لقاء كارثي

ليله……لا من هنا ورايح متتحمليش يا اوطي من الرصيف عشان هروقك لان انتي محتاجه اعادة برمجه لمخك ده و عشان تبطلي تولعي الدنيا حريقه

نعيمه….بضحك طيب بقولك ايه يا سلمي روحي هاتي البيبي كمان تقعد معاكي و مع اختها عشان مرات حسان سابقا ترتاح و تستعيد صحتها و ليله تتبسط مني

ايمي و سلمي ماتوا من الضحك

ايمي…..احيييييييهه بوتجاز خمسه شعله هو انتي بتنكدي علي البت هو ايه اللي مرات حسان سابقا

ليله….ما قولتلك ربنا يكفيكي شر النسوان الخايبه اللي نعيمه واحده منهم سلمي يلا نمشي عشان والمصحف شيطاني هيطلع يسقف علي وشها الوقت بالاقلام

فضلوا يضحكوا هما الثلاثه علي ليله و بعدين مشيوا .

ايمي…..بصت لنعيمه.

نعيمه….بضحك ايه بتبصيلي كده ليه

ايمي….خدي بالك زودتيها مع ليله

نعيمه….بضحك والمصحف ما اقصد بس انا عارفه ان ليله وراها مشاوير و هم تقوم واخده هي البت

ايمي…..هي لو هتاخدها يا نعيمه هتاخدها بس عشان تشيل من علي سلمي ماهو صعب بصراحه تاخدها في العياده وسط شغلها مش حلوه قدام البنات اللي شغالين معاها و لا هي هتعرف تركز مسؤوليه بصراحه و كمان وجودها مع حسان اصعب فا هي حابه تشيل معاهم حتي لو يوم مش قصه والله لو سابوها ليا هتبسط بس انا واثقه ان ليله مش هترضي تسيبهالي بس عشان منكدبش علي بعض انتي خرفتي كتير معاها هو ايه اللي تستجدع و فاتحه صدرها و دور بطوله دي ليله يا خايبه اللي وقفت مع الغربب قبل القريب يابت و لو هنعد و نفتكر مواقف ليله مش هنخلص و بمناسبه اننا جيبنا سيره توما ليله ساعدته في الزنقه اللي كان فيها عشاني وهي متعرفهوش و شغلت الولد اللي كان عند ايه في المحل و هي بردوا متعرفعوش شغلت كام شاب المطعم بس عشان تساعدهم و علاقتها بيهم كانت عاديه و حجات كتير اظن انتي عرفاها كويس

نعيمه……عارفه من غير ما تقولي واعرف حجات حصلت قدامي انا بس وانتوا متعرفوش عنها حاجه بس والمصحف ما كنت اقصد المعني اللي اتفهم انتي عارفه اني دبش و مضايقه بس علي سلمي و مش حابه انها تعمل حاجه غصب عنها لمجرد انها ترضي حسان

ايمي…..صح بس لو هو اللي طلب او الست اللي طلبت وقتها هنقول كده لكن بصراحه سلمي اللي عرضت مش اكتر

نعيمه……بابتسامه ليله هتطلع عين امي

ايمي…..حقها يا واطيه زعلتي البت منك