لقاء كارثي

لقاء كارثي
أميره أسامه
صاحبة البطل الواحد

~° البارت الثالث و الاربعون°~
……………….

بعد ما الكل مشي و فضل بس الشباب بس و معاهم اهل نادين .

كانت قاعده هاديه و رايقه و كلها سعاده

نادين كانت لسه مش مستوعبه حاسه انها في حلم جميل مش حابه تصحي منه حاسه انها مش في وعيها كان بقالها حوالي ثلاث سنين مشافتش والدتها و والدها كانت بقالها خمس سنين مشافتهوش

كل شويه ترفع عينها بهدوء و كأنها بتسرق نظرات منها ترجع تاني تفتكر ملامحهم و منها تحاول تصدق انهم حقيقه مش حلم.

مقالتش ولا كلمه ليهم اكتفت بالصمت و الهدوء كان جواها أسئله كتير ليهم بس مكانتش عارفه تقول ايه او تبدأ منين و كأنهم اغراب عنها مكسوفه منهم بس في نفس الوقت سعادتها بوجودهم كانت أكبر بكتير من كل مشاعرها المتلغبطه

كانت حاسه من جواها ان بعد وجودهم معاها في اهم يوم في حياتها انها حقيقي نسيت كل حاجه حصلت منهم في حقها مكانش في جواها كرهه او غضب او حتي عتاب

شعورها في الوقت ده كان عامل زي الطفله اللي تاهت عن أهلها من زمان و رجعتلهم و هي كبيره بعد سنين كتير جزء منها فرحان برجوعها وسط اهلها و جزء تاني حاسس انه غريب تايهه مش عارف يقول ايه.

كان جواها كمية مشاعر متتوصفش لعسال مش لاقيه كلمه تقولها ليه نفسها تسأله عملت كل ده أزاي و امته نفسها تقولوا شكراً بس كلمة شكراً مكانتش كفايه .

سرحت شويه و افتكرت كلام خالها قبل ما يمشي.

فلاش باك

جمال….نادين أهمشي الوقت عشان امي كده كتير عليها و هتتعب

نادين….ماشي يا خالو

جمال….بس انا لازم اشوفك وقت ما تكوني فاضيه و عايز اعرفك حاجه مهمه ميدو جالي امبارح و قالي انه عايز يخلص كل حاجه خاصه بحقوقك قبل كتب الكتاب

نادين …بس انا قولتلك يا خالو انا مش عايزه حاجه

جمال….وانا قولتله كده لما جالي اول مره بس عموماً ده حقك هو

كتبلك قايمه كبيره اوي يمكن انا نفسي استغربتها القايمه بحوالي مليون جنيه و سابلك مهرك امانه عندي مليون زي القايمه قالي ان نادين لسه بتتحرج مني و بتتوتر واكيد مش هتاخدهم مني بسهوله و حتي المؤخر اتفق معايا عليه و اللي أستغربتوا أكتر انه مضالك تنازل بشقته اللي هتتجوزوا فيها و كتبها بأسمك قالي انا عارف ان نادين عندها شقتها و مش محتجاني بس انا عايز اخليها تحس بالامان عايز اخليها تحس ان انا اللي ضيف في حياتها مش هي اللي ضيفه في حياتي

الراجل ده بيحبك اوي يا نادين و بيحاول يعمل كل حاجه يقدر عليها عشان يسعدك حافظي عليه لان اللي زي ميدو نادر في الزمن ده يا بنتي.

باااااك..

ابتسمت نادين بهدوء وهي بتلعب في صباعها و بتمسك الخاتم اللي جابه ليها كان خاتم ألماظ هادي و رقيق تفاصيله تشبهه و تشبه نادين رفعت عينها بهدوء علي ميدو

بصلها بحب و ابتسم كان حاسس ان جواها كلام كتير بس كان عارف انها لسه تحت تأثير الصدمه فكان سايبها تواجهه مشاعرها الداخليه بكل هدوء و من غير تدخل منها و حتي مطلبش منها تتكلم او تقول حاجه مطلبش منها تتكلم مع اهلها مفيش غير كلمه واحده قالها بعد العشاء.

قالها هقعد مع الشباب والبنات و خليكي قاعده معاهم و اشبعي منهم براحتك مسكت في كفه زي الطفله و قالتله كلمه واحده بس متسبنيش

ابتسم و فضل ماسك في ايدها و مش سايبها.

الكل كان بيتكلم و بيضحك الشباب بيتكلموا مع والدها و البنات بيتكلموا مع والدتها و هي بتبص عليهم و بس.

لكن حتي والدها و والدتها كان باين عليهم انهم مخطوفين و متاخدين حاسيين بالذنب و الخجل حاسين انهم أرتكبوا ذنب كبير كل واحد فيهم كان جواه كلام كتير بس كانوا زي نادين مش عارفين يبدأوا منين.

و بعد وقت طويل بدأ عصام يتكلم .

عصام…..قوليلي يا نادين بقي ناويين علي امته كده تعملوا فرحكم.

بصت نادين بهدوء و ملاقتش جواب بصت بسرعه علي ميدو.

عسال…..بأبتسامه هاديه احنا لسه محددناش امته بالظبط بس ان شاء الله قريب نادين هتروح الاول تشوف شقتها و تقرر هتعنل فيها ايه و علي طول هنجيب كل حاجه يعني شهر او شهر ونص

عصام…..ان شاء الله ربنا يوفقكم

شيرين…..بهدوء ساكته ليه يا نادين

نادين….ااااا لا عادي بسمعكم

شيرين…..قولي اي حاجه

عصام…..بابتسامه نادين شكلها لسه مصدومه من المفجأه

بصت نادين لعسال تاني

عسال….بأبتسامه اكيد هي كانت متعرفش و انا محسستهاش بأي حاجه

شيرين….علي فكره محمد شكلوا بيحبك اوي كان بيحاول يلاقي حجز في اليوم ده

عصام…..لما اتصلتي عليا و قولتلك مش هقدر كان هو كلمني قبلك و طلب مني مقولش

ابتسمت نادين و بصت لميدو بهدوء

غمزلها بهدوء و ابتسم ابتسامه صافيه.

عسال…..انا طبعاً مليش عين اطلب منكم تبقوا معانا وقت الفرح لاني عارف ان موضوع نزولكم مصر ده جاء فجأه بس اكيد اتمني لو قدرتوا تكونوا موجودين وقتها

عصام….ان شاء الله اكيد عرفنا بس هتنوي امته

شيرين…..بابتسامه ان شاء الله انتوا بس لما تقرروا و تحددوا المعاد عرفوني قبلها بمدة عشان لما اجي ابقي عامله حسابي علي الاقل اقعد معاكم كام يوم

نادين….اااااا هو اااا حضرتك هتمشي امته.

شيرين….بابتسامه هاديه انا طايرتي الساعه سته الصبح

عصام…..وانا طيارتي سبعه و نص

نادين…..انهارده

عسال….بهدوء اه يا حبيبي بعد شويه المفروض هيروحوا علي الفندق ياخدوا حاجتهم و بعدين يطلعوا علي المطار بابا هنا من امبارح و صل امبارح بليل و طلع علي الفندق و ماما جات الصبح الساعه عشره و وصلتها علي المطار وجم انهارده علي المعاد اللي قولتلهم عليه

عصام….علي فكره انا كنت ناوي اشوفك بس عريسك كان حابب يعملهالك مفجأه و تعبناه معانا اوي

عسال…..مفيش تعب ولا اي حاجه متقولش كده كفايه ان حضرتك و مدام شيرين مخذلتونيش

نادين…..وصلت امبارح

عصام……ايوه انا وصلت علي الساعه تسعه بالظبط المطار و خدني محمد وصلني في فندق جنب المطار

عسال…..و ماما وصلت علي الساعه عشره الصبح بالظبط

عصام….بابتسامه هو اللي رتب كل حاجه علي فكره و يمكن بجد انا التوقيت بالنسبالي كان سريع و صعب اوي بس بصراحه هو سهل كل حاجه و طبعاً انا عن نفسي كنت اتمني اقعد اكتر من كده بس للاسف الشغل كتير.

نادين….طيب حضرتك ليه مسافره بسرعه

شيرين…..والله يا حبيبة قلبي لو عليا كان نفسي اقعد.يومين تلاته علي الاقل اكون معاكي و اروح اقعد شويه مع تيته بس غصب عني اخواتك عندهم دراسه وانا عندي شغل عشان كده بقولكم لما تحددوا المعاد بتاع الفرح عرفوني قبلها بمده يعني اسبوعين او عشر ايام عشان اجهز نفسي و اجيب اخواتك و اقعد معاكم كام يوم

عسال….ان شاء الله هيحصل نظبط بس نفسنا و نستقر و نحدد المعاد علي طول واكيد هعرفكم قبل كده كمان.

نادين….بهدوء يعني بجد حضرتك ممكن تيجي تاني و بابا

عصام….بهدوء هجيلك يا نادين امال مين هيسلمك لعريسك

ابتسمت نادين بهدوء

شيرين…..انا كمان هجيلك اكيد وهفضل معاكي كام يوم عشان ازورك في البيت سكتت شويه و بعدين بصتلها نادين ممكن نقوم نقف هناك شويه

سكتت نادين و فضلت بصالها

عسال…..بهدوء حط كفه علي ضهرها يلا قومي و انا هكمل كلام مع بابا

هزت راسها بهدوء و قامت مع والدتها.

راحوا وقفوا بعيد عنهم شويه فضلت ساكته و باصه من الشباك.

شيرين….بابتسامه هاديه مبروك يا نادين

نادين….الله يبارك في حضرتك

شيرين….مبسوطه عشانك اوي و واضح ان محمد بيحبك

نادين….بابتسامه اااا ايوه هو حد جميل و في كل حاجه حلوه

شيرين…..بتحبيه

نادين….اكيد وإلا مكنتش هرتبط بيه

شيرين….لا يعني مبسوطه معاه

نادين…..ميدو هو كل حاجه بالنسبالي العوض اللي ربنا رزقني بيه كلمة مبسوطه دي حاجه بسيطه بالنسبه لمشاعري هو بيحاول يعمل كل حاجه عشاني

شيرين…..واضح و واضح كمان انه بيحبك بجد من قلبه اااااا نادين انا عندي كلام كتير اوي عايزه أقوله و مش عارفه ابدأ منين مش حابه كمان اني اتكلم معاكي في اي حاجه قديمه او أضايقك بس كمان محتاجه اطلع كل اللي في قلبي

نادين…..بابتسامه حزينه لو في كلام بيرجع اللي فات كان ممكن نتكلم و نسمع بعض بس لو ده مستحيل يبقي الكلام ملهوش لزوم

شيرين……بس اوقات حتي لو مكانش ليه لزوم يمكن بيريح الطرفين بيرد حق اللي اتظلم حتي لو بالكلام نادين انا مش هقولك سامحيني او متزعليش مني لان الكلمتين دول ممكن يزودوا الوجع اكتر ما يعالجوه بس كل اللي عيزاكي تفهميه اني بحبك و بحبك اوي كمان انتي اول فرحتي و أول شعور بالامومه كان بفضلك يمكن انا بالنسبالك مكنتش ام حقيقه يمكن كمان عمري ما حسستك بأي مشاعر بتحس بيها البنت تجاه امها انا غلطت يا نادين و معترفه و واثقه ان اعترافي ده ممكن ميريحكيش .

بص عسال من بعيد عليهم كان قاعد مع والدها و انضم ليهم عشري و رشيد و حسان يتكلموا مع بعض.

حس انها بردانه مسك الچاكت اللي كان معاه و قام بهدوء راح عليهم

عسال…..بابتسامه هاديه اسف لو هقطع كلامك حطي ده عليكي عشان متبرديش رفع الچاكت حطه علي كتفها و بعدين سابهم و مشي

ابتسمت نادين بهدوء و هي عينها عليه و ابتمست والدتها.

نادين….اااا كملي حضرتك سمعاكي.

شيرين…..زي ما قولتلك يا نادين اعترافي ده ممكن ميريحكيش و كمان انا مش بقولك كده عشان تشفقي عليا انا قولتلك اني معترفه بغلطي و مهما كانت أسبابي زمان مستحيل تغفر غلطي الوقت خدت نفس طويل نادين اااا انا حبيت عصام اوي أتجوزت انا وهو و احنا لسه شباب كل واحد فينا كان عنده احلامه و طموحاته احنا الاتنين جرينا وراء حلمنا كنا بنسابق الزمن عشان نثبت نفسنا في المكان اللي بنشتغل فيه كنا زي أي زوجين بنحب بعض و بنحلم مع بعض عايزين ننجح عايزين نحقق حجات كتير بنشجع بعض و بننصح بعض كنا متفقين ان الحمل ميحصلش اول ثلاث سنين عشان نقدر نحقق كل اللي بنحلم بيه عشان الطفل اللي يجي علي الدنيا يبقي مستقبله متأمن نبقي قادرين نركز معاه و ده كان قراري انا لاني كنت محتاجه أثبت نفسي و مش عايزه اجيب حته مني اظلمها في الدنيا عصام مكانش فارق معاه لانه زي اي راجل لا هو اللي هيحمل ولا هيولد ولا هيربي بس كمان معترضش و قالي تمام بعد ثلاث سنين نفكر في الموضوع وقتها هو كان بيسافر و كان لسه واقف علي رجله و بيبدأ نجاحه و انا كنت بحاول اجتهد و اعمل كل حاجه تطلع في ايدي عشان اوصل لحلمي في الشركه بس طبعاً ديماً إرادة ربنا فوق كل شئ و ربنا اراد انك تيجي علي الدنيا و رزقني بيكي بعد الجواز علي طول حملت بسرعه وقتها كنت مصدومه و في نفس الوقت فرحانه بس كنت تايهه مش عارفه أعمل ايه

نادين….بنظره حزينه فكرتي تنزليني؟

شيرين….بلهفه مسكت ايدها لاااااا اصلاً مجتش في بالي الفكره دي خالص انا اتصدمت و اتلغبطت و حسيت ان كل اللي بخططلوا بيبوظ توهت و فكرت بس ولا مره فكرت انزلك بالعكس انا فوقت من الصدمه دي بسرعه و بدأت ادخل في تحدي اكبر و شوفت نفسي بنجح و انا معايا بيبي شوفت نفسي بعد سنين كتير وانا بحكي قصة نجاحي و بحكي قد ايه كانت صعبه و متعبه وانا بنجح و معايا بيبي كنت مبسوطه و كنت حاسه اني قويه بنزل وبروح وباجي بحلم و بحقق بكبر و انتي بتكبري جوايا

نادين…..و بابا لما عرف زعل

شيرين…..بالعكس قولتلك مكانش فارق معاه اجيب بيبي او نأجل بس احترم قراري لما قولت نأجل بس لما عرف كان مبسوط تسع شهور عدوا عليا بصعوبه تعب ارهاق اعراض حمل بشعه حملي فيكي كان صعب اوي بس مستسلمتش لاني كنت عايزه انجح لحد ما ولدتك قعدت معاكي اسبوعين و قررت اني انزل الشغل بس الحقيقه ان القوه اللي كنت فاكره اني قدها مقدرتش عليها كان صعب اوديكي الصبح لماما و ارجع اروح اخر الدنيا و بعدين اخرج من شغلي متأخر و اروح اخدك و نرجع علي البيت ثلاث ايام و أدركت ان الموضوع صعب عرضت علي ماما تيجي تقعد معايا و تفضل معاكي لحد ما أرجع بس رفضت و قالتلي مش هسيب البيت عشان كده هبقي بعيده عن اخوكي اوي و بدل ما بشوفوا مره في الاسبوع هشوفوا كل فين و فين هاتي انتي نادين و كل يومين تعالي شوفيها قولتلها لا هوديها حضانه رفضت و خوفتني قالتلي ممكن يحصل حجات كتير فيها اقتنعت و مقدرتش اسيبك في الحضانه و سيبتك عندها وقتها انتب كان بقالك كام يوم مش عارفه ترضعي مني لان بعد الولاده انا كانت صحتي مش احسن حاجه و لما نزلت الشغل الكام يودم دول بدأت احس بالارهاق مجهود و تعب و اكل قليل مكانش في لبن و قررت ارضعك صناعي و يمكن ده طمني اكتر و سيبتك ..

عارفه ان كل ده انتي ملكيش ذنب فيه عارفه اني كان لازم اضحي بشغلي و اهتم بيكي

نادين….بس قررتي تضحي بيا انا

شيرين….بتأثر و دموع مضحتتتش كنت بحاول أوفرلك حياه اي بنت تتمناها كان نفسي اعيشك في احسن مستوي اعلمك احسن تعليم مكنتش مقرره اجيب بعدك طول عمري كنت بحلم اجيب بنت و لما جيتي و شوفتك قولت مش هجيب بعدك انا اكتفيت بالاطفال كلها فيكي انتي كان نفسي اعملك كل حاجه قبل ما تكبري و تشدي حيلك يمكن يكون غلط بس كمان كان حقي اتمني ليكي مستقبل جميل مع الوقت استقرينا علي نفس الحال الشغل بقي يكبر و يكتر و انا بقيت اتنقل من بوزيشن لبوزيشن بقي ليا وضعي و كياني مش هنكر اني كنت سعيده اوي اني بكبر و بنجح و بحقق اللي كنت بحلم بيه مش هنكر اني بدأت اتعود علي وجودك بعيد عني بس والله يا نادين و الله العظيم عمر حبي ليكي ما قل كنت بتقطع لما اشوفك و تقوليلي خديني معاكي كنت برجع و انا هموت من العياط لاني عارفه اني و عدتك بحاجه مش عارفه امته هتحصل

يمكن لو كان عصام موجود في مصر و قتها كنا قدرنا نلاقي حل مكانش حد فينا اتفرق عن التاني بس انا كنت لوحدي و الحمل كله عليا و المره الوحيده اللي قولت لا كفايه لازم بنتي ترجع لحضني لما كنتي في ثانوي لما عيطتي و قولتيلي خديني من هنا انا تعبت و محتجالك لما قولتيلي انا كبرت و اقدر اقعد لوحدي و مش هعمل اي حاجه تضايقك بس عشان خاطري خديني

نزلت دموع شيرين و دموع نادين

فضلت نادين تعيط و تمسح دموعها بأيدها زي الاطفال و مناخيرها.

شيرين….قولت لا لازم الاقي حل كان تاعبني اوي احساس انك فكراني مش عايزه اخد عشان هتضايقيني و هنا بدأت اتكلم مع عصام طلبت منه يرجع كتير طلبت منه يكون معانا عشان لازم اخدك كان ببقولي حاضر ان شاء الله شويه يتهرب بدأ يرفض بدأ يتغير و حسيت ان في حاجه غلط قولتلوا طيب انزل أجازه و نتكلم او انا هجيلك هحجز و الاسبوع ده هبقي عندك في المغرب و نتكلم قالي لا و رفضه كان غريب متوتر و انا ست !

و الست يا نادين بتقدر تحس بجوزها كان بقاله فتره طويله مش هو ده عصام اللي اعرفه اجازاته بقت علي فترات سكتت شويه و بصت لبعيد و هي بتعيط و كأنها بتفتكر .

عسال كان مراقبهم بعينيه و شايف نادين عماله تمسح دموعها و مناخيرها و مش معاها منديل سحب كام منديل و قام بهدوء و بطريقه تجنن قرب منهم من غير و لا كلمه و مد ايده لنادين بمنديل و لشيرين كمان.

خدت نادين منه و بصت بعيد عنه

شيرين….شكراً يا محمد

ابتسم بهدوء و هز راسه و سابهم .

شيرين….رفضه اللي خلاني أشك فيه عمري ما دورت وراه و لا عمري حسيت انه ممكن يعمل حاجه زي دي فيا كنت شيفاه طول عمري قدوتي في النجاح و الاجتهاد كان اكبر داعم ليا و مش هنكر إن لولا عصام و تشجيعه ليا مكنتش هبقي في المكان ده و ناجحه كده بس قلب الست لو شك يا نادين بتبقؤ كارثه لانها مبتقدرش تتحكم في فضولها و بتحاول تنكش و تدور و انا عملت كده و اكتشفت انه متجوز

صدقيني كان ممكن اعمل نفسي معرفش و اكمل و اعتبرها نزوه او اديله مبرر و اعذار عشان مسافر و عشان من غير ست و يمكن الشيطان لعب بعقله بس وقت ما عرفت انه عنده طفل عمره خمس سنين هنا انا اتدمرت اتكسر جوايا كل حاجه حلوه

بصتلها نادين بأسف و حزن و اكيد صعبت عليها لانها في النهايه ست زيها.

شيرين…..صدمتي كانت قويه و مصيبتي انا مكنتش قدها و مقدرتش اتجاهل و واجهته كل ده كان في التيلفون بس كانت مكالمه عنيفه جداً فاكره كل حرف فيها لحد الوقت كأنه أمبارح كان عندي انهيار و هستيريا مكنتش مصدقه كان جوايا رفض بشع اني مكنتش قادره اتقبل الواقع و صممت علي الطلاق كان كل اللي طالع عليه وقتها اهدي و انا مكنتش مدياله فرصه بتكلم لان اللي كان جوايا كان كتير انا كنت مدبوحه يا نادين لان عصام كان حب عمري متخيلتش انه يعمل فيا كده

كان يقفل التليفون في وشي عشان اهدأ و ارجع اتصل الف مره و اكمل مكنتش قادره اوقف كلام وانهيار لحد ما لاقيته في ظرف يومين قدامي انهياري لما شوفتوا كان اسوء حسيت اني شايفه قدامي شيطان شخص انا معرفهوش حاول يقنعني و يهديني حاول من كلامه اني ارضي بالامر الواقع بس رفضت و بعدها هو كان عارف اني خلاص مصممه بدأ يقول كلام يكرهني فيه اكتر كلامه مع جمال اخويا دبحني اكتر لما قالوا شكلنا اتسرعنا لما اتجوزنا و انا اتسرعت لما وافقت اني اتجوز واحده اكبر مني لما سمعتوا

اللي كان مكسور جوايا كان احتمال مع الوقت يتلزق و يعدي بس كلامه كسر التكسير اللي جوايا اكتر خلاه اتهشم و مبقاش نافع النار اللي جوايا بقت بركان الدمار اللي كنت حاسه بيه كان صعب اوصفه حولني في لحظه من ست حبت من قلبها وبكل كيانها لست شرسه مستعده تحرق العالم كله عشان تطفي نار قلبها

و صمتت وقتها علي الطلاق و مرجعش غير لما طلقني فضلت شهور نفسياً متدمره حالتي كانت بتسوء شغلي اللي ضيعت عمري عليه اهملته اتعالجت نفسياً لمدة شهرين مش هكدب عليكي في التوقيت ده انا مكنتش بفكر في اي حد ولا حتي فيكي الوقت اللي اتوجعت فيه عشانك و قررت اخد قرار برجوعك و رجوع عصام كان الوقت اللي انا اكتشفت فيه كل حاجه و انتهيت و يمكن الوقعه اللي وقعتها دي نستني خالص ان اني ارجعك لانه كان صعب اصلاً ترجعي لحضني وانا في الحاله دي و وقتها ايهاب المدير بتاعي هو اللي وقف جنبي هو اللي دعمني و مد ايده ليا هو اللي رجعلي الست اللي جوايا اللي عصام دمرها و دمر ثقتها في نفسها وقف جنبي من اول الانفصال لحد الشهور اللي كنت ميته فيها .

رجعني تاني لوعي خلاني وقفت علي رجلي وقفته جنبي قربته مني و طلب مني الجواز و مش هنكر اني ما صدقت مش عشان هو المدير او صاحب المكان و لا عشان شوفت ان احلامي هتقرب خطوات كتير اوي

بس وافقت عشان ارد كرامتي عشان اقف قدام ابوكي بكل ثقه و اقولوا اللي رفضتها و شوفت بعد السنين دي انها اكبر منك لسه بتتشاف ست بجد من راجل غيرك و احسن منك

وافقت عشان اداوي جرحي عشان انتقم منه عشان اخليه يندم مكانش بيروح من بالي صوره مع اللي اتجوزها و ابنه اللي شايله و فرحان بيه جرحني و خدعني و استغفلني اتجوز وخلف و عمل حياه و انا عمري ما حسيت او هو كان ممثل شاطر حبي ليه اتحول لكرهه و انتقام عشان كده طول السنين اللي فاتت مش بطيق سيرته مبتفقش معاه لما باجي مصر مبقدرش اطول فيها لاني غصب عني بفتكره و بفتكر عمل فيا ايه يمكن لما اتجوزت و سافرت بعدها علي طول ايهاب كان زوج محترم و جميل مش هكدب عليكي مع الوقت حبيته او هو قدر يخليني احبه و انسي ابوكي بس في اوقات كانت بتيجي عليا بفكر اسيبه بس مقدرتش لان بقي في بينا ولد و حملت منه مقدرتش اعمل في اخواتك زي ما عملت فيكي قولت كفايه ذنب واحد انا شيلاه انا مش حمل ذنوب تانيه بس لما محمد كلمني و عرفني عليه اتكلم معايا وقت طويل حسيت قد ايه هو بيحبك طلب مني اكون معاكي لان دي حاجه هتفرحك اوي اللي خلاني وافقت كلمته دي لاني طول الوقت كنت حاسه انك كرهتيني و مش حابه تشوفيني ولا فارقه معاكي لنا قالي انك هتفرحي قولت لسه في امل يمكن لما اروح تقدر تسامحني او اقدر افرحها عرفت منه ان عصام وافق و انه أتكلم معاه قبلي كنت حاسه اني مش هقدر و لسه جوايا نفس البركان ده لكن قررت اجي و اقف قدامه بعد كل السنين دي عشان خلاص كان لازم انسي كل الوجع ده و اخرجوا من قلبي بالمواجهه سامحيني يا نادين سامحيني يا حبيبتي مكانش نفسي كل ده يحصل بس والله انتي اغلي و اهم حد عندي في الدنيا دي كلها اهم من اخواتك و من ايهاب و من عصام اهم من شغلي اهم من نفسي انتي جيتي الدنيا و خدتي حته من قلبي يا نادين غلطت لما فكرت اني بأمنك و بأمن مستقبلك غلطت لما كنت انانيه في اوقات كتير و كان كل همي اوصل لاحلامي انا فعلاً نجحت بس فشلت في اني اكون ام

نزلت دموع نادين بوجع و اترمت في حضن شيرين

شيرين……ساميحيني يا نادين

نادين….مسمحاكي و الله العظيم مسمحاكي و عمري ما كرهتك انا بحبك اوي بعدت عن حضنها و بصتلها بوجع انا كنت زعلانه لاني كنت بحتاجك كتير اوي كنت ديماً بكلمك و بحس انك بتهربي مني بس عمري ما كرهتك

شيرين…..بدموع ايوه كنت بهرب منك لاني لما كنت بسمع صوتك كنت بحس بوجعك كنت بحس بعتابك اللي مش بتنطقي بيه طول الوقت كنت بحاول مفكرش فيكي و اشغل نفسي بس مكالمتك كانت بترجع تعيد الزمن قدام عيني و افتكر ذنبك اللي ملفوف حوالين رقبتي كنت بخاف تتكلمي معايا او تفتحي سيره او تقوليلي تعالي مكنتش عارفه لو ده حصل هقولك ايه اجرحك تاني واقولك اني مش هقدر و بقي ليا حياه و بقي عندي ولاد صغيرين مسؤولين مني و لا اقولك انسيني انتي كبرتي خلاص و اتعودتي علي بعدي و لا اقولك انا قد ايه نفسي ده يحصل و اعرف اجيلك و ابقي معاكي علي طول.

نادين….بدموع مسحتلها دموعها متقوليش حاجه خلاص انا سامحتك و مش زعلانه منك و بحبك والله و بحب اخواتي و مش بكرههم ولا هما ليهم ذنب و اكيد عمري ما هطلب منك تكوني معايا لان هما محتاجينك اكتر لانهم مينفعش يعيشوا نفس اللي انا عيشته خلاص انسي و عيشي حياتك بس كمان يعني ابقي أسالي عني او ردي عليا متهربيش تاني انا سامحتك خلاص

شيرين…..بدموع مسحت دموع نادين مش ههرب و هكون موجوده ديماً معاكي و بما انك سامحتيني هاجي كتير مصر و هشوفك هعوضك يا نادين عن كل حاجه وهعملك كل اللي نفسك فيه

نادين….بابتسامه انا مش عايزه حاجه كفايه بس تكوني ديماً جنبي حتي لو من بعيد لما احتاجك اعرف اوصلك

شيرين…..بابتسامه من بين دموعها هيحصل و مش هبعد عنك تاني علي فكره انا ديماً متابعه كل اخبارك من بعيد لبعيد و فخوره بيكي اوي ناجحه و قويه وذكيه

نادين….بابتسامه طالعه لامي سيدة اعمال كبيره

شيرين….لا انتي احسن من امك بكتير انتي نجحتي و كبرتي و كنتي قويه و قدرتي توصلي لحجات حلوه كتير من غير اي دعم او تشجيع من اي حد قدرتي تعدي بكل الظروف دي لوحدك بس وانتي بتنجحي مستسلمتيش و لا ضعفتي لو في حد فينا هيكون قدوه للتاني فا انتي اللي قدوه ليا

نادين….بابتسامه بس مش هتقدري تنكري اني طلعالك بردوا و انا لو وصلت لكل ده و صلت بفضلك انتي و بابا يمكن لو كل الظروف دي محصلتش كان زماني الوقت متدلعه و كل حاجه اطلبها عندي انا مش زعلانه علي فكره اللي حصل بينكم قواني خلاني اعتمدت علي نفسي خلاني اتحديت الوجع والظروف و بقيت زي ما انتي شيفاني ناجحه يعني متزعليش ربنا مش بيعمل حاجه وحشه.

شيرين….اكيد و نعم بالله خدت نفس طويل و بعدين مسحت دموعها و ابتسمت بهدوء و مسكت ايد نادين انا هطلب منك طلب و اوعي ترفضي لو بجد بتحبيني و سامحتيني زي ما قولتي ممكن

نادين….اكيد

شيرين……خدي فلوسك من خالك اللي كنت ببعتهالك كل شهر

نادين….لا لا انا مش محتجاها انا عيزاكي انتي مش الفلوس

شيرين….وانا مس بقولك كده عشان اريح ضميري من ناحيتك و لا مستنياكي تاخديهم عشان ابعد عنك و اقول خلاص عوضتها انا مس هبعد عنك تاني ابداً والفلوس دي مش تعويض و لا راحة ضمير ده حقك

نادين…..مش حقي دي حق اخواتي

شيرين….لاااااا حقك انتي اخواتك ليهم اب دي فلوسي انا ايهاب ملهوش جنيه فيهم دي فلوس امك تعبها و شقاها كل السنين دي دي فلوس امك اللي حلمت تجمعهم عشان تخليكي اسعد واحده في الدنيا كل مره كنت اتصل بجمال واعرف انك رافضه بموت الف مره قولت لجمال يعرفك انك بعتهم ليا و قالي انك رفضتي و طلبت منه يديكي الفلوس علي انها منه و بردوا كنتي بترفضي اوقات كنت بتبسط بعزة نفسك و اصرارك و عنادك انك تبني نفسك بنفسك بس كنت بضايق لاني مش عيزاكي تتعبي و امك موجوده الفلوس دي حقك دي حلمي الكبير يا نادين اللي هحس اني وصلتلوا لو خدتيهم انا عملت كل ده عشانك لو بتحبيني بجد اقبليهم او اقولك اعتبريهم هديه جوازك

نادين…..عشان خاطري يا ماما

شيرين….عشان خاطري انتي قولي حاضر مش عايزه تاخدي فلوس عصام انتي حره بس فلوسي انا ده الحلم اللي شقيت عشان احققه ليكي خديهم يا نادين خليني لو موت احس علي الاقل اني نجحت في حاجه و في حلم ليا كمل و اتحقق

نادين….بعد الشر عنك متقوليش كده عسان خاطري

شيرين….طيب قولي انك موافقه

نادين….بابتسامه من بين دموعها موافقه حاضر هاخدهم

ابتسمت شيرين و ضمتها براحه و فضلت حاضنه راسها ودفناها جوه صدرها.

شيرين….اااااااااه ااااااه يانادين نفس ريحتك الحلوه وانتي لسه بيبي نفس حضنك الجميل و لمستك انا انهارده اسعد واحده في الدنيا دي كلها

نادين…..بابتسامه وانا كمان احلي يوم في حياتي

شيرين….بابتسامه بعدتها كفايه عياط بقي بقولك ايه فرحك انا اللي هكون جنبك و معاكي انا اللي هلبسك فستانك و هظبطلك الطرحه اتفقنا

نادين….بضحكه جميله ماشي اتفقنا

شيرين….و اقولك علي حاجه كمان

نادين….بسعاده و براءه قولي

شيرين….طول الوقت ايهاب بيفكر اننا نرجع مصر تعب و عايز يستقر في البلد بس كل مره انا اللي كنت برفض و بصراحه كنت خايفه اواجهك و بمكن في مرات كنت باجي و مش بعرفك و كنت بطلب من ماما و من جمال انهم ميعرفوكيش بس اوعدك اول بيبي هتحملي فيه هنستقر في مصر و هفضل جنبك و هعمل معاه كل حاجه مقدرتش اعملها معاكي اتفقنا

نادين…..بابتسامه و دموع اتفقنا لو كده بقي يبقي أتجوز بسرعه و اجيبلك بيبي و تكون بنت كمان

شيرين….يا ريييييييت و انا هبقي اول واحده تشيلها و تاخدها في حضنها بس خدي بالك هتبقي اعلي منك دي هتبقي حفيدتي

نادين….بضحكه جميله وانا موافقه حبيها اكتر مش مهم

ابتسمت شرين و حطت ايدها علي خدها بحب

نادين….ااااا ايه رايك نروح نقعد شويه مع البنات انا عايزه اعرفك عليهم يمكن مفيش وقت خلاص بس لازم تعرفيهم دول اجدع بنات في الدنيا طول عمرهم واقفين جنبي اهلي و اخواتي و اصحابي

شيرين…..طبعاً يلا تعالي .

طبعاً عسال كان بيتكلم هو و حسان و والد نادين بس طول الوقت عينه عليها يتأثر بدموعها يبتسم لضحكتها و فرحتها بضمة شيرين ليها اول ما شافهم رايحين علي البنات و باقي الشباب قام بهدوء و ساب حسان مع عصام بيتكلموا.

ابتسم عسال وقرب منها

شيرين…..انا مديونالك بعمري كله يا محمد بسببك انا رجعتلي روحي من تاني

محمد….بابتسامه متقوليش كده انا معملتش اي حاجه انا اللي بشكر حضرتك عشان وافقتي تشاركيني و نفرح نادين مع بعض

شيرين…..مكسوفه اقولك خلي بالك منها و حطها في عينك لان بعد اللي عملته ده انا واثقه انك هوحافظ عليها و تسعدها.

عسال….بابتسامه مسك كف نادين نادين في قلبي و روحي اوعي تخافي عليها دي بنتي قيل ما تكون حبيبتي

ابتسمت نادين بحب و قبضت علي كفه اوي.

شيرين….بسعاده بصت لمحمد هو انا ممكن احضنك

عسال….بضحكه جميله يا خبر انا اطول احضن القمر ده بس الاول مسموح يا تويتي

نادين….بضحكه تجنن اكيد مسموح

عسال….بضحك بس الحكومه وافقت قرب من شيرين و ضمها

حضنتوا شيرين و طبطبت علي ضهره

شيرين….ربنا يسعدك يا محمد و تكون ناجح في حياتك و كل حاجه حلوه تتمناها تتحقق و يارب علي قد جمال قلبك يقدر بنتي تسعدك

عسال….بابتسامه بس خلاص انا بعد الدعوتين الحلوين دول مش عايز اي حاجه تانيه كان كل همي ابسط نادين بس واضح اني قدرت ابسط حضرتك كمان و دي اهم حاجه عندي ربنا ما يحرمها منك و تفضلي اهم شخص عندها في الدنيا

شيرين…بابتسامه بصت لنادين و قعتي القمر ده ازاي

ضحكت نادين بسعاده

عسال….صراحه وقعتني و خطفت قلبي اول ما شوفتها دي احلي حاجه في حياتي و اهم رزق ربنا رزقني بيه

شيرين….ربنا يحفظكم لبعض و اشوفكم ديماً مبسوطين و بسرعه بقي حدد المعاد بتاع الفرح عايزه ابقي جده

عسال….بابتسامه بس كده ده انا ناوي اجيبلك دسته

ضحكوا هما التلاته و نادين كانت في قمة سعادتها قربوا من الشباب لقوهم كلهم بيضحكوا وعينهم علي شيرين و عشري حاطت ايده علي بوء ليله.

ايمي….بضحك اسكتي يخربيتك تعالي يا شيري اقعدي

عسال…بابتسامه في ايه ؟

نادين…..مالك حاطت ايدك علي بوئها ليه يا عشري

عشري….بضحك لا مفيش

شيرين….بابتسامه خليها تتكلم واضح ان الكلام عليا

عشري….بضحك و همس الله يخربيتك يا فضيحه الست لاحظت

ضحكت ليله و بعدت ايدها عنه

ليله….بضحك هتموتني يا بلطجي

عشري….طب اسكتي

ليله….مش هقدر بصراحه لازم اقول

شيرين…..بابتسامه طب ايه الكلتم عني؟

ليله….صراحه اه

شيرين….قولي طيب

ليله…..طيب الاول نودي هقولك حاجه بس هتزعلي مني؟

نادين….بضحك اكيد مش هزعل بس هتقولي ايه يا مصيبه

ليله…..بصت علي عصام و بعدين بصتلهم و هي بتهمس بهدوء من غير زعل بقي ابوكي حمار

ضحكوا كلهم بصوت عالي و ضحكت شيرين من قلبها

نادين….بضحك ليه يا ام لسان طويل

ليله….احييييييييه علي الرجاله بقي يسيب القمر دي و يتجوز غيرها

عشري…..يخربيتك

ليله…ايه هموت لو متكلمتش انت مش شايف القمر

شيرين….بضحك والله انتي اللي قمر

ليله…..بصي انا صريحه و الراجل ده هيشلني انا شوفت صور حضرتك كتير و كنتي قمر بس والله مش بجاملك انتي من الناس اللي لما بتكبر بتحلو انتي شكلك اخت نادين

شيرين….بضحك قربت لقدام و هي بتتكلم بصوت واطي تخيلي بقي انه لما سابني قال انه حس انه اتسرع عشان انا اكبر منه بسنه

ليله….حماااار و الله ورحمه امي انتي جنبه اصغر و احلي ده بقي جدو خالص

عشري….بضحك يومك مهبب يا ام لسان طويل

ليله….بضحك هتنقط يا عشري بذمتك مين فيهم شكلوا اكبر

ايمي…..بضحك صراحه ابوكي يستاهل يتشتم يا نادين

رشيد….بضحك اهي التانيه سخنت

شيرين….بضحك و الله انتوا عسل

نادين…..مش قولتلك لازم تتعرفي عليهم

شيرين….يجننو والله ربنا يخليكم لبعض و بجد شكراً علي كل حاجه حلوه عملتوها مع نادين

ليله….شكراً علي ايه بس نادين دي حته مننا احنا السته كده من غير بعض ولا اي حاجه

ايمي…..مفيش شكر بين الاخوات زي ما قالت ليله نودي دي القمر بتاعتنا كلنا

ايه….بس للايف مطلعتش قمر زيك

نادين…..بضحك اه يا جزمه

شيرين…..مين قال هي احلي طبعاً

ليله….لا بصي هي قمر مختلفناش بس انتي صاروخ

ضحكوا كلهم بصوت عالي

عشري…..بضحك انا بقول اخدها و نمشي عشان بدأت تخرف

شيرين….بضحك لا لا خليها والنبي

سلامه…..بضحك هو واضح ان الكلام عاجبها و خصوصا شتيمه ليله

شيرين….بضحك بصراحه اه صريحه قالت اللي في قلبها

نعيمه…..بمناسبة الصراحه بقي عشان مشيلش ذنب حضرتك انا انهارده قطعت في فروتك بما فيه الكفايه

ضحكوا كلهم بصوت عالي

ليله….المدب وصلت صباح الفل

فضل…..هو يوم مش طالعله شمس

شيرين….بضحك طب ليه بس

نعيمه….بصراحه كنت مضايقه انك مش هتيجي و كنت زعلانه عشان نودي زعلانه

شيرين…..و الله العظيم لما نادين كلمتني و رفضت كنت هموت لان صوتها زعل اوي بس محمد قالي معرفهاش كان حابب يعملها مفجأه وانا محبتش ابوظ المفجأه دي

نعيمه….لا بس خد بالك انت طلعت سوسه ده مفيش حد فينا عرف خالص انا توقعت انك قايل للشباب طلعوا ميعرفوش

سلامه….والله العظيم انا معرفتش غير لما جالي قبل كتب الكتاب وشوشني و قالي اتصدمت بس معلقتش و نزلت جيبتهم

عسال…..بابتسامه انا مقولتش لاي حد خالص لا سلامه ولا حتي امي حتي استاذ جمال والله ما كان يعرف

سلامه….ايوه خططت لكل ده امته بقي

عسال….لما روحنا نقابلوا اول مره انت فاكر اني طلبت منه الارقام بتاعتهم و قلتلوا نعمل محاوله عشان نادين ده هيفرق معاها اوي خدت الارقام و الصبح بدري كلمتهم ابتسم بهدوء و بص لشيرين كانت مكالمه طويله بينا بس كانت جميله و بردوا كانت مكالمه طويله بيني و بين بباها اتعرفنا علي بعض حكيتلهم كل حاجه ازاي اتعرفنا و ازاي وصلنا للحظه دي و طلبت منهم يكونوا معانا و الحقيقه محدش فيهم اتردد و شهادة حق استاذ ايهاب زوج حضرتك شخص قمه في الذوق هو اتحمس معايا للفكره و اتكلمت معاه و قالي تروح طبعاً وانا هحجزلها من عندي و لما توصل هتبقي في امانتك لحد ما ترجع كان مبسوط اوي و قالي ان دي حاجه هتفرح حضرتك قبل نادين و كان متعاون معايا جداً

و بس انا اتبسطت و طلبت منهم لو نادين اتصلت بيهم ميعرفوهاش اني اتكلمت و يقولولها بطريقه حلوه ان الوقت كان سريع و مش هيلحقوا و يرفضوا و بصراحه انا محبتش اعرف اي حد مش عشان افاجئكم مع نادين اولاً كنت خايف منكم انتوا تفتنوا او تقعوا بلسانكم قدامها.

ايمي….بضحك لا والله مكنتش هقول

ليله….ولا انا

عسال….بضحك انتي اكتر حد قلقت منه عارف انك مش هتقدري تخبي

ليله….لا مكنتش هقول والله لان كنت هحب انها تتفاجئ

عسال…..انا كمان بصراحه كنت مصدقهم و عارف انهم مش هيخذلوني بس كمان كنت قلقان يحصل اي حاجه و يعتذروا فا مكنتش حابب اتكلم عشان لو محصلش يبقي الموضوع مقفول خوفت حد يحاول يفرح نودي و هي تفرح و في الاخر تضايق لو اعتذروا

و امبارح انا روحت بدري لاستاذ جمال كنت بخلص معاه كده حجات مهمه و بصراحه كنت ناوي اعرفوا بس عرفت منه انه عامل مفجأه لنادين و ان جدتها هتيجي معاه بصراحه اترددت قولت لو قولتلوا هيفرح و هيقول لوالدته و جايز تفرح و في الاخر محدش يجي و تزعل فا قولت استني كده كده بليل هروح اخد استاذ عصام و الصبح هروح لمدام شيرين لو وصلوا بخير و كله تمام يبقي الكل يتفاجئ بقي

ايمي….بصراحه كانت مفجأه تجنن

ليله….و عيطتنا كلنا يا سي ميدو

عشري….المهم ان المفجأه تمت بنجاح و هما وصلوا بخير و نادين مبسوطه و بجد كانت مفجأه تجنن

شيرين…..حقيقي كانت مفجأه تجنن بجد

نادين….هو انت امبارح بقي لما كنت مش موجود كنت بتجيب بابا

عسال….بابتسامه رفع حاجبه اممممم لا ده حسابنا بعدين بقي

نادين….بضحك يعني ايه كنت بتجيبه

عسال….يلا خليني بقي افتن عليكي انا كنت طول اليوم مشغول و المفروض والدها كان هيوصل علي تسعه روحت الاول حجزت الفندق عشان لما يوصل يرتاح فيه خلصت و ظبطت كل حاجه و حجزت كمان لمدام شيرين عشان لما توصل الصبح ترتاح شويه قبل ما تيجي بليل فا طول الوقت نادين بتكلمني و انا بحاول اقفل معاها بسرعه عشان متسمعش حاجه فكانت حاسه ان في حاجه قررت تجيلي بقي و تعملي مفجأه كانت في مدينه نصر اتصلت قالتلي انت فين و انا قبلها بساعه كده قولتلها اني هروح علي البيت لما اوصل وارتاح شويه هكلمك انا اصلا كنت في المطار وقتها معرفتش اقولها ايه قولتلها ان جالي شغل و نزلت بسرعه تاني فا طبعاً هي اضايقت فكرتني بكدب و بصراحه يعني شكت فيا

نادين….بضحك لا مشكتش انا استغربت

عسال….بضحكه جميله لا شكيتي و اتعصبتي بس عشان ربنا بيحبني كان حقيقي المهندس باعتلي ڤويس عايزني ارجع عشان يوريني حاجه مهمه في الشغل انا اعتذرتلوا بس طبعاً عشان اخليها تصدق سمعتها الڤويس و سمعتها ڤويس سجلتوا كأنه رد عليه يعني اني هرجع و اروحلوا و قتها اصلاً كان استاذ عصام خرج و وصلتوا الفندق و كله تمام يعني ظلمتني

سلامه….انا لو منك اخد حقي

ايه….بضحك ايوه متسكتش

نادين….بضحك بس يا سوسه انتي و هو ميدو كان غريب و كنت حاسه ان في حاجه غلط بس مشكتش فيه و لا شكيت انه بيعمل مفجأه زي دي

شيرين…..بابتسامه خلاص عديها المرادي يا محمد عشان خاطري

عسال….بابتسامه خلاص نعديها عشانك المرادي المهم مبسوطه يا نودي

نادين….اكيد مبسوطه اوي

عسال……ودي اهم حاجه عندي

ليله…..بقولك ايه انا قولت الكلام ده لنودي انت كنت غالي عندي اوي بس غلاوتك زادت عشان الموقف ده و عشان قدرت تسعد نادين في اهم يوم في حياتها

عسال…..بابتسامه انا موجود عشان اسعدها يا ليله و انتي عارفه كويس غلاوتها عندي ..

شيرين…..بابتسامه ربنا يخليكم لبعض .

كملوا قعدتهم و عصام طلب نادين شويه سابهم حسان وراح قعد معاهم و راحت نادين قعدت معاه حاول هو كمان يعتذر من نادين علي كل حاجه طلب منها السماح باركلها و قلها قد ايه هو مبسوط وعدها ان هو كمان هيبقي معاها في الفرح و طلب منها نفس الطلب اللي شيرين طلبتوا انها توافق تاخد الفلوس و بعد محاولات في اقناعها وافقت كانت مبسوطه و سعيده و بعد وقت من الكلام قاموا كلهم علي الساعه اربعه الفجر عشان يلحق عسال يوصلهم الفندق ياخدوا حاجتهم و بعدين يوصلهم المطار نادين مرضيتش تسيبه يورح لوحده كانت عايزه تفضل لاخر ثانيه معاهم

سلموا الشباب كلهم عليهم و بعدين اتحركوا بالعربيات و ركبت نادين وراء مع مامتها و عصام ركب قدام جنب عسال.

علي خمسه الا ربع كانوا في الفندق طلعوا ياخدوا شنطتهم و غيروا بسرعه و راح عسال عمل تشيك اوت ورفض ان حد فيهم يحاسب

و نادين كانت واقفه جنبه مبسوطه اوي شويه و نزلوا و بعدين طلعوا علي المطار طيارة شيرين كانت الساعه سته و صلوا بالظبط علي خمسه و ربع دخلوا بسرعه و قفت نادين مع مامتها و هي مضايقه و ماسكه فيها زي الاطفال

شيرين….احنا قولنا ايه مش عايزبن عياط انا وعدتك هكون معاكي و هقضي معاكي وقت طويل الفتره دي بقي انتي هتكوني بتجهزي نفسك يعني مس هطول عليكي

نادين….بس هتيجي صح

شيرين….وحياة نادين عندي لو ورايا هم الدنيا كله هسيبه و اجيلك انا وعدتك خلاص بلاش عياط بقي

نادين….حاضر مش هعيط خلاص كلميني اول ما توصلي عشان اتطمن عليكي

شيرين….عيوني هكلمك اول ما اوصل علي طول

نادين…..هتوحشيني

شيرين….وانتي كمان يا عمري هتوحشيني اوي خدي بالك من نفسك عيزاكي تتبسطي علي قد ما تقدري ماشي

نادين….بابتسامه حاضر

شيرين…..بحبك يا نودي

نادين….وانا بحبك اوي

حضنوا بعض و مسكت نادين فيها بكل قوتها

عصام كان بعيد شويه عنهم هو وميدو بس كانوا مركزين معاهم مبتسمين و متأثرين

شيرين….بحب بصتلها تاني و حضنتها وشها خدي بالك من نفسك يا احلي عروسه في الدنيا

نادين….بأبتسامه حاضر يا احلي ام في الدنيا

ضحكت شيرين بدموع و باس كفها جامد و بعدين مسحت دموع نادين و قربت من ميدو ضمته

شيرين…..مبروك يا محمد و شكراً علي كل حاجه

عسال…..بابتسامه العفو و توصلي بالسلامه يارب طمنينا عليكي علي طول

شيرين….حاضر هطمنكم

عسال….هنستناكي

شيرين….اكيد ان شاء الله هكون معاكم ربنا يوفقكم و يسعدكم خد بالك منها نادين امانتي يا محمد

عسال…..امانتك في عيني و قلبي متقلقيش عليها

عصام…..توصلي بالسلامه يا شيرين

شيرين…ميرسي يا عصام و انت كمان يلا لا إله إلا الله

الجميع….محمد رسول الله

بصت لنادين تاني و ابتسمت ابتسامه جميله

قربت نادين منها بسرعه و ضمتها

نادين…..هستناكي ترجعيلي

شيرين…..وانا هستني اجيلك بفارغ الصبر يلا يا عمري اشوفك علي خير

نادين….سلام يا ماما

ابتسمت شيرين و مشيت و قبل ما تعدي من البوابه بصتلهم و ركزت مع نادين و شاورتلها بأيدها

رفعت نادين ايدها بهدوء و هي دموعها نازله.

مسك عسال كفها بهدوء و فضلوا واقفين لحد ما اختفت شيرين من قدامهم.

عصام…..بطلي عياط بقي

نادين….بهدوء اااا هي طيارة حضرتك امته

عصام….لسه الساعه سبعه ونص

نادين….الساعه الوقت داخله علي خمسه ونص لسه ساعتين خليك شويه

عصام…..حاضر انا قاعد معاكم شويه كده كده مش معايا غير الشنطه دي يعني مش محتاج ادخل بدري

عسال…..اهو يا ستي هيفضل معانا شويه تعالي بقي نجيب حاجه نشربها و نقعد شويه مع بعض

نادين….ماشي

سابهم عسال عند العربيه و راح يجيب حاجه يشربوها.

عصام….بهدوء شاب محترم و مؤدب و بيحبك يا نادين

نادين…..بتنهيده عمل عشاني حجات كتير اوي بيتهيألي مش هقدر اردله جزء واحد من كل اللي بيعملوا معايا ده.

عصام…..لو بيحبك بجد عمره ما هيستني منك مقابل و واضح انه بيحبك علي فكره لما كلمني احنا اتكلمنا كتير اوي مع بعض

نادين….بابتسامه اتعرفت عليه

عصام….اه و يمكن كمان هو اللي طلب مني أسألوا عن اي حاجه حابب اعرفها شاب مجتهد و ناجح عرفت كمان ان والدته و والده متوفين من وهو صغير

نادين…..ايوه و طنط حنان تبقي خالته و سلامه مش اخوه ابن خالته

عصام….بس واضح ان علاقتهم جميله و بيحبوا بعض

نادين…اوي هي اللي ربته من وهو خمس سنين و اتربي وسط سلامه و مصطفي و ريهام يعني هما اخواته

عصام….بابتسامه قالي كمان اتعرفتوا ازاي لاني بصراحه سألتوا

نادين…..كانت صدفه غريبه و توقيت اغرب

عصام……كان نصيب يا نادين

نادين….انا مبسوطه اوي ان حضرتك جيت كان هيفرق معايا لو مكنتش حضرتك كتب الكتاب

عصام……و انا مكنتش هقدر يكون حد غيري وكيلك و لا كنت هرضي تبقي انتي وكيلة نفسك ابوكي لسه عايش يا نادين قصرت كتير اوي في حقك و دي ابسط حاجه اعملها عشانك

نادين….خلاص انسي كل اللي فات ميهمنيش المهم ان حضرتك معايا و مسبتنيش

عصام….ولا هسيبك يا نادين و أي وقت هتحتاجيني هكون جنبك المهم تكوني سامحتيني من قلبك

نادين…..انا اصلا طول عمري مسمحاك انت وماما يمكن كنت زعلانه عشان عيزاكم جنبي بس عمري ما زعلت منكم او حسيت اني مش مسامحاكم

ابتسم عصام بهدوء و ضمها لحضنه ووفضل ساكت.

بعد وقت بسيط رجع عسال معاه قهوه ليه هو و عصام و ايس كوفي لنادين قعد معاهم في العربيه فضلوا بتكلموا شويه و علي الساعه سته

وصلوا عصام لحد البوابه عشان جه وقت الوداع فضل حاضنها وهي حضناه و بعد وداع وسلامات و دموع مشي عصام هو كمان و فجأه اتفاجئ عسال بحضن قوي من نادين.

عسال….بابتسامه لا انا مش مسافر انا قاعدلك

نادين….بحبك يا ميدو بحبك اوي ربنا يخليك ليا انا مش لاقيه كلمه اقولهالك

عسال…..و انا مش مستني كلمه كفايه اني شايف الفرحه في عينك يا عمري دي عندي بالدنيا بحبك يا احلي نودي في الدنيا كلها

نادين….بابتسامه و انا بحبك اوي

ابتسم عسال و مسك كفها و راحوا علي العربيه فتحلها الباب و ركبها و راح ركب

كانت عماله تبص حواليها

عسال…..ايه يا عمري بتدوري علي ايه

نادين….موبايلي كان معايا شكلوا وقع

عسال….طب خدي تليفوني رني عليه و بعدين انتي كنتي قاعده وراء

نادين….مفيش حاجه عالكنبه

عسال….طب رني

مسكت موبايلوا و بعدين بصتلوا و ابتسمت انت مسجلني ايه صحيح

ابتسم عسال و ركن علي جنب تاني و فضل يحرك بصباعه السجل بتاع التليفون و بعدين داس اتصال

و لمحت نادين الأسم و ابتسمت بسعاده كان كاتب ( وصية الرسول)

نادين….بابتسامه تجنن ده انا ؟

عسال….بابتسامه ااااا اهو بيرن

مردش عليها و فك الحزام و نزل فتح الباب وراء جابه من تحت الكنبه رجع ركب تاني و حط موبايلها علي التابلوه و مشي بالعربيه و هي لسه بصاله بحب

عسال….بابتسامه و هو باصص قدامه بصي قدامك متوترنيش.

ضحكت نادين علي تقليده ليها و بعدين نامت علي كتفه باس راسها بحب و كمل سواقه.

ساعه الا ربع و كانوا وصلوا تحت بيتها بس هي كانت في سابع نومه
صحاها بهدوء

عسال….حبيبي وصلنا خلاص

فتحت عينها و بصت جنبها و بعدين بصت عليه

نادين….انا نمت

عسال…بضحك يعني شويه بقولك ايه

نادين….قول

عسال….ايه رأيك تروحي تنامي عند ليله و نوني انتوا مش كده كده هتروحوا مع ايمي تخلصوا باقي الحاجه اللي نقصاها

نادين….اه بس ليه اروح هطلع انام و بعدين ابقي انزل معاهم

عسال…..واضح ان القمر بتاعي ناسي البيت فوق علي بعضه احنا سيبنا كل حاجه و نزلنا

نادين….بأبتسامه لا مش ناسيه بس بحاول اعمل نفسي عبيطه وانسي

عسال…..بضحك طيب خلاص روحي و ارتاحي و سيبك من البيت الوقت

نادين…..طيب اكلم لولي الاول عشان تفتحلي و عايزه كمان اطلع اجيب غيار

عسال….طيب يلا كلميها و بعدين استني انتي مش معاكي مفتاح لشقتهم

نادين….لا معايا نسخه منه فوق بس هي اصلا بتقفل من جوه

كانت بتكلموا وهي بتتصل ردت ليله بصوت نايم

نادين….لولي سوري صحيتك

ليله….لا يا عمري في ايه انتي كويسه

نادين…اه الحمد لله

ليله….رجعتي ؟

نادين….تحت البيت بس ميدو قالي اجي ابات معاكم عشان البيت فوق متبهدل خالص

ليله…..طيب وانتي بتستأذني يعني ما تيجي يا بت

نادين….بضحك لا مش كده بس عشان لو قافله تفتحيلي

ليله….طيب يلا هقوم افتحلك

نادين….لا استني انا تحت بيتي انا مش بيتك انتي

ليله…..امال بتتصلي ليه يا جزمه

نادين…..بضحك عاجبك كده اهي شتمني

عسال….بضحك افتحي الاسبيكر

نادين….اهو كلمها

عسال….خير يا ليله بتشتمي حبيبتي ليه

ليله….بضحك لا بقولك ايه اطلع منها دي صاحبتي

عسال…..لا بقولك ايه انتي دي مراتي

ليله….بضحك اوبااااااا طب اسفين يا عم ميدو لسه مخدناش علي اللقب الجديد

عسال….بضحك احفظوا بقي بقولك ايه هتطلع تجيب غيار و هجيبها بسرعه

ليله….لا بقولك ايه انا هموت و انام هاتها علي طول هتلبس من عندي

نادين…مش هتأخر

ليله….اخلصي بقولك واصلا ليكي غيار هنا بقالك كتير نسياه يلا اخلصي

عسال…..خلاص انا هجيبهالك اهو

ليله….بضحك بقولك ايه

عسال….قولي

ليله…..لحقت تغضب البت و جايبهالي.

عسال….بضحك اه زعلتني و هجيبهالك خلاص

ليله….خاتها يا سيدي و هاخدها تنام في حضني اتغاظ

عسال….بضحك بقولك ايه دي مراتي يعني هاخدها في حضني عادي تصدقي انا شكلي هرجع في كلامي

ليله…..بضحك اخلص انت و هي يلا

عسال…..ماشي يا ستي يلا خمس دقايق و هتبقي عندك

قفلوا معاها و وصلها عسال تحت البيت.

عسال….يلا يا حبيبي هفضل واقف لحد ما تعرفيني انك دخلتي

نادين….حاضر لما توصل كلمني

عسال…..انا هروح علي طول اطلعي نامي انتي

نادين….كده كده لسه هاخد شاور واكيد هرغي حبه انا ولولي

عسال….ماشي يا عمري هكلمك مسك كفها بحبك

نادين….بحب وانا كمان باي يا حبيبي

عسال….باي يا عمري.

نزلت نادين و دخلت علي جوه و رجعت تاني بسرعه

عسال…..ايه نسيتي موبايلك

نادين…..بضحكه جميله لا معايا امسك الجاكت بتاعك

عسال….لا خليه معاكي عشان متبرديش

نادين….انا كده كده طالعه خلاص يلا امسك بقي باي

عسال…..بحب باي يا عمري

دخلت علي جوه ركبت الاسانسير و بعدين طلعت خبطت بهدوء علي الباب فتحتلها ليله بهدوء و ضحكت

ليله…..من اول يوم كده تنامي بره البيت

نادين….بضحك شوفتي بقي عشان تعرفي اني مقدرتش استغني عنك من اول يوم

ليله….ادخلي يا هبله

اتصلت بسرعه علي ميدو و عرفتوا انها دخلت قفلت و بعدين قلعت الهيلز

نادين…ااااااه رجلي و جعتني

ليله…..وصلتوهم

نادين….اه مشيوا خلاص ماما مشيت الاول و بعدين بابا

ليله….يوصلوا بالسلامه ان شاء الله يلا قومي حطتلك غيار في الحمام ادخلي خدي شاور

نادين….اه انا مس قادره و عايزه انام هو احنا هننزل امته

ليله…..يعني علي اربعه خمسه كده انا قولت لايمي مش بدري كلنا تعبانين

نادين….اه أحسن انا خلصانه والله بقولك ايه اشحنبلي موبايلي هيفصل خلاص

ليله….هاتي بقولك ايه جعانه

نادين…اممممم معرفش

ليله….بضحك انتي هبله يا بت

نادين….بضحك هو جعانه و مش جعانه

ليله….طب ادخلي وانا هعملك حاجه تاكليها

نادين….لا لا مش لدرجه تعملي انا مش جعانه اوي كده هو اي ساندوتش سريع

ليله…..ماشي يلا ادخلي و تعالي حضنك و حشني خلي ميدو يتغاظ

نادين…..بضحك ماشي هجيلك الوقت.

دخلت نادين خدت شاور و ليله عملتلها ساندوتش خرجت بعد وقت بسيط و خدت منها الاكل كلت بسرعه وهي واقفه عماله تحكيلها اللي حصل بعد ما سابوهم و بعدين راحوا علي الاوضه طلعت بسرعه علي السرير

نادين….هي نوني نايمه

ليله…..بضحك دي بتتحاسب الوقت نامت اول ما وصلنا

نادين…انتوا روحتوا علي طول و لا صعتوا بقي

ليله….لا روحنا الجو كان تلج

نادين…..اه اوي و في المطار فظيع اكتر احنا دخلنا ماما و بعدين ميدو قعدنا في العربيه شويه كنت لابسه الچاكت بتاعه بس بردوا كنت بردانه.

ليله….اكيد المطار صعب بصراحه المهم يا صغنن مبسوطه

نادين….عدلت نومتها و نامت علي ضهرها و هي باصه بابتسامه لليله اوي حاسه اني في حلم جميل يا ليله اول مره انهارده اعيش مشاعر غريبه بالشكل ده

ليله…..بابتسامه لعبت في شعرها تعرفي اني خوفت عليكي اوي

نادين….عليا انا ليه ؟

ليله…..بأبتسامه نزلت نامت جنبها رفعت نادين راسها ودخلت في حضن ليله زي الطفله اااا لما ميدو كان بيتكلم اول حاجه كنت واقفه اقول للبنات براحه و انا بضحك ميدو لو مخلصش كلام نودي هيغم عليها كنت حاسه امك مكسوفه و متوتره

نادين….اووووي انا لما قال انا هخلص بسرعه الكلام ده عشان نادين متتوترش بقيت اهز راسي بسرعه ليه

ليله….عارفه المهم سمعت صوت الاسانسير و بعدين بصينا عادي لقينا سلامه قرب من الباب قبل ما نبعد عنينا فجأه لاقيت امك وابوكي انا خدت ثانيتين ثلاثه لحد ما جمعت انا اخر مره شوفت فيها امك كان من كتير اوي بيتهيألي شوفتها مره في الامارات لما كنت معاكي هناك فاكره

نادين….ايوه بس جات هنا مره

ليله….محدش فينا شافها

نادين….بجد

ليله….اه والله انا بشوفها صور بس و ابوكي مشفتهوش خالص غير صور بس جمعت يعني كلنا اتصدمنا و بعدين بصينا عليكي انتي خدتي وقت لحد ما استوعبتي

نادين….بابتسامه انا مكنتش مصدقه و فجأه حسيت اني لا شايفه و لا سامعه و حتب التوتر و الكسوف من موقف ميدو راح فجأه و بقيت مصدومه.

ليله….قلقت عليكي و كنت حاسه ان في حاجه هتحصلك

نادين…..ضحكت و حطت ايدها علي وشها بس شكلي كان زباله لما عيطت و بهدلت الميك اب

ليله….بضحك انتي كنتي منهاره

نادين…..مكنتش عارفه اوقف عياط والله يا ليله معرفش اصلا جبت كمية العياط دي منين

ليله…..عايزه اقولك ان مفيش حد من الموجودين معيطش البنات و اخواتي و نوجا و زوزو و حتي ريهام اخت ميدو و طنط حنان و لا الشباب بقي كلهم باين عليهم ان عينهم مدمعه بس بيحاولوا ميعيطوش ده الماذون نفسه اتأثر

نادين….بابتسامه علي قد ما كانت مفجاه تجنن علي قد ما حقيقي اتصدمت و كنت خايفه علي تيته اوي

ليله….هي كمان عيطت كتير و صعبت عليا و هي امك بتعيط في حضنها بصراحه و خالك كمان كان مموت نفسه عيطنا كلنا ابن اللذينه بس بصراحه موقف ميتنسيش

نادين…..خالص يا ليله يمكن لما كنا بنتكلم قبل ما الكل يوصل قولت انا مش زعلانه و عايزه ميدو يجي بسرعه و عملت فيها مش فارق معايا كنت بكدب و بجد كنت مضايقه و حاسه اني لوحدي

ليله…..طب ما انا عارفه و كنت حاسه بيكي اوي بس الحمد لله عدت و ربنا كمل فرحتك علي خير و كان يومك جميل اوي بجد

نادين….الحمد لله

فضلوا يكملوا كلامهم و يرغوا و شويه و اتصل عليها ميدو قالها انه وصل و هينام خلاص

و بعد ما قفلت معاه نامت هي و ليله في حضن بعض.

………….

صحيوا علي الساعه اربعه و بعد ساعه و نص نزلوا كلهم مع ايمي و المفروض ان رشيد كان هينزل مهاها عشان يجيبوا الحجات اللي ناقصه في البار اللي في الجنينه الكاسات و الكوبايات و كل الحجات دي بس قالتله خليك هجيبهم انا و البنات

و فعلاً نزلوا و نادين طبعاً كانت اطمنت علي والدها و والدتها انهم وصلوا .

فضلوا مع بعض كام ساعه لحد ما هلصت ايمي اخر حجات كانت نقصاها و نزل رشيد مع حسان جابوا لبس و حجات كتير نقصاه و بعدين راحوا علي البيت و خدت ليله الحاجه هي و نعيمه وصلوها ليهم و مشيوا و راحت ايمي علي المطعم

اما نادين فا راحت لخالها عشان طلبها كان عايز يسلمها كل حاجه ليها ميدو سابها معاه و كمان الفلوس بتاعت و الدتها و والدها و بعد يوم مرهق روحت علي البيت و اتفاجئت بالشقه كل حاجه كانت زي ما كانت

اتصلت بسرعه علي ميدو.

نادين….الوووو

عسال….ايوه يا حبيبي

نادين….ميدو هي الشقه ازاي رجعت كده انت عملت ايه

عسال……بابتسامه ولا حاجه

نادين….انا بتكلم جد.

عسال….بابتسامه مفيش والله لما نزلتي مع البنات رجعت و لاقيت البواب سألته لو في حد ينفع يظبط البيت فوق قالي اه و جابلي حد تبعه

طلعت معاها علي فوق و فضلت واقف لحد ما خلصت كل حاجه و اتصلت ايه عرفت منها ان محمود هو اللي كان جايب الديكور ده كلمتوا و بعت الشباب صحابه خدوا كل حاجه و بس كملت البت تظبيط و تنضيف و غسلت كل حاجه و رجعتلك البيت زي ما كان يا احلي بنوته عشان لما ترجعي ترتاحي

نادين….علي فكره اللي بتعملوا معايا ده كتير اوي

عسال….بطلي عبط انا مش بعمل غير واجبي يلا روحي بقي غيري و كلي و ارتاحي

نادين….ميدو

عسال….عيون ميدو

نادين….انا خدت كل حاجه من خالو

عسال…..وبعدين

نادين….يعني بيتهيألي لازم نتكلم في حجات كتير

عسال…..وانا معنديش كلام اقوله يا تويتي

نادين….ميدو اسمعني

عسال…..نادؤن اسمعيني انتي كويس انا محبتش الموضوع ده يبقي بيني و بينك عشان الموضوع ميبقاش طويل فا فضلت بكون اتفاق من راجل لراجل يعني باختصار ده اتفاق رجاله و مفيش اي كلمه تاني هتتقال بعده اتفقنا اقفلي بقي علي الموضوع يا عمري و يلا روحي اعملي اللي قولتلك عليه

نادين….بتنهيده ابتسمت حاضر

عسال….بحبك يا تويتي

نادين….وانا بحبك اوي شويه و هتصل عليك

عسال…..تمام يا روحي.

………….

يوم الاربع كمان انتهي و جه يوم الخميس و من بدري البنات كانوا في بيت ايمي استناهم رشيد و دخلهم

شويه بسيطه و وصلت زوزو و ريهام فرجهم علي البيت البنات كانوا طايرين بيه كل حاجه تجنن من اول الجنينه للبيت من جوه الدور الاول و الثاني كل حاجه كانت تجنن و شيك

رشيد….يا بنات عايزين اي حاجه قبل ما امشي عشان هروح اخد ايمي و نجيب الحاجه من السوبر ماركت

ليله….لا يا رشيد تسلم روح انت بقي عشان احنا نبدأ

رشيد…طيب بقولك ايه يا ليله انا جايب في الثلاجه مايه و عصاير و كمان في قهوه ماشي و جبتلكم شويه مخبوزات كده اتسلوا فيهم

ليله….احيه اتعديت من زوزو و اختي اميمه مش بيفكروا غير في الاكل

رشيد…..بضحك الحق عليا خايف عليكم تهبطوا الجو سقعه اكيد هتجوعوا و بعدين عندكم شغل كتير

ليله….ماشي ياعم العريس

رشيد….زوزو هدومي امانه في ايدك

ماريز…..هي و فاء مش جايه و لا ايه

رشيد….مس هتقدر والله يا زوزو رجلها وجعاها اوي

ماريز….ايوه انا كنت بكلمها عشان فكرت هتيجي معانا و ترص حاجتك بايدها بس لاقيتها تعبانه اوي

رشيد….اه البرد تاعبها و مخلي عضمها بايظ خالص فا قولتلها تريح بقي عشان تجيبلكم بكره الحنه

ماريز…..يلا الف سلامه عليها المهم تبقي بخير

رشيد…..يارب يلا هدومي بقي امانتك انتي

ليله….ما خلاااااص يا عم رشيد اتكل بقي وبعدين هنسرق هدومك

رشيد….بضحك مالك يا بلطجيه ماسي اهو

ليله….بضحك طب يلا للخلف در بدل ما اقلب عليك

رشيد….روحي اشربي قهوه طيب عشان المزاج يظبط

ليله….بضحك باين عليا اني عايزه قهوه

رشيد….اوي يلا سلام يا بناااات لو احتجوا اي حاجه كلموا حسان لسه مش نازل الوقت

نعيمه….مش هنعوز يلا امشي

رشيد….يا ساتر يارب ماشي اهو عاملين زي ريا وسكينه بقولكم ايه اخر حاجه لما اجي هكلمكم تقفوا بره عشان تاخدوا الحاجه احسن ايمي تدخل

سلمي…..كلمنا و هنخرجلك علي طول

رشيد….تمام يلا باي.

ماريز…..ها يا بنات هنبدأ منين ؟

نادين….انتي عرفينا يا زوزو و تحنا هنشتغل

ماريز…..انا رأيي ان كل واحد فينا يعمل حاجه عشان نخلص علي طول

ليله…..اه لان لسه قدامنا شغل كتير اوي فا نقسم نفسنا

سلمي….طيب انا اعمل ايه؟

ليله…..بصي زوزو انتي روحي ظبطي لبس رشيد و بعدين لما تخلصي هنشوف هتعملي ايه و سلمي امتي و امنيه عاقلين كده فا انتوا مهمتكم المطبخ و النيش و كل الحجات الزجاج دي

امنيه…..طيب تمام يلا يا سلمي احنا

نعيمه….بنات لمعوا كل حاجه قبل ما تحطوا الحاجه فيها

سلمي….متقلقيش

نادين….طيب وانا اعمل ايه

ليله….استني انتي نوني روحي يلا انتي مع زوزو ظبطي الميك اب والبرفانات والاكسسوري بتوع ايمي

وانتي تعالي معايا يا نودي انتي و ايه هنظبط البار بره في الجنيه تكون زوزو و نعيمه خلصوا شويه و ندخل بقي علي لبس ايمي و نكمل تظبيط البيت

ايه….ماشي يلا

بدأوا البنات مهمتهم و كل واحد فيهم بقي يعمل حاجه خدوا اول ساعتين من غير ما يقفوا خلصت ليله بره مع البنات الجنينه و بعدين دخلوا علي جوه عملت قهوه و شربت سيجاره و البنات كانوا واقفين ياكلوا الكل جاع و بعدين رجعوا يكملوا و بدأوا يظبطوا لبس ايمي خدوا وقت طويل و سلمي و امنيه كمان خدوا وقت في المطبخ و النيش و ماريز بقت تساعدهم

ساعتبن كمان و لسه مخلصوش بيت بالكمل بيتفرش فا طبيعي ياخدوا كل الوقت ده .

خرجت ايه معاها كراتين و حجات كتير هي و نادين بيخرجوها في الباسكت بره لمحوا عشري بيركن العربيه .

نادين….ايه ده ؟ ده عشري

عشري…..اهلاً بالعروسه

نادين….بابتسامه اهلاً بالعريس تعالي

ايه….استني هنا هو انت مسموح تدخل

عشري….رفع حاجبه ابعدي يابت من قدامي انا دخلت و شوفت كل حاجه قبلك

ايه….بضحك ادخل يا باشا انا بهزر

عشري…..بقولك ايه روحي عرفيهم اني معاكم عشان لو حد مش جاهز

نادين….تعالي ادخل كلهم لابسين الجو برد اصلاً

عشري….طب ايه قربتوا ولا لأ

نادين…..يعني خلصنا حجات كتير

عشري….طيب امسكي ايه الشنط دي كده

ايه…..ايه ده ؟

عشري…..ده امل اجيت جعتوا

ايه….اه انا موت من الجوع

عشري…..طب يلا ادخلوا من البرد ده

دخلوا علي جوه.

نادين…..يا بنااااات معانا ضيف

خرجوا كلهم و سلموا عليه

ليله…..بابتسامه قلبي يا ناس

عشري….بابتيامه قرب منها وباسها بحب ايه الاخبار

ليله….كله تمام تحت السيطره متقلقش

ماريز…..عقبال ما نفرح بيك انت والمجنونه دي قريب

عشري…..دعواتك بقي

ايه…..بقولكم ايه عشري جاب اكل تعالوا كلوا قبل ما اكل كله.

ماريز…..تعبت نفسك ليه بس يا عشري

عشري….تعب ايه بس يلا كلوا الاكل سخن اكيد جعتوا

سلمي….هو بصراحه رشيد مظبطنا عصاير و مخبوزات بس انا عن نفسي جوعت

امنيه…..بلا مطبخ بلا بتاع بقي و سعوا

نعيمه….تصدق بالله انت راجل مفيش زيك انا هموت من الجوع

ليله….بضحك اه يا كلاب شوفتوا الاكل نسيتوا نفسكم

نعيمه…..لا ما تحنا مش مكن انا اتهديت

ليله….عجبك كده يا بلطجي لسه قدامنا شغل كتير

عشري…..يعني الشغل هيطير تعالي يلا كلي انتي كمان و بعدين كملوا

ليله….انت ايه اللي جابك صحيح

عشري…..بضحك تاني هو كل ما تشوفي وشي تقوليلي ايه اللي جابك

ليله….بضحك مسكت وشه بأيدها يا ناس بموت فيه

ماريز…..يابت احترميني انتي و هو انا قاعده قدامكم

عشري….بضحك انا مالي هي اللي باستني

ليله….هو حلو ليكي يا ست زوزو رايحه جايه تبوسي في سي حماده

ماريز….بضحك خلاص سكت

نعيمه….ما كان من الاول لازم تسكتك

ماريز….اعمل ايه مش هعرف اخد معاها حق ولا باطل لسانها طويل
يلا انت كنان واقف ليه

عشري….لا ما انا مش هاكل انا كلت سبقتكم

ليله…..بجد مش هتاكل

عشري….كلت والله انا قولت اجي ابص عليكم كده و اجيبلكم اكل عشان اكيد جعتوا

ليله……هو انت رايح في اي حته

عشري….اه انا عندي مشوار لمدينه نصر رايح لميدو وسلامه ولا زم امشي

ليله….طب خليك شويه انت لحقت

عشري….عايز اخلص والله وليد كان عندي الصبح علي فكره جابلي كل حاجه

ليله….بابتيامه اه ما انا عرفت ده اول اوردر بينكم المهم الحاجه عجبتك

عشري….صراحه اه كله زي الفل و خلص معايا و راح بقي هو علي المزرعه

امنيه….تسلم ايدك يا عشري الاكل حلو اوي

عشري….بالف هنا قولولي محتاجين اي حاجه قبل ما امشي

ماريز…..تسلم ايدك يارب

عشري….الله يسلمك يا زوزو هما راجعين امته ايمي و رشيد

ماريز…..و الله ما اعرف رشيد قال لنا يقرب هيكلمنا

عشري….طيب تمام

ليله…..مش هشوفك تاني

عشري….لو خلصت كل حاجه هكلمك

ليله….ماشي يا بلطجي

عشري…..يابت اسكتي شويه

ليله….بضحك ماشي يا قلبي حلو كده

عشري….بضحكه جميله حلو كده يلا سلام عليكم و ربنا معاكم

الجميه….عليكم السلام

خرجت ليله معاه علي الجنينه توصلوا وهي بتاكل

عشري…..ادخلي هتبردي الجو برد

ليله….لابسه متقلقش

عشري….بضحك مد ايده مسح مناخيرها بتاكلي بمناخيرك

ليله….بضحك لا انا حره

عشري…ماشي يا ستي هكلمك اما اخلص و اشوفك

ليله…..ماشي يا قلبي بحبك يا بلطجي

عشري…..و انا بموت فيكي يا قلب البلطجي

ليله…..بحب باي

عشري….باي يلا علي جوه

ليله….طب امشي يلا انت الاول

عشري….بابتسامه سلام

ليله…..سلام

دهلت جوه و هي مبسوطه خلصوا اكل وبعدين قاموا كملوا و ظبطوا كل حاجه و كل مكان يخلصوا يقفلوا وراهم و البيت بقي مش ناقصه حاجه.

وصل رشيد و ايمي و حبس ايمي في العربيه و ركن بعيد شويه عن الجنينه عشان متشوفش اي حاجه وكان معاهم كمان اوبر لان الحاجه كانت كتير اوي بصت من الشباك

ايمي…..بضحك طيب باصه واحده

رشيد….ولا ربع بصه

ايمي…..طب انت كده هتحبسني هات المفتاح

رشيد…..لا خليكي جوه.

خرج البنات علي الباب و فضلوا يضحكوا عليها فتح شنط العربيه كان معاهم كميه شنط كتير اوي بقوا ياخدوا منه البنات و يدخلوا علي جنب و كل ما تيجي تنزل يقفلها و بعدين اخر ما زهق راح وقف جنب الباب و هي بتضحك من جوه.

خدوا البنات الحاجه كلها و خدوا من الكنبه كل حاجه و خدوا من سواق الاوبر كل حاجه و بعدين مشي السواق

رشيد…..ليله هكلمك بقي و اقولك علي الحاجه اللي هتخليها بره في البار بتاع الجنينه

ليله….ماشي انتوا هتروحوا فين ؟

رشيد….هوصلها علي المطعم و ممكن ارجعلكم

ليله….طيب تمام.

مشيوا و خلصوا البنات كل حاجه و ملوا الثلاجات و المطبخ و كل حاجه بره في الجنينه و جوه.

و بعدين فرشوا السراير لان كلهم هيبقوا مشغولين تاني يوم اللي هو الجمعه لان في حنه عند ايمي في بيتهم و السبت هيبقي كتب الكتاب فا قرروا يقفلوا الشقه و يسيبوها مفروشه و جاهزه.

و بعدين قفلوا كل حاجه و مشيوا.

قابلت ليله عشري راحلها عند البيت.

عشري…..خلصتوا كل حاجه

ليله….وخلصنا والله يا عشري

عشري….شكلك مرهق

ليله….مقعدناش لحظه والله بس بصراحه البيت بقي يجنن لما خلص

عشري….عقبال بيتك يا عروسه

ليله….بابتسامه يارب قولي بقي انت هتعمل ايه تاني

عشري….ولا حاجه هروح ارتاح

ليله….امونه و البنات هيجوا بكره الحنه

عشري….انا قولتلهم و ايمي و زوزو عرفت انهم كلموهم قالوا هيروحوا

ليله…..انا كمان كلمتهم و قالوا هيجوا

عشري….خلاص بكره لو كده هوصلهم انا و عسان نبقي علي نور عارف انها حنه و جو بنات بس لو لمحتك في صوره او لابسه حاجه كده او كده هقطعك

ليله….بابتسامه محمود قال هيقفل سور الجنينه كله عشان محدش فينا يبان

عشري….امممم طيب و محمود هيبقي فين ان شاء الله

ليله….بضحك لا متقلقش هو و حماده مش هيبقوا موجودين بقولك حنه بنات

عشري……ماشي هنشوف

ليله……ماشي يا سيدي يلا امشي بقي

عشري….بضحك خلاص خدتي مصلحتك

ليله….اه شوفتك عاجبك ولا لا

عشري…..عاجبني يا ستي يلا اطلعي

ليله….ماشي بحبك

عشري…..وانا بحبك يلا اول ما اوصل هقولك

ليله….اوك يا بلطجي انزلي يلا افتحلي الباب

عشري….بضحك ايه يابت مالك شغال عندك ولا ايه

ليله….ايه مش هفتح طب مش نازله

عشري…بضحك وماله خلينا ولا اقولك يلا تعالي اخطفك

ليله….بضحك لا استني خلاص يا مجنون

عشري….كان من الاول يلا علي تحت

ليله…..طب مش هتفتح

ضحك عشري و بص قدامه

عشري….انتي عايزه ايه مني

ليله….بدلع الله مش انت بتفتحلي العربيه علي طول وبعدين بتوصلني كمان لحد الاسانسير

عشري…..حاضر يا ستي عيوني

نزل عشري بهدوء و راح فتحلها و نزلها و بعدين مسك كفها وراح علي الاسانسير داس علي الزرزا و استنوا ينزل.

ثواني و دخل نور جار ليله.

نور….بابتسامه مساء الخير اهلاً استاذ عشري اخبارك ايه

عشري….حبيبي زي الفل انت عامل ايه

نور…..كله تمام اخبارك يا انسه ليله

ليله….بابتسامه الحمد لله بخير ايه ده هو انت تعرف عشري

بص نور لعشري و ابتسم بص عشري علي جنب و هو بيهرش في راسه و رافع حاجبه.

نور…..اااا اه اعرفوا طبعاً

ليله….بابتسامه منين

عشري….اااا يعني اتقابلنا كده مره

ليله….امته ده

عشري….اااا يعني ساعت موضوع العربيه و اللي حصل كده

نور….بصحك هو واضح اني عكيت الدنيا

عشري…..بضحك يعني شويه

ليله….لا هو في ايه فهموني

نور….بضحك طيب بما اني عكيت الدتيا فا خليني اكمل كلامي بقي صراحه استاذ عشري جالي هو وقريبه فوق بعد اللي حصل في العربيات تاني يوم علي طول و صمم ان هو يصلح العربيه مكنتش موافق و قولتلوا انها بسيطه يعني و كده فا هو مرضيش و قالي خلاص هبعتك مكان هيعملوا معاك واجب كبير وانا الحقيقه روحت و لما خلصت العربيه حبيت اعرف الحساب بس صاحب مركز الصيانه قالي ان استاذ عشري قالوا مياخدش مني حاجه خالص و اكد علينا و طبعاً انا اتصلت عليه و حاولت كتير اعرف منه بس هو رفض و بصراحه هو شخص محترم و ذوق و انا والله اتشرفت بمعرفتك جداً

بصت ليله لعشري و هي مبتسمه و مصدومه.

عشري….حبيبي انت اخويا الصغير ده شرف ليا المهم العربيه تمام

نور….زي الفل

عشري…..الحمد لله

نور….اااا طيب الاسانسير وصل طالعين

عشري…..بسرعه رد لا اطلع انت يلا

نور…..طيب تمام يومكم جميل سلام يا انسه يا ليله

ليله….سلام

قفل الباب و طلع بصت ليله بابتسامه استغراب و هي بتشاور علي الاسانسير

ليله…..ايه ده اللي سمعتوا

ابتسم عشري وعمل نفسه عبيط و بص بعيد

ليله….لا بصلي هنا

عشري….عايزه ايه ؟

ليله….انت بجد جيت هنا و طلعت لنور و عملت كل ده من غير ما تقولي

عشري…..اااا يعني

ليله…..بابتسامه هو انت مجنون ليه عملت كده

عشري….عشان متبقيش مضايقه و عشان متحسيش بالذنب من طريقتك معاه لما كنتي متعصبه بس هي دي كل الحكايه

ليله….بابتسامه جميله طب ليه مقولتليش

عشري…..عشان الموضوع مش مستاهل يا قلبي موضوع بسيط و خلصتوا اصلا انا نسيته و فكرتك عرفتي منه او قابلتيه

ليله….انا مشفتهوش من وقت اللي حصل اصلاً

عشري…..طيب كويس و اديكي عرفتي

ليله…..عشري انت اه بلطجي و ماشرد و لسانك طويل و مسجل خطر بس انا بموت و بحبك اوي و ربنا يخليك ليا

عشري….بضحكه جميله ايه ده كل ده عشان عملت عربيته ده علي كده كسري عربيات الجيران كلها بقي

ليله….بضحك بحبك يا مجنون

عشري…..وانا كنان يا قلب المجنون يلا اطلعي الاسانسير نزل اهو

ليله…..ماشي ماتجيب بوسه

عشري….بضحك نعقل عشان في كاميرات

ليله….بضحك بوسه مؤدبه

عشري…..بضحك لا علي فوق

ليله….بوسه صغننه طيب

عشري…..بحب شد الاسانسير و دخلها و خطف بوسه من شفايفها و قفل الباب بسرعه

فتح ليله تاني بسرعه

ليله…..دي كانت صغننه خالص يا بلطجي

عشري….بضحك علي فوووووق

ضحكت ليله و طلعت.

و انتهي اليوم بكل سعاده و جه يوم الجمعه كان بيعدي بسرعه و في المساء و صل الجميع علي بيت اهل ايمي اجواء الحنه كانت تجنن و كان نعاهم فرقه بنات متخصصين للحنه وبس.

و كانت ليله في انتظار حماتها و زوجات اخوات عشري و نجود و البنات زوجات فضل.

كانوا لابسين لبس ماشي مع الاجواء

بدأوا اجوائهم مع الفرقه و كانت ايمي كل شويه تبدل في اللبس

و شويه بسيطه و صل عشري و فضل و عدي اخوهم الصغير بالعربيات معاهم كل الستات

اتصل علي ليله و راحت وقفت جنب الباب من جوه عشان تستقبلهم و يبدأوا اجواء يوم حنه يجنن بكل تفاصيلوا

وللحديث بقيه……