي اتدبست خلاص اعمل ايه
ايه….يبقي تسمعنا سكاتك
خد نفس من السيجاره و هو بيضحك
سلامه….بقولك ايه ما تفتحي الكاميرا
ايه…..بضحك اه يا سااااافل انا كنت عارفه نيتك من الاول اهبط بقي لبست خلاص
سلامه….لحقتي
ايه….اه لحقت عادي
سلامه….صح ما انتي بنطلونك قد العقله و السويت شيرت قد العقله طبيعي تلبسي بسرعه
ايه……بضحك معاك عقلة الاصبع بقولك ايه اتلم انا أطول من ايمي و اطول من سلمي
سلامه…..طب ايمي ماشي لكن سلمي لا سلمي طويله
ايه…..طب والله طول بعض يعني بينا حاجه مش باينه
سلامه…..يبقي متقوليش اطول منها و بعدين ايمي متتقارنش بحد دي اوزعه
ايه…..طب والله لا هقولها
سلامه…..ما بلاش دي مش طايقه نفسها
ايه….ليه مالها
سلامه….طالع عينها هي و رشيد ده صوته يا عيني خلصان روحتله الصبح و قفت معاه شويه و بعدين مشيت عشان الشغل
ايه……ما هما يا عيني خلاص بدأ العد التنازلي يعني بكره كتب كتاب نادين و ميدو بعدها هيبقوا بيجروا حوالين نفسهم بس هي قالتلي ان اخر حاجه في الفرش هتوصل انهارده
سلامه…..اه كله وصل خلاص و اتحط مكانه حسان بيقولي البيت ظهر و بقي يجنن
ايه….يالهوي بموت فيهم الاتنين ربنا يسعدهم يارب
سلامه…..يارب رشيد و ايمي غالين عندي و مبسوط عشانهم اوي و الله
ايه…..عقبالك
سلامه……يا شيخه بعد الشر حرام عليكي
ايه…..نهارك اسود
سلامه….بضحك عقبالي يارب انا و القمر بتاعي
ايه…..بعينك
سلامه…..ما كان نهاري اسود يا ام هرمونات ضايعه يلا يابت روحي
ايه…..يلا انا قفلت اصلا وانا معاك و همشي
سلامه…..اسكيت ولا عربيه يا مصيبه
ايه…..لا عربيه الصبح كانت بتمطر و بابا قالي هتتزحلقي
سلامه….احسن كده طب يلا روحي و علي مهلك وانا هجيب الحاجه و لما اروح اكلمك
ايه….طيب اقولك لما اروح ولا استناك لما تتكلم علي طول
سلامه…..لا قوليلي طبعاً
ايه…..ماشي يا سيدي يلا باي
سلامه….باي يا قلبي
……………….
عند ايمي في المطعم.
رشيد….ايوه يا ايمي
ايمي….ايه يا حبيبي وصلت لايه
رشيد….خلاص اخيراً كله زي الفل
ايمي….تامر مشي
رشيد….لسه حالا متحرك عربيته قدامي اهي
ايمي…..خلص
رشيد…بابتسامه خلص و خلص بصراحه تعب اوي انهارده معايا مقعدوش لحظه هما و الشباب و ساعدونا في كل حاجه و ظبطوا الدنيا علي الاخر
ايمي….هو بصراحه تعب معانا من اول يوم والله
رشيد….بس البيت بقي يجنن يا ايمي علي قد ما انا حافظ كل ركن فيه علي قد ما انا حاسس انه غريب عليا
ايمي…..بابتسامه اكيد غريب لانه اتغير و كمان الفرش غيره اوي
رشيد….ولا الجنينه بره تموت بجد مستني اليوم اللي نتجمع فيه انا و انتي و الشباب بقي عامل زي الكافيه بالظبط
ايمي…..اهي الجنينه دي اكتر حاجه متحمسه اشوفها
رشيد….هتعحبك اوي مش انتي اللي اختارتي كل حاجه فيها بس صدقيني هتتفاجئي التربيزات والكراسي و الكراسي العاليه اللي حوالين البار بره و الاماكن بتاعت التصوير و النافوره كل حاجه علي الطبيعه مختلفه تماماً
ايمي…..طب ايه يا رخم ما تخليك جدع بقي و خليني اشوفها
رشيد….بابتسامه بعينك يوم السبت وعليكي خير عايزين بس بكره ننزل نجيب كوبايات و كاسات و الشيش الجديده و حجات كتير كده للبار بره
ايمي…..ما كل ده جبناه يا رشيد في موبايات وكاسات كتير
رشيد….يا حبيبي دي حاجه البيت جوه انا بتكلم علي بره
ايمي…..طيب ما ناخد منهم عادي
رشيد…طب وليه ما نخلي كل حاجه مكانها و بعدين كده كده هنجيب الشيش و لزوم الكافيه اللي انتي فتحتيه ده
ايمي…استني صحيح بكره ايه انت ناسي ان بكره كتب كتاب ميدو و نادين
رشيد….اوباااااا نسيت والله صح ده بكره الثلاثاء
ايمي…..صباح الفل يا قلبي
رشيد….طيب خلاص مش مهم نروح الاربع بأمر الله نجيب كل حاجه و هننزل كمان الخميس
ايمي…اشمعني تاني هو انت مش بتتعب انا الاربع اصلا كنت عايزه اجيب حجات تاني نقصاني بس لو هنزل معاك يبقي هأجل وانزل الخميس عشان كده مش هريح غير الجمعه و خد بالك البنات عايزين يعملوا عندي في البيت حنه يعني قاعده بناتي كده
رشيد….اه ما حسان قالي كان بيكلم سلمي طيب خلاص انتي كده كده الجمعه مش هتعملي فيه اي حاجه خلينا ننزل نجيب الحاجه الاربع و كمان لو حابه تجيبي حاجه جيبيها
لان الخميس البنات هيروحوا يظبطولك اللبس مع زوزو و امنيه
ايمي….يعني الكل هيروح الخميس وافضل لوحدي
رشيد….لا انا هبقي معاكي مش بقولك لازم ننزل
ايمي…..ليه لازم مش هنجيب كل حاجه الاربع
رشيد… ايوه بس الخميس هنعمل انا وانتي شوبينج كده و نجيب فيه حاجه المطبخ كلها
ايمي….ايه حاجه المطبخ دي
رشيد….بضحك هنتجوز من غير اكل و شرب يا مسطوله هنجيب كل حاجه بقي للمطبخ و الخزين بتاعك و كمان للبار بره في الجنينه هنملأ التلاجه اللي بره كمان
ايمي…..بابتسامه اه صح انا ناسيه خالص
رشيد….انا بقي مش ناسي و عامل حسابي لكل حاجه طالب بس منك طلب بسيط
ايمي…..خير
رشيد…لما تروحي انهارده و انتي قاعده كده علي السرير امسكي ورقه وقلم و اكتبي فيه كل حاجه هنحتاجها متنسيش اي حاجه
ايمي…ماشي اتفقنا اروح اخد شاور و اعمل كوبايه قهوه حلوه كده و هكتب كل حاجه وانت كمان لو افتكرت حاجه او لو عايز حاجه معينه عرفني
رشيد…انتي عارفه موضوع الاكل و الشرب ده مش بركز فيه انا باكل كل حاجه انتي ظبطي و اكتبي بس
ايمي…..تمام يا قلبي
رشيد….اه افتكرت احنا الحجات اللي بتبوظ بسرعه دي مش هنجيب منها كتير عشان متنسيش اننا هنسافر ثالث يوم جوازنا
ايمي…طيب تمام متقلقش هنجيب حجات تكفي بس الكام يوم دول باقي الحاجه مش هتبوظ احنا هنقعد قد ايه صحيح
رشيد…..اربع ايام او خمسه باين
ايمي…..ماشي مش اكتر من كده عشان نشوف اللي ورانا
رشيد….بضحك ايه و حشك الشغل من قبل ما نسافر بدل ما تقولي نقعد شهر عسل
ايمي….بابتسامه لا ما احنا هنرجع نكمل شهر العسل في بيتنا براحتنا
رشيد….ماشي يا ستي انتي هتروحي امته
ايمي….علي 11 كده و يبقي الشباب يقفلوا بقي و انت
رشيد…..انا لسه قدامي ساعه كمان
ايمي….مش بتقول مشيوا هتعمل ايه تاني
رشيد…..مستني في شاب كده جاي ياخد الكراتين والاكياس و كل الحجات دي عشان ميبقاش في كركبه و كمان هلف لفه حلوه علي البيت اشوف في حاجه ناقصه في حاجه محتاجه تظبيط كده يعني انا كمان كنت جايب معايا الصبح شنطتين فيهم هدوم و حجات ليا كنت عايز احطهم في الدولاب بس مش قادر
ايمي….خليهم لما البنات يروحوا يرصوا كل حاجه
رشيد…..بضحك اسيبلهم بوكسراتي يعني
ايمي….بضحك طب خلاص حط حاجتك الداخليه بس و سيب الباقي و بعدين انت لسه محتاج هدوم علي فكره
رشيد…..اه ممكن بكره انزل كده اخد لفه قبل معادنا بليل اجيب شويه حجات و هوديهم علي البيت علي طول
ايمي…..ماشي تمام بقولك ايه متعرفش البطلجي و فضل عملوا ايه انا مرضتش اكلم البنات قولت اسيبهم براحتهم
رشيد….اخر مره كلمت عشري مكانوش وصلوا والله وبعدين اتلخمت مع تامر و الشباب و هو متكلمش و فضل كمان متكلمش قولت اسيبهم بقي
ايمي…..طيب تمام هما لما يروحوا اكيد هيطمنونا
رشيد….متقلقيش خير ان شاء الله علي الله ليله يعجبها البيت عشان تحصلنا هب والبلطجي بسرعه
ايمي…..يارب يا حبيبي
رشيد.. يلا يا عمري خلصي اللي وراكي بقي وانتي ماشيه كلميني
ايمي….اوك و انت متطولش صوتك تعبان اوي
رشيد…حاضر يا قلبي مش هطول يلا باي يا حبيبي.
ايمي….باي يا حبيبي
……………………
عند ليله بعد ما وقفت اتكلمت و هزرت شويه معاه هو و امينه دخلت تعرفهم انهم يجهزوا عشان يروحوا يتفرجوا علي الشقق.
نجود…..يلا خلبنا نطلع نفرج العرايس علي شققهم
ليله…..يلا يا بنات انتوا كمان معانا عشري قال انكم مشفتوش البيت لحد الوقت
ساره…..بابتسامه لا اطلعي انتي يا عروسه المرادي شوفي شقتك براحتك عشان منبقاش زحمه و المره الجايه نبقي معاكي
ملك….ايوه صح احنا كتير ولو طلعنا كلنا مش هتقدري تتفرجي براحتك
ليله….زحمه ايه بس يلا خلينا نطلع و بعدين هتفرج معاكم عادي
ساره…..اسمعي الكلام اطلعي انتي و محمد و بعدين دي اول مره تطلعي بيتك يعني المفروض تستمتعي باللحظه و احنا مش هنطير يعني
ليله…..بجد هزعل هو مش المفروض مفيش فرق بينا
ساره….اكيد والله انتي خلاص بقيتي اختنا بس هنطلع مره تانيه
اميمه…..تعالوا معاها متزعلوهاش و بعدين انتوا من سن بعض يعني ذوقكم واحد عشان لو حبت تاخد رأيكم
ساره….بابتسامه تاخد رأي عريسها بقي و بعدين هي انهارده طالعه تتفرج المره الجايه لو تحتاجتنا مش هتستنب تطلب اصلا كلنا هنبقي معاها
كارين….بابتسامه و صحكه جميله يلا روح عروسه شوف بيتك
ليله…..بضحك حاضر هروح اشوف بيتي بس المره الجايه مفيش اعذار
ملك….هنطلع معاكي و بعدين بكره تزهقي مننا هنبقي في وشك علي طول
ليله….لا يا ستي مش هزهق منكم ابداً و بجد ميرسي اوي علي الاستقبال الحلو ده و علي اليوم الجميل اتبسطت اوي و حبيتكم اوي و شكراً علي كل حاجه
ساره…..يا حبيبة قلبي ده انتي نورتي انتي والجماعه و بجد كان يوم حلو اوي وان شاء الله الجاي احلي
ملك…..انتوا نورتوا الدنيا و قعدتكم حلوه اوي و الوقت معاكم جري بسرعه و اكيد هتتكرر كتير
ليله….ان شاء الله يا حبايبي
ساره…..ليله هو ممكن ناخد رقمك
ليله….يا خبر طبعاً انا نسيت خالص سجلي يلا ورايا و اديه للبنات كمان
ملك…..بضحك هندخلك معانا جروب السلايف عشان نبقي نتفق عليهم
ليله…..بضحك بس كده دخلوني بسرعه عشان نجننهم
بعد وقت بسيط الكل سلم و خرجت ليله واخواتها و نعيمه و والدتها واختها مع امينه و نجود
كانوا واقفين بره الشباب مع اهلهم.
عشري الاب……نورتونا و الله
اميمه….ده نوركم والله
قمر…..ديماً عامر يارب
سلامه…..طب ايه يلا نطلع علي الشقه البيت الجاي ده بتاعنا
ليله…..طيب مش هتيجوا معانا عشان نعيمه تشوف الشقه معايا
عشري…..لا هيجوا طبعاً
سلامه….طيب معنديش مشكله خلينا نطلع عندنا الاول و بعدين نروح عليكم اصلا انتوا بعدنا
ليله….ماشي
عشري همس لمحمود بهدوء.
عشري…..محمود خد المفتاح و اطلع اعمل اللي جولتلك عليه
محمود….ماشي يا اخوي عدي تعالي معاي
عدي….يلا چاي
راحوا كلهم علي بيت اهل فضل
نجود…..طيب دي شقتنا احنا خلينا ندخل شويه
نجلاء…..خليها مره تانيه
فضل الاب…..وليه تانيه ما احنا فيها
عادل……معلش خليها مره تانيه نجيلكم و نقعد معاكم
نجود….معقول تبقوا هنا و متدخلوش
عادل….ديماً عامر والله يا ست الكل هتتعوض و الله.
فضل…..يلا اركبوا انتوا الاسانسير و احنا هنطلع
فضل الاب…..هتتعب عروستك من اولها في السلم
فضل….بضحك لا احنا شباب اطلعوا انتوا
عشري الاب…..شايف الواد يجصد اننا راحت علينا
فضل….بضحك لا يا خااال لساتك شباب يلا تعالوا انتوا معانا.
طلع فضل و نعبمه و اخواتها و ليله و عشري علي فوق.
ليله….بضحك منك لله يا فضل انا مليش في الفرهده دي كنت سيبتني معاهم
نعيمه…..بضحك معرفش فتح صدره علي الاخر ليه لحنا مسنين علي فكره
فضل….بضحك يعني نطلعهم هما يلا بلاش كسل
نادر…..هو الدرج مش تعب اصلا
نعيمه….بضحك انت واحد رياضي انا بفرهد من السواقه يا نادر
ليله…..اه والاه بصت لعشري بقولك ايه انا هطلع في الاسانسير هناك
عشري…..بضحك ماشي اطلعي مع كبار السن
طلعوا علي فوق كانوا هما وصلوا و الباقي طلع وراهم بعد ما الشباب طلعوا.
فتح فضل الباب و دخل الاول
نجود….بابتسامه برجلك اليمين يا عروسه
ابتسمت نعيمه ودخلت في بدايه الباب كان باين مساحه مهوله اغلبها فاضي بس الشكل لوحده يجنن
اميمه…..ماشاء الله الله اكبر
قمر….بسم الله ما شاء الله
دخلوا كلهم نعيمه كانت مبسوطه اوي الشقه كبيره جداً نفس النظام عندهم كلهم الدور علي شقه
فضل…..طبعاً البيت زي ما انتوا شايفين لسه فاضي مفيش.غير اوصه صغيره بنام فيها هنا اوقات لما بكون متأخر في الشغل مش برضي اقلقهم فا هنا مفيش اي حاجه انتي اتفرجي براحتك و مع بعض بقي تبقوا تقرروا هتعملوا ايه في كل مكان
عادل…..لا القرار ده بتاعكم انتوا ده بيتكم يعني جهزوا بطريقتكم
فضل….طيب ايه رأيك يا عمي
عادل…..ماشاء الله اللهم بارك ربنا يجعلها قدم الخير عليكم و يجعل بنتي وش السعد عليك
سلامه الاب…..اللهم امين تعالوا تعالوا اتفرجوا جوه.
ليله…..بابتسامه همست لنعيمه تجنن يا نوني
نعيمه….بابتسامه بس دي كبيره اوي يا ليله انا ناقصه فرهده
ليله….بضحك انتي عارفه الخوف من ايه
نعيمه….ايه
ليله…..ان لو جاتلك غيبوبه النوم بتاعتك فضل هيدوخ لحد ما يلاقيكي
نعيمه…..بضحك اه والله هنام في اي ركن يقابلني
فضل……نوني تعالي شوفي التراس هنا
دخلوا جوه كان الهواء رهيب و المساحه جوه تجنن
نعيمه…..الله حلو هنا نعمل زرع و قاعده حلوه
فضل……اعملي اللي يريحك عايزك تروحي تتفرجي و تكرري هتعملي ايه
عشري….بقولك يا نوني صوري الشقه
نعيمه….ليه
عشري…..عشان تبقي الصور معاكي و تقعدي كده مع نفسك تفكري عايزه تعملي ايه هنا و تعملي ايه هنا
نعيمه….بقولك ايه يا فضل هو احنا لاوم يعني نعمل المجلس العربي ده
فضل….اكيد ده اساسي مش عايزه ولا ايه
نعيمه…..لا مش كده مجرد سؤال
فضل…..المساحه زي ما انتي شايفه جوه في ثلاث اوض نوم و في مجلسين مقفولين و الباقي زي ما انتي شايفه مفتوح علي بعضه اعملي بره اللي يعجبك بس لازم المجلسين
ليله….فعلاً المساحه كبيره ماشاء الله يعني بره هنا هتعملي حجات كتير اوي و لو المجلسين دول مش موجودين هتعملي فيهم ايه ؟
عشري….لو عملتي كل اللي في دماغك بره في المساحه دي مش هتلاقي حاجه تعنليها في المجالس يعني هما معمول حسابهم ومعمول حساب كل حاجه
نعيمه…..طيب خلاص اللي تشوفوا بس انتوا هتقرروا معانا
عشري…..انتي بس صوري زي ما قولتلك و كل مكان تصوريه نشوف بقي مع بعض تعملي ايه و بعدين هتشوفي شقتنا و هتشوفب شقه ايمي بامر الله يعني تقدري تاخدي افكار و فصل معاكي بردوا
فضل…..انا مليش علاقه هي تختار و تقرر لان هي اللي هتقعد في البيت
نعيمه…..خلاص تمام طيب بقولك ايه ابقي انت صور بقي مع نفسك وابعت
ليله…..بضحك حتي الصور كسلانه تصوري
نعيمه…..يا بنتي مش كسل بس مش حلوه بعني اقف اصور و كلهم موجودين
فضل….ما تصوري براحتك مش شقتك
عشري….خلاص مش مهم انت صور براحه كده كل ركن حتي عشان محدش يظهر في الصور
فضل….طيب تمام خلينا ندخل نشوف باقي الشقه.
دخلوا و فضلوا يلفوا في كل مكان الشقه كانت كبيره و المساحه رهيبه و صدي الصوت كان عامل ازعاج لليله.
عشري…..مالك
ليله…..صدي الصوت ده فظيع
عشري…..عشان البيت مش مفروش لسه
ليله….ما انا عارفه بس صدعت
عشري….خلاص هما خلصوا هنمشي الوقت
ليله….ماشي
عشري….عجبتك الشقه
ليله…..بابتسامه ماشاء الله تجنن ربنا يسعدهم يارب
عشري…..بابتيامه طيب استعدي لشقتك يا عروسه
ليله…..علي الله بس ميبقاش فيها صدي صوت
عشري….الشقه مفروشه كلها مش هتسمعي صوت اصلا فيها..
قربوا كلهم من الباب.
نجلاء…..ماشاء الله يا فضل البيت حلو اوي ربنا يسعدكم يا حبيبي و يكملكم علي خير
فضل…..يارب اللهم امين
نجود…..نعيمه تشوف بقي هتعمل ايه عشان فضل يبدأ يجهز كل حاجه
نجلاء…..ان شاء الله هما يتفقوا مع بعض بقي.
وليد…..مبروك يا نوني مبروك يا فضل
فضل الاب…..بضحك فضل مين فيهم
وليد…..بضحك منستغناش بس استحملونا بقي ماهما كلهم محمد نعمل ايه.
ضحكوا كلهم
عشري الاب…..طيب يلا بينا نشوف شقه عروستنا احنا بقي
عشري….يلا بينا.
نزلوا كلهم و قفل فضل و نزل وراهم و راحوا علي البيت بتاع عشري و اخواته كان مفتوح البوابه من تحت
لمحوا محمود وعدي نازلين
قرب محمود مد ايده بالمفتاح لعشري.
عشري….تسلم يا حوده
محمود…..مبروك يا عروسه ربنا يجعلها قدم السعد
ليله….بابنيامه الله يبارك فيك يا محمود عقبالك انت وعدي.
عدي….بنظره غضب بسيطه الله يخليكي يا غاليه بس يكون في غلمك انا انضحك عليا
عشري…..بضحك احط يا عدي
عدي…..ايه خايف اجول لعروستك
ليله….بابتسامه تقولي ايه؟
عشري…..حوش ابنك يا اباه هكسر عضمه
عشري الاب….بضحك لساته مش مسامح ولا ايه
عدي…..اسامح كيف انا انضحك عليا
امينه….بابتسامه چرالك ايه يا واد هنسيب الناس واجفه
عدي…..لحظه بس يا امي احكمي يا عروسه انتي مبجتيش غريبه انا اصغر واحد فيهم و المفروض اللي بيتجوز في الاول بياخد الدور الاول يعني علي حسبتي انا من حقي الدور الاخير
ليله….بضحك يعني انت عايز الدور الاخير
عدي…..ماهو لو كان الموضوع بالتراضي كنت سكت انما انا انضحك عليا
ليله….بضحك مين ضحك عليك
عدي…..محمد و محمود اتفجوا عليا انا و سليم انا الدور بتاعي كان مبني من الاول بس مكانش المفروض ليا هما جالوا ياخدوا عدي و التاني ياخده سليم و مش بس كده دول اتفجوا يبنوا دور سليم عشان محمود يكون الثالث و عشري الرابع
ليله…..ماهو انا عرفت الموضوع ده و عشري قالي كان لازم يتبني الدور الثاني عشان يقدروا يبنوا
عدي…..بابتيامه ايووووووه وجالك ايه بجي علي دور سليم
عشري….بضحك والله بطيح سنونك
عدي……بضحك خلينا نعرف جولتلها ايه
ليله…..بضحك قالي ان سليم كان لسه بيدرس و مش هيقدر يبني
عدي….اهااااه چينا لمربط الفرس بيضحك عليكي يا غاليه تعرفي ان هو ومحمود كانوا عايزين يطلعوا بموصلحه من وراء سليم
ليله….بضحك مصلحه ايه
وليد….بضحك انت عامل ايه في اخوك مخليه مبقوق منك كده
عشري…..بضحك الواطي فكرته نسي
ليله….استنوا بس خلونا نحل المشكله عملوا ايه
عدي…..جالوا انهم هيبنوا و لما سليم يكبر شويه و يسد اللي عليه هيسد بتمن اليوم مش بالتمن اللي هيشطبوا بيه وجتها فاكرين روحهم بيتاچروا في الدهب
ضحكوا كلهم علي عدي.
محمود…..تجاره حلال بناخد بسعر اليوم
عدي…..ايوه ما اني بجول فكرتوا روحكم بتچاروا في الدهب بس ابويا جالهم لا
ليله….طيب انت ايه مشكلتك الوقت مش كبرت وانت عارف ان دي بقت شقتك
عدي…..لا ماهو اللي جاهرني مش إكده اللي جاهرني ان افتكر و اني صغير سمعتهم و عچبني افكار عشري في الروف جولت لابويا لاه مليش دعوه اني اللي هتچوز فوج و اني بجي كنت اخر العنجود ابويا قال لمحمد اتصرف مع اخوك يجوم هو و محمود أوس البلاوي ياخدوني علي جنب و يجولولي ايه بجي تخيلي
ليله…..بضحك ده سلامه التاني
عشري….بضحك لا ده مصطفي اخوه بالظبط اخلص طلع اللي في جوفك
ليله….قالولك ايه يا عدي
عدي…..جالولي لاه الرةف خطر تجع منيه انت خد الدور الاول و سليم التاني و هنجسملكم الچنينه اللي تحت بالنص انت خد نص وهو نص و هنحطلك فيهم لعب و مراچيح و زحلايج و تعلب براحتك تخيلي بيجولوا لعيل صغير هنديك الجنينه تلعب فيها و طبعاً انا فرحت و وافجت
عشري….بضحك اهو اعترف يعني وافج
عدي…..كنت عيل صغر مراچيح ايه اللي هلعب فيه وانا قد الشحط يعني هتچوز وانزل العب في الجنينه مكنتش فاهم
ليله…..بضحك انتوا عملتوا كده بجد
محمود…..بضحك محمد اللي قال مليش دعوه
عشري…..ما انا قولت بقي اغريه كان طفل و هو وافق مكانش يعرف الغبي ان كل ده مش هينفعه وهو كبير
عدي…..عموماً انا جولتلك كل اللي چوايا يا عروسه اخوي عشان تعرفي اني ضحيت بالروف عشان خاطرك
ليله…..بضحك طب ايه راضي ولا هطلع اقع من فوق
عدي….بضحك لاه خلاص راضي تتهني بيها
ليله…..خلاص يا سيدي و بعدين احنا هنبقي جيران يعني تقدر تطلع الروف
عدي…..لاه ما انتي مش درايه من جبروتهم جفلوها عليا اني و سليم جسموا الروف بالنص محمد عامل سلم داخلي من چوه فاكر نفسه عايش في ڤيلا
ضحكوا كلهم و عشري كان واقف ميت من الضحك عليه
عدي…..اي والله الدرج بيطلع علي الروف و عمل لمحمود درج خلفي يطلع علي النص التاني مش بجولك حطوا روسهم في روس بعض و اتفجوا علينا
ليله….طيب والجنينه خدتوها ولا لا
عدي…..ورب الكعبه لما كبرت جفلتها نصين ليا نص مفتاحه معايا وسليم نص و يبجوا يجربوا منيها
نجود….بضحك ما كفايه ياواد
محمود….بضحك خلاص فضحتنا وارتحت
عدي…..ايوه و يكون في علمكم هشارككم في بيوت ولادكم و هخلي ولادي يضحكوا عليهم كيف ما عملتوا فيا ماهي الدنيا دواره.
عشري….بضحك طب يلا احط و حسابنا بعدين
ليله….طب ايه مسامح ولا لا يا عدي
عدي…..بضحك والله من جلبي مسامح اني بضحك معاكم بس ربنا يجعلها قدم السعد والهنا و تنوري بيتك يا عروسة اخوي و يلا خليها عليا مسامحك يا نصاب انت واخوك و هتچوز جريب عشان ارازي فيكم براحتي
عشري…..بضحك أتچوز انت بس و اعمل ما بدالك يا جلب اخوك
ابتسم عدي و باس عشري من كتفه بحب
عدي….يلا سلام عليكم
محمود….بضحك سلام عليكم
وليد…..وعليكم السلام عسل والله
سامح…..نصبتوا عليه
عشري…اعمل ايه ابويا كان مدلعه الحيله بتاعه و مكانش هيوافق غير لما سي عدي يرضي ضحكت عليه
عشري الاب…..ماهو محمد مش سهل هو محمود بردوا
عشري….طيب يلا خلينا نطلع.
دخلوا علي جوه كان في اتنين اسانسير واحد بيخدم الاول والثاني و الاسانسير الثاني بيخدم الثالث والرابع.
عشري….اركبوا انتوا في ده و احنا هنسرق بتاعهم هيطلعنا للثاني و نكمل
نعيمه….بضحح ده لو عرف هيرجعلك
عشري…..والله يعملها
ركبوا و طلعوا علي فوق ثواني و طلع عشري مع الشباب كان الكل مستنيهم ليله كان باين عليها التوتر بس مبسوطه
قرب عشري يفتح الباب و مسك كف ليله كان محمود سبقهم من شويه هو و عدي شغلوا الاضاءات كلها و طلعوا فوق جهزوا الروف و ولعوا بخور و رشوا معطرات لاستقبال ليله.
امينه….ادخلي برجلك اليمين يا عروسه
ليله….طيب يلا ادخلي انتي الاول
امينه…..لاه ميصحش انتي هتدخلي الاول عشان تبجي اول ست مدت رچلها في البيت
عشري….بابتسامه مسك كفها يلا ادخلي
خدت نفس هادي و سمت في سرها فتح عشري الباب علي وسعه و ظهرت الشقه قدام الجميع.
ضربات قلب ليله كانت عليه بشكل ميتوصفش دخلة الشقه كانت مش عاديه تخطف افتكرت كلام ميدو لما قالها المساحه مساحة ڤيلا و الفرش فرش قصر
ساب عشري كفها و سابها تتحرك بهدوء
و من اول ما دخلت اميمه وقمر و نجلاء والكل عمال يقول ماشاء الله و يسمي و يكبر حتي وليد و احمد و سامح و عادل كانوا عمالين يسموا و يقولوا ماشاء الله
امينه كمان مبطلتش دعاء كانت اول مره تشوف البيت و عجبها اوي و كانت طايره من السعاده.
نعيمه…..بهمس لو فكرتي تغيري حاجه هقتلك
بصتلها ليله بايتسامه هاديه و صدمه و سكتت و بدا عشري يمشي قدامهم و يفرجهم.
عشري…المساحه بره كانت كبيره اوي ريسيبشن واسع متقسم ست قطع كبار سفره و انتريه شيك و صالون و قاعده جانبيه هاديه المطبخ كان كبير اوي و في باب جوه المطبخ كان مطبخ داخلي للخزين بس تقسمة البيت مكانتش تقسيمه عاديه كان ليه حق يقعد 14 سنه يظبط فيها براحته البيت كله كان اغلبه زجاج من الارض للسقف نظام امريكي كاشف كل الشارع بس هما ميبانوش و كل البيت كان داير بلكونه واسعه و كبيره و السور كان كمان زجاج يعني اللي قعد فيها ميبقاش في حاجز مغطي المكان و حواليهم البيوت مكانتش قريبه و لا كشفاهم لان بيت عشري مان علي الشارع علي طول يعني مستحيل يتبني قدامه كان في خلاء و وسع قدامهم يخليهم براحتهم
خدهم و دخل اول مجلس رجالي مكانش طبيعي لفوا فيه براحتهم واسع و الوانه هاديه و تجنن
بعدها راحوا علي المجلس الحريمي
كان مختلف و يجنن اقل شويه في المساحه لكن احلي كان عباره عن مجلس دائري و في وسط المجلس في دفايه علي شكل نار و حطب مع الحوائط الزجاج كان المنظر وهم.
ليله كانت ساكته مش بتنطق المل بيتكلم و مبسوط و بيقول رأيه بيسمي و بيدعي بس هي كانت شايفه نفسها مع عشري في قلب المكان وهما متجوزين
خرجوا و بدأ يفرجهم الغرف كلها كانت ماستر كل اوضه فيها حمام الحمامات نفسها تجنن الاوض شيك بشكل مش طبيعي مفيهاش غلطه.
وصل علي اوضه النوم محدش فيهم دخل غير هي و امه و الستات اللي معاهم بس وقفت ليله مصدومه من المنظر غرفة نوم أقل ما يقال عنها انها فخمه من ناحيه المساحه كانت كبيره جداً وراء السرير معمول حفر هاند ميد علي شكل جبال و حتي السقف كان ساقط و عليه نحت شكل الجبال مع إضاءه خفيفه تخلي اللي يبص يحس انها حقيقيه الحوائط زي باقي الشقه مش حوائط طوب كلها زجاج تقيل لكن مش بيكشف فا اللي ينام يشوف انوار الدنيا كلها بره بليل و الصبح النهار بيدخلها من كل مكان الاضاءات اللي في الاوضه تجنن و في باب بيودي علي الدريسنج روم كانت غرفه دريسنج كبيره و في ركن علي جنب فاضي فيه ديكور بسيط
ابتسمت ليله و قررت تاخد المكان ده للميك اب.
ولفت انتبهها حاجتين السلم الخشب اللي في زاويه الاوضه مكانتش عارفه بيطلع علي فين و لفت نظرها كمان الحمام و يمكن يكون صدمها
كان في اخر الغرفه من اليمين الفاصل بينه و بين الغرفه حائط زجاجي يعني اللي يدخل ياخد شاور بيكون ظاهر نظام الحمام نفسه كان يجنن عباره عن حجاره و اشكال هندسيه لمنظر الجبال مع الالوان الغامقه اللي برزت جو الشتاء
عشري…..تعالي شوفي فوق
ليله…..هو فوق فيه ايه
عشري….تعالي بس شوفي
طلعت وراه علي فوق لمحت مكان بالطول عباره عن مساحه طويله سقفها كلها كاشف السماء من الزجاج و في الوش قاعده هاديه و رايقه و في نص المساحه زي حمام سباحه صغير بالطول حواليه خشب الارضيات مع الاضاءه و الشموع كان جو ومنظر خيالي
بصتلوا ليله و ابتسمت بسعاده
عشري…هنا بقي تلبسي مايوه قطعه او قطعتين مش مهم انتي حره
ليله…..بنظره تجنن ضحكت انا هنزل من غير هدوم
عشري….بضحك يبقي احسن بردوا
يلا تعالي
نزلت وراه و هما طلعوا بصوا نعيمه كانت مبسوطه اوي بالمكان فوق اتفرجوا ونزلوا وراهم
و بعدين مشيوا طرقه طويله اوي كان في أوضتين قدام بعض واوضه تالته في الوش واخده زاويه المكان فتح اول واحده.
كانت عباره عن غرفة جيمنج بلاستيشن و تربيزة بلياردو و بار صغير علي جنب و لعبة البيبي فوت بول و دارتس متعلقه علي الحيطه وجنب في تربيزه عليها طاوله و دومنه و كوتشينه وعلي الحوائط متعلق بوسترات رياضيه المكان كان شكلوا يجنن
عشري…..بابتسامه دي غرفة الجيمنج هي كمان تقدري تغيريها لو مش حابه انها تبقي موجوده
نعيمه…..شكلها حلو اوي علي فكره
عشري….تشوف هي بقي و تقرر تعالي بقي افرجك علي اوضه تانيه.
وليد…..بابتسامه دخل اخر واحد للاوضه حلوه دي يا عشري
عشري..بتحب الكوره انت صح
وليد…..طبعاً
عشري….تعالي طيب شوف دي كده
دخل علي الاوضه اللي قدامهم كانت متقمه علي اتنين درجه عاليه و درجه اقل و قدام الباب لما بيتفح شاشه كبيره و الكراسي اللي محطوطه تشبه السينما بالظبط
ليله….بابتسامه دي سينما
عشري….اه
نسمه…..الله حلوه اوي
اميمه…..ماشاء الله حلوه
نعيمه…..ده انت طلعت دماغ يا عشري
فضل….بضحك بيوضب فيها اكتر من 14 سنه عايزه ايه تاني
عشري…..تعالي بقي افرجك علي اخر غرفه و بعدين هفرجك علي حاجه تاني و بعدين نطلع بره تشوفي الباقي
ليله….بابتسامه ماشي
راح عشري فتح الغرفه اول ما فتحها ريحة البخور كانت تجنن
كانت عباره عن خلوه مكان للصلاه الديكور إسلامي و مريح و كل حاجه فيه تجنن محمود طبعاً وعدي جهزوا المكان علي الاخر فارشين سجاد الصلاه و فاتحين البخور و القرآن
ليله…..الله حلو اوي
نعيمه….ده مسجد صغير
احمد…..اهي الغرفه دي بقي بالمكان كله حلوه اوي
سامح….ماشاء الله تجنن
وليد….دي عايزه اجواء رمضان دي
نجلاء…..حلوه اوي دي يا ليله
ليله….اه جميله اوي
امينه….ربنا يجعل القبله واجهتكم
عشري….اللهم امين يا ست الكل
خدها عشري علي أخر غرفة كانت عباره عن spa اولاً كلها مكشوفه للسماء الجزء الاول فيها عباره عن سونا كلها خشب و الجزء التاني عامل زي مغطس صغير و من فوق بينزل مايه زي الدش بس كأنها نازله من السقف و عباره عن حجاره وخشب المكان كله.
عشري…..دي كده يعني زي spa صغيره تعالي بقي بره
خرجوا تاني علي الجزء الخارجي المفتوح علي بعض فتح اوضه جنب المطبخ كانت غرفة غسيل فيها غساله و مجفف و كل الادوات اللي بتحتاجها للغسيل و ركن للمكواه.
دخلت هي تاني علي المطبخ كان الجزء الخارجي منه مفتوح كله علي المكان وفي باب داخلي بيودي علي خزين المطبخ و اخر حاجه راحوا عليها كان سلم داخلي من الرخام في وسط الرسيبشن كأنها ڤيلا طلعوا علي فوق و ظهر الروف
الهواء كان يجنن و المنظر كان يجنن اكتر و كل حاجه فبه كانت جميله.
عشري….كده بقي احنا خلصنا
وليد….ماشاء الله الله اكبر تتهنوا بيها يارب
عشري…..عجبتك
وليد….اوي
عشري…..ايه يا استاذ احمد
احمد….مفيش كلام ذوق و شياكه ربنا يديكم خيرها و يكفيكم شرها يارب
سامح…..ماشاء الله حلوه اوي
فضل….علي فكره التراس كله لافف علي البيت يعني التراس اللي كان تحت في الرسيشبن ده لافف حوالين الشقه بالكامل و كل ركن فيه قاعدن و زرع وكراسي زي ما شفتوا
اميمه….اه احنا شوفنا كله ربنا يارب يسعدكم ماشاء الله حلوه اوي
عشري….ايه يا امي انتي اول مره تشوفيها
امينه…..اجول ايه يا ولدي مباينش عليا الفرحه حلوه يا حبيبي الله اكبر ربنا يسعدكم بيها يارب المهم رأي العروسه
عشري….بابتسامه ايه ليله ؟ عجبتك
ليله….اوي جميله يا عشري
عشري….طيب عايزه تغيري فيها ايه سيبك من كل اللي انتي شوفتيه ده اعتبريه مش موجود.
راح الرجاله علي جنب يتفرجوا علي الشارع و ولعوا سيجاره و فضل مع عشري و ليله نعيمه و اخواتها البنات
و فضل و امينه و نجلاء.
نعيمه…..هو انا من رأيي بصراحه يعني مفيش حاجه تتغير
قمر….ليله البيت ماشاء الله اللهم بارك حلو اوي كل اللي فيه جديد و دي الالوان اللي بتحبيها
اميمه…..لا طبعاً متغيرش حرام الشقه الله اكبر مفيهاش غلطه
امينه…..جولتي ايه يا ليله
ليله…..بابتسامه جميله والله
عشري….ليله قولي يا ماما علي اللي مش عاجبك
امينه…..شوفي يا بتي مفيش ست فينا مش بتحب تجدد كل شويه في عفش بيتها بس في حچات بتفضل موچوده و عشان إكده اللي معاچبك جولي عليه و متنكسفيش دي كيف ما بيجولوا شجة العمر يعني لو مش هتبجي راضيه عنيها و انتي لسه عروسه غيري اللي يعچبك دي هتبجي مملكتك الخاصه و جنتك انتي و چوزك يعني اختاري فيها براحتك
عشري….اهي امي قالتلك يا ليله انا فرشت الشقه دي من حوالي ست شهور يا ليله و لما جهزت البيت كنت عازب مفيش في حياتي اي حد و لا كنت بفكر في الجواز اصلاً يعني تقدري تقولي ده ذوق راجل فا ملكيش دعوه خالص بكل اللي عامله مهما كان ذوقك يختلف عن ذوقي
اميمه…..ده انت ذوقك يجنن يا محمد و بجد كل حاجه حلوه اللهم بارك في مكانها و مترتبه الالوان جميله ذوقها شيك
عشري…..الله يخليكي يارب بس بردوا القرار لليله انا هنا هكون ضيف انما هي هتبقي موجوده اكتر مني يعني لتزك تكون مرتاحه
ليله…..صدقني كل حاجه حلوه اوي اكيد مش حابه اغير اي حاجه زي ما اميمه قالت ذوقك يجنن يمكن انا كان في دماغي حجات كتير حابه تكون في بيتي بس والله كلها موجوده و يمكن اكتر بكتير من اللي فكرت فيه
عشري…..طيب هقولك قولي اللي عجبك ايه مش هنغيره و اللي مش عاجبك هو بس اللي يتغير عشان نبقي قسمنا البلد نصين و تبقي اختارتي معايا شقتك
امينه….صوح شوفي ايه اللي مدخلش مزاجك و يغيره كده كده لسه جدامكم وجت
فضل…..صح لو عايز يغير من بكره احنا معاه و امرها سهل
ليله…..اكيد مش هغير اي حاجه انا والله يا جماعه راضيه عن كل حاجه شوفتها انا لو قولت في حاجه معجبتنيش ابقي مفتريه البيت مش ناقصه حاجه كل حاجه جديده و تقيباً عشري اصلا مستخدمش حاجه خالص الالوان و كل حاجه متناسقه مع بعض مش لاقيه عيب واحد بجد هو لو في حاجه انت عايزني اقولها وخلاص تبقي حاجه واحده بس
عشري….عيوني اطلبي
ليله….بضحكه جميله في ركن كده جنب الدريسنج فاضي في زرع الجزء ده عايزه بس اعملوا ركن للميك اب يعني وحدة ادراج تسريحه صغيره و كرسي و مرايا بس كده
عشري….بضحكه جميله بس كده عيوني اختاري الشكل اللي يعجبك و كام يوم يكون جاهز
امينه….طيب مفيش حاجه تاني
ليله….والله لا كل حاجه حلوه
امينه….بابتسامه يبجي علي بركه الله مبروك عليكي شجتك يا عروسه
ابتسمت ليله بهدوء.
ليله….الله يبارك فيكي
انضموا ليهم كلهم و قربت ليله من عشري و همست بهدوء.
ليله…..بقولك ايه في حاجه كمان هتغيرها مرضتش اقولها قدامهم
عشري….عيوني قولي
ليله….بضحك الحمام اللي في اوضة النوم ده يتقفل و لا يتعمل فيه اي حاجه
عشري….بضحك اشمعني
ليله….هو ايه اللي اشمعني يا بلطجي
انا لو جيت خدت شاور هبقي كأني باخده معاك في نص الاوضه
عشري….بضحك طب بذمتك في احلي من كده
ليله….بضحك انت عبيط يا عشري هاخد شاور بهدومي يعني
عشري….وبهدومك ليه ده شاور حلال
ليله…..بضحك لا ياشيخ هو انت ماخيل اني ممكن اخد شاور قدامك
عشري….وايه يعني ما انا كمان هاخد شاور قدامك
ليله….بضحك طب انت متربتش و متشرد انما مش هعمل كده
عشري…..وحياتك عندي لا هناخده سوا
ابتسمت ليله ودارت ضحكتها ورجعت بصتلوا
ليله….هو مش انت قولتلي قولي علي اي حاجه مش عجباكي و هتتغير
عشري….بضحك الا ده و الله ما يحصل ده انا مستني اليوم ده
ليله….بضحك طب انا مش هعلي صوتي الوقت بس حسابنا بعدين يا بلطجي
عشري…..بقولك ايه بما ان كل حاجه عجبتك ما نخلي الجواز بعد اسبوع او اقولك يوم السبت مع رشيد و ايمي
ليله….لااااا بعينك هما اسبوعين الحق اجهز نفسي
عشري…..هتجهزي ايه كل حاجه موجوده
ليله….بضحك اتربي يا عشري بدل ما اسمع ابوك
عشري…..بضحك طب ياريت هيقولك معاه حق
ليله….اه ما انت طالعلوا
عشري….بابتسامه طب قوليلي بجد في حاجه مش عجباكي و غلاوة عشري
ليله….وغلاوة عشري كل حاجه تجنن
عشري….طب ايه اكتر حاجه عجبتك
ليله…..مكان الصلاه السينما تجننننن و غرفة الجيمنج تحفه مع اني يعني مليش فيها بس عشان متتحججش و تقعد تلعب في البيت
عشري….اممممم بدأنا
ليله….واللي عجبني اوي الروف الصغير اللي في اوضة النوم فظيع كمان الspa المطلخ قمر بص من الاخر كده كل حاجه حلوه
عشري….يابت مستنيكي تقولي اوضه النوم الحمام اللي في اوضه النوم كده يعني
ليله…..بضحكه جميله بعيداً يعني عن قلة ادبك بس بجد يجننوا و علي فكره كويس انك مصورتليش الشقه هي علي الطبيعه مفجأه بجد
عشري…..المهم انها عجبتك يا ست البنات كلهم
ليله…..بحبك يا بلطجي
عشري…..وانا بموت فيكي
خلصوا كلامهم و بعدين نزلوا والكل مبسوط رجعوا تاني معاهم قدام بيتهم سلموا عليهم كلهم و بعدين ركبوا ومشيوا
وانتهي اليوم نهايه تجنن
……………..
اما عند عسال فا بعد ما خلص مشوار شغلوا اتصل علي نادين اكتر من مره مش بترد عليه.
فضل بتصل وهي ولا هنا يبعتلها رسايل وتشوف و بردوا مش بترد
فا بعتلها اخر رساله.
عسال…..حبيبي ردي عليا من فضلك عشان لو مردتيش هجيلك حالاً و هيبقي ذنبي في رقبتك لاني راجع خلصان و مش قادر والله
شافت و بردوا مش ردت و بعدها قفلت الموبايل.
عسال….بغيظ بقي كده طيب يا نادين استني عليا ركن العربيه و نزل
كان اصلا تحت بيتها مكانش عايز يطلع عشان الوقت متأخر بس كان بيحاول معاها يمكن ترد و لما لقي مفيش فايده قرر يطلع.
ثواني بالظبط و سمعت نادين خبط علي الباب اتخضت و بسرعه فتحت الموبايل و اتصلت عليه.
عسال…..بابتسامه هاديه خير
نادين….ميدو في حد بيخبط عليا
عسال….اعمل ايه يعني
نادين….اااااا انا خايفه
عسال….وانا مالي بكلمك من بدري شويه مترديش و شويه تكنسلي و حتي رسايلي مش بتردي عليها الوقت بقي عيزاني اتصرف
نادين…..ميدو بطل رخامه انا بجد خايفه
عسال….روحي شوفي مين وافتحي و انا معاكي
نادين….لا مش عايزه حد.يعرف اني جوه و يدخل عليا
عسال…..خلاص براحتك انا عموماً طالع علي البيت يلا اقفلي
نادين….لا استني مش هقفل خليك معايا عشان خاطري
عسال….اللهم طولك يا روح خلاص روحي افتحي وانا معاكي كده
نادين…..طيب استني هبص الاول من العين السحريه
عسال……تمام
رفع ايده و حطها علي العين عشان متشوفهوش
نادين….ميدو في حد بره حاطت ايده علي الباب
ابتسم و وطي صوته عشان متسمعهوش
عسال….طيب افتحي و شوفي وانا معاكي متخافيش افتحي وانا هركب العربيه و جايلك يلا
نادين….بصوت في خوف مين؟ مين؟
عسال…..هو اللي داخل يعمل فيكي حاجه هيقولك انا
نادين….يعني عارف انه هيعمل فيا حاجه و بتقولي افتحي
عسال…..لا افتحي علي طول يعني انا جاي اهو عليكي
نادين….طب استني قربت تاني من الباب و فتحت بهدوء و فجأه بصت لاقته قدامها رفعت حاجبها ووقفت ساكته
عسال…..بابتسامه ايه اتأخرت عليكي ؟
نادين….انت بتهزر صح
عسال…..انتي كمان ليكي عين تتعصبي تعالي هنا
دخل وراها وقفل الباب
نادين….علي فكره انا قلبي كان هيقف و بعدين انت مش لسه باعتلي رساله و قايل لو مردتيش هجيلك لحقت تيجي امته
عسال….ماهو انا سوبر مان
نادين….بابتسامه بسيطه بتهزر تاني
عسال….بضحك انا كنت تحت اصلا و مكنتس هطلع عشان الوقت متأخر بس قولت اكيد قافشه عليا هحاول رديتي كان بها مردتيش هطلع و امري لله مبترديش ليه بقي
نادين….هو كده
عسال….يعني ايه هو كده ؟
نادين….يعني مخصماك و مش بكلمك
عسال….طب ليه بس يعني انا مهانش عليا تكوني جايه و عامله مفجأه عشان تشوفيني و مجيش اشوفك
نادين…..انت كنت فين
عسال….تاني قولتلك في شغل
نادين….ازاي يعنب و انت رجعت
عسال…..بابتسامه مش مصدقاني
نادين….اه
عسال….بس انا مش هكدب عليكي
نادين….طيب كنت مع مين
عسال….بضحك مع مين ايه يا مجنونه هو انتي بجد غيرانه
نادين…ااااااا لا يعني اه غيرانه
عسال….بضحكه جمياه طلع موبايله و فتح ڤويس.
مستر محمد الشغل خلص بس في مشكله بسيطه لو تقدر ترجع تشوفها يبقي ياريت بدل ما نستني لبكره يعني العمال لسه موجودين و تحت ايدنا يسهروا بما ان مفيش بكره شغل
عسال…..طيب تمام انا هلف وراجعلكم
قفل الصوت و بصلها بنظره تجنن وهو رافع حاجبه ابتسمت وضيقت عينها و هي بتبص شمال و يمين
عسال…..هااااا سكتنا يعني راح فين بقي لساننا الطويل و راح فين العند و الصوت العالي و العصبيه
ابتسمت و بصت بعيد
عسال…..اعمل فيكي ايه الوقت يا مدوخاني والله ما قادر اقف علي رجلي
نادين….بابتسامه ااااا ماهو يعني
عسال….ماهو ايه انا هقتلك علي اللي انتي عملتيه فيا ده
نادين….اااا سوري
عسال….سوري اصرفها منين دي بقي لما بنوتي القمر المؤدبه تزعق و تتعصب و اقولها روحي تقولي لا و تعند و متردش اعمل ايه سوري دي هتعمل ايه انتي لازم تتعاقبي
نادين….بضحكه جميله ضمتوا بسرعه من رقبته لا خلاص
ابتسم بحب و ضمها
عسال…..خلاص سماح هو ده العقاب الحلو
نادين…..بابتسمه بعدت عنه علي فكره بقي انا مكنتش يعني غيرانه او شاكه فيك بس يعني اضايقت عشان بوظت المفجأه
عسال….طيب اعمل ايه غصب عني والله و كنت هكلمك بس المكالمه طولت
نادين….طيب خلاص متزعلش
عسال….خلاص مش زعلان
نادين….طيب تشرب ايه
عسال….لا ولا حاجه الساعه واحده انا يادوب اروح
نادين….طيب اشرب حاجه وامشي
عسال…..لا بقولك ايه اسمعي الكلام انا بكره عريس يرضيكي ابقي عريس مش قادر يقف علي رجله و يفتح عينه لتزم امشي انا فاصل
نادين….بابتسامه ماشي يا عريس
عسال….خلاص صافيه لبن
نادين….بابتسامه ماشي صافيه لبن
عسال…..يلا هنزل و هتدخلي تنامي
نادين….لا هستناك لما تروح
عسال….مفيش لا اسمعي الكلام عشان بكره تبقي فايقه
نادين….طيب علي ما تروح يعني يكون جالي نوم
عسال…ماشي يا ستي يلا بحبك يا احلي بنوته في الدنيا اقفلي وراكي واوعي تفكري تفتحي لاي حد حتي لو انا معاكي علي الموبايل
نادين…..بضحك انت اللي قولتلي
عسال…..كنت بختبرك
نادين….ماشي مش هسمع كلامك تاني الا لو انت اللي بره
عسال…..ماشي يلا تصبحي علي خير يا عمري
نادين….وانت من اهل الخير
قفل ميدو وراه و نزل و هي ابتسمت بسعاده
………………..
في صباح يوم جديد قرروا البنات انهم يكونوا مع نادين من بداية اليوم عسان مكانوش حابين يحسسوها انها لوحدها اليوم كان بيجري بسرعه فظيعه خاصتاً علي نادين.
كانت متوتره و خايفه جواها مشاعر كتير متلغبطه فرحانه بس زعلانه بتضحك و تدمع في الساعه اكتر من مره دماغها مش راضيه توقف تفكير
مبسوطه بالخطوه دي مع ميدو بس في نفس الوقت مش عارفه تحس بالسعاده الكامله.
نزلوا البنات علي الكوافير ظبطوا نفسهم و بعدين رجعوا اتغدوا مع بعض و قضوا يومهم في اغاني و رقص و غيرولها المود خالص و طبعاً محمود كان متعهد الحفلات زي ما ايه لقبته جاب صاحبه ظبط المكان و شالوا حجات كتير من البيت حطوها في الاوض عشان المكان يكون مجهز اكتر عملها ديكور هادي و بسيط يجنن ماشي مع كل حاجه في البيت تامر كمان عدي عليهم و شاف لو محتاجين اي حاجه و وقف مع محمود شويه ساعده هو والشباب بصفته مهندس ديكور
كانت حاسه نادين انها ليها سند و اخوات بجد بعد شويه علي الساعه خمسه مشيوا وسابوهم دخلت ليله عملتلها الميك اب و ايمي كانت بتساعدها بعدين علي الساعه سته ونص راحوا بسرعه البنات يجهزوا و دخلت سلمي ساعدتها في اللبس و ظبطتلها شعرها كانت زي القمر لابسه چامب سوت لونها ابيض كانت عروسه تجنن شبه الملايكه.
نادين…..بتوتر شكلي حلو
سلمي….قمر طبعاً و فكرة الچامب سوت احلي من الفستان بكتير
نادين….انا حبيتها اكتر وحسيتها شبههي
ايه…..موزه والله قمر شبه الملايكه يا ناااااس
نادين….بابتسامه انتوا كمان قمر يلا سيبوني بقي و كملوا لبسكم هتتأخروا
نعيمه…..هو عسال هيجي امته يا نودي
نادين……قالي علي ثمانيه هيكون موجود و خالوا قال هيوصل علي سبعه ونص كده
نعيمه…..طيب قدامنا ساعه اهو
نادين….هي نوجا مش جايه
نعيمه….جايه طبعاً كلهم جايين ده ابويا اللي مبيحبش الخروج جاي عشانك
نادين….بابتسامه حبيبي ربنا يخليه و يديلوا الصحه
ايمي…..بنات حد يقفلي السوسته
نعيمه…..تعالي
سلمي….يالهوي علي القمر شكلكم حلو يا بنات اوي
ليله….دخلت تجري عليهم و انا وانا كمان اقفلولي السوسته
سلمي….لفي تعالي
ليله….شكلي حلو يا بت يا ايه
ايه…..انتي الوووووحش اللي مبيريحش قمر طبعاً
ليله….بضحك طب غيري الروچ ده يا مصيبه
ايه….ليه وحش
ليله….اللون ده هيبقي احلي
ايه…..اشطا
ليله…..نادين ناقصك حاجه
نادين….ااااا لا بس انتي شوفي
ليله…..انا شايفه انك قمر مفيكيش غلطه يا بختك يا عم ميدو
ايمي…..بضحك مش كان يبقي احسن لو كتب كتاب و دخله عشان الراجل يتبسط وتبقي الليله ليلته
نادين….بأبتسامه احترمي نفسك و بطلي سفاله
ايمي….هو في احلي من السفاله
ليله…..مين قدك انتي يوم السبت هتبقي الليله ليلتك
سلمي….بأبتسامه ايمي هسألك سؤال بصراحه كده مش متوتره ؟
ليله….بضحك مين؟ ايمي دي هي اللي هتقوم بالليله
ايمي….بضحك طب اقولكم علي سر و محدش يضحك عليا؟
نعيمه….اوعي تقولي متوتره عشان مفيش حد فينا هيصدقك يا خبره
ايمي…..بابتسامه طب والله متوتره و جداً كمان
ليله….عينك في عيني يا خبره حد فيكم مصدقها يا بنات
نعيمه….لا طبعاً
سلمي…..هو يمكن هي مستغربه شويه الخطوه دي و ممكن تكون مبسوطه و متحمسه و اوقات الكتير الحماس بيقلب بتوتر
نعيمه…..دي توتر بلد
ايمي….بضحك طب والله بجد هو بمكن زي ما سلمي قالت مبسوطه اوي و متحمسه بس حقيقي متوتره اوي و يمكن فوق ما تتخيلوا انا عارفه ان ده بعيد عن شخصيتي اللي انتوا عارفينها بس مش عارفه ليه كل ما يوم يعدي و اقرب اكتر من المعاد قلبي يفضل يدق و احس اني متوتره و خايفه
ايه……بضحك طيب هسألك سؤال و محدش فيكم يا كلاب يقول عليا قليلة الادب
ليله….لا قولي عادي كلنا عارفين انك قليله الادب اصلا
ايمي…..بضحك قولي يا ايه
ايه….بابتسامه بصي هو انا مصدقاكي بس مش فاهمه يعني انتي ليه تحسي بكده او اقصد انتي اتجوزتي قبل كده و بيتهيألي يعني اللي بيتجوز للمره الاولي بيبقي مفهوم هو متوتر ليه و خايف من ايه بس انا مش فهماكي و معرفش انتي ليه خايفه هو انتي فهماني
ايمي….بابتسامه اه فهماكي و علي فكره اللي اقصده مش رهبه بنت لسه بتجرب الجواز في اول ليله و علي فكره ملهاش علاقه خالص بتوتري و قلقي و خوفي بصي يا ايه عايزه افهمك حاجه بسيطه اللي بيحصل بين الراجل و الست اول يوم لاول مره هو كده كده رهبه مفيهاش كلام بس الموضوع بسيط علي فكره انا توتري انا نفسي مش فهماه اكيد فرحانه مبسوطه متحمسه و حشني اوي اني اكون زوجه و في راجل في حياتي اكيد بحب رشيد و مستعده اعمل اي حاجه معاه بس كمان جوايا توتر إحراج ااااا مش عارفه اقولهالكم ازاي بس يمكن لسه مش قادره اتخيل نفسي و انا وهو مقفول علينا باب واحد عندي احساس ان اليوم ده هبقي عندي شعور البنت اللي لسه بتتجوز لاول مره و شويه تاني و احس زي ما ليله قالت هقوم بالليله كملت بضحك بصوا هي مشاعر متلغبطه شويه كمان انا قلقانه اني معرفش اتأقلم بسرعه لان لتحظوا اني بقالي سنين لوحدي و من غير راجل فا فكره اني الاقي معايا راجل بيشاركني كل حاجه في يومي بيشاركني في البيت دي بالنسبالي معرفش هتمشي ازاي
نادين……ايوه بس انتي يا ايمي عايشه مع اهلك يعني الكلام ده مثلاً ينطبق عليا علي ليله و نعيمه شويه احنا خدنا علي العيشه لوحدنا و فكرة ان حد يشاركك في كل حاجه بتحتاج وقت لحد ما نتأقلم
ايمي….انا عايشه مع اهلي اه بس انا في شقه منفصله عنهم و بعدين انا طول اليوم في الشغل ارجع بليل ممكن اتعشي معاهم لو مكلتش اقعد معاهم شويه اوقات بفطر معاهم بس اغلب الوقت بنزل بقهوتي و اسلم عليهم وامشي فهماني الحياه كلها و يومي و الليل اللي بقضيه في شقتي لوحدي من غير حد
ليله…..بس كمان يا ايمي بتفرق جداً لما بتعيشي مع حد بتحبيه يعني اكيد بتبقي مبسوطه انه بيشاركك كل حاجه نومك و صحيانك اكلك وشربك كل حاجه
ايمي….ما انا بقولك لو علي رشيد بحبه و مبسوطه و متحمسه بس كمان غصب عني متوتره اوقات بقول لنفسي ممكن متقدريش تتأقلمي و احياناً غصب عني بفتكر جوازتي الاولي
ليله…..هو انتي عابزه تقارني العره ده برشيد
ايمي….مش مقارنه بس العره ده انا كنت بحبه وقتها
نعيمه…..بس كمان كنتي اصغر و عقليتك مختلفه انتي الوقت انضج واكبر بكتير من الجوازه الاولي
ايمي….اكيد انا بقولك اوقات بفكر بالطريقه دي بس اغلب الوقت انا شايفه ان رشيد شبههي نسخه مني متفقين متفاهمين الحمد لله من وقت ما عرفتوا لحد الوقت محصلش بينا اي تاتش بحس انه ناضج اوي متفاهم مرح مش معقد قاهمين فا ده مريحني و مخليني علي طبيعتي بس فكرة ان يتقفل علينا باب واحد دي مش عارفه بصراحه مش قادره اتخيلها
ليله…..بضحك لا يا صايعه تخيليها اسمعوا مني يا بنات هتكلمنا تاني يوم هتقولنا الحقوا رشيد بيعيط مني
ايمي…..بضحك و الله مش بعيد انا مش ضامنه نفسي
سلمي….بابتسامه بصي المهم انك مبسوطه و بتحبي رشيد زي ما هو بيحبك حقك طبعاً تحسي بلغبطة المشاعر دي بس اوعي تخليها تأثر عليكي
ايمي….اكيد لا مش لدرجه انها تأثر عليا انتوا عارفني يعني
ليله….اتبسطي و افرحي و شيلي كل ده من دماغك انتي يوم السبت هتبقي مع رشيد هتبدأوا خطوه جديده من حياتك و انا واثقه بجد انك هتبقي سعيده اوي و هتحسي ان في فرق كبير في حياتك
ايمي…..ان شاء الله المهم سيبكم مني انا بقي انتي و نعيمه مبسوطين بجد بالبيت و بكل حاجه
ليله….جداً يا ايمي انا مكنتش متخيله اني هلاقي الشكل ده و بعدين انا هقولك علي سر انتوا عارفين كويس اوي اني مستحيل اوافق علي حاجه مش ذوقي بس كنت من جوايا مقرره اني هقول علي كل حاجه حلوه حتي لو مش عجباني اوي
ايه….بضحك عشان الجواز ميتأجلش
ليله….لا خالص والله ملهاش علاقه بالجواز كده كده عشري مقرر سواء عجباني مهجبتنيش اخري معاه ثلاث اسابيع و نتجوز وانا عارفه انه مجنون زي رشيد بالظبط لما قرر يتجوز حدد المعاد قبل ما يبدأ في البيت
سلمي…..طيب ليه كنتي مقرره كده اللي اعرفوا عنك انك زي ما قولتي مستحيل تتجبري علي حاجه او توافقي علي ذوق مش ذوقك
ليله…..لان عشري لما كنا عند نادين و جالنا عسال و قعدنا احنا الاربعه اتكلم عن موضوع فكرة انفصاله عن اهله و انه حابب يقعد لوحده و زي ما قولتلكم كده عاش رحله طويله عشان يبني و يعمل الشقه يعني كانت مرحله طويله حوالي 17 سنه بيعمل كل جهده عشان يوصل للحظه دي و حتي لما بني و رفع اساس عرفت انه قعد فتره في الشقه و هي لسه علي المحاره كان يادوب بس سرير بعدها بقي يشطب فيها واحده واحده حسيت ان عشري حابب البيت اوي كان بيعملوا بقلبه حابب كل ركن فيه مبسوط باللي وصلوا مكنتش هقدر اقوله لا ولا هقدر اضبع تعبه كل السنين ده و فرحته في لحظه مع اني واثقه ان هو مكانش هيضايق و بالعكس كان هيبقي مبسوط اسألوا نعيمه امبارح عمل ايه عشان اقول حاجه واحده بس مش عجباني
نعيمه….بصراحه مقصرش و حتي والدته بجد جميله و طيبه و حنينه مش حماه و لا فيها طبع الحموات الصعيديه فضلت تقولها ده بيتك و اعملي فيه اللي يعجبك و ملكيش دعوه باللي معمول في البيت
ايمي….هي باين عليها انها ست حلوه من جوه.
ليله….اوي والله يا ايمي المهم يعني كنت واخده القرار ده عشان مضيعش فرحته بس صدقيني بمجرد مدخلت البيت كميه راحه و قبول و سعاده متتوصفش حاولت اشوف غلطه مكانش فيه انا بيفرق معايا الالوان اوي بس اللي شوفته صدمني الوان رهيبه بحبها هدوء مفيش ركن عشري مش مستغله بس في نفس الوقت مفيش زحمه مفيش كركبه مفيش تفصيله اتنست هو حقيقي تعبه كان واضح علي كل شبر في البيت كان نفسي تبقوا معايا اوي بجد عشان تتفرجوا صدقوني انا لاقيت احسن ما كنت اتمني بكتير
نعيمه….بصراحه ماشاء الله الله اكبر تجنن يا بنات انا واثقه انكم لما تشوفوها هتنبهروا عشري حقيقي مش سايب تفصيله
ايمي….ماشاء الله ربنا بيحبك يا ليله و عشان نيتك كانت صافيه و كنتب راضيه حتي من قبل ما تشوفيها ربنا عوضك
سلمي…ربنا يسعدك يا قلبي و يفرحك انتي و عشري عشان انتوا تستاهلوا كل خير
ايه….بقولك ايه انا ليا اوضه مليش فيه
ليله….بضحك اوضه واحده بس بقولك ايه في اوضه سينما تحسي انك قاعده في سينما بجد
ايه….اوبااااا لا انا جايه
نعيمه…..وعحبني اوي الغرفه اللي عاملها مسجد و غرفة الجيمنج بجد فظيعه
ليله….انا عجبني الروف اللي في اوضه النوم اوي في حمام سباحه كده صغير بس فظيعه يا بنات
سلمي…..بابتسامه انا بقول ان عشري يشطبلنا الشقق احسن
نعيمه….اه والله انا امبارح قولتله نليش دعوه انتوا هتعرفوني هعمل ايه
ايمي…..طب انتي ايه ظروفك
نعيمه….هي فاضيه لسه مفيهاش حاجه لان فضل مش عايش فيها زي عشري بس كبيره
ليله…..ماشاء الله شقتها تجنن نفس المساحه تقريباً هما كل البيوت بتاعتهم غالباً نفس المساحات الواسعه دي
ايمي…خدي بالك ااعرب و البدو بيحبوا المساحات الواسعه جداً الناس دي اجدادهم و اجداد اجدادهم طول عمرهم عايشين في الصحراء يعني قدامهم خلاء و مساحه فا هما اتعودوا علي كده
نادين….انتي لسه مشوفتيش البيت يا ايمي
ايمي…رشيد مش راااااضي
سلمي….بضحك بقولك ايه تامر مبسوط اوي و طاير من الفرحه بيقولي البيت بقي يجنن
ايمي….بجد و النبي
سلمي….والله العظيم بيقولي رهيب و لما اتفرش بقي حلو اوي
ايه….ايوه وعجباه الجنينه اوي بيقول انها عامله زي الكافيهات
نعيمه…..احنا هنشوفها قبلك
ايمي….بقولكم ايه صحيح افرشوا عدل و متخلونيش ادوخ علي الحاجه عرفوني هتحطوا كل حاجه فين
ليله…..متقلقيش معروفه رشيد ليه درغه و انتي الباقي
ايمي….بضحك ايوه جادعه انا حاجتي كتير و اهم حاجه الميكب تظبطوا كويس و تعرفوني المطبخ حاطين الحاجه فين هيبقي يومكم اسود لو دوخت علي الحاجه
ايه….انتي لما تروحي بقي خديلك لفه محترمه كده و شوفي بنفسك مكان كل حاجه
ايمي….هو قالي ان يوم الخميس هياخدني و نحيب الحاجه بتاعت المطبخ و الثلاجات من السوبر ماركت و هنجيبها علي البيت وانتوا هناك اما اشوف يمكن اعرف اغفلوا و ادخل
ليله….بضحك بعينك هنخرج اصلا ناخد منكم الحاجه
ايمي…..اه يا جزمه
ليله….بضحك يابت عشان تبقي مفجأه حلوه.
نعيمه….يلا علي خير يارب الساعه داخله علي سبعه يا بنات شوفوا لو ناقصكم حاجه.
نادين….انا كده تمام
نعيمه….طيب خلينا نظبط الدنيا هنا بدل ما هي بقت زي الزفت عشان نطلع بره
نادين….هو انا هطلع معاكم ولا هستني
ايه….بضحك هتعنلي فيها عروسه هتخرجي طبعاً
ليله…..ومتعملش ليه لا هتفضل و لما كلهم بوصلوا خالها يدخل ياخدها
سلمي…..نودي حاسه بايه
نادين….بابتسامه هاديه امممم مبسوطه و متوتره بيتهيألي اني حاسه بكل حاطه قالتها ايمي هي علي فكره مش خطوه سهله.
ايمي….اكيد مش ساهله بس المهم انك راضيه عنها
نادين …اكيد راضيه و بجد مبسوطه ااااا سكتت ثواني و هي بتلعب في صوابعها و بعدين بصتلهم بابتسامه هاديه و حزينه بس كمان كان نفسي ماما و بابا يكونوا موجودين كان نفسي احس حتي لو مره واحده في حياتي انهم جنبي و يمكن المرادي بالذات كانت هتفرق معايا و احتمال كبير كنت انسي كل حاجه وحشه عملوها في حقي ضحكت ضحكه مكسوره بس عادي بقي
بصوا البنات لبعض بابتسامه حزينه و تأثر.
ايمي…..معلش محدش يعرف ظروفهم كمان مش هننكر يعني ان موضوع كتب الكتاب ده جه بسرعه
ليله….ولا يهمك لسه في فرح يمكن يكونوا معاكي وقتها لو عرفتيهم قبلها و حتي لو مجوش بردوا عادي كلنا معاكي
ايه…هو انتي لما قولتلهم مقالولكيش هنحاول حتي
نادين….بابتسامه هزت راسها قالوا مستحيل مش هنقدر المعاد بدري و مش هيلحقوا و ماما قالت ان ولادها في الدراسه مش هتقدر تسيبهم
بصولها بحزن
ايمي….اااا احممم طيب اهو زي ما قولت صراحه موضوع السفر ده محتاج ترتيب و تجهيز و حجز
نعيمه…..بلاش حجج فاضيه كل ده مياخدش وقت لو ليهم مزاج حتي لو كل واحد يجي بطوله من غير ولاده
بصوا البنات لنعيمه و بصتلها ليله بغضب.
نعيمه….ايه بقول حاجه غلط
ليله….اه بتقولي حاجه غلط مش وقتك خالص
نادين….سيبيها يا ليله هي معاها حق اللي عايز يعمل حاجه بيعملها كنت مستنيه حد فيهم يقولي أجلي طيب اسبوع كمان كنت هأجل والله و ميدو قالي لو في نيتهم يكونوا موجودين حتي لو هنأجل ثلاث اسابيع او شهر هنأجل بس عادي انا عارفه ان كل واحد فيهم ليه حياه و بعدين انا مش زعلانه علي فكره انا من اول ما اتولدت و انا مش في حساباتهم هبقي في حسابتهم و انا عندي 34 سنه
سلمي….بقولك ايه غيري السيره دي و بما امك عارفه انك مش في اهتمامتهم يبقي تستاهلي ضرب الجزمه لو زعلتي تزعلي من ناس طول عمرهم جنبك و فجأه سابوكي في اهم يوم في حياتك انما اللي سايبك من زمان تبكي عليه ليه و بعدين كلنا جنبك احنا اهلك و عيلتك الحقيقيه كلنا معاكي و الوقت تلاقي البيت ده مش فيه نفس من كل اللي بيحبوكي
ليله….جدعه يا سلمي صح
نعيمه…..بس علي فكره يعني مفيش حاجه تعوض مكان الام و الاب
ليله….يابت انتي عايزه تضربي
نعيمه….انا متغاظه منهم يا ليله
سلمي…..انتي صح يا نعيمه مفيش حاجه تعوض مكان الام والاب بس ده لو هما ام واب حقيقين لو موجودين في حياتها من اول لحظه
هي طول عمرها بتشوف زوزو و نوجا و اميمه وقمر امهات واخوات كبار ليها بتشوف ابويا و حماده و عادل ابهات بتشوف الشباب اخواتها
محستش بكل الحجات و المشاعر دي غير معاهم فا هتيجي الوقت و تزعل عليهم لا مش من حقها تزعل و لا من حقك تفكري فيهم و تنكدي علي نفسك انتي عملتي اللي عليكي و بلغتيهم اكتر من كده بجد تستاهلي ضرب الجزمه
ايمي….بابتسامه سلمي نطقت
سلمي….اه لان يصعب عليا اشوف الحزن في عينها علي حد ميستاهلش و يصعب عليا انها تحس بالوحده واحنا جنبها ايه مش مالين عنيها مثلاً
نادين….بابتسامه يا هبله انا من غيركم ولا حاجه و معاكي حق في كلمه قولتيها ربنا يعام ان اهلكم بحس انهم اهلي عمري ما دخلت بيت ليكم و اتكسفت او حسيت اني غريبه بس انا يمكن اللي مزعلني اني توقعت انهم يكونوا معايا عشان كده لما رفضوا اضايقت و افتكرت كل حاجه وحشه.
ليله….وانا قولتهالك الف مره قبل كده مترفعيش سقف توقعاتك عشان لو لاقيتي العكس متتصدميش توقعي ديماً عكس اللي قلبك بيتمناه عشان لو محصلش متزعليش
نادين….عادي بقي انا والله مش زعلانه خالص و خلاص غيروا الموضوع بقي انا تمام جداً و مبسوطه و متحمسه و عايزه ميدو يجي بسرعه كمان.
ايمي….بابتسامه غمزتلهم طيب ادام متحنسه يبقي نحجزلها يا بنات في اي اوتيل انهارده و تبقي دخله
نادين…..لاااااا مش للدرجادي
ضحكوا كلهم عليها.
ايه….جابت وراء في لحظه
ليله…..دي جبانه دي بقولكم ايه تعالوا يلا نبص بصه كده بره زمان الناس جايه.
نعيمه….تعالي يلا.
خرجت ليله و وراها نعيمه.
ليله….انتي لسانك ده عايز قطعه علي طول كده عامله زي الثور
نعيمه….بقولك ايه انا محروق دمي لو شوفتهم والله هديهم ميت قلم علي وشهم البت مقطعه قلبي يا ليله انتي مش شايفه انها مكسوره ازاي
ليله….شايفه و عارفه ان اللي حواها اكتر بكتير من اللي قالته بس احنا نخلي النار والعه و نحط عليها بنزين
نعيمه…..مضايقه عشانها يا ليله
ليله…..وانا كمان و مفيش حاجه في ايدي اعملها عشانها و لو كان في ايدي حاجه انتي عارفه مكنتش هتردد بس لازم منحسسهاش انها صح نديهم عذر حتي لو من وراء قلبنا عشان هي تحاول تصدقه و تقتنع و متزعلش و بعدين انهارده اهم يوم في حياتها المفروض تبق يمبسوطه و سعيده مش مضايقه و متنكد عليها ميزي شويه يا اللي معندكيش مخ علي طول كده بترمي اللي جواكي في وش اي حد من غير مقدمات
نعيمه…خلاص سكت ربنا ينتقم منهم البت غلبانه
ليله….بردوا انتي مفيش فايده فيكي معىفش ايه اللي مخليني استحملك بس.
رن جرس الباب.
نعيمه…في حد جه
ليله….روحي افتحي بسرعه
خرجوا البنات كلهم و وقفت نادين علي حرف الباب كانت الساعه سبعه و ربع.
نعيمه…..ايه ده زوزوووو
ايمي….ما بدري يا ست زوزو انتي و حماده
ماريز….امنيه اللي اخرتنا هي و سي عمرو
عمرو….انا مالي انا واصل عندكم و استنيت معاكم
ليله….ايه القمر ده يا زوزو
ماريز…..والله انتي اللي قمر وسعي كده مش قادره اخد نفسي
ليله…..بضحك مالك يا زوزو انتي طالعه في الاسانسير حتي عجزتي ولا ايه
ماريز…..عجزت في عينك وسعي كده و انتي زي القمر
ليله….بضحك بقولك ايه حماده انا بفكر اجوزك عروسه كده صغيره و تدلعك عشان زوزو بقت عضمه كبيره
محمد…..وهو بيسلم عليها يلا ايدي علي كتفك.
سلمي….بضحك بصوا بتبصلوا ازاي
ماريز….ارتاح بس و هعرف ارد عليه
ايمي….بضحك انتي بتنهجي كده ليه يا زوزو صحيح يعني جايه في عربيه و طالعه في اسانسير
محمود…..عشان عندها برد
خرجت نادين و سلمت عليهم
ماريز…..ايه يا بت الحلاوه دي كلها
نادين….بابتسامه بجد يا زوزو يعني انفع عروسه
محمد….انا بفكر ابقب انا العريس و اهو احنا الاتنين محمد
نادين….بضحك صح بس زوزو حبيبتي هنبقي ضراير
ليله…..راحت عليها خلاص الراجل الغلبان ده عايز يتدلع
ايه….انتي ساكته ليه يا زوزو
ماريز……مش عايز انكد عليهم في الفرح
ايه…..اهو قلبك الكبير ده اللي موديكي في داهيه
عمرو….مبروك يا نادين عقبال الليله الكبيره
نادين…..الله يبارك فيك يا عمرو عقبالكم ان شاء الله
عمرو….عملتوها انتوا قبلنا ماشي براحتكم اوي
ليله….نهار مهبب هي الصفراء اللي جنبك دي نقلتلك العدوه
امنيه…..بضحك انا صفراء يا لولي
ليله….بضحك اه مش علي طول بتقولي علينا بايرين اقعدي بقي جنب امك هنتجوز قبلك
امنيه….يا ستي اتجوزوا بس عشان نرتاح منكم ده الشباب امهم داعيه عليهم
ليله….بضحك خد بالك يا عمرو هجيبهالك من شعرها
عمرو….بضحك محدش يقدر يجي جنبها
نعيمه…..احيييييه ده احنا لو اتلمنيا عليكم انتوا الجوز مش هنسيبكم
ايمي….بضحك ملاقتش غير الغجر دول يا عمرو وتحط نفسك معاهم
عمرو…..بضحك انا اسف مكنتش اعرف
امنيه…..لا بس نودي مؤدبه وسلمي كمان و البت يويو قمر هما الجوز دول و معاهم ايمي
ايمي….بضحك والله لو شيلتيني انا و نعيمه ليله تقوم بيكم لوحدها
امنيه……عشان متشرده
ليله….بضحك حماده لم بنتك عني انا عامله حسابك
محمد…..اعملي اللي يعجبك تستاهل
امنيه….انت معايا ولا معاها يا حماده
محمد….كله الا ليله انا بقولك اهو
ليله…..هو انا بحبك من شويه مسكت خده باسته والنبي لا اجوزك
ماريز……بصت علي الارض حد فيكم يناولني شبشب
ليله…..بضحك بعدت ايه ده انتي فوقتي
ايمي….خدت نفسها خلاص
الباب كان مفتوح اتفتح باب الاسانسير كلهم بصوا لقوا نجلاء و عادل و اخوات نعيمه.
نعيمه…..ايوه بقي هلو وراء بعض كده
نجلاء…سلام علبكم جميعاً متجمعين في الافراح ديماً
عادل….سلام عليكم ايه ده العروسه
نادين….بابتسامه قربت منهم سلمت علي نجلاء و بعدين عادل
نجلاء…بصت لنعيمه ايه العروسه القمر
نعيمه…..شوفتي الحلاوه يا نوجا
ماريز….اتأخرتوا ليه انا قولت هاجي الاقيكم
نجلاء…..الطريق زحمه خلوني اخد نفسي
ليله….بضحك احيه عليا هو كل اللي طالع بينهج ليه
ايمي….بضحك والله ما عارفه
محمد….واحشني يا عادل
عادل…..اااااه انت اكتر والله يا حبيبي
محمد….لسه ركبتك وجعاك
عادل….اه والله مش قادر افردها كمان السواقه متعبه
محمد….طيب وسايق انت ليه ما نادر يسوق عشان تفرد رجلك
عادل….ماهو جاي هو واخته في عربيته قال مبيحبش يركب عربيتي
ايمي….طب ما تركب معاه
نادر….والله قولتلوا قالي مش برتاح غير في عربيتي
نعيمه….هو غاوي تعب كده
نسمه….بهمس مسموع نوني انا عايزه ادخل التويلت
سلمي….بضحك هو انتي زي اختك علي طول عايزه تجري علي الحمام
نعيمه….بضحك وراثه مهببه
نادين….روحي يا نسمه هناك
نجلاء….علي فكره وليد تحت يا ليله
ليله….طب مطلعش ليه
نجلاء…..قال مستني اخواتك داخلين عليه خلاص طلعنا احنا عشان ميتنوش الاسانسير
ليله…ايوه اميمه قالتلي داخلبن عليكم بس كان طلع هو لوحده ولا معاه مراته و البنات
نجلاء….معاه البنوته الكبيره بس نسيت اسمها
ليله…..تقي
نجلاء….ايوه تقي صح بت يا نودي طالعه زي القمر
نادين…..انتي اللي قمر يا نوجا
ثواني بسيطه و طلع اخوات ليله دخلوا سلموا كلهم ليله كانت مبسوطه عشان احمد و سامح كمان جم هب طلبت منهم انهم يكونوا موجودين عشان يفرحوا نادين
قربت ايه و هي ميته من الضحك
ايه….ليله اميمه وقمر كمان بينهجوا ليه.
ليله…..بضحك و الله ما عرف انتوا كلكم بجد بتنهجوا ليه
ضحكوا كلهم
اميمه……انتوا طريقكم بصراحه بعيد
ليله….بضحك ايوه بس انتوا راكبين عربيات و طالعين في اسانسير
اميمه….بضحك كبرنا بقي يا ليله
ماريز…..كبرتي ايه ده انتي اصغر من ام لسان طويل اللي عايزه تشوف عروسه لحماده
اميمه…..هو يلاقي زيك و بعدين ميقدرش علي بعدك ولا ايه يا حماده
محمد….حصل و هي عارفه
مالت بضهرها لقدام وبصتلوا
ماريز…..يا سلتم ما انت لسه قايلها ايدي علي كتفك
ليله…اوبااااااا دي طلعت بتغير عليك يا حماده
محمد….بضحك طيب انتي تصدقي
ايمي…..و بعدين العضمه كبرت يا زوزو حماده كبر خلاص
احمد…..لا عم حماده لسه شباب
ماريز….قصدك ايه يا احمد يعني يتجوز عليا ما تشوفي جوزك يا اميمه
احمد….بضحك هو يلاقي زيك فين بس اقصد ان انتوا الاتنين شباب
ليله….بضحك ايوه الحق نفسك كده
مر حوالي عشر دقايق و وصل جمال خال نادين و كانت المفجأه ان جدتها كمان كانت معاه بس علي كرسي متحرك لانها مش بتقدر تحرك جسمها بسبب الجلطه لكن صممت انها تروح معاه .
اول ما لمحت نادين البنات و مرات خالها و لمحت خالها وراهم بالكرسي بتاع جدتها اتصدمت
جريت عليها حضنتها و نزلت دموعها
نادين…..يا عمري انتي ايه المفجأه الحلوه دي مسكت كفها باسته
وابتسمت جدتها بهدوء و رفعت كفها اللي بتحركه طبطبت علي راسها
جمال….انا قولتلها ايه رأيك تيجي معايا و نفرح نادين كنت عارف انها مش هتوافق لانها بتنزل للدكتور بالعافيه قالتلي ماشي مرضتش اعرفك كنت خايف تغير رأيها في اخر لحظه
نادين….بدموع دي احلي مفجأه في الدنيا
سلمت نادين عليهم و دخلوا سلموا علي الكل و سلموا علي جدة نادين
وفضلت نادين قاعده علي ركبها جنبها و ماسكه ايدها تبوس فيها
جمال….ايه العريس جاي امته
ليله….علي وصول خلاص قال هيجي علي ثمانيه
جمال….علي خير يارب عقبالكم كلكم يا بنات
عادل…..يارب و عقبال القمرات دول
جمال….يارب في حياتك
محمد….ربنا يفرحك بيهم
جمال….اللهم امين و مبروك ليكم كلكم يا بنات سمعت كده ان في خطوبه و في جواز
ايمي….بابتسامه حضرتك معزوم اكيد يوم السبت
جمال….يا سلام طبعاً خطوبه ولا جواز
ايمي….لا جواز
جمال….ماشاء الله ربنا يتمم بخير يارب و عقبالكم كلكم
ايمي….يارب طيب احنا مسألناش كل ده تشربوا ايه و عمالين نرغي
محمد…..انا عايز اشرب قهوه
ايمي….حاضر مين تاني قهوه وفي عصير وفي شاي و في كل حاجه
عادل….انا قهوه مع ابوكي يا ايمي
محمد….هو احمد فين يا سلمي
سلمي…..جاي الوقت يا حماده كان مستني تامر لان تامر كان معانا هنا هو ومحمود و اكيد هو اللي أخره
محمد…..يجي علي خير
راحت ليله و ايمي عملوا للرجاله قهوه شويه و احمد و تامر و صلوا و علي الساعه ثمانيه بالظبط اتصل عشري علي ليله عرفها انه وصل هو و الشباب كلهم تحت البيت و معاهم عسال و اهله
دخلت نادين بسرعه علي الاوضه بتاعتها ايديها كانت متلجه حرفيا قلبها بيدق متوتره لدرجه تخطت كل الحدود خايفه و مرتبكه.
دخلت معاها ايمي علي جوه و استنت ليله و باقي البنات بره عشان يستقبلوهم.
……………
ايمي….بضحك بت يا نودي بقولك ايه اوعي تتوتري و يحصلك بانك اتاك مش وقتك
نادين…..قلبي هيقف يا ايمي
ايمي….ليه بس بدل ما تفرحي يا جزمه
نادين…..فرحانه والله بس متوتره اوي
ايمي….لا يا قلبي اهدي كده و خدي نفس براحه و انسي خالص اللي بره
نادين…..اووووووف ايمي خليكي معايا عشان خاطري
ايمي…..يابت انا معاكي اهو مش هسيبك
سمعت صوت بره و سلامات و مباركات و الصوت كان عالي ضحك و كلام مش مفهوم.
نادين…اااا دول وصلوا
ايمي….بضحك لا بقولك ايه هتروشيني هضربك انا يابت مش ناقصه جنان
نادين….ايمي بجد انا متوتره انا مش عارفه هخرج ازاي
ايمي….ضحكت و غمزتلها هجيب عسال يخرجك
نادين….ابتسمت غصب عنها ده هو اكتر واحد موترني
ايمي….كلها وقت بسيط يبقي جوزك يا هبله
نادين….بصدمه جوزي!!
ايمي…..بضحك امال المأذون جاي يهبب ايه يا أخرة صبري مستغربه اللقب الجديد اوي
نادين….اه والله العظيم لا لا انا خلاص مش قادره
ايمي….اقعدي شويه خيلتيني
نادين….بقولك ايه هو انتي لما كتبتي كتابك اول مره كنتي متوتره كده
ايمي…..بضحك وانا فاكره بس يعني كنت مبسوطه اكيد
نادين…..ماهو انا مبسوطه بس متوتره جداً
ايمي…..انتي اللي موتره نفسك كل ده هيروح اول ما تخرجي و تسلمي علي الكل
راحت علي الباب تسمع.
نادين….بتنهيده طويله وهي حاطه ايدها علي قلبها اوووووف مش سامعه حاجه
ايمي….بقولك ايه تعالي هنا كده اقعدي
اتفتح الباب مره واحده بصت نادين بصدمه لقتها ليله
نادين…..ايه مخبر في حد يدخل كده
ليله….بابتسامه بقولك ايه ميدو قمرررررررر
نادين….بابتسامه تجنن و لمعه في عينها بجد
ليله….والله زي القمر شكلوا عريس بجد
نادين….اااا لابس ايه طيب؟
ليله….لابس بنطلون اسود و قميص اسود هو يبان طقم عادي بس شكلوا يجنن والله و جايبلك ورد قمر
نادين…اوووووف قلبي هيقف
ايمي….رشيد لابس ايه
ليله…..بضحك لابس بنطلون اسود و قميص ابيض هو كمان قمر بقولك ايه كلهم يجننوا بس معلش بقي البلطجي بتاعي في حته تانيه
ايمي…..بضحك مين يشهد للعريس يا واطيه
ليله…بصراحه كلهم حلوين
نادين….هو معاه المأذون طيب
ليله….لا بس اكيد جاي وراهم عشري قالي علي وصول
نادين…..هو يعرف بيتي منين
ايمي….بضحك ضربتها علي راسها هو ده اللي هامك
ليله….غبيه اكيد يعني هيكلمهم و هيبقي معاهم علي التليفون
نادين….اااااا طيب انا هفضل هنا لحد ما يجي صح
ليله….لا مش صح طبعاً لازم تخرجي تسلمي علي الناس خالك بس يخلص رغي معاهم و يجي ياخدك
نادين…..طيب ما تخلوني هنا احسن لحد ما يجي
ليله….يابت بلاش قلة ذوق لازم تخرجي و تسلمي
ايمي….بضحك عايزه تخرج علي المأذون علي طول مبتضيعش وقت
نادرن….والنبي اسكتي عشان انتي موتراني
ايمي….اه يا واطيه يا بت انا بدري معاكي و بهديكي بقيت بوترك الوقت
ليله….اقعدي و اهدي شويه متخرجيش و انتي عامله كده وشك ابيض و ايدك متلجه
نادين….اعملي حسابك انتي و هي دقيقه بالظبط و هيغم عليا
ايمي….بضحك حسباها مش دقيقتين يعني
سمعوا خبط علي الباب مسكت بسرعه في ايد ايمي و ليله فتحت الباب لقت خال نادين.
ليله….بابتسامه تعالي يا انكل جمال شوف حل في اللي قلبها هيقف دي
جمال….بابتسامه ايه يا عروسه مالك
نادين…..انت جاي تاخدني يا خالو
ايمي….بضحك فكرتني بفيلم دعاء الكروان لما خالها جه يموت هنادي يا بت هو هيموتك
جمال….بضحك في ايه بس اهدي كده تعالي يلا معايا عسان تسلمي علي عريسك و الناس اللي بره
نادين… لا والنبي يا خالو خليني شويه
ليله….بضحك يا بت انتي هتاخدي حقنه اخلصي يلا
جمال….تعالي يلا في ايدي و البنات هيخرجوا معاكي هما كمان
ايمي….يلا متخافيش و انشفي كده يا بت
نادين….اااا طب استنوا ثانيه طيب مستعجلين ليه
جمال…..عشان تسلمي عليهم قبل المأذون ما يوصل ميدو قالي انه جاي في الطريق
نادين…اااا طيب طيب خلاص ااا انا عايزه اشرب
ليله….بضحك اتفضلي المايه وراكي
نادين….لا لا خلاص مش عايزه طيب انا شكلي حلو
التلاته ضحكوا عليها
جمال…..بضحك زي القمر
ايمي….والله تجنني
ليله…استني بس ازودلك الروج اللي كلتيه و كلتي شفايفك معاه
مسكت الروچ و قربت منها حطتلها
ليله….يلا كده حلو اوي
نادين….اااا طيب يلا
جمال مسك كفها و بصلها
جمال….يلا
نادين…..ماشي لا ااا طيب يلا خلاص
فتحت ايمي الباب و خرجت بابتسامه و وراها ليله و الكل عينه كانت علي نادين كانت زي القمر كلهم مبتسمين و البنات قربوا من ايمي و ليله و قفوا قريب من نادين.
خرجت نادين في ايد خالها كأنها طفله عينها في الارض صدرها باين انه بيطلع و ينزل
اول ما خرجت اميمه كالعاده فضلت تزغرط هي و قمر و نعيمه معاهم بتجامل و قف الشباب كلهم و عسال قبلهم هو و امه و اخواته
جمال….بابتسامه سلمي يا نادين يلا
رفعت وشها بهدوء لقت حنان بابتسامتها اللي تجنن
حنان….مبروك يا نادين
نادين….بهمس الله يبارك فيكي
ضمتها حنان و طبطبت علي ضهرها وبعدين سلمت علي ريهام
ريهام…ايه القمر ده مبروك يا نودي
نادين….الله يبارك فيكي يا ريهام
سلمت علي الشباب اللي كانوا مبتسمين و مبسوطين جداً و بعدين راحت علي ميدو بصتلوا و هي باين عليها الصدمه و الرعب.
عسال….مسك كفها باسه بهدوء و بصلها بهمس شششش اهدي ايه القمر ده
ابتسمت نادين و هي بتاخد نفس و مردتش
حسان…..مبروك يا نودي ايه القمر ده
نادين….ميرسي يا حسان الله يبارك فيك
رشيد….قرب منهم بهمس سبقتونا ينفع كده
نادين…..بابتسامه ااا لا مينفعش
رشيد….مبروك يا عروسه الف مبروك
نادين…الله يبارك فيك يا رشيد.
عشري….بضحك بقولك ايه مش وقت توتر افرحي
نادين….بضحكه هاديه حاضر
عسال…..بهمس و نظره تجنن حبيبي اهدي شويه ايدك متلجه و بتترعشي
نادين…..ااااا ميدو انا متوتره اوي
عسال….عارف يا عمري بس اهدي خلاص انا جنبك يا حبيبي
نادين…ههههو المأذون فين
عسال….جاي في الطريق يا قلبي
نادين…ماشي ماشي
عسال…..امسكي يا احلي بنوته
بصت علي الورد و ابتسمت
نادين….بابتسامه ااا شكراً
عسال…..شكلك يجنن بجد
نادين….انت كمان شكلك حلو اوي
قربت منها حنان و مسكت ايدها.
حنان….ايه الحلاوه والقمر ده
نادين….بضحكه جميله حضرتك اللي زي القمر والله
حنان…..اهدي شويه متوتره كده ليه
نادين….ااااا مش عارفه
حنان….اهدي حبيبتي و بعدين قوليلي ايه رايك في العريس الحلو ده
سلامه….نط في وسطهم لا انا احلي
نادين….بضحك انتوا الاتنين حلوين اوي و الله
سلامه…..حب يضحكها و بخليها تفك شويه بقولك ايه يعني كلها دقايق و المأذون يجي و تبقي مرات اخويا رسمي و هنرفع التكليف و نزود العشم فا بصراحه كده بقي عندك كاب لونه ازرق شوفته معاكي لما كنا في دهب الكاب ده يلزمني
ضحكت نادين و ضحطوا كلهم
عسال….بضحك خدي بالك متوافقيش عسان لو رفعتي التكليف و زودتي العشم زي ما بيقول لبسك هيبقي في دولابه و هو معندوش مشكله يلبس بناتي المهم يلسع اي حاجه
نادين….بضحك طيب مقولتليس ليه كنت ادتهولك
سلامه….ما بصراحه بقي قولت خليني محترم لحد ما نتعرف علي بعض اكتر
حنان….بضحك مش كفايه عليك لبس ميدو
سلامه….لا مش كفايه ده ميدو و نادين و اي حد هيعجبني معاه حاجه هاخدها منه
عسال….ده عايش معانا بلطجه ده انا هتجوز مخصوص عشان اخلص منه
سلامه…..طب وانت تعرف اني هسيبك بسهوله كده
عسال….لبستك يعني طول العمر
سلامه….بضحك اه انت و نادين
ريهام….بهمس علي فكره والله العظيم لابس شرابي
نادين….بضحك شرابك ازاي
سلامه…انا مالي مش لاقي شرابات بتضيع في الغسيل
مصطفي….علي فكره الساعه دي كمان بتاعتي هو مش موضوع غسيل هو كده عايش معانا بالدراع
نادين….بضحك طيب وفين حاجتك
سلامه….بضحك في الدولاب بس بحب ارخم عليهم
فضلوا يتكلموا و يضحكوا و هديت نادين كتير و فضل ميدو ماسك كفها مسابهوش لحظه بعدين قامت راحت للبنات و قفت معاهم شويه و بعدين راحت لجدتها
الكل كان بيتكلم مع بعض و بيضحكوا وبيهزروا الاغاني شغاله
لمح عشري ليله من بعيد في المطبخ جنب البار ابتسمت و فضلت تغنيلوا من بعيد مع الاغنيه و ترقص كتفها
ابتسم بهدوء و بعد عينه عنها و رجع بصلها تاني لاقها مكمله ساب الشباب و راح عليها هي و ايمي وهو بيضحك
عشري….ايه مش هنعقل
ايمي….مش في اغاني ترقص يبقي مش هتعقل
عشري….بضحك طب نهدأ كده عشان منزعلش
ليله….بضحك انا اتحركت من مكاني و بعدين مركز معايا ليه
عشري….بضحك اعمل فيها ايه يا ايمي
ايمي…اتجوزها و احكمها في البيت الرقاصه دي
ضحكت لياه ونمت علي كتفها
عشري…..بضحك انتي صح دي عايزه تتلم
ليله…..بدلع و انا قولت لمني و اتجوزني قبل ما اجرسك
عشري…..ما قولنا كده امبارح قولتي لا
ايمي…..و في واحد عاقل يسمع كلام النسوان
ليله….بضحك نسوان في عينك
عشري….صح انا مينفعش اسمع كلام النسوان يا ايمي بقولك ايه انتي تتجوزي و تروحي شهر العسل بتاعك ده بس اخرك يومين تلاته عشان ألم الرقاصه دي واتجوزها
ايمي….اتجوزها يلا و ليك عليا مش هسافر
ليله….عايزه تخلصي مني يا ايمي
ايمي….اه عايزه اخلص منك
اشتغلت اغنيه تانيه لاحمد سعد ابتسمت ليله و هزت كتفها
عشري…..بضحك اثبتي و امسكي العقل
حركت حواجبها مع الاغنيه
ايمي…..بضحك اتفرج هتسكت وسطها كتفها هيتحرك هتسكت كتفها هترقصلك بحواجبها فاجره
ضحك عشري من قلبه هو وليله علي كلمتها
ليله….انا مش هرد عليكي يا ناقصه الوقت
ثواني بالظبط و قام عسال رد علي التليفون و بعدين قفل.
سلامه…..ايه رايح فين؟
عسال….المأذون وصل هنزل اجيبه
سلامه….استني جاي معاك
بصتلوا نادين بصدمه و فضلت تهز في رجلها ابتسم بهدوء و غمزلها وبعدين مشي.
عشري….علي فين يا عريس
عسال….المأذون وصل
عشري…..اجي معاك
عسال….خليك يا صاحبي
نزعل عسال و سلامه غابوا تحت عشر دقايق و بعدين طلعوا تاني و معاهم المأذون رجع تاني صوت الزغاريط
المأذون….السلام عليكم مبارك عليكم جميعاً
الجميع….وعليكم السلام.
محمد….اتفضل يا شيخنا
و قفت نادين جنب جدتها و بعدين راحت بسرعه جنب البنات
ليله….بضحك انتي ايه اللي جابك
نعيمه…..انتي بتهربي يا بت
نادين….اسكتوا خالص قلبي هيقف والله
ايمي…..بضحك اهدي بقي روشتي امي
قعد المأذون و قدموالوا مايه و عصير طلع الورق و بدأ يكتب حجات و ميدو طلع بطاقته و راح ياخد بطاقه نادين.
عسال…..حبيبي فين بطاقتك
نادين…اااا معرفش
عسال….بابتسامه نعمممم
نادين…ااا في الشنطه جوه
ايه….استني هروح انا اجيبها
عسال…..طب بسرعه يلا يا ايه
ايه….حاضر هي فين
نادين….جوه في الدولاب لا لا جنب التسريحه علي الكرسي
ايه….ماشي.
عسال….تعالي معايا يلا
نادين….اجي فين
عسال….بضحك هتمضي علي ورق
ليله….هيمضيكي علي وصل امانه روحي يابت
عسال….بضحك اهي ليله قالتلك همضيكي علي وصل امانه.
ابتسمت نادين وراحت معاه قعدت جنب خالها و ميدو و كل الشباب و الرجاله كانوا واقفين حواليهم.
عسال….بهمس بطلي تهزي رجلك
نادين….حاضر
قربت حنان وقفت جنبها حطت ايدها علي كتفها
ابتسمت نادين و مسكت ايدها.
ثواني تاني بالظبط و قرب ميدو من المأذون اتكلم معاه بهدوء من غير ما اي حد يسمع كانت باصه عليه و الاتنين قاعدين يهزوا في دماغهم و هي مش فاهمه اي حاجه و لا ليها في الجو ده اصلاً.
شويه و قام عسال عمل تليفون غاب شويه و بعدين خرج من البلكونه .
الكل كان ساكت في همس بسيط لكلامهم
قرب عسال من سلامه فضل يتكلم معاه شويه و بعدين نادي علي خالها
كانت نفسها تعرف بيتكلموا في ايه
ابتسم خالها وهز راسه و بعدين طبطب علي كتف ميدو و بعدين ضموا
مشي سلامه ناحيه الباب بصت عليه نادين و البنات ركب الاسانسير و نزل
عسال….احمممم جاهز يا مولانا
الماذون….بابتسامه انا جاهز اكيد انتوا جاهزين
عسال….ايوه جاهزين بس ادينا خمس دقايق كده و أبدأ علي طول بس قبل ما نبدأ يا جماعه انا حابب اقول كلمتين قدامكم كلكم بص لنادين بصتلوا و هي مصدومه
تعالي يا نادين لحظه
قامت بهدوء و راحت عليه و هي مش فاهمه حاجه و محرجه جداً و مش عارفه تتكلم ولا عارفه هو هيقول ايه.
قربت منه و قفها ضهرها للباب و ابتسم بهدوء.
عسال….اااا انا اكيد مش مرتب اي كلام اقوله و لا بحب المواقف اللي فيها مواضيع انشاء و كلام كتير
بس انا عايز اقول كلمتين لنادين قدام الكل بحبك يا نادين اوي
ابتسمت نادين بتأثر وهي عينها مليانه دموع و نفسها الارض تتشق و تبلعها اما البنات كانوا واقفين جنب بعض و ماسكين في ايد بعض و مبتسمين.
عسال….ااااا بحبك للدرجه اللي مستحيل تتخيليها قولتلك قبل كده اني مستعد اعمل اي حاجه تخليكي مبسوطه و ربنا يقدرني اكون قد الوعد ده ديماً يمكن انا عارف ان الوقت انتي متوتره جداً و الموقف اللي احنا فيه ده علي قد ما هو مخليكي مبسوطه علي قد ما انتي نفسك يخلص بسرعه و ابطل كلام
ابتسمت ناديين و هزت راسها بمعني ايوه
عسال….بص بطرف عينه علي بره لمح باب الاسانسير اتفتح و بمجرد ما قرب سلامه من باب الشقه
كل البنات شهقوا و حطوا ايدهم علي بوئهم بصدمه.
رجع عسال بصلها بأبتسامه تاني
عسال….. انا هخلص الموقف ده بسرعه عشان متتوتريش اكتر من كده و انا حبيت اعملك مفجأه في اليوم ده و صدقيني ملاقتش احلي من المفجأه دي يمكن كل الموجودين بيحبوكي و بتحبيهم و غالين عندك بس انا واثق ان في ناس و جودها كان هيفرق معاكي اكتر لف كتفها و خلاها تبص وراها.
لمحت نادين ابوها و امها و قفت زي التمثال منطقتش باصه بصدمه و دموعها نازله و بتهز راسها بهدوء
البنات كلهم عيطوا و عينهم كانت عليها عسال كان قريب منها خايف الصدمه توترها تخليها يغم عليها
الموقف كان مؤثر علي الكل خالها دموعه كانت نازله و واقف جنبها يطبطب علي كتفها و هي ولا هنا لسه مش مستوعبه
قرب والدها و والدتها شويه دموع والدتها كانت نازله و والدها كمان كان بيحاول يتماسك.
والدتها…..مبروك يا نادين
والدها….مبروك يا حبيبتي
ابتسم عسال و طبطب علي ضهرها و هو بيدفعها بهدوء ناحيتهم
مشيت خطوه بتقل رهيب و بعدين بدأت تفوق من صدمتها و قربت منهم والدها كان اقرب ليه أترمت في حضنه بانهيار و عياط و صوت مسموع للكل محدش من الموجودين متأثرش او مدمعش حضنها والدها بكل قوته و نزلت دموعه قربت والدتها مسكت ضهرها و بعدين سحبتها من حضن والدها مسكت فيها نادين و عيطت عياط هستيري اتلموا حوالبها البنات يهدوها و هي مش قادره تسكت تسيب مامتها شوبه و تروح لبباها و تسيب بباها تترمي في حضن مامتها اكتر من ربع ساعه عياط و وجع و فرحه و صدمه الكل كان منهار عشانها بعدين سابتها والدتها و قربت من امها ضمتها وهي بتعيط و بعدين سلمت علي اخوها و بدأ الكل يسلم عليهم حاولوا البنات يهدوا نادين و يمسحوا دموعها و يظبطولها الميك اب و حنان تديها مايه حست بأيد بتتحط علي كتفها بصت بهدوء لمحت ميدو رجعت دموعها تنزل تاني و مهمهاش اي واقف اترمت في حضنه و بقت تعيط بصوت فضل ماسك راسها بكفه و عينه مدمعه و عروقه نافره
البنات و الشباب انضموا ليهم و بقوا يهدوها حتي ماريز و تخوات ليله وزنجلاء قربوا منها يكلموها وهي ولا هنا مش عايزه تسيب ميدو ولا عايزه تبص لحد
عسال….بهمس حبيبي اهدي عشان خاطري و حياتي عندك اهدي
سلامه….بضحك علي فكره كده الكاب هيبقي اتنين خلتينا كلنا عيطنا
عشري….نودي وحدي الله كده و اهدي شويه افرحي هما معاكي
رشيد….سيبوها يا جماعه سيبوها تعيط و تاخد وقتها
ماريز….بدموع نادين يا نور عيني اهدي يا قلبي اهدي شويه كفايه عياط.
ليله….بدموع نادين تعالي يا قلبي ندخل نظبط الميك اب شويه
ماريز….اه يلا خديها معاكي جوه روحوا معاها يا بنات
رفع عسال وشها بهدوء
عسال…..خديها يا ليله يلا
اتحركوا البنات قدامهم و مسكتها ليله من ايدها و دخلوا علي الاوضه.
اول ما دخلت فضلت تعيط تاني
ايمي…..بدموع نادين كفايه عياط بجد قلبك هيقف
نعيمه…..اشربي يا نودي مايه
ليله…..بصي انا عارفه انتي حاسه بأيه و عارفه انك مصدومه و كانت مفجأه ليكي بس كفايه عياط و بعدين عينك هتتعب و مش هنعرف نظبط الميك اب اللي باظ ده خلينا نخلص و نخرج يا قلبي
نادين….بدموع انتوا كنتوا عارفين
ليله…..خالص والله محدش فينا كان يعرف
نعيمه…..كلنا اتفاجئنا والله انا لسه كنت عماله اشتم فيهم
ايمي….و بيتهيألي حتي الشباب ميعرفوش الكل كان متفاجئ
سلمي…..كفايه عياط و حياتي عندك و بعدين افرحي بقي فرحتك كملت يا نادين.
ليله…..بدموع ابتسمت انا كنت بحب ميدو و انتي عارفه انه غالي عندي اوي بس بعد الموقف ده انا حبيته اكتر اوعي تفكري تفرطي في عسال يا نادين عشان بيحبك من قلبه بجد متعلق بيكي و شايف ان انتي كل حاجه بالنسبه ليه ورغم تعلقه باهله الا اني بحس ان مستكفي بيكي عن الدنيا
ايمي….حصل راجل و جدع و عمل اللي محدش فينا عرف يعملوا
ليله…..قومي يلا تعالي أغسلي وشك
نعيمه….كده كله هيبوظ يا ليله
ليله….مفيش حاجه هتبوظ خمس دقايق و هترجع زي ما كنت اغسلي وشك بس بهدوء يلا يا قلبي
قامت نادين مع ليله و دخل غسلت وشها بهدوء و ليله رفعتلها شعرها
بعدين نشفت وشها بهدوء و خرجوا
ليله…..قوموا بسرعه من هنا خلوني اظبط الدنيا
قاموا البنات و كل واحد فيهم بقي يناولها حاجه و هي تحط لنادين عشر دقايق بالظبط و رجعتها زي القمر تاني
ليله…..بأبتسامه اهو رجعنا قمرات تاني
ايمي….هي اصلا قمر
ليله…بصي هتخرجي و اياكي تعيطي تاني ماشي
نادين….بهدوء حاضر
ايمي….استنوا هروح انادي عسال يجي ياخدها.
ليله…..بقوه عسال ايه نادي ابوها تخرج في ايده.
بصتلها نادين بعيون فيها لمعه
ليله….ابتسمت وباست راسها دموعك متنزلش يابت انشفي و يلا ارفعيلي راسك دي و اخرجي ايدك في ايد ابوك.
ضحكت نادين من بين دموعها و مسك كف ليله بقوه
ايمي خرجت بره بعد كلام ليله و راحت قربت منهم كلهم كانوا مستنين.
ايمي….بابتسامه كان باين عليها التأثر ممكن ابو العروسه يجي ياخد عروستنا
ابتسم والد نادين و قام راح مع ايمي
خبطت ايمي و دخلت علي نادين و والدها وراها
ليله….بهمس متعيطيش
قامت وقفت نادين و هي عينها عليه.
عصام…..مبروك يا نودي
نادين…..بابتسامه هاديه الله يبارك في حضرتك
عصام….اااا جاهزه نخرج لعريسك
نادين….اااا ايوه
ابتسم بهدوء و قرب منها باس راسها
غمضت نادين عينها بقوه بعد عنها و مسك كفها
عصام….يلا بينا.
خرج بيها و وقف تاني عسال بأبتسامه تجنن و الكل بقي يزغرط و مبسوطين و بدأت اجواء كتب الكتاب وسط تجمع عائلي يجنن
حط عسال ايده في ايد عصام و كفه التاني مكانش مفارق كف نادين و هي بتحاول تيسطر علي دموعها و مش عارفه و كفها التاني في كف مامتها.
سأل المأذون اذا كان العريس والد نادين اذا كانت نادين خدت حقوقها كامله رد خالها قدام الكل.
جمال….بابتسامه أكتب يا مولانا حقوق العروسه كلها وصلت بص لنادين وابتسم و هز راسه.
اتكتب الكتاب اخيراً و شد سلامه المنديل قام عسال سلم علي والدها و الكل اتقسم نصين جزء يبارك لنادين و جزء يبارك لعسال ضمها ابوها وامها و باركولها و بعدين جه الحضن اللي بجد قرب منها عسال و ضمها بكل قوته لدرجه ان كل اللي كان موجود حس انه هيكسرها في ايده.
كملوا اجوائهم بكل سعاده البنات و اخوات ليله و الكل بقي يقدم الحلو والعصاير و المأذون مشي
و بعدها عسال قام و قالهم ان كلهم هيخرجوا و يكملوا سهرتهم في مكان هو حاجزه .
دقايق بسيطه و الكل نزل و ركبوا عربياتهم و مسمحش ميدو لاي حد فيهم يمشي
وخدهم علي مكان جميل كان حاجزه قبلها و بردوا من غير ما تعرف.
قعدوا مع بعض و شويه شويه بقوا يستأذنوا قعدت والدت ناظين مع والدتها كتير و مع اخوها اتكلموا و بعدين حس جمال ان امه تعبت قرر يمشي هو كمان و صفت قعدتهم علي كل الشباب و البنات و الدتها ووالدها و استأذن سلامه وحسان من احمد ان البنات يفضلوا وتامر كمان معاهم وافق و سابهم و مشي مع ماريز و محمد و فضل معاهم محمود و امنيه و خطيبها و مشي كمان اهل نعيمه بس اخواتها كملوا معاهم و بقت قاعده شبابيه مفيهاش غير والدها و والدتها.
وللحديث بقيه……
