لقاء كارثي

نغم….لا مش لازم بس يعني انت متصلتش برضوا يعني لو كنت حابب تطمن كان المفروض تتصل انت صح

تامر….اممم اه بترديهالي يعني؟

نغم… بضحك لا والله مش قصدي كده

تامر….بضحكه جميله لا بترديهالي

نغم…والله ابداً انت بتقول مش لازم يكون في حاجه ضروريه عشان اتصل بيك ممكن اطمنك عادي فا انا بقولك لو متصلتش وانت حابب تطمن تتصل

تامر…..ماشي هو انتي عندك حق بس اولا انا طول اليوم كنت مشغول كان في شغل كتير ثانياً مكنتش عارف انتي صاحبه او نايمه كمان مكنتش حابب ازعجك

نغم….مفيش ازعاج طبعاً انت تتصل اي وقت كمان انا صاحيه من الساعه اربعه تقريباً و بعدين روحت لبابا عشان ميبقاش لوحده و فضلت قاعده معاه كتير

تامر….بهدوء مستنتيش ليه؟ ااا اقصد لما ارجع و انا كنت نزلت وصلتك

نغم….بابتسامه ااا معرفش يعني انا قعدت كتير و كنت عايزه امشي عشان اسيب بابا براحته لو حابب ينام او يرتاح بس هو قالي هنزل معاكي اوصلك و هروح اقعد عند حماده شويه و كمان لو كنت قعدت انت هترجع تعبان اكيد مش هنزلك تاني

تامر…لا بعد كده لو جيتي استني لحد ما اجي و انا هوصلك ماشي

نغم… بابتسامه حاضر

تامر…..وابقي اتصلي بعد كده ماشي

نغم….بضحكه جميله اوك بس انت كمان اتصل

تامر…ماشي هتصل بس لو متصلتش اتصلي اوقات ببقي مشغول و مش عارف اسيب الشغل

نغم…طي بما انا لو كلمتك هتبقي مشغول

تامر….لا ملكيش دعوه هرد ولو مش عارف برضوا هرد وهقولك شويه واتصل علي الاقل ابقي عارف انك فاضيه او عارفه تردي

نغم…طيب خلاص هبقي اكلمك قولي يومك كان حلو

تامر…بابتسامه هو كان متعب اوي بس حلو انجزت في حجات كتير و انا بصراحه بحب اوي الايام الي بتبقب متعبه بس بقدر انجز فيها بحس ان تعبي مراحش عالفاضي

نغم….طيب الحمد لله انت كده مش هتاخد اجازه تاني بقي صح

تامر….لا انا كده نزلت خلاص لاني منزلتش بقالي فتره طوليه من بعد ما خلصت شقق البنات و بعد الفرح بتاعهم بيومين نزلت يومين كده بس مطولتش ورجعنا سافرنا لفرح نادين فكان لازم ارجع بقي لان الشغل كتر تاني عالشباب و مينفعش اسيبهم بس اكيد هيبقي عندي اجازه

نغم….هو انت ليه اجازتك مش معروفه

تامر…يعني ايه مش معروفه

نغم….يعني مش يوم معين معروف

تامر….لان احنا اربع مهندسين يا نغم غير العمال فا بنبدل كلنا مع بعض يعني في الاساس الشغل بتاعنا مش بيقف خالص يعني مش مثلا الجمعه كلنا اجازه لا الشغل عادي طول الاسبوع بس بنبدل مع بعض مهندسين عمال كده يعني فا اوقات حد ياخد خميس حد جمعه حد سبت حد يحتاج وقت معين وسط الاسبوع كده يعني و لينا في السنه 30 يوم بناخدهم علي مدار السنه يعمي لاي ظرف يحصل فا انا جه عليا وقت ديما كنت بشتغل مكنتش باخد اجازات يعني تقريبا بقالي حوالي اربع سنين مش باخد غير يوم واحد بس في الاسبوع و اوقات السنه بتخلص قبل ما اخلص اجازاتي يمكن السنادي اول مره اخد اجازات كتير كده لان كان في مناسبات كتير بس