لقاء كارثي

حسان….بضحك ماشي يا مجنونه طيب سلمي فين

ليله…اه سلمي ممكن خد اهي معاك

سلمي…..بابتسامه ايه يا حبيبي

حسان….ايه يا قلبي

سلمب….بقولك ايه انا مليش دعوه هي اللي عايزه تاخدها انا مقولتلهاش حاجه

حسان….بضحك لا خليها معاها خلاص بدل ما انا وانتي نتضرب بس هتاخديها ازاي

سلمي….انا هبقي اتصل بيها و هشوف كده او هي تجيبها

ليله……انا هجيبهالك واخلصي انتي وهو ارغوا علي موبايلك خليني امشي عشان الحق اغير قبل ما البلطجي يجي

حسان…..طيب خلاص روحوا يلا وانا هبقي اكلمك تاني

سلمي….ماشي يا عمري يلا باي

حسان….باي

سلمي…..امسكي يا ستي موبايلك هنا تعالي هاتي بوسه

ليله….بسرعه يا هنا مش فاضيين احنا ورانا مشاوير و فسح

هنا….بضحكه جميله حاضر

سلمي….خدي بالك من نفسك و اوعي تبعدي عن لياه وانكل عشري

ليله….بهمس مسموع البلطجي بقي انكل

سلمي….بضحك هقولوا

ليله……بضحك يلا يا هنون اركبي

هنا….باي يا سلمي

سلمي…..باي يا عمري

اتحركت ليله و مشيت سلمي

……….
عند عشري وصل محمود و دخلوا وسلم عليه و فضل قاعد بره في العربيه متابعه و هو بيختم جواز السفر و بيحط الشنط و كل شويه يتصل يشوفوا عمل ايه لحد ما خلص كل حاجه و قعد مستني لحد ما يركب الطياره اتصل عشري عليه.

محمود…..ايه يا حبيبي

عشري…ها طمني

محمود….انا قاعد خلاص مستني بس نروح نركب الطياره

عشري….خلصت و ختمت

محمود…..اه كله تمام

عشري…طيب انا هفضل بره لحد ما اكمن عليك انك ركبت

محمود…..بابتسامه امشي يلا متفضلش واقف كده ولا انت خايف اخرج و مسافرش

عشري….بضحك لا مش للدرجادي اكيد انا عايز اطمن عليك

محمود…..متقلقش انا زي الفل بس بالله عليك ما تفضل قاعد يلا روح

عشري….سيبك مني الوقت مش هتتصل علي رحمه طمنها عليك يا حبيبي عشان خاطري

محمود….زعلتها يا عشري و وجعتها وجيت عليها معقول اتصل اقولها اني في المطار و كأن معرفتها تحصيل حاصل

عشري…..يعني مش احسن ما تروح و متتصلش خالص و بعدين انت عارف انك زعلتها و معترف و هي يا سيدي مش زعلانه و لو اتصلت عليها هتفرح بس بما انك عارف انك وجعتها المفروض متهونش عليك يلا با حبيبي اتصل علي خطيبتك طمنها و راضيها البت بتحبك يا محمود

محمود….حاضر يا اخوي هتصل

عشري…..بجد ولا بتسرح بيا