لقاء كارثي

ليله……بضحكه جميله انا عايزه اسرق منكم هنا انهارده

حسان….بضحك تسرقيها ازاي

ليله…..هاخدها معايا

حسان….انتي بابنتي مش عندك مشاورير انتي و عشري انا كنت بطمن علي محمود اخوه من شويه قالي انه هيخلص و يقابلك

ليله…..حصل ما انا هسرقها معايا انا وعشري

حسان…..طب بصي يا ست البنات لو بتتصلي يعني عشان تستأذني و الجو ده فا انتي عارفه اني مش هقولك لا بس انتي عندك انتي و عشري مشاوير و اكيد مش هينفع تاخديها و تعطلي نفسك بيها

حسان….لا اطلع منها انا اولا انا رايحه اشتري حجات لنفسي انا يعني لبس شنط حجات زي كده هروح كام محل اعرفهم و بعدين هنروح علي المول في هناك كام محل بردوا بجيب منهم يعني انا مش بلف كتير انا عارفه رايحه فين و بعد كده هنتغدي و مش ورانا اي حاجه اصلا عشري جاي معايا مش عنده مشاوير يعني فا خليك في حالك و لا انت خايف عليها معايا

حسان….بضحك عيب عليكي انا عارف ان انتي و عشري هتحطوها في عنيكم انا مش عايز بس اعطلكم مبقاش عندكم وقت

ليله….خالص والله و علي فكره انا اتصلت بيك عشان الرخمه دي مش راضيه بس انا بصراحه صعبانه عليا تروح معاها العياده و تفضل قاعده مستنيه لحد ما تخلص هتزهق لكن معانا هتتسلي

حسان…..والله يا ليله انا ما عارف اقولكم ايه دربكتلكم الدنيا بس غصب عني اكيد سلمي قالتلك

ليله…..اه عارفه بس انت لا دربكت الدنيا ولا اي حاجه ياعم احنا مصدقنا لاقينا لعبه صغيره نلعب بيها كل واحد فينا ياخدها يتجنن معاها يوم هي تتسلي واحنا نتسلي و نشيل بعض احنا اخوات يا قلب اختك و بعدين انا مش هاخدها لله وللوطن يعني في مصلحه اكيد

حسان…..بضحك خير مصلحه ايه

ليله….بضحك هتكون ايه يعني هتدرب فيها علي الامومه في وجود البلطجي

حسان….بضحك هتتروقي متقلقيش ده كفايه عليكي البلطجي

ليله…..اهو شوفت بقي يبقي اجرب قبل ما البس اعمل في اختك جميله
يعني

حسان……بابتسامه ماشي يا ستي خلاص خديها ربنا يخليكوا ليا يارب

ليله….حبيبي يا حسان

حسان….طيب ممكن بقي تديني هنا اقولها كلمتين

ليله…..لا فكك من الوصايا العشر بتاعت اميمه و قمر لما باخد عيالهم اخرجهم

حسان…..بضحك مش وصايا وصايا يعني شويه تنبيهات كده

ليله…..بضحك لا خليك في حالك هي تعمل اللي هي عيزاه و يلا لو سمحت عشان مش فاضينلك انا وهنا ورانا مشاوير و صياعه