لقاء كارثي

مصطفي…..بضحك عقبال ما تستجدع معايا و متنساش اللي وعدتني بيه في موضوع البود كاست

عسال….بضحك اتنيل انت دي لو طلعت فاكره هتبقي غلطت في حق نفسها عشان انت هتخسرها علاقاتها

مصطفي….عيب عليك و الله هشرفكم

حنان…..ربنا يسعدها و يكملها فرحتها علي خير هي و ايمي ربنا يقومها بالسلامه يارب

عسال…..اللهم امين

ريهام…..يارب

سلامه…..بكره ان شاء الله هاخدك و نروح علي المطعم هي هتروح علي هناك هتعرفك علي التيم و هتفهمك الشغل و قالتلي انها مش هتسيبك علي قد ما تقدر الفتره دي بس خدي بالك فتحي دماغك معاها لان هي بكتيرها اوي يومين تلاته معاكي بعد كده هتضغط و هتتشغل في تجهيز فرحها و هتاخد اجازه حوالي عشر ايام اسبوعين بعد الفرح

ريهام…..ولا يومين ولا تلاته هي بس بكره تفهمني كل حاجه و بعد كده تشوف دنيتها و لو احتاجتها هبقي معاها بالتليفون

سلامه….اما نشوف حماسك ده مبشر بالخير يارب بس ميبقاش حماس البدايات

ريهام…..لا ده حماس بدايات و نهايات متقلقش انت

سلامه….ماشي يا ستي هنشوف

ريهام….انا بحبكم اوي ربنا يخليكم ليا

سلامه…..بضحكه جميله و احنا بنحبك اكتر

عسال…..ربنا معاكي و يوفقك و اشوفك ديما ناجحه

ريهام….حبيبي يا ميدو

حنان….ربنا يسعدكم و يخليكم لبعض يا حبايبي

سلامه….يارب يا امي يلا انا هقوم بقي عشان فاصل علي الاخر

عسال….وانا كنان تصبحوا علي خير

الجميع….وانت من اهلوا

سلامه….يلا يا استاذه انتي كمان متسهريش عندك بكره مقابله عمل

ريهام…..بضحك لا براحه عليا متصدمتيش كده بدل ما احس اني مهمه و اتغر عليكم

سلامه….بضحك لا ياستي انتي مهمه اوي كمان واتغري براحتك

ريهام….بابتسامه هروح اجهز لبسي و هنام

سلامه….ماشي يا ستي

ريهام…..ماما تعالي اختاري معايا اللبس والنبي

حنان….بابتسامه يلا تعالي

ضحكوا عليها و اتبسطوا لفرحتها اوي مكانوش متوقعين ان الموضوع هيفرق معاها كده.

…………….

اتصلت ليله علي سلمي بعد ما خدت شاور ..

سلمي…..ايوه يا لولي

ليله…..كويس انك صاحيه لسه

سلمي…..لا صاحبه مستنيه حسان بروح و اطمن عليه

ليله…..ليه هو فين كده ؟

سلمي…..عند علا في المستشفي

ليله…..هي مخرجتش كل ده

سلمي….لا خرجت و رجعت تاني دي نزفت و دخلت عمليات مره تانيه

ليله…..ده بجد