لقاء كارثي

سلمي….اه والله حسان بيقول انها تعبانه و دخلوها الرعايه عشان حالتها تستقر شكلها تعبانه اوي بيقول الدكتور قال حصلها تمزق في الرحم

ليله….يا ساتر يارب لا حول ولا قوه الا بالله طب ليه بس كده

سلمي….والله ما اعرف يا ليله بس حصلها مضاعافات ربنا يستر و تخرج بالسلامه هي و بنتها

ليله….هي البنوته لسه في الحضانه

سلمي….اه عندها صعوبه في التنفس و اكيد مش هتخرج من الحضانه غير لما تبقي كويسه هي كمان

ليله…..لا إله إلا الله ربنا يخرجهم بالسلامه ان شاء الله سلمي والنبي بالله عليكي اوعي تقولي قدام ايمي اي حاجه و فهمي حسان كده ايمي مينفعش تتوتر خالص او تخاف احنا مش ناقصين هي في فتره حساسه و لازم نبعد عنها اي توتر او خوف

سلمي…..لا متخافيش مش هقولها اكيد و هأكد بردوا علي حسان

ليله….اه والنبي فكره ان هي تعبت وان البنوته دخلت حضانه انا واثقه انها هترعب ايمي خلينا نعدي الفتره دي في هدوء

سلمي…..حاضر والله مش هقول اي حاجه

ليله….ربنا يقومهم كلهم بالسلامه يارب

سلمي…..يارب قوليلي انتي كنتي عايزه حاجه

ليله……اه صح انا كنت عيزاكي بكره تجيلي علي المطعم عشان ريهام اخت سلامه و ميدو هتيجي عايزين نفهمها الشغل ماشي ازاي

سلمي…..هي هتشتغل في المطعم

ليله….اه ايمي مش هينفع تنزل و انا الفتره دي مشغوله و انتي في عيادتك و البنات انتي عارفه مش هينفع

سلمي…..طيب حلو ده بس سلامه و ميدو وافقوا

ليله….بابتسامه عيب عليكي انا كنت معاهم انا و عشري من شويه و اقنعناهم

سلمي…..بابتسامه طب والله جدعه و كويس ان هي هتنزل اهي تغير جو و تفك شويه

ليله……اه بصراحه كنت مضايقه عشانها و كان نفسي اساعدها باي طريقه و الحمد لله ظبطت عقبال بقي ما تظبط و نعرف نفهمها سيستم الشغل و عشان كده عيزاكي معايا

سلمي…..معاكي متقلقيش

ليله….خدي بالك البت مشتغلتش قبل كده يعني لازم نفهمها كل كبيره و صغيره انا هفضل معاها بردوا كام يوم و هتابعها بس بعد كده مش هقدر يعني لازم اسيبها وهي فاهمه كل حاجه

سلمي….متقلقيش خير ان شاء الله انا بردوا هبقي اتابعها معاكي المهم عيزاني الساعه كام انا لازم اروح العياده بكره علي خمسه

ليله…..واحده ونص او اتنين كويس

سلمي….اه كويس اوي

ليله…..خلاص اشوفك بكره يا قلبي