لقاء كارثي
لقاء كارثي 108
عدي…..ما انا هبقي صاحي من بدري قولتلك خليني اصحيكي بدل ما تروح عليكي نومه
تقي…..ان شاء الله
عدي….بابتيامه تجنن طيب اصحيكي امته
تقي…..12
عدي….هتلحقي تفطري و تلبسي
تقي…..اه عادي هنزل واحده بقولك
عدي….طيب كويس يبقي 12 هتصل عليكي
تقي….اوك تصبح علي خير
عدي….وانتي من اهل الخير باي
تقي…..باي
قفل عدي و ابتسم و هي قفلت و هي مصدومه جواها حاجه مخلياها مش مصدقاه بس كمان هو حلف كانت هتتجنن و حست انها مخنوقه حبيبته مين دي اللي رايح يشوفها طيب امته وازاي طيب و احساسها من ناحيته و احساسها بقربه منها طيب و غيرته عليها كل ده وهم و تهيؤات مودها قفل في ثانيه و كانت مخنوقه بطريقه فظيعه..
…………….
في منزل سلامه.
رهيام….بسعاده طب احلفوا انكم مش بتكدبوا عليا
سلامه….بضحك يابت بقولك ليله مستنياكي بكره في المطعم هكدب في ايه انا
عسال….بابتسامه انتي عارفه يا ربهام اننا بنخاف عليكي بس لما ليله قالتلنا معترضناش لانك مش هتشتغلي في مكان غريب و لا تحت ايد حد يضايقك او يرخم عليكي
سلامه….المهم هتقدري و هتعرفي ولا بلاش من الاول
ريهام…..بلاش ده ايه هقدر وهعرف و هرفع راسكم و بعدين اختك مش غبيه يا سي سلامه انا بس اعرف نظام الشغل هنفذه بالحرف
حنان….بابتسامه ليله دي طلعت بنت جدعه و بميت راجل مقصرتش والله
ريهام….دي تجنن انا بموت فيها و الله العظيم انا فكرت انها طنشت الموضوع بعد ما اتكلمنا هناك معرفش انه في دماغها
عسال….بضحك صراحه هي اقنعتنا و فارق معاها اوي علي فكره انها تخليكي تشتغلي و تجربي و واثقه فيكي كمان
ريهام….والله العظيم هبقي قد الثقه دي و هرفع راسها هي كمان
سلامه…..اتمني خدي بالك انا واثق ان ليله معملتش كده عشان زي ما قالت موضوع ابمي و موضوع جوازها زي ما قالت انا عارف ان ليله و البنات لو في موقف ضغط زي اللي هنا فيه ده هيقدروا يتصرفوا معارفهم كتير و شبكة علاقتهم كويسه و يقدروا يجيبوا حد ثقه يمسك المكان بس ليله دخلت علينا من الحته دي عشان تقنعنا و انا عملت مصدقها لان بصراحه هي فرصه ليكي و مش حابب ارفض المرادي لاني هبقي مطمن عليكي معاهم ليله عملت كده عشانك
ريهام…..بابتسامه والله العظيم بحبها اوي هي و البنات انا مشوفتش في جدعنتها هي و هما و متقلقش والله العظيم هنفذ كل حاجه بالحرف
