لقاء كارثي
لقاء كارثي 108
ليله…ميروحش فين العمره؟
عشري….اه
ليله….بتهرج
عشري….والله العظيم اتكلمت معاه شويه حاولت افكوا بس في حاجه غلط ده مش محمود اللي اعرفوا اخويا في حاجه يا ليله
ليله…..متقلقش والله العظيم هيبقي كويس بص انا معرفش ممكن يكون ماله بس ده اكتئاب او ضغط تراكمات ممكن بس والله هو بمجرد ما يروح هناك هيتحسن جدا
عشري….يارب يا ليله محمود والله ملتزم و محترم و بعدين مش بيسيب فرض لو ايه في ايده بيسيبه و يروح يصلي علي طول بيختم المصحف كل شهر مش في رمضان بس يعني محمود ماشاء الله عامل اكتر من ثلاثين عمره
ليله….ماشاء الله
عشري…اه والله يعني دي الخروجه المفضله بالنسباله بمجرد ما ياخد اجازه يحجز و يطلع مع نفسه كده فا فكره انه يرفض الصلاه و يرفض العمره دي كبيره اوي
ليله….ممكن حسد كمان علي فكره الالتزام في حد ذاته ممكن يتحسد فا معلش واحده واحده عليه
عشري…..انا معاه والله براحه و واحده واحده مش هسيبوا غير لما يرجع احسن من الاول
ليله…..هيرجع ان شاء الله
عشري….انا صحيح هنام معاه انهارده مش هطلع البيت
ليله….احسن خليك معاه اقعد كده اتكلم و فكوا شويه يمكن يكون عنده سبب و يحكيه
عشري…اه ما انا هقعد عشان كده و بكره باذن الله بعد الضهر علي طول هنتحرك علي المطار و انا هوصلوا
ليله….يوصل بالسلامه ان شاء الله
عشري….بصي بقي يا ست البنات انا هوصل محمود و مش همشي من المطار غير لما يقولي انه ركب الطياره و كله تمام و بعدها هقابلك عشان نروح نجيب باقي حاجتك تمام
ليله…..حبيبي هلص وارجع ان شوف دنيتك انا هتعامل متقلقش
عشري….انا انهارده مش رايح اقابل التيم بتاع الفرح رايح بكره باذن الله عشان هشوف جزء من الشغل اللي بيتعمل فا انا فاضي و بعدين زهقان باستي و عايز ابقي معاكي ايه ممنوع
ليله…بابتسامه يا باشا تنور الدنيا
عشري….بضحكه جميله طيب قوليلي ظروفك ايه بكره هتخلصي امته مع ريهام
ليله…..بص يا روحي انا هصحي علي 11 كده و هنزل علي 12 هروح ابص علي ايمي و اشوفها لو محتاجه حاجه و بعدين هروح المطعم عشان هقابل ريهام و سلمي علي الساعه اتنين كده هخلص معاها يعني ساعه مثلا او ساعه و نص و بعدين انا فاضيه
عشري….طيب كويس اوي طياره محمود الساعه اربعه كده هتطلع هخلص و امشي علي طول
