لقاء كارثي
لقاء كارثي
ليله…ايوه هو بيتكلم صح انتي اللي راسك ناشفه ودي غلطتنا المفروض مكناش سمعنا كلامك
ايه…..ياستي انتي كمان هتعومي علي عومه احنا واصلين هنا تقريبا واحده ونص وانا تعبت الساعه خمسه
سلامه….يابنتي كانوا هيدوكي علاج هيدوكي حاجه علي الاقل السخونيه مكانتش هتعمل فيكي كده والله يا ليله انا اترعبت مكنتش عارف اتصرف حرارتها غالبا عدت الاربعين لان لما الدكتور جه كانت اربعين وشرطتين
ليله….ومتقوليش يا سلامه والله انت بتهرج
سلامه….والله العظيم عقلي وقف و بعدين هتيجي يعني من زايد انا كنت عايز حد يلحقني
ليله…..والله نص ساعه وكنت هبقي عندك
سلامه…..انا معرفش بقي انا عايز اقولك اللي صحاني و عرفني ان ايه تعبانه ميلو لان انا حطيت راسي سافرت كنت هموت من التعب وهي نامت و ده عمال يهوهو قلقت علي صوته كانت نايمه علي دراعي انا حسيت اني حاطت دراعي علي عين البوتجاز
ليله…..ضمتها يا قلبي انتي بعد الشر عليكي
سلامه….فتحت لميلز من هنا طار عليها و فضل يهوهو ويشم ويلحس فيها عرفت انه كان بيصحيني
ليله….ياعمري حس بيكي
ايه….اه ميلو كده معانا كلنا علي فكره لو اي حد فينا تعب بيعمل كده
سلامه…طيب ايه حاسه انك احسن شويه
ايه…..اه كتير الحراره نزلت خالص و الوجع الي في زوري و ودني خفوا كتير عن الاول بس حاسه ان جسمي متكسر و اقل حركه بتتعبني و بدوخ كتير
ليله….طبيعي الدور اللي خدتيه رخم مع الحراره طبعا مش هتبقي موزونه
سلامه….بس يمكن ربنا عمل كده لان الدكتور كتب لايه علاج جديد للجيوب الانفيه و هي حاسه بفرق واضح و بتقول انه كويس
ايه….بصراحه اه حاسه انه احسن كتير عن اللي كنت باخده
ليله….طيب الحمد لله
سلامه….هي مش بتغير العلاج اصلا بتقولي بقالها حوالي ثلاث سنين زي ما هو
ليله…..بس كان بيريحها
سلامه…ايوه بس الدكتور بيقول انه قديم وفي حجات افضل و الماده الفعاله اللي في الجديد دي احسن
ليله….يطب خلاص لو ريحك اظبطي عليه وبعدين اتعودي بقي علي الاقل كل ست شهور اكشفي وغيري العلاج
ايه….ايوه ما هو سلامه قالي كده
سلامه….انا عايز كمان اعرف لو في حل جذري للحوار ده يعني عمليه او اي حاجه
ليله….الجيوب الانفيه ملهاش عمليات يا سلامه كذا مره روحت معاها و هي بتكشف و سالت انا الدكتور مره قالي نصيحه متعملوش كده لانها مش ناجحه و في دكاتره بتشيل غضاريف و بتتعامل مع الجيوب الانفيه علي انها لحميه فا بتتعب اكتر بعد كده هي عندها ضمور في الجيوب الانفيه مش مجرد حساسيه
