لقاء كارثي
لقاء كارثي 108
لقاء كارثي
أميره أسامه
صاحبة البطل الواحد
. البارت المئه 108.
………………………
اتصلت سلمي علي حسان تطمن علي علا …
حسان….ايوه يا سلمي
سلمي….ايه يا حبيبي طمني علا عامله ايه ؟
حسان…..تعبانه اوي يا سلمي خرجت من العمليات بعد ما حصلها نزيف شديد معاها دكاتره كتير و هي الوقت في الرعايه سايبينها تحت الملاحظه
سلمي….طيب ليه كل ده ؟
حسان….الدكتور الاستشاري قال تمزق في الرحم هو اللي عمل النزيف ده و كمان عندها سيوله هي لحد الوقت كويسه بس مش هينقلوها من الرعايه الا لما حالتها تستقر
سلمي…..ان شاء الله خير هتخرج بالسلامه و تبقي كويسه طيب البيبي كويسه
حسان…..هي كمان تعبانه و في الحضانه النفس عندها مش مظبوط خالص ادعيلهم تعدي علي خير
سلمي…..هتعدي والله ان شاء الله يخرجوا بالسلامه
حسان…..سلمي اوعي تغلطي قدام هنا لو عرفت هتبقي عايزه تروح تشوف البيبي و مش هينفع الوقت خالص
سلمي….لا طبعاً متقلقش انا منبهه علي ايه و تامر و بابا و حتي البنات
حسان….احسن كده بردوا معلش يا سلمي هنا هتفضل معاكي شويه انا كنت فاكر الوضع هيبقي افضل من كده يعني يوم او اتنين بالكتير
سلمي….متقولش كده يا حسان هزعل منك بجد انا مبسوطه انها معايا يارب حتي تفضل علي طول هي هتفضل معايا لحد ما علا تقوم علي رجلها وتبقي كويسه
حسان…..انا قولت اجرب اول يوم و لو تمام الدنيا اخدها بس من بدري العمال شغالين و صوت التكسير عالي و الدنيا متدمره حرفياً هنا لو خدتها فعلا هتتعب مني في الجو ده والبهدله دي
سلمي…وانا مش هخليك تاخدها اصلا هي هتفضل معايا لحد ما مامتها تاخدها مني اطلع انت منها خالص و شيل هم هنا من دماغك
حسان….ربنا يخليكي ليا يا سلمي
سلمي….و يخليك ليا يا حبيبي طيب قولي هي علا معاها حد و لا شادي بس
حسان…..هو اتصل علي اخوه و اختها انتي عارفه ان اخوه يبقي جوز اختها صح
سلمي…اه عارفه
حسان…. ايوه لما نزفت اتصل عليهم و هو خدها ونزل علي طول و لحقوه علي المستشفي بس مامتها سافرت و متعرفش اي حاجه
سلمي….طيب كويس ان في حد معاها هي مامت شادي عايشه
حسان….اه بس هي كبيره و مريضه قلب و اخو شادي و اخت علا قاعدين معاها اصلا في نفس البيت مبيقدروش يسيبوها لوحدها و الوقت اخت علا هتروح لانها سابت ولادها نايمين وحماتها متقدرش عليهم اصلا شادي هيفضل معاها
