لقاء كارثي

تقي…..اوووف ماشي لما اشوف اخرتها

فتحت الباب و نزلت كان الهواء جامد اوي و شعرها عمال يطير قفلت الچاكت و ربعت ايدها

لف عدي و قرب منها

عدي…..تعالي

راح عند شنطه العربيه و مشيت وراه بهدوء و هي باصه بترقب

عدي……بابتسامه افتحي الشنطه

تقي….نعممممم

عدي…..بضحك ايه في ايه بقولك افتحي الشنطه

تقي…..شنطه ايه اللي افتحها حاطت فيها قتيل و لا ايه

عدي…..بضحك اه حاطت قتيل و عايزك تساعديني عشان نرميه في الصحراء احنا مش صحاب الصاحب ليه عند صاحبه ايه

تقي…..اديك قولت عند صاحبه مش صاحبتن بقولك ايه انا كل مره بقابلك فيها بتحصل مصيبه مره واحد يدبح و احد و مره مطر و زلزال و مره ظاهره كلاب و الوقت جايلي بقتيل لا معطلكش حلوه اوي كده سلام عليكم

عدي….بضحك جري مسكها استني يا مجنونه

تقي…..استني ايه عدي و المصحف انا هخيافه وقلبي بيدق جامد

عدي……بابتسامه بطلي هبل خايفه وانا معاكي

بصت تقي في عينه و اتوترت من كلمته ونبره صوته و نظرته و كفه اللي ماسك ايدها

تقي….اااا احممم طيب تمام خلاص

عدي……. تعالي يلا افتحي كان ماسك في ايده ريموت ال dvd عشان اول ما تفتح يدوس عليه و يشغل اغنيه.

تقي….اعمل ايه؟

عدي……افتحي الشنطه يلا متخافيش

قربت تقي ايدها بهدوء طبعاً العربيه كلها متفيمه ومش باين منها حاجه فتحت براحه و بمجرد ما فتحت الباب علي اخره لقت بلالين كتير بتخرج و بتطير و رفع صوت الاغنيه كان حاطتلها اغنيه لعيد ميلادها البلالين بقت تطير في الجو و في دبدوب كبير علي جنب لوحده و علي الجنب التاني و بوكيه ورد وفي النص تورته صغيره علي شكل قلب و علبه قطيفه صغيره لونها احمر في حضن الدبوب و بوكس لونه احمر متغلف بطريقه تحفه و ورد كتير حوالين الهدايا…

حطت ايدها علي بوئها و فضلت تضحك و هي مصدومه وهو واقف يضحك عليها و يميل براسه شمال و يمين و يبتسم بطريقه تجنن و هي مش مبطله ضحك و عيونها بتلمع

قرب بهدوء الولاعه و ولع الشمعه

كانت مبسوطه جداً و ضربات قلبها مش قادره تسيطر عليها و مكسوفه مش عارفه تقول كلمه فضل يضحك عليها و بعدين وطي صوت الاغاني و بصلها بابتسامه تجنن

عدي…..كل سنه وانتي طيبه

تقي….اااا انت مجنون ايه ده

عدي…..انا قولت بقي كلاكيت رابع مره و ختامها مسك و احتفل بيكي اخر واحد