لقاء كارثي

عدي…..بابتسامه و ماله نستناه و نعتذرلوا و نحاسبه كمان يلا اركبي

تقي…..انت بتهرج عدي مش هركب لا و يلا روح شوف انت رايح فين

عدي…..طيب هتركبي بالذوق ولا انزل اركبك بالعافيه

تقي…..اهو اوبر جه لا ذوق ولا عافيه اتكل انت علي الله بقي

فتح عدي الباب و نزل و اول ما لمح سواق اوبر بيركن راح قرب منه واتكلم معاه

تقي…..بصدمه بيعمل ايه المجنون ده عدي عدي

خلص مع السواق و اتحرك بعربيته و قرب منها وهو مبتسم

عدي…..اركبي مشي خلاص

تقي…..هو انت تعبان في دماغك و لا ايه ظروفك

عدي….بضحكه تجنن ما قولتلك عندي خمسه في الميه سليم والباقي ضارب

تقي…..رفعت حاجبها و انا قولتلك عندي واحد في الميه سليم والباقي ضارب و عشان كده همشي و اسيبك باي

مسكها من كفها و سحبها بهدوء.

تقي…..عدي عدي سيب ايدي انت بتعمل ايه يا مجنون

فتح الباب

عدي…..اركبي يلا اركبييي هنفرج الناس علينا

ركبت تقي و هي بصاله بغضب و هو مبتسم باستفزاز ركب و دور العربيه و طلع

عدي…..ركبي الحزام

تقي….مش مركبه حاجه و عايزه افهم ايه الجنان ده

عدي…..جنان ايه انتي مش طالبه اوبر يا ستي اعتبريني اوبر

تقي…..لا ما بطلت عفيتك من انك تبقب السواق بتاعي

عدي…..بضحك احترمي نفسك

تقي……انا مش بهزر واتفضل نزلني

عدي…..هو انتي هبله يا تقي هوصلك طريقي نفس طريقك هتنزلي ليه بقي مخصماني مثلا ولا مش حابه تركبي معايا

تقي….اللهم طولك يا روح يا ابني انت مش عندك مشوار و قولت رايح اشوف حبيبتي

عدي…..حصل بس هوصلك ممكن تبطلي زن بقي عشان عايز اشغل اغاني

بصتلوا تقي بغضب و بعدين ربعت ايدها و بصت علي الطريق فضل ماشي و مكمل طريقه اكتر من ساعه الا ربع وهي ساكته و هو مبتسم و مركز مع الاغاني و بعدين وقف في طريق فاضي خالص و سريع عامل زي طريق السفر بس هو نفسه طريق الجامعه بتاعتها

عدي…..بصلها و ابتسم انزلي

تقي…..بصتلوا انزل فين و وقفت ليه هي العربيه باظت

عدي…..لا مش باظت انا عايزك تنزلي

تقي…..هو ايه اللي عايزني انزل ده انزل فين

عدي…..اكيد يعني مش خاطفك ولا هسيبك في نص الطريق و امشي اخلصيييييي

تقي……بغضب طب ما تزعقش

عدي…..بضحك طب انزلي يلا

تقي…..طب قولي انزل ليه عدي متهرجش انا بخاف من الطريق ده

عدي….بابتسامه بتخافي من الطريق ولا بتخافي مني انزلي بطلي هبل انا معاكي