لقاء كارثي
لقاء كارثي
لقاء كارثي
أميره أسامه
صاحبة البطل الواحد
. البارت المئه 164.
………………………….
“ويرزقكم من حيث لا تحتسبون”
يمكن دي من أكتر الجمل اللي لما نفهم معناها بجد نعرف قد ايه احنا بنستعجل ونقلق على حاجات ربنا بالفعل كاتبها لينا.
احنا طول الوقت بنرسم للحلم طريق واحد ونقنع نفسنا إن لو الطريق ده اتقفل يبقى الحلم ضاع
بنفضل نجري ورا باب معين ونبكي لو اتقفل في وشنا من غير ما نعرف إن يمكن الباب ده عمره ما كان مكتوب لينا من الأساس وإن الخير الحقيقي مستنينا في مكان تاني خالص.
كام مرة حاجة زعلتنا وفي وقتها حسينا إن الدنيا وقفت؟
وبعد سنين اكتشفنا إنها كانت السبب في أجمل حاجة حصلت في حياتنا.
وكام مرة اتمسكنا بحلم معين ولما ما تحققش افتكرنا إننا خسرنا في الوقت اللي ربنا كان بيجهزلنا حاجة أكبر وأحسن وأقرب لقلبنا من اللي كنا بنتمناه.
معنى “من حيث لا تحتسبون”
مش بس رزق في الفلوس الرزق ممكن يكون شخص يدخل حياتك في وقت كنت فاقد فيه الأمل ممكن يكون فرصة جاتلك صدفة وأنت أصلًا ماكنتش بتدور عليها ممكن يكون باب اتفتح بعد ما كل الأبواب اتقفلت وممكن يكون حلم كامل يتحقق من طريق عمرك ما فكرت تمشي فيه.
الغريب إن أجمل الأرزاق غالباً بتجيلنا وإحنا مش مركزين معاها أو من أماكن عمرنا ما توقعناها الحاجة اللي كنا شايفينها عادية جداً تطلع هي نقطة التحول في حياتنا.
والموقف اللي افتكرناه نهاية يطلع هو البداية الحقيقية لكل حاجة حلوة جاية.
عشان كده أوقات كتير ربنا بيأخر عنك اللي نفسك فيه مش عشان يحرمك منه لكن عشان يوصلهولك في الوقت الصح أو بالشكل الأحسن أو من الطريق اللي عمرك ما كنت هتتخيله لأن حساباتنا إحنا مبنية على اللي شايفينه قدامنا لكن تدبير ربنا مبني على كل حاجة إحنا منعرفهاش.
فلو في يوم حسيت إن الطريق اتلغبط أو إن الأحلام بعيدة افتكر إن الرزق مش شرط ييجي من المكان اللي أنت واقف تبصلوا يمكن الخير كله مستنيك في الاتجاه اللي لسه ما بصتش ناحيته ويمكن الحاجة اللي هتغير حياتك كلها تكون دلوقتي موجودة في مكان عمرك ما حسبته ولا خطر على بالك ودي بالضبط حكمة
“ويرزقكم من حيث لا تحتسبون”
……….. ……….
صحيت نعيمه متأخر هي كمان كانت صاحيه مودها مش حلو خالص من مشكلتها مع فضل حاسه بالغيره و الغضب يمكن واثقه فيه بس هي في النهايه ست سمعت بودنها وشافت بعينها فا مشاعرها كانت غصب عنها اقسم وحلف و كانت حاسه انه صادق بس اوقات بيكون غصب عننا لما نصدق اوي بنفسنا خصوصا لو في موقف زي اللي حصل مع فضل ده الموقف كان متركب عليه بالتفصيل و يمكن نعيمه اتغيرت كتير و الكل شهد بتغييرها بس مهما كانت اتغيرت اي شخصيه حتب لو اتغيرت في طباعها بتفضل محتفظه ببعض انفعالاتها خصوصا لو حاجه تمس كرامتها كا ست او حاجه تمس راحتها النفسيه او امانها
