لقاء كارثي

تامر….بابتسامه هي طيبه فعلا بس مقعدتش ليه يعني؟

احمد…مش حابب اتقل عليها يا ابني في النهايه بقي ليها بيت وحياه كمان مش حابب احرجها ممكن هي تكون مش قادره تقعد معانا من غير اخواتك كده احسن اهي جنبنا كده كده يعني نشوفها اي وقت وهي كمان تشوفنا اي وقت يلا ادخل انت بس غير و انا هسخنلك الاكل

تامر….بابتيامه ماشي يا حبيبي صحيح شوفت الفديو بتاع فرح نادين وميدو

احمد…. بابتسامه ده مصر كلها شافته بصراحه جميل و هنا يستاهلوا كل خير عقبال ما افرح بيك

تامر….حبيبي ربنا يخليك لينا يلا انا هدخل اخد دش عشان مش قادر والحاجه دي حطها بقي في الثلاجه

احمد….ماشي يا حبيبي

دخل تامر خد دش وغير كان مبسوط اوي انها جات و بتهتم بابوه بس كان مضايق انه مسمعش صوتها و مش لاقي سبب يكلمها عشانه.

خلص و بعدين خرج كل وقعد شويه مع ابوه و شويه ودخل اوضته عشان ينام مسك الموبايل وهو عمال يفرك و مش علي بعضه و بعتلها مسدچ.

تامر…..تسلم ايدك الاكل حلو اوي.

فضل مستني ردها دقيقه اتنين خمسه عشره مفتحتش ولا شافت

ساب الموبايل و هو مضايق حاول ينكشها عشان بكلمها بس هي مردتش فا محبش يبعت تاني

ثواني وردت عليه.

نغم…..شكرا بالف هنا

تامر…..بسعاده صاحيه اكلمك ولا مش فاضيه؟

نغم…بابتسامه انا صاحيه كلمني عادي .

ثواني و كان متصل عليها

ابتسمت و فتحت الخط

نغم….الوو

تامر….اخبارك ايه ؟

نغم…الحمد لله انت عامل ايه

تامر…بخير الحمد لله مكلمتنيش ليه زي ما قولتلك

نغم…اااا هو انت قولتلي اكلمك؟

تامر…اه امبارح وانا بنزلك قدام البيت قولتلك لو نزلتي اي وقت كلميني ولا انتي كنتي نايمه علي نفسك و مركزتيش

نغم….لا لا افتكرت بس يعني كنت فكراك بتقول اي كلام

تامر…. بابتسامه بقول اي كلام يعني برغي في اي حاجه وخلاص

نغم…بضحكه هاديه لا مش قصدي كده والله يعني فكراك بتقول كده عادي مش عايزني بجد اتصل

تامر….وانا لو مش عايزك بجد تتصلي هقولك كده ليه

نغم….بأبتسامه معرفش بقي بس يعني انا قولت لو في حاجه اكيد هتكلمني و انت اصلا متصلتش خالص فا فكرت بتقول يعني كلام عادي

تامر…..لا هو يعني مش لازم يكون في حاجه عشان تتصلي تعرفيني عادي يعني انك تطمنبني عنك ولا ايه

ابتسمت بهدوء قلبها كان بيدق جامد و مبسوطه

تامر….ايه سكتي ليه لازم يكون في حاجه ضروريه؟