لقاء كارثي

ليله….تعب ايه يا نوجا بس هو انا عندي اغلي منكم بس كلميني عالقمر والحلاوه والابيض اللي هياكل منك حته هتضيعي العمره بتاعت الراجل

نجلاء…..بضحك يابت بطلي قله ادب

ليله….بضحك الله قلبي عليه هيركز في العمره ولا القمر اللي معاه ده

نجلاء….والله مافي قمر غيرك

ليله…..حبيبه قلبي تروحوا وترجعوا بالسلامه يارب و عمره مقبوله و متنسيش تدعيلي كتير انا والبنات

نجلاء….من غير ما تقولي هدعيلكم

نسمه…..بعيد عنهم بكام خطوه ايه يا حبيبي نزلنا خلاص

سليم…..حالا يا عمري هتحرك علي المطار حقك عليا والله في مشوار من الصبح يادوب لسه مخلص كنت ناوي اجيلك و اعماهالك مفجاه بس معرفتش

نسمه…..لا خالص احنا اتفقنا تيحي عالمطار اصلا و بجد لو مش هتقدر خليك متتعبش نفسك

سليم….لا طبعاً فاضي خلاص وعايز اشوفك قبل ما تسافري دول عشر ايام هتوحشني

نسمه….بضحكه جميله خلاص يلا اتحرك و احنا هنتحرك الوقت

سليم…ماشي يا قلبي يلا باي

نسمه….باي يا روحي.

قربت من ليله و سلمت عليها

ليله….بابتسامه وقت حب و صياعه يابت العمره هتضيع

نسمه….بضحك والله ابدا ده بيقولي انه رايح عالمطار

ليله….تروحوا وترجعوا بالسلامه يا قلبي

نسمه…..يارب والمره الجايه تكوني معانا ان شاء الله

ليله….يارب يا نسوم

نزلت نعيمه و هي باين عليها الزعل

ليله…..بابتسامه اهلا حجه نعيمه ايه يا بت القمر و الحلاوه والعبايه اللي هتاكل منك حته دي خليجيه يا ناس ملبستيش ابيض انتي وهي زي نوجا ليه

نجلاء….انا عارفه

نعيمه….لا كده احلي

نسمه…..هو الاحسن ميبقاش ابيض عشان ميشفش بس نوجا بتلعب بديلها

نجلاء…..ديل ايه وانا راحه عمره يا جزمه

ليله…. القمر هيفضل مكشر كده

بصتلها نعيمه و سكتت

نجلاء…اتكلمي معاها يا ليه عشان تعبت قلبي انا وابوها و غلبنا معاها

ليله….والله يا نوجا ما حد قلبوا تعبوا قدي الواد هيتجنن عليها و هي راكبه دماغها

نعيمه….بقولكم ايه اقفلوا بقي الحوار ده خالص خلاص انا و فضل بح مفيش تاني ليله بقولك ايه انا هركب

راحت ركبت و سابتهم

نجلاء…..ليله عشان خاطري و رحمه امك يا شيخه اتكلمي معاها و خلينا نخلص من الحوار ده فضل كلمني و كلم ابوها ميت مره و حكالنا اللي حصل بس هي مش راضيه تفهم

ليله…..سيبها عليا متقلقيش بنتك يا اختي بتحبه و بتموت فيه هي بس غيرانه والموقف مضايقها