لقاء كارثي

ايمي….. بابتسامه عجبك كده لسانك ده هيبطل يحدف دبش امته

نعيمه….بضحك لا استني بت انتي زعلتي بجد

ليله….بصتلها و قامت وقفت لا ازعل ليه اتعودت علي الدبش بس انا جدعه غصب عنك يا نعيمه و مش عشان يتقال عني جدعه عشان مبعرفش اشوف حد محتاجني و ممدش ايدي لو اقدر

ايمي…..بصت لليله و ابتسمت بحبك وانتي مطرقعاها بالادب

نعيمه….بضحك لا يا شيخه

ليله…..سيبها ما هو الخايب كده و ربنا يكفيكي شر النسوان الخايبه اللي زي نعيمه كده بوء علي الفاضي تتفهم غلط بكلمه بس هقول ايه صاحبك علي عيبه

نعيمه…..بضحك ماشي يا جدعه روحي يلا يا اختي فسحي البت و ابقي هاتيها لسلمي بليل تحمي و تأكل و تنيم و تاخد دورها هي كمان في الجدعنه وتقوم بدور البيبي سيتر

سلمي…..بضحك اهي نعيمه بعد دقيقتين لو اتصلت عليها انا او ليله نقولها الحقينا هتيجي جري بعد الدبش ده كله

ليله….ما قولتلك دي بوء علي الفاضي كلمه واحده تخلي اللي قدامها يشوفها وحشه و سوده وسوسه و قاسيه وهي مفيش اهبل منها خدي بالك يا نعيمه ودين الله لو انا معرفكيش او لو حد غيرك سمعني الجملتين الخايبين دول كان زماني فاشخه الواقع.

ضحكوا كلهم و رنة نعيمه الضحكه

ايمي…..بضحك حقك و الله

نعيمه….بضحك انتي بتكلميني انا كده هترجعيلي بليل و مش هتلاقي غير حضني

ليله…..لا يا روح امك دوري علي غيري بقي يستجدع و يشيل هم و ياخد دور البطوله

نعيمه…..بضحك بقولك ايه متقفشيش علي كلمه انتوا كلكم عليا و مش عارفه افهمكم وجهه نظري و اكيد يعني مقصدش انا محدش في حياتي كلها استجدع معايا قدك

ليله….لا بطلنا خلاص جدعنه مع الخايب

نعيمه…..بضحك والمصحف بحبك

ليله…..حبك برص يلا يا سلمي خلينا نروح المطعم و امشي من وشها قبل ما اروقها بالشبشب

سلمي….بضحك والنبي روقيها عشان حرقت دمي بتقول عليا بيبي سيتر

ايمي….لا سيبوهالي انا هروقها بعد ما تمشوا

نعيمه….بضحك لا ما انا همشي قبل ما تستفردي بيا انتي كمان

ليله….ولا تعبريها دي خايبه والله

نعيمه….بضحك خلاص يا ستي انا اسفه ليكم انتوا صح اقولكم هاتوا البت هروح انا وهي نتفسح و نخربها

سلمي….بضحك لا شكراً مش عايزين

ليله…..ليه اديها دور البطوله يمكن تتعلم الجدعنه

نعيمه…..بضحك يابت اتلمي بقولك بحبك بذمتك حد بيتحمل عصبيتك قدي