لقاء كارثي

نعيمه….مش بولعها بس معرفش انتوا بتفكر ا ازاي بصراحه اه ممكن اساعد اعمل حاجه كويسه بس متدبسش كذا يوم في طفله و اوقف دنيتي

ايمي….فين دنيتها اللي هتقف بس البنت ماشاء الله عليها هاديه و اهي بتغير جو معاها

نعيمه….ولنا تاخدها معاها العياده كده مش بتوقف دنيتها و لعدين معلش ما كل امهاتنا ولدوا و كان معاهم بدل العيل اتنين وتلاته وعادي يعني متبقاش هي مرتاحه في البيت بعيله صغيره لسه بترضع وسايبه الحمل علي سلمي

ليله….انا مش هرد عشان هرتكب فيها جريمه

سلمي……يا نعيمه افهمي علا لسه تعبانه هي اصلا كانت تعبانه قبل ما تولد بفتره من واحنا في السفريه و لسه مقامتش علي رجليها و مامتها سافرت واختها الله يعينها و حماتها مريضه و متقدرش علي الخدمه و جوزها في النهايه راجل ميقدرش و بعدين هو هيشيل هم علا و لا البيبي الصغيره ولا البيت ولا شغلوا ولا هنا اللي مش بنته

نعيمه…..طيب ما هي مش بنتك انتي كمان يا سلمي

ليله…..يا نعيممممه في حاجه اسمها رحمه انسانيه مساعده لله عادي بتحصل و كلنا بنتعرض لمواقف بنتمني حد يقف معانا فيها

نعيمه….حصل و الموضوع بعيد عن الرحمه والانسانيه خالص انا بتكلم علي الهبله اللي بتقولك ياريت اعرف اخاد اجازه

ايمي….ماهي متش و مش هتعرف الوقت لانها راجعه من اجازه هي بتقول ياريت

ليله….اسمعيني يا نعيمه قبل ما اتعصب عليكي عشان انتي مستفزه بجد لا هو الموضوع ليه علاقه بالرحمه والانسانيه اولا موقف سلمي بعيد عن انه موقف حلو اوي و طلعت جدعه فيه بس كمان هو هيفيدها هي مش عشان حسان يفرح او بتبسط بيها خالص لانها لو معملتش كده مش من حق حسان بزعل لانها مش مجبره بس سلمي كانت حاطه في دماغها حجات و شبطانها مسوحها و حقها بس اللي عملتوا ده غصب عنها هيخلي الافكار دي تطلع منها كمان لما تقرب من علا اكتر هتفهم العلاقه بينها وبين حسان اكتر فا بالتالي مش هتفكر بنفس الطريقه و هترتاح و علاقتها بيهم كلهم هتبقي حلوه جداً دي حاجه الحاجه التانيه الناس للناس يا نعيمه انا بوم ما سافرت و تعبت ربنا وقفلي صيدلي و البنت اللي بتساعدوا و هما ميعرفونيش في الوقت ده انا كنت حاسه بضعف لدرجه اني كان عندي استعداد استنجد باي حد حتي لو غريب و لو البني ادم بيقف جنب غيره من غير مقابل او حتي من غير ما يكون ليه سابق معرفه بيه ربنا بيردهالوا بأي طريقه