لقاء كارثي

ابتسمت تقي و نزلت دموعها بهدوء

عدي……بابتسامه بس كنت هتجنن بعدها لما مبقتيش تردي ندمت اني قولتلك اني هشوفها و هتكلم معاها كنت عايز اوصلك بأي طريقه عشان اقولك اني بكدب و مفيش حد في حياتي كنت عايز اجي و استناكي تحت بس مكنتش لسه اعرف مواعيدك و كنت خايف اعملك مشكله كنت خايف اقابل وليد مكنتش عارف لو سألني هقولوا ايه

طول الكام يوم اللي اختفيتي فيهم دول كنت بصبر نفسي بالسويت شيرت بتاعك و بالريدبول و البسكوت و الشوكلت اللي جيبتيهم كمل بابتسامه تجنن اااه محتفظ بيهم لحد الوقت و السويت شيرت نضفته ورجع زي ما كان و سايبه وسط هدومي ..

ااا اتجننت اكتر لما عرفت انك مش هتبجي الشغل تاني و نسمه اللي هتيجي بدالك لحد ما سافرنا كنت خايف متجيش خصوصا اني سمعت ليله و عشري بيقولوا انك مش راضيه تيجي بس لما جيتي و شوفتك بعد غياب الفرحه اللي كانت جوايا علي قد زعلي منك و من تجاهلك ليا خلتني اعرف اني وقعت بجد لما اتكلمنا في العربيه و اتعصبت و قومت اتصل عليا سليم وقالي تقي بتعيط ليه قومت بسرعه و رجعتلك كنت مضايق من نفسي و من كلامك فهمت ان في حاجه كانت السبب في بعدك ده و فهمت السبب اصلا و اتأكدت انك بعدتي قاصده ده لحد ما اتكلمنا مع بعض هناك يومها يا تقي انتي سألتيني طب ليه كدبت قولتلك اكيد هقولك بعدين كنت لسه حابب اتأكد اكتر من مشاعرك لان انا كنت اتأكدت من مشاعري خلاص

و يمكن لو تفتكري بردوا لما بدأنا لعبه الاستعباط دي و غيره الصحاب و قولتيلي بتاع ايه يعني اقولك انا فين و بعمل ايه و ليه بتعمل كده كنت هقولك ليه يومها بس انتي قولتيلي اسكت و انا واثق انك فهمتي يومها ليه بس مكنتيش مستعده تسمعي و عشان كده كملت في الاستعباط ده

ضحكت تقي من بين دموعها

عدي……بضحكه تجنن كذا مره اقولك عايزه تعرفي ليه تقولي لا و تضحكي كنت حابب اسيبك شويه بس مقدرتش خلاص لعبه الاستعباط دي طلعت كبيره اوي عليا مقدرتش استمر فيها غيرتي من هزار مصطفي مع اني عارفه انه ميقصدش خلتني اتأكد من مشاعري غيرتي من سيرة حدوته اللي كل شويه تتذكر و بتعصبني مع اني عارف علاقتك بيه كمان اكدتلي مشاعري امبارح اتعصبت من الصوره و كنت حاسس اني هموت من الغيره بس لما شوفتك شيلتيها فرحت بس كمان حبيت ارخم عليكي للني كنت مقرر اعملك مفجأه و اجي و اعترف بكل اللي جوايا و قولتلك اني رايح اقابل حبيبتي حسيت بغيرتك و صوتك اللي اتغير و ردك كان علي قد الكلام و الصبح لما صحيتك بردوا مكنتيش طيقاني و قولت لنفسي انت صح اتأكدت و جه الوقت اللي تعترف بيه عشان كده قررت اني اقولك كل اللي في قلبي و اديني اهو معاكي وقولت كل حاجه ممكن تتقال بحبك يا تقي
ضحكت بهدوء و نزلت دموعها